ئه‌ڤرۆ، هه‌رهین محه‌مه‌د:
سالانه ل شه‌ڤێن سه‌رێ سالێ هه‌ر هونه‌رمه‌نده‌كی به‌رنامێ خوه یێ تایبه‌ت بۆ گێڕانا ئاهه‌نگان هه‌یه و ئه‌ڤ ساله ژی پتریا هونه‌رمه‌ندان به‌رهه‌ڤیێن خوه بۆ بۆ وێ شه‌ڤێ كرینه.
هونه‌رمه‌ند سه‌میر سه‌دیق بۆ به‌رپه‌رێ هونه‌ری یێ رۆژناما ئه‌ڤرۆ گۆت: بۆ ئاهه‌نگا سه‌رێ سالێ هه‌تا نوكه من چو به‌رنامه و پلان نین كو ئاهه‌نگا شه‌ڤا سه‌رێ سالێ ب گێڕم و هه‌تا نوكه چ جهێن فه‌رمی داخواز ژ من نه‌كریه و من بخوه ژی نه‌ڤیت بچم، چونكو نه‌یێ ئاماده‌مه ، به‌لێ دبیت ل گه‌ل چه‌ند هه‌ڤالێن خوه، یان خێزانا خوه ب روونم د ڤێ شه‌ڤێ دا، به‌لێ ل سالێن بوری من ل شه‌ڤا سه‌رێ سالێ پشكداری د ئاهه‌نگ و به‌رنامێن ته‌له‌ڤزیۆنان دا كریه
سترانبێژ هه‌ڤال زاخۆیی بۆ به‌رپه‌رێ هونه‌ری یێ رۆژناما ئه‌ڤرۆ گۆت: بۆ ئاهه‌نگا سه‌رێ سالێ ل پێنج جهان ل هه‌ولێرێ دێ ئاهه‌نگان گێرم و هه‌ر جهه‌كی ده‌مژمێره‌كێ و دێ نێزیكی پازده سترانان بێژم ب چار زمانان یێن ئه‌ڤینداری و بله‌ز و هه‌كه داخوازی ژی هه‌بن دێ بێژم و بۆ ئاهه‌نگا شه‌ڤا سه‌رێ سالێ بۆ من گه‌له‌ك داخوازی ژ دهۆكێ هاتن، به‌لێ ل سه‌ر پاره‌ی پێك نه‌هاتین و ژ هه‌ولێرێ بۆ دهۆكی َمه‌زاختی دچیت و مۆزیكژه‌ن ژی ل گه‌ل من و هه‌موو تشت ل سه‌ر ئه‌ركێ منه و ژ به‌رڤێ چه‌ندێ پێك نه‌هاتین، شه‌ڤا سه‌رێ سالێ بۆ من رۆژه‌كا خه‌میگینه، چونكو ساله‌كا دی ژ ژیێ مرۆڤی دچیت و هه‌ر د ڤێ هه‌یڤێ ژی دا رۆژا ژدایك بوونا منه.
كه‌سه‌كی ل خوارنگه‌ها چیایێ كوره‌ك نه‌ڤیا ناڤێ خوه دیاركه‌ت بۆ به‌رپه‌رێ هونه‌ری یێ رۆژناما ئه‌ڤرۆ گۆت: د شه‌ڤا سه‌رێ سالێ دا سێ هونه‌رمه‌ند دێ ل خوارنگه‌ها مه سترانان بێژن ژوان هونه‌رمه‌ند ماهر ئه‌مین و هونیا كه‌مال و میرا عه‌لی و هه‌تا نوكه گه‌له‌ك كه‌سان بخوه جه گرتیه دڤێ ئاهه‌نگێ دا پشكداربن.
هه‌ر دیسان ل خارنگه‌ها نملیه ل دهۆكێ ل په‌یچێ خوه یێ ئنستگرامی دا به‌لاڤكریه كو ژ بۆ ئاهه‌نگا سه‌رێ سالا 2022دێ ب مهڤانداریا هونه‌رمه‌ند حه‌سه‌ن شه‌ریف و زانا جه‌به‌لی و حوسێن تورك بن و و هه‌روه‌سا خوارنگه‌ها هرۆر ئه‌ربیل به‌لاڤكریه كو د شه‌ڤا سه‌رێ سالی دا دێ ئاهه‌نگێ گێرن و ب ئاماده‌بوونا هونه‌رمه‌ند كاروان كامل و عه‌مار كوفی و سه‌یران ئوسمان، هه‌روه‌سا هونه‌رمه‌ند رێكێش سه‌یرانی و هه‌لبه‌ستڤان بورهان زێباری دێ ل كه‌یف كافێ ل دهۆكێ ئاهه‌نگا شه‌ڤا سه‌رێ سالێ گێڕن.
نيشاندان