عەلی حاجی:
د داخویانیەکێ دا ئەندامەکێ دەستەیا کارگێریا یانا زاخۆ یا وەرزشی بۆ رۆژناما ئەڤرۆ دیار کر ئەو کار دکەن ژ بۆ دانانا کەمپەکێ ڕاهێنانێ ژ دەرڤەیی وەلاتی و دێ هەتا پێنچ یاریزانێن دیتر ژی ل تیمێ زێدە کەن.
زێدەتر دلژار عەدنان گۆت : د نوکە دا مە هەڤبەستا ١٦ یاریزانان ئێکلا کریە کو چار ژ وان پێشەکارن و دو ژی ب ڕەگەز ئیراقی نە لێ رهڤهندن ل دەرڤەیی ئیراقێ و مه دهست بهرههڤییا بۆ وهرزێ نوو یێ خولا ئیراقێ یا پیشهكاران كر ب ئامادەبوونا پشکەک ژ یاریزانان تیما ئێكهم یەکەیێن راهێنانێ ل شهمبییا بۆری هاته دانان، پیشهكارێ مه یێ زامبی ب رێیا فیدراسیۆنا وهلاتێ خوه ب فەرمی داخازا مولەتێ کریە پێخهمهت پشكداریێ دگهل ههلبژارتیێ وهلاتێ خوه یارییهكا ههڤالینی بكهت ژبهر شیانێن وی، دیسان دگەل یاریزانەکێ دیتر یێ بەرازیلی گەهشتینە رێکەڤتنا دووماهیێ و دێ دەمەک نێزیک ژی دا گەهیتە باژێرێ زاخۆ، هەر دیسان بڕیارە یاریزانەکێ یەمەنی نوکە ل وەلاتێ سعودیە دێ پەیوەندیێ ب تیما مە کەت و بتنێ هندەک رێکارێن کارگێری ماینە ئەو ژی دێ هێتە زاخۆ و هەڤبەستێ دگەل دا گرێدەین.
زێدەتر ناڤهاتی گۆت : ئەم کار دکەین ل ناڤەراستا هەیڤا نەهـ کەمپەکێ راهێنانێ بۆ تیمێ دروست بکەین ل وەلاتێ تورکیا لێ هێشتا بریارا دووماهیێ نەهاتیە دان ل دووڤ پلانا هاتیە دانان ئەو کەمپه بۆ دەما دو حەفتیان بیت و ئهنجامدانا چەند یاریێن هەڤالینی هێنه كرن و هەکە دهلیڤهیا یاریێن ههڤالینی نهبوو دێ د ل کوردستان و ئیراقێ هێنه ئهنجامدان.
نيشاندان