د سالڤەگەڕا بۆردۆمانكرنا قەلادزێ دا، سەرۆك بارزانی: ئەو كارەساتە زنجیرەكا دی یا تاوانێن رژێمێ بوو

سەرۆك بارزانی د سالڤەگەڕا 52 یا بۆردۆمانكرنا قەلادزێ و زانكۆیا سلێمانیێ دا، پەیامەك بەلاڤكر و راگەهاند، بۆردۆمانكرنا قەلادزێ و زانكۆیا سلێمانیێ ل 24ێ نیسانا 1974 ێ كو بوو ئەگەرێ شەهید و برینداربوونا ب سەدان وەلاتییێن بێگونەهـ، ئاماژەیەكا رۆهنن یا سیاسەتا شۆڤینی و دڕندایەتییا رژێما بەرێ یا ئیراقێ بوو دژی وەلاتییێن سڤیل ل كوردستانێ.
گوت ژی» ئەو كارەساتا دلتەزین تاوانەكا دی بوو ژ زنجیرەیا تاوانێن دی یێن وی رژێمی دژی گەلێ مە. د سالڤەگەڕا وێ تاوانا مەزن دا، سلاڤان بۆ شەهیدێن وێ كارەساتێ و هەموو شەهیدێن كوردستانێ دهنێرین».

کۆمێنتا تە