رێڤەبەرێ ناوچەداریا قەسرۆكێ ئاشكرا كر، بڕیارە ئۆڤەرپاسەك ل سەر ڕێیا سەرەكی یا د ناڤبەرا پارێزگەها دهۆكێ و هەولێرێ دا بناڤێ ئۆڤەرپاسا مەلا بروان، ب گوژمێ پێنج ملیار دیناران دێ هێتە دروستكرن.
مەهران نێروەیی، رێڤەبەرێ ناوچەداریا قەسرۆكێ بۆ مالپەڕی فەرمیێ پارتی دیموكراتی كوردستان گۆت: «پلان و بەرنامە ب هاریكاریا دەڤەردارێ شێخان هاتیە دانان، كو ئۆڤەرپاسا مەلا بروان بهێتە دروستكرن، د دەمێ سەرۆك بارزانی ژی سەرەدانا شێخان كری، داخواز ژێ هاتە كرن، كو ئەو ئۆڤەرپاسە بهێتە دروستكرن، سەرۆك بارزانی ژی پشتەڤانی ل وی پڕۆژەی كر، چونكی رێیەكا نێڤدەولەتی یە و گەلەك هاتنوچوونا ل سەر هەی و دكەڤیتە سەر رێیا د ناڤبەرا پارێزگەهێن دهۆكێ و هەولێرێ دا».
ناڤهاتی گوتژی: «وێ ئۆڤەرپاسێ دێ مفایەكێ باش بۆ بۆ ناوچەداریا قەسرۆكێ ژی هەبیت، وەكو د پلان دا دو ئۆڤەرپاسن، ئێك ژ وان گوژمێ 15 بۆ 16 ملیار دیناران بۆ دڤێن، لەو دەم پێ دڤێت، لێ یا مە داخواز كری نوكە بهێتە دروستكرن، گوژمێ وێ پێنج ملیار دینارن و دێ خزمەتەكا باش یا دەڤەرێ كەت و روودانێن هاتنوچوونێ ژی دێ كێم بن، لەو هەر دەمێ پارە هاتە تەرخانكرن، دەست ب دروستكرنا وێ دێ هێتە كرن».
ب گوژمێ پێنج ملیار دیناران ئۆڤەرپاسەك دێ هێتە دروستكرن
نيشاندان