شاهۆ فەرید:

تیما فوتبۆلا یانەیا باتیفا دەست بەرهەڤیێن خولا پلەیا دو یا كوردستانێ كرن و راهێنەرێ خودان شیان و كورێ باژێرێ سێمێلێ محەمەد یوسف بۆ دەزگەهیێن راگەهاندنێ نیشاندا.
ل دۆر بەرهەڤیێن تیمێ د داخویانیەكێ دا سەرۆكێ یانەیێ ئەیهەم جامی بۆ رۆژنامەیا ئەڤرۆ دیاركر: ستافەكێ باش یێ راهێنەران بۆ تیمێ مە ئامادەكریە بۆ ئەڤی وەرزی، یاریزانێن مە ژی بەرهەڤن و كۆمەكا باش ژ دەڤەرێ و دەوروبەران پەیوەندی رێزێن تیمێ كرینە، درەنگ دەستپێكرنا بەرهەڤیان دبیت كارتێكرنێ مە بكەت وەكۆ یانە لێ ژبەر بارێ مەیێ دارایی مە درەنگ دەستپێكرینە، دەستپێكا حەفتیا بهێت دێ دەست راهێنانان كەت تیم، هیڤیا مە ئەڤی وەرزی هەڤركیێ لسەر پلێتا دەربازبوونێ یە بۆ پلەیا ئێك، ئەڤی وەرزی تنێ بۆ پشكداریێ نینە بەلكۆ بۆ هەڤركیێ و ناسناڤی یە، هەر ژ دەستبكاربوونا یانەیا باتیفا هیڤیا مە دەربازبوونە، هاتنا راهێنەرێ نوو خودان شیان و ئەزموونەكا باش هەیە د خولێن كوردستانێ و ئیراقێ وەكۆ راهێنەر و یاریزان پێشتر، ئەڤی وەرزی شیانێن وی پالپشتیا قائیمەقامیا قەزا باتیفێ و ئیدارا سەربخویا زاخۆ ئەم بشێن جێوازتر وەرزێن بوری بهێنە هەڤركێ ئەگەر پشتەڤانی دورستی مە بهێتەكرن.
زێدەتر ئەیهەمی گۆت ژی: پتریا یاریزانێن مە خۆمالی نە بۆ تژیكرنا كێماسێن تیمێ دێ یاریزانێن خودان شیان و دبیت پێشەكار ژی بینین بۆ ناڤ رێزێن تیمێ، تیمەكا رێك و پێك بۆ ناڤێ دەڤەرێ پێكبینین ژبەر كۆ یانەیا باتیفا خودان پێگەهەكێ باشێ جەماوەریە، چاڤێ هەموو پشتەڤانێن یانەیا باتیفا مەیە كەنگی دێ خول دەستپێ:ەت و بەرهەڤی چەوا هاتینەكرن، ئەم ژی هەولدەین دلێ ئەڤی جەماوەری خوەش بكەین ئاست و ئەنجامێن باش، وەكۆ درەنگ بەرهەڤی دێ كارتێكرنەكا كێم وەكۆ دەستپێك مەكەتن دێ ڤی ماوەی دا هەمی كێشێن تیمێ چارەكەین دماوەیێ چل و پێنچ رۆژێن مای دێ كاركەین بۆ خرڤەكرنا هاریكاریا كۆ كێماسی و كێشەیێن دارایی نەبن ئەڤی وەرزی ژی باشی ئەنجامبدەین.
بۆ زانین خولا پلەیا دو یا كوردستانێ دێ پازدەی هەیڤا ئادارێ هێتە ئەنجامدان لسەر ئاستێ پارێزگەهێ شیوەیێ یارێن هاتن و چوون دابەش دبنە سەر دو كومان سەرێ كومێ دەبازدبنە خولا پلەیا ئێك.

عەلی حاجی:

د داخویانیەکێ دا سەرپەرشتێ تیما فوتبۆلا یانه‌یا زاخۆ یا پشکدار د خولا ستێرێن ئیراقێ دا بۆ رۆژنامەیا ئەڤرۆ دیار کر وان سەرکەڤتن بەرامبەر یانه‌یا حدود دڤێت ئه‌وا بڕیاره‌ یارییا وان سوبه‌هی سێ شه‌مبی ل پایته‌ختێ ئیراقێ به‌غدا بهێته‌ كرن و دیار كر هەمی تیمان رێزێن خوە ب هێز کرینە.
زێدەتر حەمید ئیسماعیل گۆت : بۆ یاریا بهێت دگه‌ل یانه‌یا حدود مە باشترین بەرهەڤی کرینە ژ بۆ هندێ بشێن ب ئەنجامەکێ دلخوه‌شكه‌ر ژ باژێرێ بەغدا ڤەگەرینەڤە ژبەرکو ئێدی هەمی یاری بۆ مە د گرنگن دڤێت چو خالان ژ ده‌ست نه‌ده‌ین ژبۆ پاراستنا رێزێن ئێكێ و دڤێت ب شێوەیەکێ باشتر بۆ هەمی یاریان ئامادە بین، د نوکە دا تیما مە یا بەرهەڤە بۆ دیدارا حدود و ب هەر ڕەنگەکێ هەی دڤێت ئەم سەرکەڤتنێ د ڤێ یاریێ دا تومار بکەین دا کو بشێن ل رێزێن پێشیێ بمینن، تیما حدود ژ تیمێن ب ساناهی نینە د یاریگەها خوە دا ب تایبەت ژی پشتی وان گوهورینێن ئەنجامداین، تیما مە ژی یا ب ساناهی نینە و ژ تیمێن ب زەحمەتە ژبەر هندێ ژی دڤێت ئەم سێ خالان ژ دەست نەدەین.
ناڤبری گۆت ژی: هەمی پێدڤیێن تیمێ هاتینە بەرهەڤکرن و مە چو کێماسی ژی نینە ئەوا دمینیت پێدڤیە یاریزان ئەنجام بدەن و جەماوەرێ یانەیێ ژی دل خوەش بکەن.
بۆ زانین تیما یانه‌یا زاخۆ ب كۆمكرنا 32 خالان رێزا چارێ دهێت كێمتری سێ خالان ژ یانه‌یا زه‌ورا ئه‌وا سه‌رێ لیستێ دهێت و یاریزانێ وێ پیشه‌كارێ به‌رازیلی كۆستاڤی هێنریك رێزا دویێ ل سه‌ر لیستا گۆلكه‌رێن خولا ستێرێن ئیراقێ دهێت ب10 گۆلان.

ستێرێ‌ تیما فوتبۆلا ئنگلتەرایێ‌ و یانەیا مانچستەر یۆنایتد ماركۆس ڕاشفۆرد هەموو هێلێن پەیوەندیێ‌ دگەل یانەیا بەرشەلۆنا ڕاوەستاندن پشتی چو بەرسڤ نە داینێ‌ ل سەر ئیمزاكرنا گرێبەستێ‌ و بڕیارە گرێبەستا خوە دگەل یانەیا ئاستۆن ڤێلا گرێدەت بەری ب دووماهی هاتنا ڤەگۆهاستنێن زڤستانێ‌.
یاریزانێ‌ ناڤهاتی د دیدارەكێ‌ دا بۆ رۆژنامەیا سەن یا بریتانی گۆت: ئێدی ئەز بهێنفرەهـ نابم ل سەر بەرسڤا یانەیا بەرشەلۆنا، ئێكەم یانە بوو پەیوەندی ب من كری كو دێ‌ گرێبەستا من ئیمزاكەت، لێ‌ دەم یێ‌ دبۆریت و دەرگەهێ‌ ڤەگۆهستنان دێ‌ هێنە گرتن، لەوما ژی بێزاربووم و دێ‌ بڕیارا خوە یا دووماهیێ‌ دەم و گرێبەستێ‌ دگەل ئاستۆن ڤێلا ئیمزاكەم.
ل دووڤ ڕاپۆرتا رۆژنانەیا سەن هاتییە كو یانەیا مان یۆنایتد و ئاستۆن ڤێلا ژی د ڕازینە ب شێوەیێ‌ خواستن هەتا دووماهییا وەرزێ‌ ئەڤ سالە ب مەرجەكی بتنێ‌ مووچەكێ‌ بەرچاڤ بۆ بهێتە دابینكرن و دانا پشكەكا گرێبەستا ڕاشفۆردی، بڕیارە هەتا سوبەهی ئەڤ بابەتە بهێتە ئێكلاكرن و یاریزان بۆ ئاستۆن ڤێلا یاریێ‌ بكەت.

شاهۆ فەرید:
هانا ئاڤدەل كچا پارێزگەها دهۆكێ شیا رێزبەندیا ئێكێ د قارەمانیا تێنسا ئەردی یا ئیراقێ دا ب دەستڤە بینت، د چارچووڤەیێ‌ ڤاڤارتنان باشترین یاریزانان بۆ قارەمانیێن نێڤدەولەتی و دێ بفەرمی نوونەراتیا ئیراقێ بۆ كۆپا دێڤێز یا نێڤدەولەتی و ڤاڤارتنێن دەربازبوون بۆ كۆپا جیهانی دا كەت، ئەوا بڕیارە هەڤڕكیێن ڤاڤارتنان ل دەستپێكا ئادارا بهێت وەلاتێ‌ مالیزیا مێڤاندارییا وێ‌ بكەت.
د داخویانیەكێ دا ئاڤدەل حەسەن راهێنەر و بابێ یاریزان هانایێ بۆ رۆژنامەیا ئەڤرۆ دیار كر: ئەڤە ماوەیێ یازدە سالانە هانا یاریزانا تێنسا ئەردی و ژ 2014 وەرە قارەمانا ئیراقێ یە، ئەڤ جارە ژی شیا رێزبەندیا ئێكێ ب دەستخوەڤە بینت كو بوویە جهێ دلخوەشیا منە وەكۆ راهێنەر و بابێ وێ، هەروەسان یانەیا وێ‌، پێنەڤت ئەڤچەندە ژی ب سانەهی نینە و بەردەوام ل دووڤ بەرنامەكێ‌ ڕێكخستی راهێنانان پێ‌ دكەم هەتا بشێت ئاستێ‌ خوە پێشبێخیت و جهێ‌ خوە دناڤ رێزێن هەلبژارتیێ‌ ئیراقێ‌ دا پارێزیت.
هەروەسان ناڤهاتی ئەوچەندە ژی گۆت: بەرهەڤیێن خوە مە باش كرینە ئامادەینە بۆ هەر قارەمانیەكێ، پشكدارییا هانایێ‌ بۆ ڤێ‌ قارەمانیێ‌ گرنگیەكا تایبەت یا بو هەیی تایبەت د ڕێزبەندیێ دا و بلندكرنا ناڤێ‌ خوە، هەرچەندە ئەركێ‌ وێ‌ ب سانەهی نابیت بەرانبەر یاریزانێن خودان شیان ل سەر ئاستێ‌ ئاسیا و جیهانی لێ‌ هیچ ئاستێ‌ هانایی كێمتر نابیت ژ یاریزانێن دی، بەری قارەمانیێ دێ كەمپەكێ راهێنانان ل هەمان وەلاتێ قارەمانیێ مالیزیا هێتە دانان، هانا تاكە یاریزانا كوردە و ژ دهۆكێ د ژیێ خوە دا دێ پشكداربیت و یاریزانێن دی یێن بەغدایێ‌ نە، قارەمانیا دێڤز كاپ یا تێنسا ئەردی بڕیارە ناڤە راستا هەیڤا ئادارێ ل مالیزیا بهێتە ئەنجامدان.

قەیس وەیس:

پشتی یاریزانێ‌ كوردستانی و ڕەڤەندا كورد ل ئەلمانیا جیهاد ئاكیپا ناسناڤێ‌ قارەمانییا نێڤدەولەتی ل وەلاتێ‌ ئەلمانیا بۆ یارییا خوەلێگدانا ئازاد یا سیمەكری MMA یا كێشا 70كگم ب دەستڤە ئینا، بۆ دەزگەهێن ڕاگەهاندنێ‌ و حازربوونا هزارەهان كەسان ب دەنگەكێ‌ بلند گۆت: بژیت كورد، بژیت كوردستان.
د هەڤڕكیێن قارەمانییا ڤەكری یا نێڤدەولەتی دا ئەوا ل شەڤا شەمبیا بۆری ل میۆنخ پایتەختێ‌ ئەلمانییا هاتیە كرن و شیایی د یارییا دووماهیێ‌ دا ب سەركەڤیت ل سەر قارەمانێ‌ پێشتر یێ‌ ئۆرۆپا یێ‌ چیكی ماتۆچ كۆهۆتی ب دربێ‌ كەتنێ‌، ئەوا 50 باشترین یاریزانێن وەلاتێ‌ ئۆرۆپا بۆ كێشێن جودا پشكداربووین و سالانە ل وەلاتەكێ‌ جودا دهێتە كرن.
یاریزانێ‌ ناڤهاتی د ماوەیێ‌ قارەمانیێن MMA یا ئەلمانی دا شیابوو ژ سەرجەمێ‌ 49 یارییان هەموو سەركەفتنان بینت وەكو تاكە یاریزانێ‌ كوردستانی ل وەلاتێ‌ ئەلمانیا، ل دووڤ ژێدەرێن رۆژنامەڤانی كو جیهاد ئاكیپا خودان خەون و ئارمانجێن مەزنە و دێ‌ بزاڤێ‌ كەت ب ئالایێ‌ كوردستانێ‌ پشكداری قارەمانیێن ئۆرۆپا و یێن نێڤدەولەتی بۆ پلەبلندكرنێ‌ بكەت پێخەمەت دەستڤە ئینانا ناسناڤێن مەزنتر ل سەر ئاستێ‌ جیهانێ‌ و خودان كێشا 70كگم بۆ سیستەمێ‌ ئیم ئێم ئەی یا پرۆفیشنالە.
بۆ زانین جیهاد ئاكیپا خەلكێ‌ باژێرێ‌ مێردینێ‌ یا كوردستانا باكۆرە ڕەڤەندا كوردە و ل وەلاتێ‌ ئەلمانیا ژ دایكبوویە، د نوكە دا ژیێ‌ وی 28 سالە، بۆ هەر یارییەكا پشكداریێ‌ تێدا دكەت ئالایێ‌ كوردستانێ‌