دچارچوڤێ بنپێكرنێن دژى ئازادیا راده‌ربرینێ بنپێكرنه‌ك هاته ئه‌نجامدان
ئه‌ڤرۆ نیوز ، نه‌وزاد هلۆرى:
ئه‌ڤرۆ ل هه‌ولێر رێكخراوا ئاشتى و ئازادى ره‌شنڤیسێ راپورتا ئازادیێن راده‌ربرینێ د كوربه‌نده‌كێ دا پێشكێشكر و ل گوره‌ى ئه‌وێ راپورتێ ئه‌ڤ ساله ل هه‌رێما كوردستانێ 145 بنپێكرن هاتینه ئه‌نجامدان و ئه‌ڤرۆ ژى بنپێكرنه‌كا دن هاته ئه‌نجامدان و بویه 146 بنپێكرن .
دڤى واریدا ” عه‌بدوللا خالد ” سه‌رۆكێ رێكخراوا ئاشتى و ئازادى ل كوردستانێ دیاركر كو ئه‌ڤرۆ ئه‌وان ره‌شنڤیسێ راپورتا ئازادیا راده‌ربرینێ ل هه‌رێما كوردستانێ پێشكێشكر و بۆ ئه‌ڤرۆ نیوز گۆت: ( ئه‌ڤرۆ د چارچوڤێ كوربه‌نده‌كێ دا كو تایبه‌ت بو لسه‌ر بنپێكرنێن به‌رامبه‌ر ئازادیێن راده‌ربینێ ل هه‌رێما كوردستانێ هاتینه ئه‌نجامدان ، رێكخراوا ئاشتى و ئازادى راپورتا 11 هه‌یڤێن ئه‌ڤ ساله بو لایه‌نێن شوله‌ژێ به‌لاڤكر)
زێده‌تر گۆت: ( ئه‌ڤ ساله 145 بنپێكرن به‌رامبه‌ر ئازادیێن راده‌ربرینێ ل هه‌رێما كوردستانێ هاتینه ئه‌نجامدان كو پرانیا وان ژى به‌رامبه‌ر رۆژنامه‌ڤان و ده‌زگه‌هێن راگه‌هاندنێ بوون ، و ئه‌ڤرۆ ژى دچارچوڤێ ب رێڤه‌چوونا كوربه‌ندێ دا بنپێكرنه‌كا دن هاته ئه‌نجامدان ئه‌و ژى به‌رامبه‌ر رێكخراوا ستوپ هاته‌كرن و بڤێ یه‌كێ بونه 145 بنپێكرن )
