سه‌ره‌كى Authors Posts by naci bedel

naci bedel

15011 POSTS 0 COMMENTS

ئه‌مریكا و تالیبان دێ رێكه‌تنا ئاشتیێ ئیمزا كه‌ن

17/02/2020 12:02

ئه‌ڤرۆ نیوز:

دانوستاندنێن ئه‌مریكا و تالیبان ب دوماهی هاتن و هه‌تا دوماهیا هه‌یڤا شباتێ دێ هه‌ردو لا رێكه‌تنه‌كا ئاشتیێ ئیمزا بكه‌ن.

سوهێل شاهین په‌یڤدارێ مه‌كته‌با سیاسیا بزاڤا تالیبان راگه‌هاند: دانوستاندنێن دناڤبه‌را بزاڤا تالیبان و ئه‌مریكا دوماهی هاتن و هه‌ر دو ئالی تا دوماهیا هه‌یڤا شباتێ رێكه‌تنا ئاشتیێ ئیمزا بكه‌ن.

لگۆری ئاژانسێن نوچه‌یان، كۆ ساله‌كه‌ دانوستاندن دناڤبه‌را ئه‌مریكا و بزاڤا تالیبان ده‌سپێكرینه‌ و پشتی ئیمزكرنا ئه‌وێ ریكه‌تنێ هێزێن ئه‌مریكادێ خۆ ژ ئه‌فغانستانێ ڤه‌كێشن، به‌ریا نها مایك پومپیو وه‌زیرێ ده‌رڤه‌یێ ئه‌مریكا راگه‌هاند بوو كۆ ئه‌مریكا و تالیبان ل ڤان نێزیكان دێ رێكه‌تنا ئاشتیێ ئیمزا كه‌ن.

ل شنگال هه‌ولا بهێزكرنا پێگه‌هێ تیرۆرستێن داعش دهێته‌ دان

17/02/2020 11:33

ئه‌ڤرۆ نیوز، له‌زگین جوقی:

به‌رپرسێ‌ راگه‌هاندنێ‌ لقێ‌ 17 پارتی دیموكراتی كوردستان ل قه‌زا شنگال دیاركركو هه‌ولا بهێزكرنا پێگه‌هێ تیرۆرستێن داعش ل قه‌زا شنگال دهێته‌ دان نوكه‌ ژی پلان ئه‌وه‌ كه‌مپه‌ك لسه‌ر ریێا شنگال بۆ هه‌رێما كوردستانێ‌ بهێته‌ دانان ئه‌ڤه‌ ژی كاریگه‌ریه‌كا خراب ل سه‌ر خه‌لكێ‌ مه‌ كریه‌.

ئیدریس زۆزانی، به‌رپرسێ‌ راگه‌هاندنێ‌ لقێ‌ 17 پارتی دیموكراتی كوردستان ل قه‌زا شنگال دیاركركو ئه‌و لایه‌نیێن سیاسی یێن ناڤ مووسلێ‌ دا به‌رده‌وام هه‌ولده‌ن ئاسته‌نگان بۆ خه‌لكێ‌ شنگال دروست بكه‌ن چونكو وان نه‌ڤیت خه‌لك ڤه‌گه‌ریته‌ شنگال سه‌ر هه‌رێما كوردستانێ‌ ڤه‌ بمینت ژبه‌ر هندێ‌ ئه‌و كار دكه‌ن كه‌مپه‌كێ‌ بۆ زڤرینا خێزانێن داعش ل ده‌ڤه‌را ره‌بیعه‌ و زومار و شنگال دروست بكه‌ن بیگومان هه‌كه‌ رازه‌مه‌ندیا حه‌شدا شه‌عبی و گرۆپێن چه‌كدار نه‌بیت ئه‌ڤ پلانا چێكرنا كه‌مپێ‌ سه‌رناگریت ئه‌و ژی بۆ به‌رژوه‌ندیێن خوه‌ تایبه‌ت پشته‌ڤانیی ڤێ‌ چه‌ندی دكه‌ن.

ناڤهاتی ئه‌وژی ئاشكه‌را كركو هه‌ر به‌رێ‌ نوكه‌ ژی ئه‌ڤ لایه‌ن بوون بازرگانیی ب خێزانێن داعش كرن ناڤبه‌را سوریا و قه‌زا شنگال دا كو چێكرنا كه‌مپه‌كێ‌ ل ده‌ڤه‌را زومار نێزیك شنگال كاریگه‌ریه‌كا زۆر خراب لسه‌ر خه‌لكێ‌ شنگال كریه‌ چونكو ئه‌و داعشن یێن سالا 2014ێ‌ كچ وژن و زارۆیێن ئێزدیان ره‌ڤاندیێن .

وه‌زاره‌تا شه‌هید و ئه‌نفالكریان: دێ 171رۆفاتێن گۆرێن ب كۆم ڤه‌گه‌رینه‌ هه‌رێمێ

17/02/2020 11:23

ئه‌ڤرۆ نیوز:

وه‌زاره‌تا كارۆبارێن شه‌هیدان و ئه‌نفالكریان یا حكومه‌تا هه‌رێما كوردستانێ دێ گۆرێن ب كۆم یێن سه‌ماوه‌ كۆ ل سالا بوری هاتینه‌ دیتن ڤه‌گه‌رینه‌ هه‌رێما كوردستانێ و بهێنه‌ ڤه‌شارتن.

خه‌بات عه‌بدلا راوێژكارێ وه‌زاره‌تا كارۆبارێن شه‌هید و ئه‌نفالكریان یا حوكمه‌تا هه‌رێما كوردستانێ راگه‌هاند: وه‌زاره‌تێ نیازا ئینانا 171 رۆفاتێن گۆره‌كێ ب كۆم یێن سه‌ماوه‌ د چارچوڤه‌یێ ئه‌وان سێ گۆرێن ل هه‌یڤا نیسانا سالا 2019 هاتینه‌ دیتن، ل چه‌ند رۆژێن بهێت د مه‌راسیمه‌كا هه‌ژی ل هه‌رێما كوردستانێ دێ هێنه‌ ڤه‌شارتن، كۆ 97 روفات ژن و 74 زارۆكن.

راوێژكارێ وه‌زاره‌تا كارۆبارێن شه‌هید و ئه‌نفالكریان یا حوكمه‌تا هه‌رێما كوردستانێ راگه‌هاند ژی ژلایێ نوژداریا دادێ ڤه‌ ل به‌غدا سامپلێن هه‌موو هه‌ستیكان هاتینه‌ وه‌رگرتن، بۆ ئه‌نجامدانا پشكنینان، لێ پیدڤی بووحكومه‌تا هه‌رێمێ و وه‌زاره‌تا كارۆبارێن شه‌هید و ئه‌نقالكریان بۆ ته‌مامكرنا پرۆسیسا پشكنینا دی ئێن ئه‌ی نمونه‌یا خوینێ ژ كه‌س و كارێن قوربانیان هاتبا وه‌رگرتن، لێ تانوكه‌ نه‌هاتیه‌كرن.

ناڤبری ئه‌و چه‌نده‌ ژی دا زانین، ب ئه‌گه‌رێ ره‌وشا ئالوزا عیراقێ نه‌شیان دو گورێن دی یێن ب كۆم ڤه‌كه‌ن، لی لگۆری ریپیڤا ئه‌مریكیان ل باشوورێ عیراقی و رۆژئاڤا دناڤبه‌را 3 بۆ 4 گورێن ب كۆم هه‌نه‌، لێ مه‌رج نینه‌ هه‌می گورێن ئه‌نفالكریان بن به‌لێ پشكا زۆرا وان قوربانیێن ئه‌نفالێ نه‌.

خه‌بات عه‌بدلا راوێژكارێ وه‌زاره‌تا كارۆبارێن شه‌هید و ئه‌نقالكریان یا حوكمه‌تا هه‌رێما كوردستانێ گۆت: وه‌زاره‌تا كارۆبارێن شه‌هیدان و ئه‌نفالكریان پشكدار بوویه‌ ل تیما نیشتمانی یا ڤه‌كرنا گۆرێن ب كۆم ل به‌غدا، ب ئه‌گه‌رێ ره‌وشا عیراقێ و دووراتی و چولیا جهێ گۆرێن ب كۆم رێگر بوون ژ ڤه‌كرنا گورێن دی.

سه‌رۆك كۆمارێ ئیرانێ: ل بن چ گه‌فان دانوستاندنێ ناكه‌ین

17/02/2020 10:33

ئه‌ڤرۆ نیوز:

سه‌رۆك كۆمارێ ئیرانێ راگه‌هاند: تاران ل بن گه‌فان دانوستاندنێ ل گه‌ل ئه‌مریكا دا ناكه‌ت، رۆلێ ئیرانێ گرنگه‌ بۆ بده‌ستڤه‌ئینانا ئاشتیێ ل رۆژهه‌لاتا ناڤین.

حه‌سه‌ن روحانی سه‌رۆك كۆمارێ ئیرانێ راگه‌هاند: ئیران ل بن چ گه‌فان دانوستاندنێ ناكه‌ت، خو راده‌ست ناكه‌ین، ژ به‌ر فشار و گه‌فێن ئه‌مریكا، ژ بێهێزیێ دانوستاندنان ژی ناكه‌ین.

رۆحانی ئه‌و چه‌نده‌ ژی راگه‌هاند: سیاسه‌تا سه‌پاندنا توندی و فشاران بۆ سه‌ر ئیرانێ دێ شكه‌ستنێ ئینیت و دوژمنێن مه‌ باش دزانن فشاران چ مفا تێدا نینه‌.

سه‌رۆك كۆمارێ ئیرانێ دازانین بده‌ستڤه‌ ئینانا ئاشتیێ ل رۆژهه‌لاتا ناڤین بێ هه‌ڤكاریا ئیرانێ دروست نابیت.

پیشانگه‌هه‌كا شێوه‌كاری ل سه‌ر ئاستێ‌ عیراقێ‌ دێ‌ ل دهۆكێ‌ هێته‌ ڤه‌كرن.

هونه‌ر

17/02/2020 10:15

ئه‌ڤرۆ نیۆز، هه‌رهین محه‌مه‌د.

ژبزاڤ و چالاكێن سه‌ندیكا هونه‌رمه‌ندێن كوردستانێ‌ لقێ‌ دهۆك و ب هه‌ڤكاری ل گه‌ل ده‌زگه‌هێ‌ (هه‌واجز) یێ‌ ره‌وشه‌نبیری و هونه‌ری ل عیراقێ‌ دێ‌ رابن ب ڤه‌كرنا پیشانگه‌هه‌كا شێوه‌كاری بۆ پتر ژ پێنجی هونه‌رمه‌ندان ل سه‌ر ئاستێ‌ عیراقێ‌ ل رێكه‌فتی 27/2/2020 ل هۆلا شێوه‌كاری ل گه‌له‌ریا دهۆكێ‌ دێ‌ هێته‌ ڤه‌كرن.

بێوار باجلۆری، سه‌رۆكێ‌ ناڤه‌ندا شێوه‌كاری ل سه‌ندیكا هونه‌رمه‌ندێن كوردستانێ‌ لقێ‌ دهۆك بۆ ئه‌ڤرۆ نیۆز گۆت: مه‌ره‌م ژ ڤه‌كرنا ڤان جوره‌ پیشانگه‌هان ئه‌وه‌ لێك نێزیك بوونه‌ك چێبیت دناڤبه‌را هونه‌رمه‌ندێن كوردو عه‌ره‌ب دا و كارێن ئێك بینن و دا كو بۆ وان یا دیار بیت ئه‌م كورد ژ هه‌موو لاێن ژیانێ‌ ڤه‌ خوه‌ دگونجینین و ئه‌ڤه‌ دبیته‌ پیشانگه‌ها دوێ‌ ئه‌ڤ ده‌زگه‌هه‌ ل باژێرێ‌ دهۆكێ‌ ڤه‌ دكه‌ت.

رێكخراوا ساخله‌میا جیهانێ: ل رۆژهه‌لاتا ناڤین ژی ڤایرۆسێ كورونا سه‌رهلدایه‌

17/02/2020 10:11

180

ئه‌ڤرۆ نیوز:

رێكخراوا ساخله‌میا جیهانی هژمارا تووشبویێن ڤایرۆسێ كورونا ل وه‌لاتێن رۆژهه‌لاتا ناڤه‌راست ئاشكراكر.

د راگه‌هاندنه‌كێ دا رێكخراوا ساخله‌میا جیهانی به‌لاڤكریه‌ هه‌تا رۆژا 16/2/2020 نه‌ه كه‌س ل رۆژهه‌لاتا ناڤین تووشی ئه‌وی ڤایرۆسی بوون.

رێكخراوا ناڤبری دیاركر كۆ سێ كه‌س ل ئیماراتی هاتنه‌ چاره‌سه‌ركرن ژ نه‌خوشخانی ده‌ركه‌تن، ل دوماهیا سالا بوری ڤایرۆسێ كورونا كۆ ژ مرۆڤه‌كی بۆ مرۆڤه‌كێ دی دئێته‌ ڤه‌گۆهاستن بۆ جارا ئێكێ ل باژێرێ وهان په‌یدا بوو،

لگۆری ئه‌وان ئامارین چین به‌لاڤ دكه‌ت ده‌ردكه‌ڤیت تووشبوویێن ب ڤایرۆسێ كورونا زیده‌بوویه‌ و گه‌هشتیه‌ 70 هه‌زار 551 كه‌سان و حاله‌ته‌ك ژی ل مسرێ هاتیه‌ تووماركرن، هژمارا كه‌سین مری بڤێ ڤایرۆسێ هه‌تا نوكه‌ گه‌هشتیه‌ هزار و 775 كه‌سان، ل چینێ چاره‌سه‌ریا 10 هه‌زار و 969 تووشبویێن كورونا كرینه‌ .

دێ‌ ده‌ست ب به‌لاڤكرنا دوو ملیۆن دیناران ل سه‌ر رزگاربوویان هێته‌ كرن

17/02/2020 09:45

دهۆك، له‌زگین جوقی

به‌رپرسێ‌ نڤیسینگه‌ها رزگاركرنا ره‌ڤاندیێن ئێزدی دیاركركو ل ڤان نیزیكا دێ‌ ده‌ست ب به‌لاڤكرنا دوو ملیۆن دیناری ل سه‌ر رزگاربوویێن بن ده‌ستێ تیرۆرستێن داعش هێته‌ كرن”.

حسین كورو قاییدی، به‌رپرسێ‌ نڤیسینگه‌ها رزگاركرنا ره‌ڤاندیێن ئێزدی بۆ ئه‌ڤرۆ نیوز دیاركركو ل ده‌مه‌كێ‌ نێزیكدا قوناغا دوویێ‌ یا به‌لاڤكرنا دوو ملیۆن دیناری دی ده‌ست پێ‌ كه‌ت لسه‌ر وان كه‌سێن بن ده‌ستێ‌ تیرۆرستێن داعش هاتینه‌ رزگاركرن كو هه‌تا نوكه‌ سیێ‌ هزار و528 كه‌سین ئێزدی ژبن ده‌ستێ‌ تیرۆرستێن داعش رزگاربووینه‌ ژوانا ژی به‌رێ‌ نوكه‌ 850 كه‌سان مینحه‌ دوو ملیۆن دیناری وه‌رگرتینه‌ نوكه‌ دێ‌ جاره‌كا دێ‌ ده‌ست به‌لاڤكرنا ڤێ‌ مینحی هێته‌ كرن لسه‌ر رزگاربوویێان.

ئاشكه‌را كركو چاڤه‌رینه‌ ل نێزیك ده‌ست ب قوناغا دوویێ‌ یا هاریكاریا مینحه‌ دوو ملیۆن دیناری بهێته‌ كرن كو ل جینوسایدا شنگال 6417 كه‌سێن ئێزدی هاتبوونه‌ گرتن و ره‌ڤاندن هه‌ر ژده‌ستپێكی هه‌تا نوكه‌ سێ هزار و 528 كه‌س رزگاربوینه‌ ژوانا ژی هزار و 199 ژن بووینه‌ ویێن دیتر زه‌لام و زارۆك بووینه‌ هه‌تا نوكه‌ دوو هزار و 900 ره‌ڤاندیێن ئێزدی بن ده‌ستێ‌ تیرۆرستێن داعش دا ماینه‌ “.

پشتی پێنچ سالان دوباره‌ كار د دروست كرنا شوقان دا هاته‌ كرن

17/02/2020 09:39

1508

ئه‌ڤرۆ نیوز،عه‌لی حاجی :

د داخویانیه‌كێ‌ دا خودانێ‌ كۆمپانیا راد بۆ ئه‌ڤرۆ نیوز دیار كر پشتی زێده‌تری پێنچ سالان راوه‌ستیان ل سه‌ر شوققه‌یێن سه‌ن ستی یا ئاكنجی بوونێ‌ بریاره‌ ل رۆژا شه‌مبیا داهاتی كار ل سه‌ر دروستكرنا وان شوققه‌یان بهێته‌ كرن .

زێده‌تر محه‌مه‌د نه‌وروزی گۆت: پشتی ل سالا 2013 گرێبه‌سته‌ك دگه‌ل ده‌سته‌كا كارگێریا یانا زاخۆ و دگه‌ل هونه‌رمه‌ند ئیبراهیم تاتلیس هاتیه‌ ئیمزا كرن ل دور دروست كرنا شوققه‌یێن سه‌ن ستی به‌لێ‌ نوكه‌ دا ئه‌و شوققه‌یه‌ به‌ر ب كۆمپانیا راد كه‌ڤتینه‌ و پشتی چه‌ندین هه‌ولان دگه‌ل یانا زاخۆ و لایه‌نێن په‌یوه‌ندیدار ل دوماهیێ‌ ئه‌م گه‌هشتینه‌ رێكه‌ڤتنا دوماهیێ‌ و بریاره‌ ل رۆژا شه‌مبیا داهاتی ب شێوه‌یه‌كێ‌ فه‌رمی ده‌ست ب دروست كرنا 1132 شووقه‌ و 30 جهێن بازرگانی ل تاخێ‌ شوققا ل زاخۆ بهێته‌ كرن و ل گوره‌ی رێكه‌ڤتنا دناڤبه‌را مه‌ دا ژ سه‌رجه‌مێ‌ وان 1132 شوققه‌یان 160 شوققه‌ به‌ر ب یانا زاخۆ دكه‌ڤن داكو ئه‌و ژی بشێن مفایێ‌ ژێ‌ ببینن ل پێخه‌مه‌تی یانێ‌ دا .

ل دوماهیێ‌ گۆت ژی : پشتی ده‌ست ب كاربونێ‌ ل سه‌ر پرۆژه‌یێ‌ سه‌ن ستی یێ‌ ئاكنجی بوونێ‌ هه‌تا راده‌یه‌كێ‌ باش دێ‌ ده‌لیڤێن كاری ل به‌رده‌م سه‌دان گه‌نجان هێنه‌ ڤه‌ كرن و ئه‌ڤ پرۆژه‌یه‌ ب پشته‌ڤانی و هاریكاریا حكومه‌تا هه‌رێما كوردستانێ‌ دێ‌ به‌رده‌وام بیت و ئارمانجا مه‌ ئه‌وه‌ ئه‌م ب رژدی كار ل سه‌ر ئاڤاكرنا ڤی پرۆژه‌یی بكه‌ین دا كو بكه‌ڤیته‌ د خزمه‌تا وه‌لاتیان دا.

دوماهی ئامارێن حكومه‌تا چینێ ل سه‌ر كورونا

16/02/2020 13:08

730

ئه‌ڤرۆ نیوز:

ئه‌ڤرۆ حكومه‌تا چینێ ئاماره‌كا نوو یا نه‌خوشێن كورونایێ راگه‌هاند.

لگۆری ئه‌وێ ئامارێ هژمارا ئه‌و كه‌سین مرین ب ئه‌گه‌رێ ڤایرۆسێ كورونا بلند بوویه‌ بۆ هه‌زار و 669 كه‌سان، كه‌سێن تووشبویی ب ڤایرۆسێ كورونا بۆ 79 هه‌زار و 268 كه‌سان بلند بوویه‌.

دهی زیده‌تری 140 كه‌سان گیانێ خو ژ ده‌ست دایه‌ و زێده‌تری 2 هزار كه‌سین دی تووشی ئه‌ڤێ ڤایرۆسی بوون.

هه‌روه‌سا دهی كه‌سی ئیكێ یێ توشبوی ب نه‌خوشیا ڤایرۆشێ كورونا ل فه‌ره‌نسا گیانێ خو ژ ده‌ستدا.

حكومه‌تا مسرێ ژی راگه‌هاند ئێكه‌م كه‌س ل مسرێ كۆ كه‌سه‌كێ بیانی بۆ تووشی ڤایرۆسێ كورونا بوویه‌.

ئاواره‌ و په‌نابه‌ر ژ سه‌رمایا زڤستانێ‌ هاتینه‌ پاراستن

16/02/2020 12:53

ئه‌ڤرۆ نیۆز، ئه‌میر ئه‌ترووشی

به‌رپرسێ‌ راگه‌هاندنا بۆردێ‌ كارۆبارێن مرۆڤایه‌تی ل پارێزگه‌ها دهۆكێ‌ ئه‌و ده‌نگۆیه‌ ره‌تكرن د ڤێ‌ سه‌رمایا زڤستانێ‌ دا هیچ ئاواره‌ و په‌نابه‌ره‌كی ژ سه‌رمادا گیانێ‌ خوه‌ ژ ده‌ست دابیت و ئاشكرا كر كو به‌ری هاتنا سارمایێ‌ به‌رهه‌ڤی هاتبوونه‌ كرن و ئاواره‌ و په‌نابه‌ر هاتبوونه‌ پاراستن.

سالم سه‌عید، به‌رپرسێ‌ راگه‌هاندنا بۆردێ‌ كارۆبارێن مرۆڤایه‌تی ل پارێزگه‌ها دهۆكێ‌ بۆ ئه‌ڤرۆ نیۆز دیار كر، د سۆشیال میدیایێ‌ دا و هنده‌ك ده‌زگه‌هێن راگه‌هاندنێ‌ دا هۆسا به‌لاڤببوو كو د ڤێ‌ سه‌رمایا حه‌فتیا بۆری دا ب سه‌ر پارێزگه‌ها دهۆكێ‌ دا هاتی، هنده‌ك په‌نابه‌ر یان ئاواره‌یان ژ سه‌رمادا گیانێ‌ خوه‌ ژ ده‌ست دایه‌، به‌لێ‌ ئه‌م دووپات دكه‌ین كو چو راستی بۆ وان ئاخفتنان نینن و ب تنێ‌ گۆتگۆتكن و به‌ری هاتنا به‌فرێ‌ و سه‌رمایێ‌ هه‌موو به‌رهه‌ڤیێن سڕ و سارمایێ‌ هاتبوونه‌ كرن.

ئاشكرا ژی كر كو ب دوو قۆناغان نه‌فتا سپی ل سه‌ر ئاواره‌یان هاتبوو دابه‌شكرن و خیڤه‌تێن هه‌موو ئاواره‌یان هاتبوونه‌ گوهۆرین و 480 دۆلار بۆ هه‌ر خێزانه‌كا په‌نابه‌ر و 200 دۆلار بۆ هه‌ر خێزانه‌كا ئاواره‌ هاتبوونه‌ دان بۆ هندێ‌ بشێن وه‌رزێ‌ زڤستانێ‌ ب سلامه‌تی ده‌ربازبكه‌ن.

نيشاندان 1...1,000 1,4301,4311,432...1,502 زێده‌تر

لاپه‌ر 1,431 ژ 1,502