دهۆك، هەرهین محەمەد:

دڤان چەند رۆژێن بوری دا ماموستایەكێ‌ باژێری َدهۆكێ‌ دەست ب هەوەكا پاقژكرنێ‌ كریە دناڤ ژینگەها كوردستانێ‌ و لدووڤ گوتنێن ئەوی كو رۆژانە هەتا شەش دەمژێران كاردكەت و گلێشی دكەتە كیسكێن مەزن و دانیتە سەرجادا سەرەكی و هندەك جاران ژی ل گەل خۆ دئینت و دهاڤێتە دحاویێن گلێشی دا.

سەدیق جەلالەدین گەنجەكێ‌ باژێرێ‌ دهۆكێ‌ یە ئەڤە بۆ چەند رۆژە رابوویە ب هەوەكا پاقژكرنا سرۆشتێ‌ كوردستانێ‌ و دیدارەكێ‌ دا بۆ بەرپەرێ‌ گەنجان یێ‌ رۆژنامەیا ئەڤرۆ گۆت هزرا ئەڤی پرۆژەی بۆ من ژ هندێ‌ هات ئەم چووینە سەیرانا قوتابخانێ‌ مە قوتابی برن و چو جه نەبوون ئەم لێ‌ برینە خوارێ‌ هندی یا پیس بوو ژ گلێشی و پشتی بوویە بهێن ڤەدان من وەسا هزركر رابم ب پاقژكرنا ژینگەهێ‌ و لدەستپێكا ئەڤی پرۆژەی ئەز بتنێ‌ بووم و پشتی ل سوشیال میدیایێ‌ دا دەركەفتیم گەلەك كەسان ئەز دیتم و دەست خوە شی ل من و كارێ من كرو كەیفا وان گەلەك هات و هێدی هێدی گەنج یێن دهێنە ل گەل من بۆ ڤی كاری و پشت راستم ئەم دێ‌ بینە گروپەكێ‌ گەلەك باش ژ بۆ سەرئێخستن و پاقژییا ژینگەهێ‌ و دبینم ژی دەستەكێ‌ بتنێ‌ دەنگ ژێ‌ ناهێت رۆژ بۆ رۆژێ‌ گەنج یێ‌ پەیوەندیێ‌ ب من دكەن ژ بۆ پشكداری كرن دئەڤی پرۆژەی دا.
ئەو چەندەژی گۆت: رۆژانە هەتا هەتا شەش دەمژمێران كاردكەم ل جهەكێ‌ گەشت و گوزاری و ئەو كیسكێن ئەز دادگرم ژ گلێشی ددانمە سەرجادەیا سەرەكی و دەمێ كارمەندێن باژێرڤانیێ‌ دهێن دا كو كار بۆ وان یێ‌ بساناهی بیت و تورمبێلا من ژی یا چكە هەتا چار كیسكن گلێشی دچنە تێدا دئنم دهاڤێژمە دحاویێت گلێشی دا و هەكە تورمبێلا من یا مەزن با دا رۆژانە هەموو گلێشی ل گەل خۆ ئینم هاڤێمە دحاوییان دا .
زێدەتر گۆت: ل دەستپێكا من ل گەل ئەڤی پرۆژەی كەسێ‌ هاریكاری و پشتەڤانی ل من نەكر، بەلێ‌ پشتی دسوشیال میدیایێ‌ دا دەنگڤەدای جەنابێ‌ پارێزگارێ دهۆكێ‌ و لقێ‌ ئێك یێ‌ پارتی دیموكراتی كوردستان رێڤەبەریا گشتی یا پەروەردا دهۆكێ‌ و مالا لاوان هەماهەنگی لگەل رێكخراوێن ئێن جی ئو و هەموویان پشتەڤانیا خۆ بۆ من دیاركر و گوتی دبەرهەڤین دێ‌ ل گەل تە كاركەین و دپلانا مەدایە د ئەڤێ‌ هەوێ‌ دا ل سەرانسەری پارێزگەها دهۆكێ‌ كاربكەین و دپلانا من دایە سەرەدانا ئیدارەیا سەربەخۆیا زاخۆ و قەزا ئامێدیێ‌ بكەین و یا من دڤێت بێژم ئەو كەسێ‌ دچیتە دناڤ ژینگەها كوردستانێ‌ دا هەكە پاقژنەكەت بلا پیسژی نەكەت و هەكە هەركەسەك گلێشێ خوە بكەتە دناڤ كیسكەكی دا و ل گەل خوە بیتە مال، یان بدانیتە سەر جادەیا سەرەكی چو جاران ژینگەها مە پیس نابیت و چونكو هەبوونا ئەڤی گلێشی ل سرۆشتی زیانێن خوە هەنە و پتریا وان ژی پلاستیكن بۆ دەمەكێ‌ درێژ دمیین و ژناڤ ناچن.

دلـشـاد عەبدوللا:

كوڕەکێ 24 سالی بۆ رۆژنامەیا ئەڤرۆ گۆت: هەڤالەکێ من شەڤێ ب رێکا تێلەفونێ گەل من ئاخفت و گوتە من سوبەهی ترومبێلا خو دێ ئینم و تو ژی وەرە هاری من ئەم دێ جینە مەزرەعا مە دێ هندەک تشتا ئینین .

(ک.ع) ئەو کوڕێ ٢٤ سالیە گۆت: (دەمێ ئەز ل گەل هەڤالێ خۆ چویم ئەم نزیکی دەمژمێرەکێ ماینە ب رێڤە پشتی گەهشتین ئەوى ڤیا سەر دەرگەهى را بچیتە ژور من گوتێ تو بوچی دەرگەهی ڤەناکەی؟ گوتە من من کلیلێن خانی یێن ژبیر کری، مە گەلەگ تشت بار کرن، پشتى هینگێ پەنجەرە شکاند و چو ژورڤە تێلەڤزیون و هندەک ئامیرێت کەهرەبێ و مەحفیر ئینان پشتى هینگێ ئەم زڤرین و ئەز گەهاندمە مال و ئەو چو.
ڤێ کوری د بەردەوامیا ئاخفتنێن خۆدا گوت: (پشتى پێنچ روژا ئەس هاتمە گرتن ل سەر تاوانا دزیێ، من نەزانی کو ئەو کەل و پەل یێن وان نینن و ئەوى دڤیا ب دزیت و ئەز ژى کرمە هەڤالێ خو مخابن هەڤالێ من درەو ل من کر و ئەز سەردا برم و تووش کرم).
چارەسەرى

برایێ هێژا: مخابن هەڤالێن باش و باوەریێ ل ڤی سەردەمی زور د کێمن، لەورا د هەلبژارتنا هەڤالان دا دفێت مرۆڤ یێ هشیار بیت و دڤێت مروڤ بزانیت کیژ هەڤال باشە و کیژ خرابە و بزانیت دێ چاوا سەرەدەریی ل گەل کەت و ئەو کەسێن ب ڤی رەنگی نابێژنێ هەڤال و دڤێت مرۆڤ تێکەلیا وان بهێلیت،
هندەک هەڤال وەکى دیروکێ نە، نە دووبارە دبن و نە دهێنە ژبیر کرن، لەورا دڤێت مروڤى هەڤالەکێ وەسا هەبیت کو د روژێن خوش و نەخوش دا ل گەل مرۆڤى بیت، گرنگ نینە مرۆڤ سەد هەڤالا د سالەکێ دا بنیاسیت لێ یا گرنگ ئەوە هەڤالەکێ بو سەد سالان بنیاسیت.