هه‌ولێر، قائید میرۆ:
بڕیاره راپۆرته‌كا دی ل دۆر بجهئینانا قانوونا چاكسازیێ بهێته به‌رهه‌ڤكرن و ئه‌ندامه‌كێ لژنا ده‌ستپاكیێ ژی ل په‌رله‌مانێ كوردستانێ دبێژیت: دێ راپۆرتا ڤێجارێ هووركاریێن زێده‌تر ل دۆر پێنگاڤێن چاكسازیێ تێدا هه‌بن.
سه‌عید هه‌ركی، ئه‌ندامێ لژنا ده‌ستپاكیێ ل په‌رله‌مانێ كوردستانێ بۆ رۆژناما ئه‌ڤرۆ دیار كر، ل گوره‌ی قانوونا چاكسازیێ هه‌ر سێ هه‌یڤان جاره‌كێ حوكمه‌تا هه‌رێما كوردستانێ راپۆرته‌كێ ل دۆر بجهئینانا قانوونا چاكسازیێ پێشكێشی په‌رله‌مانێ كوردستانێ دكه‌ت، ئه‌و ژی ل دۆر ئه‌نجامدانا پڕۆسا چاكسازیێ و گۆت: “هه‌تا نوكه دو راپۆرتێن چاكسازیێ گه‌هشتینه په‌رله‌مانێ كوردستانێ، نوكه كار بۆ هنارتنا راپۆرتا سێیێ یا چاكسازیێ بۆ په‌رله‌مانێ كوردستانێ دهێته كرن، كو ئه‌م د وێ باوه‌ریێ داینه دێ ژ هه‌ردو راپۆرتێن به‌ری نوكه یا جودا بیت”.
سه‌عید هه‌ركی گۆتژی: “راپۆرتا ڤێجارێ دێ زێده‌تر هووركاریێن ئه‌نجامدانا چاكسازیێ تێدا هه‌بن، چونكی حوكمه‌ت دخوازیت ئه‌ڤ پێنگاڤێن بۆ بجهئینانا قانوونا چاكسازیێ هاتینه هاڤێتن ب شێوه‌یه‌كێ كریاری بده‌ته په‌رله‌مانی و ل به‌رده‌ستێ خه‌لكێ كوردستانێ هه‌بن، هه‌ر چه‌نده پێشكێشكرنا راپۆرتا سێیێ گیرۆ بوویه و ئه‌گه‌رێن خوه هه‌بووینه، ئه‌م ژی وه‌كو په‌رله‌مانێ كوردستانێ به‌رده‌وام چاڤدێریا بجهئینانا پڕۆسا چاكسازیێ دكه‌ین”.
نيشاندان