وەزارەتا دەرڤە یا ئەمریکا راگەهاند، وان هێزێن زێدە ل دەڤەرێن ستراتیژی ل رۆژهەلاتێ سووریێ بجه کرینە و رێ نادەن چەکدارێن سەر ب ئیرانێ ل وێ دەڤەرێ ئالۆزیان دروست بکەن، وەکو ئەمریکا ئەو دێ ب هەموو رەنگەکێ کار کەن دا رێگریێ ل ئالۆزیێن نوو ل رۆژهەلاتێ بکەن، چونکی ئالۆزیێن نوو ل سووریێ د خزمەتا چو ئالیەکێ دا نینن.
وەزارەتا دەرڤە یا ئەمریکا راگەهاند، د ڤان دەمێن دووماهیێ دا چەکدارێن سەر ب ئیرانێ ل هندەک دەڤەرێن ستراتیژی ل رۆژهەلاتێ سووریێ خوە بجه دکەن و وان دڤێت ب چەکێ پێشکەفتی ئێرشی هێزێن ئەمریکا بکەن و ئالۆزیان دروست بکەن، ل هەمبەر بزاڤێن وان ژی ئەمریکا هێزێن نوو ل گەل چەکێ گران و پێشکەفتی ل گەل دەڤەران ل رۆژهەلاتێ سووریێ بجه کریە، ئەمریکا دڤێت رێگریێ ل هاتنا چەکدارێن سەر ب ئیرانێ ب رێیا ئیراقێ بگریت و نەهێلیت ئیران ئالۆزیێن نوو ل رۆژهەلاتێ سووریێ دروست بکەت، چونکی هەر ئالۆزیەکا نوو ل رۆژهەلاتێ سووریێ دروست ببیت د بەرژەوەندیا ئەمریکا و چ ئالیەکێ دی دا نینە، ئیرانێ دڤێت رەوشا هەی ئالۆز بکەت دا ئاریشێن نوو بۆ بەرژەوەندیێن ئەمریکا دروست بکەت، ل هەمبەر بزاڤێن ئیرانێ ژی ئەمریکا دێ یا پێدڤی کەت.
وەزارەتا دەرڤە یا ئەمریکا ئەو یەک ژی دیار کریە، کو ل سووریێ هەتا نها ژی مەترسیا داعشێ و گرۆپێن دی یێن تیرۆرستی هەیە، هەر ئالۆزیەکا نوو دێ بیتە ئەگەرێ بهێزبوونا داعشێ و داعش ژی یێ ل دەلیڤان دگەریت دا جارەکا دی دەست ب کریارێن تیرۆرستی بکەت، ئەو یەک دێ زیانەکا خوە یا مەزن بۆ سووریێ و هەموو رۆژهەلاتا ناڤین هەبیت، ژ بەر هندێ ژی بۆ ئەمریکا گەلەک یا گرنگە کو رەوشا نها یا ئارام ل رۆژهەلاتێ سووریێ وەکو خوە بەردەوام بیت و چو ئالۆزیێن نوو دروست نەبن، ئیرانێ دڤێت مفای ژ ئالۆزبوونا رەوشا سووریێ وەربگریت و ئالۆزیان بۆ بەرژەوەندیێن خوە بکار بینیت، ئەو یەک دێ زیانەکا خوە یا گەلەک مەزن بۆ خەلکێ سووریێ هەبیت، ژ بەر هندێ ژی وەکو ئەمریکا ئەو ب چو رەنگەکێ رێ نادەن رەوشا هەی ل رۆژهەلاتێ سووریێ پتر ئالۆز بیت، ژ بەر هندێ ژی هێزێن نوو یێن ئەمریکا ل گەل چەکێ گران و پێشکەفتی ل گەلەک دەڤەران بجه بووینە و دێ رێگریێ ل هەر پیلانەکا نوو یا ئیرانێ و گرۆپێن سەر ب وێ ڤە کەن.
ل ئالیێ دی دوهی فەرماندارەکێ ئەمریکا ژی راگەهاند، ئەو ل گەل هەڤپەیمانێن خوە دخوازن رەوشا نها یا ئارام ل رۆژهەلاتێ سووریێ بپارێزن، لێ مخابن ئیران و گرۆپێن سەر ب وێ دخوازن وان دەڤەران ئالۆز بکەن و ئێرشی هێزێن ئەمریکا بکەن، ژ بەر هندێ ژی د چەند رۆژێن بۆری دا هێزەکا نوو یا ئەمریکا ل گەل چەکێ گران و پێشکەفتی ل هندەک دەڤەرێن ستراتیژی ل رۆژهەلاتێ سووریێ بجه بووینە و هەکە ئیران و گرۆپێن چەکدارێن سەر ب وێ ئێرشی هێزێن ئەمریکا بکەن دێ ئەمریکا ب توندی بەرسڤا هەر ئێرشەکێ دەت.
ل ئالیێ دی چاڤدێرێن سیاسی ژی دیار دکەن، ئەمریکا ژ رەوشا نها یا ل سووریێ و ئیراقێ رازی نینە، ب تایبەتی ژی ئەمریکا وەسا دبینیت ئیراق ب تەمامی ژ دەستێ وێ دەرکەفتیە و کەفتیە ژێر کۆنترۆلا ئیرانێ، ژ بەر هندێ ژی بەری چەند رۆژان سەرۆک ئەرکانێ گشتی یێ لەشکرێ ئەمریکا راگەهاند، ئەو رۆژهەلاتا ناڤین چۆل ناکەن و وان دڤێت پێگەهێ خوە یێ سەربازی ل ئیراقێ و سووریێ بهێزتر بکەن، ئەو یەک ژی ئاماژەکا بەرچاڤە کو ئەمریکا دێ پێگەهێ خوە ل سووریێ بهێزتر لێ کەت، چونکی بەری دەمەکێ ژی بەرپرسەکێ سەربازی یێ ئەمریکا دیار کربوو، رۆسیا و ئیران ل گەل بەشاری کار بۆ دەرخستنا هێزێن ئەمریکا ل سووریێ دکەن و ل هەمبەر پیلانا وان ژی ئەمریکا دڤێت پێگەهێ خوە ل دەڤەرێن ستراتیژی ل سووریێ بهێز بکەت، چونکی د رەوشا نها دا ئەمریکا ب چو رەنگەکێ نەڤێت هێزێن خوە ژ سووریێ ڤەکێشیت و هەروەسا ئەمریکا کار بۆ بهێزکرنا پێگەهێ خوە یێ سەربازی ل ئیراقێ ژی دکەت.
نيشاندان