دلۆڤان هالۆ:
خالد عەلی بناڤی، پەیامنێرێ كوردستان تیڤی ل وەلاتێ ئەلمانیا، د دیدارەكێ دا بۆ رۆژنامەیا ئەڤرۆ گۆت:حەز و ڤیانا من یا ڕاگەهاندنێ بۆ زاڕۆكاتیا من ڤەدگەڕیت ل دەمێ كو مالباتا من گۆهداریا دەنگێ كوردستانا عێراقێ دكر، ل وی دەمی بۆ من هەستەك چێبوو و من زارڤەكرنا پێشكێشكاران دكر، پشتی هینگێ من كارێ ڕاگەهاندنێ ب پێشكێشكرنا بەرنامەیێ خەباتا قوتابیان ل رادیۆیا زاخۆ دەستپێكر و بۆ دەمێ دو سالان ل وێرێ بەردەوام بووم، پشتی هینگێ بوومە پەیامنێرێ كوردستان تیڤی و سەر بلندم كو ئەندام و كارمەندێ ڤی دەزگەهی مە.
ناڤهاتی گۆت: ل ئۆرۆپا كارێ ڕاگەهاندنێ د گەلەك بیاڤان دا ئاستەنگە هەنە، لێ سەرەڕای وێ چەندێ ئەز بەردەوامم ل سەر كارێ خوە، چونكی راگەهاندن وەكو پیشە بۆ من هەستەك خۆشە و د ناڤ دا ماندی نابم و كارەكە ڕێز لێ دهێتە گرتن و هیڤیا من ئەوە كو ئەز دەزگەهەكێ نیشتیمانی یێ ڕاگەهاندنێ دابمەزرینم وەكو ئاژانسەكا فەرمی بۆ بەلاڤكرنێ و دووری ململانا سیاسی خزمەتا گەل و وەلاتێ مە بكەت و ببیتە پەنجەرەیەك كو هەموو كەس خوە تێدا ببینن.
نيشاندان