زنار تۆڤی:
كەرەم تەكئۆغلۆ، دەرهێنەر و بەرهەمهێنەرێ فلمێ دكیۆمینتارییێ ب ناڤێ (كراسێ ژ ئاگری) بۆ رۆژناما ئەڤرۆ دیاركر كو ئەڤ فلمە بەحسێ ژیانا، خالد بەگێ جبری دكەت، كو خالد بەگ دامەزرێنەر و سەرۆكێ كۆمەلا ئازادی بوویە، ل 1921 ل باژێرێ ئەرزەرۆمێ ل باكورێ كوردستانێ هاتیە دامەزراندن، خالد بەگ ل سالا 1882 ێ، ل گمگا مۆشێ ل باكورێ كوردستانێ ژ دایك بوویە، ل سالا 1925 ێ، ل باژێرێ بدلیسێ ژ لایێ دەولەتا توركیاڤە هاتیە سێدارە دان.
هەروەسا گۆت: دڤی فلمی دا هژمارەكا بەلگەنامە و پێزانینێن نوو هاتینە ئاشكراكرن، هەلبەت بەری فلمی پتر ل سەر دامەزراندن و چالاكیێین كۆمەلا سەربەخۆیی و رزگاریخوازا كوردستانێ یە، ئانكۆ كۆمەلا ئازادییێ و بۆ جارا ئێكێ من زیرەكیا دەستچێكری د ڤی پرۆژەیی دا بكارئینایە، هەروەسا د ڤی بەلگە فلمیدا، من هەڤدیتن ل گەل 20 كەسان كرییە، كو سێ كەس ژ وان برازایێن خالد بەگێ جبرینە، دەمێ فلمی 93 خۆلەكن، ل وەلاتێن ئەلمانیا و توركیا و باكورێ كوردستانێ هاتیە وێنەكرن.
نيشاندان