ئيحسان ئامێدی
سەرۆك بارزانی ل ٢٢ یێ تیرمەها ٢٠٢٥ پەیامەك ئاراستەیی خەلكێ كوردستانێ كر و تێدا دبێژیت:
بناڤێ خودایێ بەخشندە و میهرەبان
سوپاس بۆ گەلێ كوردستانێ، سەرەڕایی هەموو گڤاشتنان وەك هەرجار خۆڕاگر بوون، هوین نموونەیا وەفا و فیداكاریێ نە، شانازییێ ب هەوە دبەم. جارەكا دی سوپاسیا هەوە دكەم.
ب هەمان شێوە سەرۆكی حوكمەتا هەرێما كوردستانێ سوپاسیا خەلكێ كوردستانێ و مووچەخۆران كر و پەسنا وان ب دلسۆزیێ و خۆراگری كر.
ئەوا راستی بیت ئەوا گەلێ كوردستانێ خۆ ل بەرگرتی و نیشادای سەرەرای هەمی گڤاشتن و پەلەماردان و گەفان نیشانا دلسۆزی و وەفاداری و قوربانیدانا مللەتێ یە و جهێ شانازیێ یە و هەژی سوپاسیێ یە، لەوا سەرۆك بارزانی پەسنا وێ نموونەیا وەفاداریێ و فیداكاریێ و خۆراگریێ كریە و سوپاسیا گەلێ كوردستانێ یێ دلسۆز كریە.
گەلێ كوردستانێ ژی سوپاسدارێ سەرۆك بارزانیێ یە ل سەر وێ دلسۆزیێ و خەمخۆریا ل هەمبەر دكەت، كەس وەكو سەرۆك بارزانی دلسۆز و خەمخۆرێ ماف و داخوازێن گەلێ كوردستانێ نینە و هندی بەرێزی خۆ ل دەرد و ژانێن خەلكی ناكەتە خۆدان و رێكێن چارەسەریێ بۆ دابین ناكەت، ژ خودێ خوازین هەر ساخلەم و تەمەن درێژ و سەركەفتی بیت.
هەر كوردپەروەرەك شانازیێ ب گەلێ كوردستانێ دبەت، كوردان خۆیا كریە كو مللەتەك خۆڕاگرن و خۆ ل بەر هەمی هێرش و گڤاشتنان ڕاگرتیە و خۆ نەچەماندی یە، لەوان ماینە و گەشەیێ دكەن.
ئەڤە كوردن و باوەری ب خۆ هەیە و خودان ئیرادەنە، شۆرش و سەرهلدان كرینە، گۆڕی وقوربانی داینە، بووینە پارتی و پێشمەرگە، پێشمەرگە ب خۆدان كرینە و ڤەحەواندینە، خۆ ل بەر هێرشێن لەشكری و تۆپ و فرۆكە و كیمیاباران و ئەنفالان گرتیە، ژنوی ژ گڤاشتنێن ئابووری و مووچەبرینێ و هێرشێن درۆنان ناترسن و پاشڤە نازڤرن.
ئەڤ مللەتێ خۆڕاگر ل گەل سەركردایەتیا خۆ دهەڤگرتینە ژبۆ ژناڤبرنا پیلان و مەرەمێن دوژمنان یێن هەولدەن بێ باوەریێ د ناڤبەرا سەركردایەتیا مللەتی و خەلكی چێكەن و مللەتی بێ هیڤیكەن و خەلكی بێزاركەن.
خەم و دەردین مللەتی گەلەكن هەروەكو گەلەك دیتین ژی و بهیڤینە ب هیمەتا سەرۆك بارزانی دوماهی پی بهێن، ئێدی ئەڤ گەلە ئازاد و بەختەوەر بیت.
مللەتەك هۆسا دلسۆز و خۆڕاگر هەژی سوپاسیێ و رێزلێنانێ یە، هەژی هندێ یە حوكمەت و هێز و لایەنێن سیاسی و ئابووری و دەولەمەند و سەرمایەدار، كو هەمی هێز و رەوایی و دەولەمەندیا خۆ ژ مللەتی وەردگرن، ب هەڤڕا بەرنامەكی دانن نەهێلن ئەڤ مللەتە برسی بیت و بكەڤیتە بن كارتێكرنا گڤاشتنێن دوژمنان و پەریشان و بێزارببیت.
پێكڤە بۆ بلند راگرتنا شكۆ و سەرفرازیا مللەتی.
نيشاندان