ئێدی نەشێم وەكو بەرێ ل سەر شاشێ دەستان بقوتم
بێوار حەمدی:
عەبدولعەزیزخەیات، پێشكێشكارێ بەرنامەیێن فولكلۆری، د دیدارەكێ دا بۆ رۆژناما ئەڤرۆ گۆت: پێشكێشكرنا بەرنامەیێن فولكلۆری وەكو هەموو كارێن دی پیشەیە، هەر چەندە پێشكێشكار دزۆرن، بەلێ هەبوونا پێزانینان و بەگرەوەندێ ئێكێ ژیێ دی یێ جوودایە.
هەروەسا گۆت: من پتری (30) سالێن خزمەتێ دناڤ دەزگەهێن راگەهاندنێ دا هەنە، هەر ژ بەرنامێ كۆچك و دیوانان و هەتا نوكە و ئەز دبینم خەلك حەزژ ڤان جۆرە بەرنامان دكەن و بەردەوام دزێدەبوونێ دانە و ب چو رەنگان دلێ وان ژێ سارنەبووینە، بەلێ ب مخابنی ڤە پشتی ڤان سالێن خزمەتێ هەكە ئەز نوكە بمینمە بێكار دەستێن خوە هەژینم، چنكو هەتا نوكە چو خزمەت بۆ من نەهاتیە كرن و هەر چو نەبیت داهاتەكێ بەردەوام بۆ من هاتبا تەرخانكرن كو نەهاتبا بڕین، ژبەركو ئەز ژی یێ مەزن بوویم و نەشێم ئێدی وەكو بەرێ ل سەر شاشێ دەستان ب قوتم.
