ئەڤرۆ نیوز،عەلی حاجی :

د داخویانیەکێ دا بەرپرسێ نڤێسینگەها زاخۆ یێ دەزگایێ خێرخوازیێ بارزانی بۆ ئەڤرۆ نیوز ئاشکەرا کر د بەردەوامیا هاریکاریێن بۆ خودان پێدڤیێن تایبەت ل حەفتیا بوری دا شیان هەژمارەکا ئامیرەیان بەلاڤ بکەن.

زێدەتر محەمەد مەهدی گۆت: ل حەفتیا بوری دا شیان ١١ کورسیێن خودان پێدڤیێن تایبەت ل سەر وێ تەخێ ل زاخۆ بەلاڤ بکەن د بەردەوامیا پرۆژەیێ هاریکاری کرنا کێم ئەندامان ب رێیا دەزگایێ بارزانی و بۆ قوناغەکا دیتر ل هەیڤا بهێت دا د بەرنامەیێ وان دایە نێزیکی ٢٠ ئامیرەیێن دیتر ل سەر خودان پێدڤیێن تایبەت ل زاخۆ بەلاڤ بکە.  گوت ژی: ئەڤ هاریکاری یە دێ د بەردەوام بن ژلایێ دەزگایێ بارزانی ڤە نەبتنێ ل زاخۆ بەلکو ل پرانیا باژارێن کوردستانێ ژبەر وێ تاخێ پێدڤی ب پشتەڤانیەکا باش هەیە داکو بشێن ژیانا خوە بەردەوام بکەن.

ئه‌ڤرۆنیوز،بارزان مزووری:

موقه‌دم به‌یار بالكی،په‌یڤدارێ به‌رگریا شارستانی یا قه‌زا سوران بۆ ئه‌ڤرۆ نیوز گۆت: د سالا 2019 ل توخیبێ‌ به‌رگریا شارستانی ل قه‌زا سوران زێده‌تری 50  ترۆمبێلێن جوراو جور تایبه‌ت یێن مودێلێن وان كه‌ڤن سوتینه‌ ژ ئه‌گه‌رێ‌ خرابیا كوالیتا بنزینێ‌.

ناڤهاتی خویاكر هه‌موو ژوان ترۆمبێلێن ئاگربه‌ربوویێ ب فیت په‌مپ بوویه‌‌ ژبه‌ر دوو ئه‌گه‌ران ژ خه‌مساریا شوفێران ده‌مێ‌ فیت په‌مپ د سوژیت ب شێوه‌یه‌كێ‌ دروست نه‌گرێدایه‌ ژلایێ‌ كه‌سێن نه‌ شه‌هره‌زا ، دیسان ئه‌و بنزینا دهێت فرۆتن كوالیتا وێ‌ یا خراپ بوویه‌ بویه‌ ئه‌گه‌رێ‌ سوتنا ترۆمبێلێ.

ناڤهاتی گۆت:دناڤ وان روودانێن سوتنا ترۆمبێلا كه‌سه‌كی‌ گیانێ‌ خۆ ژ ده‌ست نه‌دایه‌ بتنێ‌ زیانێن مادی بوینه‌، تیمێن مه‌ یێن به‌رگری شارستانی و هاتن و چوون به‌رده‌وام رێنمایا ده‌نه‌ شوفێرا به‌لێ‌ شوفێر یێ‌ خه‌مساره‌ وان رێنمایا ناوه‌رگریت پێدڤیه‌ به‌ری شوفێر هه‌ست ب هاژوتنا ترۆمبێلێ‌ بكه‌ت بیر ژ بكارئینانا رێنمایا بكه‌ت دا تووشی چ روودانێن نه‌چاڤه‌رێ‌ كری نه‌بیت.

ناڤهاتی زێده‌تر گۆت:د ئه‌ڤ سال ل سنورێ‌ به‌رگریا شارستانی ل سنورێن مه‌ چ روودانێن جوراو جور دروست نه‌بوینه‌ بتنێ‌ ژبه‌ر بارانێ‌ و به‌فرێ‌ و ئاخێ‌ رێك هات بوون گرتن ئه‌وژی ژلایێ‌ تیمێن مه‌ و رامالینا به‌فرێ‌ هاتینه‌ ڤه‌كرن و پاقژكرن .

ئەڤرۆ نیوز ، مەحمود نهێلی:

ژ ئەگەرێ بارینا بەفرەکا زۆر ل دێرەلۆکێ کەپرێن ئاسنی یێن دو مارکێتان هەرفتن و زیانێن مالی گەهشتنێ.

برقی دێرەلۆکی خودانێ دوکانا فروتنا پەرۆکان بۆ ئەڤرۆ نیوز دیار کر، کو دوکانێن وی یێن زیان گەهشتینێ چارن و ئاسنێ کەپرا وان یا ژلایێ دەرڤە خوە ل بەر بەفرێ نەگرتیە و شکەستیە و کەپر هەموو دگەل کەپرا مارکێتا هەڤسویێ وی کو دوودوکانن هەرفتینە.

ناڤهاتی دیار ژی کر، زیانێن بتنێ گەهشتینە ئاڤاهیێ مارکێتێن وان و زیان ب کەل و پەلێن دناڤ دا نەگەهشتینە.

نەزار سیتەی ئاکنجیێ ناحیا دێرەلۆک بو ئەڤرۆ نیوز دیار کر کو ژ ئەنجامێ بارینا بەفرێ زیان گەهشتینە هاولاتیان و گۆت: کەپرا ناڤ حەوشا مالا مە ژ ئەنجامێ بەفرێ هەرفتیە.