موسا خالد:

د دیدارەکێ دا راهێنەرا لەشجوانیێ نیهاد سلیمان کچکا ئێزدی و خەلکا شنگالێ بۆ رۆژنامەیا ئەڤرۆ گوت: دەرچوویا پەیمانگەهێ مە پشتی ئاوارەبووی ل ناحیا خانکێ دەستبکارێ راهێنەریێ کریە نوکە ل هوله‌كا لەشجوانیێ یا ئافرەتان کاردکەم، من باوەڕناما جورێ c یاهەی و خودان باوەرناما گرنگیدانا هزری یا یوگایێ مە، ئەڤە پترە ژ پێنچ ساله‌ کارێ راهێنەریا لەشجوانیێ دكەم پتریا وەرزشا من سەر کارکری یوگا ژی بوو هەم وەک رونشتێن ئارامکرنا دەروونی چونکی هەر چ وەرزشەک بیت ئارامیە بۆ مرۆڤی و ساخلەمیا مرۆڤی دیسان زورترین ئافرەتێن لەشجوانیێ دکەن حەسدکەن خودان لەشەکێ رێك و پێکبن ئانکو فتنس، ل دەستپێکێ یارێزانێن کچ ل خانکێ د كێمبوون لێ پشتی بورینا چەند هەێڤان ئافرەتان باشتر گرنگێ دا ب ڤێ وەرزشێ و د نوكه‌ دا رێژەیەکا باش یاریزانان من هەنە.
ناڤهات گوت: نوکە دا ئافرەت و کچ بەر ب هولێن لەشجوانیڤه دهێن چونکێ بەشەک ژ یاریزانان هەنە نەخوشن ب راوێژکاریا دكتوری داخوازکریە راهێنانێن سروشتی وەربگرن زور ژن هەنە ب راهێنانا یوگایی ژی چارەسەردبن بەشەک ژی هەنە ب راهێنانێن دی دهێنە چارەسەکرن، وەکۆ ناسناڤ ئەڤ سالە د پلان دایە پشكداری قاره‌مانیان بم بشێم وەکو کچکا ئێزدی ناسناڤەکێ بلند دەستخوڤە بینم، هەتا نوکه من ئارمانج هەیە باشتر یارێزانێن کچێن ئێزدی بینم پێش، ئه‌و جورێن راهێنانان دكه‌ین ژوانا ئیروبیك، كاردیو،زومبا، ئەز بخوە راهێنەر و یاریزانا یوگایێ ژی بووم، ئەڤ جۆرێ راهێنانێ زور دەم و هوشیاری پێدڤێت چ کور یان ئافرەت،
دیسا نیهاد سلێمان گوت: ب دیتنا من وەرزشا لەشجوانیێ گەلەک گرنگ و فەرە بۆ هەر کەسەکێ کۆ پڤێت بیتە خودان تەندروست و دەرونەکێ باش، فەرە رۆژانە هەر جورە وەرزشەکی تیدا شارەزا بکەت، تایبەت ئافرەت چونکە ژبەر جڤاكی دا كچ و ژن گەلەك دەکەتن بۆ وان نینه بوارێ وه‌رزشێ ل مالا خۆدا ژی بکەن وەرزشی یا باشە، راستی ئەز زور خوش دبم ب شێوەیەکێ گشتی کچ دەما چاڤ ل ئیک دو دکەن وه‌رزشێ دكەن و گرنگە ب خوه‌ دبەن داکو ل داهاتی دا وەرزش بیتە رێکەك بۆ ساخلەمیا وان د نوکەو پا

عەلی حاجی:
بۆ جارا ئێکێ د دیروکا خوە دا تیما باسکێت بۆلا لاوێن یانه‌یا زاخۆ ب فه‌رمی بوونه‌ قاره‌مانێن خولا نایابا ئیراقێ پشتی رێزا ئێكێ ل سه‌ر لیستا خولێ هاتین ب نه‌هـ سه‌ركه‌ڤتنان.
ل دور ڤێ ناسناڤی هشیار شەهباز سکرتێرێ یانه‌یا زاخۆ بۆ رۆژناما ئەڤرۆ گۆت: وەکو دەستەیا کارگێریێ ل دەستپێکا خولا ئیراقێ پلانا وان ئەو بوو تیما لاوان رێزێن دەستپێکی یێن خولێ بیت، ژبەر هندێ ژی مە پشتەڤانیەکا باش ل وێ تیمێ کر، باسکێت بۆلا زاخۆ قوتابخانەیە بۆ یانه‌یێ ژبەرکو پشتی چوونا چەند یاریزانان هندەکێن دیتر هاتن، د پاشەرۆژێ ژی دا هندەک یاریزانێن دیتر ژی د ئامادەنە ببنە ستێر ل یانه‌یا زاخۆ و سەر ئاستێ باسکێت بۆلا ئیراقێ، راهێنەران جوتیار عەلی و دەستەیا دگەل دا کارەکێ مەزن بۆ باسکتبولا زاخۆ کرینە و شیاینە وێ قوتابخانێ دروست بکەن یا کو نوکە ئەم بەرهەمێ وێ دبینن، زێدەباری وێ چەندێ ژی ئیدارەیا سەربەخۆیا زاخۆ بەردەوام پشتەڤانیێ ل ڤێ تیمێ دکر ژ روویێ ماددی و مەعنەوی ڤە.
ناڤبری گۆت ژی: گەلەک ب زەحمەتە یانەیەکا کوردی بشێت ناسناڤەکێ ل ئیراقێ ب دەستخوەڤە بینیت، لێ یا لاوێن زاخۆ ئەنجامدایی ژ بوشاهیەکێ نەهاتیە بەلکو کارێ چەندین سالایە یێ دەستەیا راهێنەران و دەستەیا کارگێریا یانه‌یێ بوویه‌ و ئەم ڤی ناسناڤی ژی ب گرنگ و مەزن دبینن.
ل دووماهیێ گۆت ژی: ب دەستڤە ئینانا ڤی ناسناڤی ژی تاما خوە هەی و دووبارە وەرزشا باسکێت بۆلێ ل هەرێما کوردستانێ ساخکرەڤە و ئەڤ ناسناڤە نە بتنێ یێ یانه‌یا زاخۆیە بەلکو یێ کوردستانێ هەمیێ یە و دێ بەردەوام ژی پشتەڤانیێ ل تیمێن خوە و یاریێن دیتر كه‌ین.

شاهۆ فەرید:

ژڤان بوو ل ئەینێ ئێكەم گەرا خۆلا پلە دو یا ئێراقێ بهێـتە ئەنجامدان و یانەیا پیرس مێهڤانداریا یانەیا خاك بكەت، لێ ژبەر چەند ئەگەرێن هونەری و كارگێری هاتنە راوەستاندن بۆ دەمەكێ نە دیاركری، ئەوا هاتییە بەلاڤكرن ل سەر چار كۆمان و بڤی رەنگی، باشۆر 17 یانە، رۆژهەلاتی 13 یانە، فوراتێ ناڤەراست 13 یانە، باكوور نەهـ یانە ژ وانا یانەیا پیرس نوونەرا پارێزگەهێ‌ یە د خۆلێ دا، پشتی ڤەقەتیانەكا درێژ دووبارە ڤەگەریتە گەش و هەوایێ خولا ئێراقێ.
د داخویانیەكێ دا سەروكێ یانەیێ د. بەهزاد سالح بۆ رۆژناما ئەڤرۆ دیاركر: پشتی مە دیتی یاریزانێن مە ژ هەردو تیمێن لاوان و تازە پێگەهشتیان ئاستەكێ باش پێشكێش دكەن و كومبوونا سالانە یانێ دا مە بریاردا یاریزانێن خوە د ئیراقێ دا نیشان بدەین، ئەڤ یاریزانە بەرهەمێ ئەكادیمیا مەنە و چاڤدانەكا باش بۆ هاتیە كرن، هەمی لاون مەڤیا پشكداری خولێن ب هێز بكەین هەمی لایەكێ ڤە یا بەرهەڤە، سەرپەرشت كاپتن ئازاد ئەحمەد و رێڤەبەرێ تیمێ هەرژەنگ بابەكر زێباری و دەستەكا راهێنەران پێكهاتیە نێچیرڤان شوكری راهێنەر، وەلات هاریكار و یەلماز راهێنەرێ گولپارێزان.
زێدەتر ناڤهاتی گۆت: سوپاس بۆ یانەیا دهۆك پالپشتن و هاریكارن ل گەل مە هەموو لایان ڤە، سەبارەت یاریگەهێ ژبەر تیمێن یانەیا دهۆك ئەوێن پشكداری خولێن جودا جودا مە نەڤیا بوان نەخوەش بكەین و یاریگەهەكا وان یاریێن خوە ئەنجامدەین، یاریگەها زانكۆیا دهۆك مە هەلبژارت بۆ ئەنجامدانا یاریێن خوە و سوپاسیا سەروكاتیا زانكو و كولیژا وەرزشی دهۆك دكەین بۆ هاریكاریا وان ل گەل مە، هەتا نوكە چ سپوسنەر نە بوویە و حەز دكەین هەبیت، لێ پالپشتیا تنێ ژلایێ هەردو بەرێزان (بەرژەنگ و هەرژەنگ بابەكر زێباری) دكەین خوە ل یانێ كرینە خودان.

ل ئەینییا بۆری پشككێشانا قۆناغا هەشتێ‌ چارێك دووماهییا قارەمانییا چامپیۆنز لیگ یا وەرزێ‌ 2023-2024ێ‌ ل بارەگایێ‌ فیدراسیۆنا فوتبۆلا ئۆرۆپایێ‌ باژێرێ‌ نیۆن یێ‌ سویسری هاتە ئەنجامدان ئەوا دهێتە چاڤەڕێكرن یاریێن چوونێ‌ ل نەهـ و 10ێ‌ نیسانا بهێت دەستپێبكەن، یاریێن هاتنێ‌ و دەربازبوونێ‌ دێ‌ ل 16ێ‌ هەمان مەهـ هێتە كرن.
هەردو مەزنە یانەیێن ئۆرۆپا ریال مەدرید یا ئسپانی و مانچستەر ستی یا ئنگلتەرایێ‌ كەفتە ل بەر ئێك كود بیتە فینالا پێشوەخت یا چامپیۆنزێ‌، ئەوا بڕیارە یارییا ئێكێ‌ ل یاریگەها سانتیاگۆ بێرنابیۆ ل مەدرید بهێتە ئەنجامدان، یانەیا ئسپانی خودانا مەزنترین ناسناڤە ب 14 جاران و مان ستی ئێك جار ب دەستڤە ئینایە، ئەڤ یارییە دبیتە دیدارا وەرزێ‌ سێیێ‌ ل دووڤ ئێك یا هەردو یانەیێن بەربژار بۆ ناسناڤی، د هەردو وەرزێن بۆری دا ل قۆناغا چارێك دووماهیێ كەفتینە بەرئێك، ل وەرزێ‌ 2023-2024ێ‌ ریالێ‌ دناڤ ئەردێ‌ خوە دا ب گۆلەكێ‌ وەكهەڤ بوون، یارییا دویێ‌ دا مانچستەرێ‌ شیا ب چار گۆلێن پاقژ سەركەفتنێ‌ بینت، د هەمان قۆناغ دا ل وەرزێ‌ 2022-2023ێ‌ مان ستی دیاریگەها خوە دا ب 4-3 گۆلان سەركەفتن ئینابوو، لێ‌ ریال شیا دەربازبیتە یارییا دووماهیێ‌ ب 3-1 سەركەفتنێ‌ بینت.
ژلایێ‌ خوەڤە بەرشەلۆنا یا ئسپانی دێ‌ بەرانبەر دۆژمنا خوە یا دوهی پاریس سانجێرمان یا فرەنسی د یارییەكا ب هێز و تۆلڤەكرنێ‌ دا، یانەیا كاتەلۆنی خودانا پێنج ناسناڤانە دو وەرزێن چامپیۆنزێ‌ بەرانبەر ئێك بووینە، ل وەرزێ‌ 2016-2017ێ‌ بەرشەلۆنا شیابوو ریمۆنتادا دیرۆكی ل سەر پاریسێ‌ د قۆناغا 16ێ‌ دا بینت، د یارییا ئێكێ‌ دا بەرشەلۆنا ب چار گۆلان یا خوسارەت بوو، لێ‌ د یارییا دویێ‌ دا ئەوا ل كامب نۆ هاتییە كرن شیا ب 6-1 سەركەفتنێ‌ بینت، دیدارا دویێ‌ ل وەرزێ‌ 2020-2021ێ‌ بوو پارسێ‌ شیابوو ب 4-1 سەركەفتنێ‌ بینت، یارییا دویێ‌ وەكهەڤی ب دووماهی هاتبوو.
دیدارەكا دی یا ئاگرین بایرن میۆنخ یا ئەلمانی دێ‌ بەرانبەر ئارسنال یا ئنگلتەرایێ‌ راوەستیێت، یانەیا باڤارییا خودانا شەش ناسناڤێن چامپیۆنز لیگێ‌، دووماهی دیدارا دناڤبەرا هەردو یانەیان دا ل وەرزێ‌ 2016-2017ێ‌ بوو، ل یاریگەها خوە بایرنێ‌ شیا ب5-1 سەركەفتنێ‌ بینت، ب هەمان ئەنجام ژی دیارییا دویێ‌ دا سەركەفتن ئینا.
دیدارا چارێ‌ دناڤبەرا بۆرۆسیا دۆرتمۆند یا ئەلمانی خودانا ناسناڤەكی و ئەتلەتیكۆ مەدرید یا ئسپانی بوو كو دبیتە دیدارا سێیێ‌ یا قارەمانیێ‌، ل وەرزێ‌ 1996-1997 دقۆناغا كۆمان دا یارییا ئێكێ‌ دۆرتمۆند ب گۆلەكێ‌ سەركەفت بوو، ئەتلەتیكۆ شیا ب2-1 تۆلێن خوە ڤەكەت، ل وەرزێ‌ 2018-2019ێ‌ دۆرتمۆند ب چارگۆلێن پاقژ سەركەفتن ئینابوو، دیارییا دویێ‌ دا ئەتلەتیكۆ ب دو گۆلێن پاقژ سەركەفت بوو.