بهری نها ژی، واته بهری ڤان دیدار و كۆمبوونان، كو چهند ڕۆژهكن د ناڤبهرا حوكمهتا ههرێما كوردستانێ و پارتێن سیاسی دا بڕێڤهدچیت، گهلهك ئاخفتن دهربارهی قهبارێ حوكمهتا ههریما كوردستانێ ههبووینه، تایبهت ل سهر ئاستێ حوكمهتێ و ڕۆژنامهڤانان، لێ ب تێگههشتن و نیازمهندیی و چارهسهریهكا جودا.
حوكمهت د ههر قووناغهكێ دا، ل پهی تێگههشتن د گرفت و ئهركێن قووناغا قهبارهیا حوكمهتا دهستنیشان كر دایه، لێ بهلێ ڕۆژنامهڤان ب نیازمهندی ڤه، ڤێجا نیازمهندیهكا ئهرێنی بیت یان نهرێنی، ئهڤ مژاره ئێخستنه د ناڤ گفتوگۆیان دا، دیاره ل گهل ههبوونا جوداهیێ د تێگههشتن و نیازمهندیا ههردو ئاست دا، ئهڤ مژاره مژارهكا گرنگه قسهههلگره و پێدڤیه ههموو ئالیهك واقیعبینیانه و ب ئاراستهیا چارهسهریێ دگهل دا بكهن.
نها قووناغ قووناغهكا جودایه، جودایه ب تێگههشتن كو قووناغهكا گرفتداره، لهوما دڤێت بیركرن و هزركرن، لێكگرێدان و میكانیزم ب نیاز و ئاراستهیان چارهسهر بن، ب واتایهكا ڕۆهنتر، تنێ هزركرن و میكانیزمێن چارهسهرئامێز دكاریت قووناغێن گرفتدار دهرباز بكهت، ههر ئهڤهیه ژى ژ سیاسیێن هزركهر و بیركهرێن كوردستان دهێته چاڤهرێكرن، مهبهستامه ل سیاسیێن بیركهرهڤه ژى ئهو سیاسینه كو د ناڤ حزبان دا وهلاتبینانه بڕیارێن دروست ددهن و ناكهڤنه دووڤ تهپوتۆزیا میدیایێ ڤه!..
ئێك ژچارهسهریێن ئهڤێ قووناغا گرفتدار یا ههرێما كوردستانێ (كابینا بچووك)ـه، ب مهرجهكێ ئامانج و تێگههشتنێن وێ ل سهر ئهڤان بنهمایان راوهستای بیت:ـ
١ـ كابینهیا بچووك، كابینهیهك كو پڕ ب قالبێ ههرێما كوردستانێ بیت، چونكی ههرێم و خهلكێ وێ هنده دمهزن نین.
٢ـ كابینهیهكا بچووك، كو بكاربت قهیرانان چارهسهر بكهت و دهرباز بكهت.
٣ـ كابینهیا بچووك، كو بكاریت كارێن مهزن بكهت، چونكی مهرج نینه ههموو فراوانیهك كارێن گران و مهزن پێ چێبیت، نهخاسمه ئهگهر فراوانیهكا ڕووكهش بیت و تنێ بۆ ڕازیكرنا ئالیێن سیاسیی بیت!..
نها یان كابینهیا داهاتی؟!..
مهنتق دبێژیته مه: ههكه ههڵبژارن ل دهمێ دیاریكری دا بهێتهكرن، ـ كو پێدچیت ل دهمێ دیاریكری دا بهێتهكرن، ڤێجا پێدڤی ناكهت، دهم و مهزاجێ سیاسی ل بار نینه د ڤێ دهمێ كورت دا، تهعدیل د كابینهیا نها دا بهێتهكرن، لێ ههكه ههڵبژارن هات پاشخستن، وی دهمی ئاسایه كابینهیا نها بچووكتر بكهن، دیاره ل ههردو حالهتان دا، چو ل پرهنسیبان نا هێتهگوهارتن، كو ههرێما كوردستانێ پێدڤی ب كابینهكا بچووك ههیه وچێدبیت د نها دا كارێن رژدی زوو بهێتهكرن.
كابینهیهكا بچووك، بهلێ یا چاوا؟..
دهمێ وێ چهندێ هاتیه هندهك ژ وان پیڤهران بهێنه گوهارتن، بۆ نموونه:
١ـ توانا: مهرج نینه ئهو كهسێ باوهرنامهكا بهرز ههبیت خودان شیانێن بهرز بیت.
٢ـ دڵسۆزی: مهرج نینه ئهوهێ كادیرێ حزبهكا سیاسی بیت دلسۆز بیت.
٣ـ تهمهن: مهرج نینه ئهوهێ گهنج بیت كارا و نوو بیت.
٤ـ ڕووخسارێ نوو: مهرج نینه ڕووخسارێ نوو قودرهت و كار و داهێنانێن نوو ههبن.
٥ـ تێگههشتن: مهرجه ئهوێ د ڤێ قووناغێ دا د حوكمهتێ دا كار دكهت، خودان ئهڤ تێگههشتنه بیت، كو قووناغا گرفتدار خۆكوشتن و ئهقڵیهتا چارهسهر ئامێزی دڤێت.
ل دووماهیێ من دڤێت بێژم .. پێدڤیه ئهم ههمی، حزب و حوكمهت، ههڤوهڵاتی و ڕۆژنامهنڤیس ئهڤێ چهندێ دیار بكهین، كو ههرێما كوردستانێ پێدڤی ب كابینهیهكا بچووك و حوكمهتهكا مهزن ههیه، بچووك ب ژماره و مهزن ب تێگههشتن و چارهسهر و تێپهڕاندنا قووناغهكا ب قازانجا ههڤوهڵاتیێن ههرێما كوردستانێ.
نووترين نووچه
- سەرۆك بارزانی پەیامەكا كورت و دیرۆكی بۆ سالڤەگەڕا ڕیفراندۆمێ بەلاڤكر
- هەڤپشكییا مە ل گەل پێشمەرگەی دێ بەردەوام بیت
- ڕیفراندۆم دەربڕینا ئیرادەیا ڕاستەقینەیا گەلێ كوردستانێ بوو
- كۆسرەت ڕەسول: ڕیفراندۆم ڕۆژەكا دیرۆكی بوو
- بەری 9 سالان، خەلكێ كوردستانێ ب «بەلێ» دەنگ بۆ سەربخوەیا كوردستانێ دا
- 30ێ ئیلۆنێ قووناغەكا نوو ژ پەیوەندیێن مە ل گەل هەڤپەیمانییا نێڤدەولەتی دێ دەست پێ كەت
- حوكمەتا فیدرال دەستكارییا نەخشەیا سەرژمێرییا هەرێما كوردستانێ كریە
- زیرەك زێباری: بێی ڕێككەفتن ل سەر پشكا هەرێما كوردستانێ، بودجەیا 2027ێ یا ئیراقێ ناهێتە پەسەندكرن
- مە هەژمارەكا پێشنیازان بۆ کێمکرنا بهایێ پانزینێ داینە حوكمەتا ئیراقێ
- مافێ هەرێما كوردستانێ یە 14% ژ بودجەیا 2027ێ یا ئیراقێ بۆ بهێتە تەرخانكرن
د.سالار عوسمان
پهراوێزا ئهردههژینێ دا (كورد د نێڤبهرا گریانێ و پێكهنینێ دا!..)
ئهردههژینا رۆژا 12ی ڤێ مههێ و بهرێخوهدانهكا كۆمهڵناسییانه
لێكهفتهیێن جودا جودایێن ههر بۆیهرهكێ ههتا بۆیهرێن سروشتیی، (ئهردههژین بۆ نموونه)، جهێ خواندنهڤا زانستیێن جودایه، د ناڤ وان ژی دا، زانستێ كۆمهڵناسی یه.
ل گهل هندێ ئهردههژینێ وێ رۆژێ ههستهكا ههڤپشك یا جڤاكی دروستكر، لێ بۆ ههر تاكهكێ ژی بۆیهرهك بوو دهوردای ب لێكڤهدانێن تایبهتیێن وی، بۆیهرهك بوو ب پرسیار، تایبهت ئهو پرسیارێن كهفتینه نێڤبهرا ژیان و مهرگى دا، كو ل گهل هندێ پرسیارێن ئهزهلی نه، لێ ل چهشنی بۆیهرهكا مینا ئهردههژینێ ژ پرسیارێ تێدپهریت و دبیته وێنه و وێنا.
مرۆڤ دنێڤبهرا پرسیار، وێنه و وێنا دا
مرۆڤ بوونهوهرهكه پرسیارههڵگر، بهردهوام ل گهل پرسیارێن خوه دژیت، بهرسڤ مرۆڤی ژ وێنێ نێزیك دهكهتهڤه، تێگههشتن ژ وێنێ جۆرهك ژ وێنهیان چێ دكهت، كو دهێتهكارین ناڤێ ڤێ پرۆسێ بكهین دۆزینهڤه، ڤهدیتن، ئهردههژینا وێ رۆژێ مرۆڤى ژ پرسیاران ڤه ڤهگوهاسته بۆ وێنهیان، كو تهژی بوو ژ وێنهكرنا مهرگ و مرنێ، لێ وێنهكرنهك د ناڤ ژیانێ دا، لهوما دشێن بێژین مهرگهك نینه ژ دهرڤهی ژیانێ، كهواته ئهو ڤهدیتن ههر د ناڤ ژیانێ دایه، لهوما ژیان ب خوه ئهو پرۆسه یه نهك مهرگ، ههر لهوما ژی مرۆڤ ماندیه پرسیارههڵگره، ل گهل وێنه و وێنان دا بهردهوام ل دووڤ دۆزینهوه و ڤهدیتنان دگهڕیێت.
كورد دنێڤبهرا گریان و پێكهنینێ دا!..
ههر پشتی وێ ئهردههژینێ، كو ئهگهرییا دووبارهبوونا وێ ژی ههبوو، هزاران وێنه و كۆمێنت و كورته فیلم و توانج و نڤسین و كۆمیدیا مه دیت و مه خواند، كو گوزارشت ل تراژیدیایهكی دهكر، كو دبێژنێ: (بوومهلهرزه، ئهردههژین، پرسیارێن نێڤبهرا ژیان و مهرگ، وێنه و وێنایێ مهرگ و مرنێ، ڤهدیتنا مرنێ د ژیانێ دا)، كو ب دیتنا من پێویسته كۆمهڵناس ل سهر باخڤن و پتر ژ ڤێ چهندێ ژی پێویسته ڤهكۆلین ل دۆر ڤێ چهندێ بهێتهكرن، توێژینهوه و ڤهكۆلین ب ئاراستهیا باشتر و زانستیانهتر ناسینیا كۆمهڵگهها كوردستانی، كۆمهڵگهههك كو وهها ب لهز گریانێن خوه دكهته پێكهنین، كۆمهڵگهههك كو دخوازیت ب تێكهڵكرنا تراژیدیا و كۆمیدیا، تراكۆمیدیایهكێ بخوڵقینیت و ێ بكهت و ب ڤێ رێكێ (تراكۆمیدیا) رامانهكا دی ب ژیانێ ببهخشێت!..
رامانا نوو، یان ئهنجام؟
رامانا نوی چییه؟!،،
1ـ ئهرێ كورد و كۆمهڵگههێ كوردستانی، نهتهوه و كۆمهڵگهههكێ هنده ماندی و ئازار دیتینه ههتا وی ئاستی، بێزار ژ ژیانێ و بێباك و بێمنهت ژ مهرگى، بخوازن ل دیار ڤهدیتنا مهرگ له نێڤ ژیانێ دا، ئێدی ل دووڤ جۆرهك ژ دهربازبوونێ بگهڕێن، كو دشێین ناڤێ ڤێ دهربازبوونێ ژی بكهین (دهربازبوونا نێگهتیڤ) ؟!..
2ـ ئهرهێ ئهڤ پرۆسهیه (تراكۆمیدیا) جۆرهكه ژ ترسێ ل مهرگ و دخوازن ب ڤێ رێیێ زاڵ بن ب سهر ڤێ ترسێ دا، كو ل ڤهدیتنا مهرگ د نێڤ ژیانێ دا ئهزموون دكهن؟!..
ب دیتنا من ههردووكه، لێ ئهوا ئێكهم زێدهتر، ژ بهر چی؟!.. چونكو ل كوردستانێ، كوردستانهك كو هاتیه دهوردان ب زوڵم و دنێڤ خوه دا ژی دههان گرفتێن كوور ههیه، هند نهمایه ژیان و تامێن ژیانێ رامانێن خوه یێن جوان ژ دهست بدهت!…..
نامهیهكا ڤهكری بۆ رهوشهنبیرێن سلێمانیێ
پشتی ١٦ ئۆكتۆبهر ٢٠١٧، ڕوودانهكا مهزن و قسهههلگر یا ههیى، كو دهنگههڵبڕینهكا پۆزهتیڤ دڤێت، مهبهستا من ژ دهنگههڵبڕینیا پۆزهتیڤ دهنگههڵبڕینیا بهرههمداره، ئهو دهنگههڵبڕینا كو ئینسان ژێ مفاداردبن، نهك یێن خودان ژیبوونن، چونكی د ناڤبهرا ئێنسانى و ئێنتیمائان دا ئهو سهروهرى یا ئینسانه نهك ئینتیمائێ!..
لێ مخابن د سالێن بهرێ دا هوونێن ب ڕێز قسهگهلهكێ زۆر دهربارێ ڕوودان، حاڵهت و دیاردهیێن سیاسى ڤه وهدكر، خوه ههكه د ڕووكهش ژى دا بێنازییا سیاسی د گۆتارێن وه دا دیار دبوو، كو وه بخوه بانگهشهیا وێ دكر بۆ یا وه دڤیا، لێ د ناخێ وان دا تژی بوو ژ نیازمهندیا سیاسی، بێگومان نیازمهندیا سیاسی ب مانا نێگهتیڤا وێ، لهوما گۆتارێن وه بهرههمدار نهبوون و هندیتر ڕهوش ئاڵۆزتر لێكر و ب كورتی هوون نهشیان دهنگهكێ پۆزهتیڤ بن!..چونكی دهنگێ پۆزهتیڤ دهنگهكێ وهلاتبینه، دهنگهكه پارچه پارچهیا وهڵاتى كۆمدكهت و ههتوان بۆ برینا دهستنیشان دكهت، دهرگههێن داخراو ڤهدكهت و عهقلهكێ تژی چارهسهر!..
نها كو ئهز ڤێ نامهیا ئاوهڵایه دنڤیسم، وهڵات:(كوردستان) ژ ڕوویێ سیاسی ڤه پارچه پارچهیه، برینێن وێ ژ جاران زۆرترن و پشكهكا زۆر یا دهرگههان قوفل و چارهسهر ژ ههر دهمهكێ دی پێدڤیتره، لێ دهنگ ژ ههوه ناهێت، قڕوقهپ ب سهر بێدهنگیهكا شهرمین دا كهفتیه و كۆی ئهڤان دیمهنێن تراژیدیایانه، ب داگیركردنا ئهردێ مه وهك پێویست وه نا ڤههژینیت، د دهمهكی دا هوون ل سهر گهلهك بابهتێن لاوهكی و ئاخفتن ههبوو ڕاچڵهكین و چارهسهریا بنهڕهت دكر، باشه نها ئهڤ بێدهنگیا وه ژ بهرچ و بۆ چیه؟، ئهرێ دچێته د خانهیا كیژان لێكدانهڤهیا سیاسیی و تێگههشتنیا كلتووریی دا؟!..
د زهمهنهكی دا كو پشكهك ژ كوردستانێ و خاك و ئاڵایێ وێ، مرۆڤ و كهرامهت و سهروهریی كهفتیه بهر شیروتیرێن جهیشێكا نابین یا مهزههبیی ڤه، پێدڤی بوو هوون خودان زۆرترین قسه و لێدوان و لێكدانهڤه و مانیڤیست بن، كهچی هوون ههر د بێدهنگن، ههر قڕوقهپ، ههر وهك كو پێشتر و بریار ل سهر دابیت كو تیر یا ڕهخنه و شهڕێ نڤێسین و شرۆڤهیێن میدیاییێن وه تنێ بۆ دژایهتیا بارزانی و پارتی بیت و بهس..، نه وه دهنگ ههیه و نه ههڵوێست!..
ئاخفتنا من نه بۆ وان كهسانه، كو بۆ پارهى خوه دۆڕاندینه، ئاخفتنا من بۆ وانه، كو بهرى ئینتیمایێ، ئینسان و نیشتیمان ل نك وان بلندتربیت، ئهز باوهرم هندهك ژ وه وهك من هزر دكن، ئهز باوهرم هنهك ژ وه دڵۆپه خوێنا پێشمهرگهی ب سهروهتا ههموو دنیا ناگوهۆریت، لێ نزانم ئهڤ بێدهنگیه ژ بهر چی و بۆ چ؟!.. تۆ بێژی ئاسمانێ سلێمانێ هاتبیت گوهارتن كو نها ژبلی عهور، ترس ئاسمانی سلێمانی گرتبیت؟!..بهلكی ئهز یێ شاش بم و بهلكی ڕاست بم، بۆ ڤان پرسیاران ژی ههر ڤێت هوون بهرسڤێ بدهنهڤه، نه ههر بهرسڤا ڤان پرسیاران بهلكی ههموو پرسیارێن دیتر ژی، تایبهت پرسیارا مێژوویی یا ١٦ ی ئۆكتۆبهر و ههموو ئهو پرسیارێن كو پشتی ١٦ ی ئۆكتۆبهرێ دروست بوون و دروست دبن !!!.
ئەو پارتیێن غەدر ل پارتی دکەن !
یێن پارتی کینە؟ یێن پارتی خودان دۆزن، ھەڵگرێن خەتیرا ڕزگاریا نیشتیمانینە، پەروەردەیێن ڕێبازەکێنە، کو ژبلی کار و خەبات پیخەمەت بدەستڤەئینانا مافێن هەژیێن گەلئ کوردستانێ، ئاواتەکا دی نینن، ب قییەم ڤە هاتینە پەروەردە کرن و دەست ب چەمکێن ڕۆشنێن دیموکراسی یێ گرتینە، پەرۆشتر ژ یێن دی و پێخەمەت ئازادی و سەربەخۆییا کوردستانێ، ڕوئیاڕوون پێنگاڤان دهاڤێژن و ھەرگیز سار نابن. مێژوو، ڕاستگۆیی و سەربۆر ئەو یێت مەزن کرین یێن پارتی د نێڤ قورساییا دیرۆکێ دا ھاتینە دیرۆک ب ھەمی سەرکەفتن و شکستێن وێ ڤە لەوما دشێن بێژین پارتی ئەزمووندیدەترین حزبا سیاسییە ل دەڤەرێ ئەڤ دیرۆکا کویر و ئەڤ ئەزموونا کۆمبووی پارتی مەزن کریە ، لەوما ھەمیشە مەزن دەبینیت و مەزن هزر دکەتەڤە و مەزن سەرەدەریێ دکەت و مەزن بەرگری یێ دکەت و مەزن قوربانی یێ ددەت و چارەسەریێن وی ژی مەزنن، پارتی د نێڤبەرا دڵسۆز و گێرەشێوێندا راوەستیانەکا کورت!.. یێن دڵسۆز ئەون ڕێک وەک یێن پارتی، پارتیناس مامەڵە دکەن و ڕەنگڤەدانا خەسڵەتێن نەگوهۆرێن پارتین و ھەمی بزاڤێن وان تنێ پیخەمەت کوردستان و بدەستڤەئینانا ئامانجێن کوردستانێ یە و چ دی نە ، ڤێجا ھەر کەس ل گۆڕی کار و پێگەهێ خوە. مخابن ھندەک دیمەن، ڕەفتار و لێدوانان دبینین، کووەسا دیار دکن ئەڤە پارتینە، ل بن ئاڵا پارتی و د ناڤ حەماسەتا گوتنەڤا دروشمێن پارتی، دچنە سەر دامەزراوەێان ، یان دچنە سەر بارەەگەهێێ حزبان، یان پەیڤێن کرێت و ناشیرن ب کار دئینن و ھندەک جا ژی ژ پەیڤان دەرباز دبیت و ڕەفتار و کار و کارڤەدانین نەهەژی و تووندوتیژ دکەن، کو ئەڤە ھەرگیز دگەل پارتی و پرەنسیپێن پارتی ئێکناگریت و پێویستە بەری کو خەڵکا دی باخڤیت و ڕەخنێ ل مە بگریت ، ئەم ب خوە باخڤین و ڕەخنێ ل خوە بگرین، چونکی ب دڵنیایی ڤە ئەوێ قودرەتا ڕەخنەگرتنێ ل خوە نەبیت، گومان ل دڵسۆزیا وی ژی دهێتە کرن!.. کورت و کرمانج، خەلکەک هاتینە ناڤ پارتی، یان نە پارتی نە و یێت ئێخستیە ناڤ پارتی، یان باش نە هاتینە پەروەردە کرن ، کو ھەردوو حاڵەت ئێک ژ ئێک خراپترە و کارێ مە ئەوە بێژینە باشی باش و بێژینە خرابی خراپ و بزاڤا چارەسەرکردنا وان بدەین، باشترین چارەسەر ئەوە: ١- ئیعترافێ ب وێ ڕاستیێ بکەین، کو ئەوێن ئەگەر پارتیش بن، زیانێ دگەهیننە پارتی و د ئەنجامدا غەدرەکا مەزن ل پارتی دەکەن !.. ٢- گێرەشێوێن، ڤێجا ھەر کەسەک بیت بهێتە دادگا کرن و سزادان. ٣- ب پەروەردەیا حزبیانە دا بچینەڤە، د ڤێرێ دا ڕۆڵێ سەرکردایەتیا لقن گرنگە، چونکی ئەو ژ ھەمیا نزیکترن ل ئەندامێن خوە. پەیڤا دوماهیێ پەیڤا دوماهیێ ئەوە: کەرب و کین و ھەڵچوون چاڤێ وی کۆرە یە و پێتڤیە یێن پارتی و حزبێن دی ژی و ئەم هەمی ژ وێ ھەقیقەتێ تێبگەین، ئەوا ڕاستە ئەقڵ و مەنتیق و ئارامی و ڕێزگرتنە ل هەڤدوو، تەنانەت ئەگەر دگەل ناحەزو دوژمنێن خوە ژی ڕووبەڕوو بووینەڤە، ھەر دبیت ب ئەقڵ و مەنتیق سەرەدەریێ بکەین، چونکی کلیلێ سەرکەفتنێ د بەریک و گیرفانا مەنتیق دایە !..
بارزانی سهرۆكهك مهزنتر ژ پۆستێ خوه
داكو سهرۆك مهسعود بارزانی بناسین، پێدڤیه دوور بكهڤین ژ ستایش و كهربوكینێ، چونكی ههردو چهمك:(ستایش، كین) مه ناگههینیته حهقیقهتا وێنهى، یا ئێكهم (ستایش) داپۆشكریه ب سۆزێ و یا دوویێ ژی (كهربوكین) داپۆشكریه ب سهنگهرلێگرتنهكا دوژمنكارانه، لهوما پێدڤیه د ڤێ ناڤبهرێ دا، دوور ژ سۆز و كهرب، ب لۆژیكیانه و ل سهر بنهمایێ واقیعیانه خواندنێ بۆ سهرۆك بارزانی بكهین.
بارزانی پێشمهرگهیه
بارزانی ل ههمی ژیانا خوه پێشمهرگه بوویه و ههر وهسا ژی دێ مینیتهڤه، ژبلی كو وی ب خوه سهدان جار دوپات كریه، كو پێشمهرگایهتی مهزنترین پلهیه، ئهوێن كو ل گهل ژیاینه و ژ نێزیكڤه دناسن، تهمام ل وێ حهقیقهتێ تێگههشتینه كو بارزانی دوور ژ درووشمان ، ب ههڵویست و كریار پێشمهرگهیه و ههمی ههلوێستێن دیرۆكی یێن ههتا دگهته ئهڤرۆ ژی ، كو ب دهستهكی پهیامی ئاشتییانهیا سهربهخۆییا گهلهكی ستهمدیتى یه ههلگرتیه و ب دهستێ دی ژی ل سهنگهرى دا بهرهڤانیێ دكهت و بهرسینگێ نهحهزێن كوردستانێ گرتیه، ئهوێ حهقیقهتێ پشتڕاستر دكهتهڤه، كو بارزانی وهك پێشمهرگه ئافریه و ههر ئهو خهسڵهتا پێشمهرگایهتی یه ژی ئهو گههاندیه لۆتكه و گۆپیتكێ، نهك پۆستێ وی ، ب میناك پۆستێ سهرۆكایهتیا ههرێما كوردستانێ.
پۆستێ سهرۆكایهتیا ههرێمێ د نێڤبهرا ڕهغبهت و ئهركى دا:
مه ههمیان پهیڤێن بارزانی ل بیرا مهنه، سهبارهت ڕهغبهتا وی بۆ وێ پۆستێ، و ب چهندین جار ئاماژهیێن ڕوون و ڕاشكاو بۆ هندێ كریه، كو ئهو چ جار رهغبهتا هندێ نهبوویه ئهڤی پۆستی وهربگریت، تهنانهت ب ڕوونی گۆت: ل ههمی تهمهنێ خوه تهنێ ل وێ پهشێمانم كو پۆستێ سهرۆكایهتیا ههرێمێ من قبوولكر، ئهم ههمی ژی گۆتن و لێدوانێن چهند باره یێن جهنابێ وی ل بیره، كو دگۆت: ههرگیز خوه كاندید ناكهمهڤه، واته، دوور ژ سۆز و كهربوكین، لۆژیكیانه پێدڤیه ئهوێ ڕاستیێ بزانین، كو ئهڤه ئهرك بوویه و وهك پشكهك ژ تهكمیلكرنا ژیانا پێشمهرگایهتی خواستیه ب وێ ڕێكێ و ب ههڤكاریا گهل و حزبان كار بۆ بدهستڤهئینانا ئامانج و ئاواتێن مهزن بكهت، كو كریه ژی: ڕیفراندۆما ل بهروار 25/9 ب میناك.
بارزانی ل زهمهنهكێ دیرۆكی یێ مهزن دا:
بارزانی ب ههمی ژیانا پێشمهرگایهتیا خوه، بۆ ژڤرێ وێڤه ژی كو ههر ب پێشمهرگایهتی دێ مینیتهڤه، مهزنتره ژ ناڤنیشان، مهزنتره ژ پۆستێن قانوونی و ڕهسمی، ژبهر چێ؟!.. ژ بهر كو خهسڵهت و ئهركێن وی مهزنن و دێ بهردهوام ژی بیت ل وێ نهخش و دهورێ مێژوویی یێ، كو نها بدهستڤهئینانا وان ژ ههمی دهما نزیكتره ژ دوامهنزڵ!..
بارزانی داخلی زهمهنهكێ دیرۆكی یێ جیاواز و مهزن بوویه، زهمهنهك كو پتر ل ههر زهمهنهك دی، سهردێڕ و چهمكێن ئازادی و سهربهخوهیا كوردستانێ ل سهر مێزا سیاسی و دیپلۆماسیا دونیایێ ل گهنگهشهیێن گهرم و جددیی و بنیاتنهردان، كو ل گهل ههمی ئهو سهردێڕ و چهمك و گهنگهشێن ژدل و ب رژدى، ب تنێ ناڤێ بارزانی دئێت !..
ڕیفراندۆم و شهڕ، یان رهڤین و بهرهڤانی؟!…
شهڕهكێ نوو یهخا كوردستانێ گرتیه، شهڕهك كو سۆپایێ عێراقێ/حهشدا شهعبی ب وهكالهت دكهت، شهڕهك كو داڕێژهر و ئهنجامدهرێن وێ خودانێن ههمان عهقلیهتا ئهنفال و كۆمهڵكۆژینه، پرسیارا ههری رژد ئهوه: (ئهڤ شهڕه پهیوهندی ب ڕیفراندۆمێ ڤه ههیه، وهك هندهك سیاسییێن نێڤخوه بانگهشێ بۆ دكهن، یان شهڕهكێ پێشدهمه داڕێژرایه، بهلێ هاتیه پاشخستن و نها دهێتهكرن!..).
بهری بهرسڤا ڤێ پرسیارێ بدهینهڤه، پێدڤیه بزڤرینهڤه بۆ ههمی ئهو لێدوان و تهنانهت ههڕهشه یێن كو بهرپرسێن حوكمهتا عیراقێ، زووتر و ل سالێن پێشیێ دا سهبارهت ب ناڤچهیێن ڤهقهتاندی، تایبهت كهركووك بهڵاڤ كرینه، كو ههر ههمی نهك ههڵگرێن چارهسهر نهبوون، بهڵكو ئاریشه قوولتر و كوورتر دكر، ههروهسا پێویسته بزڤرینهڤه بۆ ههمی ئهو لێدوانێن كو ل ساتهوهختێ شكاندنا داعش دا ل لایهن بهرپرسێن عێراقێ، تایبهت شیعهیێن دهستڕۆیشتى هاتیه بهڵاڤكرن، ههمی ئهو لێدوان وێ ڕاستیێ دسهلمینن، كو حوكمهتا عیراقێ ب هیچ جۆرهكی دگهل چارهسهریا ئاشتیانهیا كێشه و ئاریشان نهبوویه و ههمیشه ب لۆژیكێ داگیركهر سهرهدهری دگهل ڤێ پرسا ههستیار دا كریه، پرسهك كو بۆ كوردستانیان بوویه پشكهك ژ پیرۆزیا دیرۆكی و نیشتمانیی و ههتا شههیدبوون ئامادهی قوربانیدانێ نه پیخهمهت ڤێ چهندێ.
نها دبیت بهرسڤا پرسیارا بنهڕهتی بدهینهڤه: (ئهرێ ئهڤ شهڕێ نها یهخا مه گرتیه، هیچ پهیوهندیهك ب ڕیفراندۆمێ ڤه ههیه؟..)، د بهرسڤ دا دبێژین: نهخێر، ئهگهر مه ڕیفراندۆم ژی نهكربا، ئهڤ شهڕه ههر داهێتهكرن و بهری ڕیفراندۆمێ پلانا پێشوهخت ههبوویه، بهلێ ژبهر خرابیا رهوشێ و شهڕێ داعش و دهرهنجامێن وێ، هات پاشئێخستن و ئێخستینه نها!…
داكو قووڵتر ل ڤێ قهناعهتێ بپهیڤین، ئاماژه ب (٣) سێ لێدوانان دكهم، كو ههر سێ بهحس ل هندێ دكهن كو ئهڤ شهڕه چو پێوهندیهك ب ئهنجامدانا ڕیفرامدۆمێ ڤه نینه، ئهوسێ لێدوان ژی ئهڤهنه:
١ـ حهشدا شهعبی.
٢ـ بهرهیێ توركمانی.
٣ـ پارێزگارێ كهركووك.
دیاره ئهڤ سێ لایهنه سێ لایهنێن پهیوهندیدارن و حسێب بۆ لێدوانێن وان دهێتهكرن، لهوما نها ڕوونتر و زهڵاڵتر دكارین بێژین: ههمی ئهو سیاسیێن لهرزۆك و فهرماندهیێن ترسنۆكێن، كو ب ڤهكێشانا وان مێژوویا خوه پڕ كر ژ چهپهڵیی، ههقه چ دی ئهڤی شهڕی ب ڕیفراندۆمێ ڤه نههێته گرێدان و ڤهكێشان ژی ڕوودانهكه و ناهێته وونداكرن.
پشتراستم چهند ڕۆژێن دی وێنه دێ باشتر ڕوون و خۆیا بن، ڤهكێشیایێن ترسنۆك و قارهمان ل ههڤ دێ هێنه جوداكرن، دیرۆك دێڕێن ڕهش و یێن سپی یێن خوه تۆمار دكهت، پشتراستترم ژی ژ وێ چهندێ ئیرادهیا قارهمانانه یا پێشمهرگه و دڵسۆزانێن كوردستانێ دێ بسهركهڤیت، بهڵێ پێدڤیه ئێك ڕاستیێ ژ بیر نهكهین، ئهو ڕاستی ژی ئهوه: (كوردستان ب قوربانیی و قارهمانیی یێن خوه ڤه چۆیه ناڤ دیرۆكێ، قهدهر دبێژیته مه، بۆ سهركهفتنا ڤێ جارێ ژی مه پێدڤی ب قوربانیدانێ یه !..).
ئهم راستین، لێ ل گهل یێن خراب تێكهفتینه!..
ـ ئهم و ئهو، دهما دبێژم ئهم مهرهما من: (ههرێما كوردستان)ـێ یه و ئهو ژی واته: (ههمی ئهوێن كو دژی ههرێما كوردستانێ)، ئهم یێن د كێشهیهكا كوور دا، ههر چهنده ئهڤ كێشه د ڕووكهشدا سیاسییه و ب موفرهدات و كهرهسهیێن سیاسی سهرهدهری د گهل دا دهێتهكرن، لێ ب هزر و تێگههشتنا من، ئهڤ كێشه د بنهڕهت دا كێشهكا كلتوورییه نهك سیاسی، لهوما بۆ تێگههشتن د كێشێ و دهرهنجامێن وێ و ههمدیس بۆ گههشتن ب چارهسهریێ، پێدڤیه بزڤرینهڤه بۆ بنهڕهت، شهنگست: (كلتوور)، چونكی ئهگهر نهزڤرینهڤه بۆ بنهڕهت و ههر ب وێ فههما سیاسییا بهحت ل دۆر جیاوازیێن نێڤبهرا مه ئهم پهیڤین، چێدبیت نهكارین وی وێنهی تهكمیل بكهین: (وێنهیێ گرفت و چارهسهر).
ـ ئهم ڕاستین یان ئهو؟.. بۆ بهرسڤدانا ڤێ پرسیارێ، ناچارین و ههر دبیت بزڤرینهڤه بۆ بنهڕهت: (كلتوور) و ل ڕێیا فههما كلتووریی ڤه گفتوگۆیێ بكهین و ل دووڤ دا ل ڤێ رێكێ و ب ئهگهرا وێ فههما بنهڕهتیی ڤه: (كلتوور) كێشه یا ئاریشا سیاسیی زهلال و ڕوون دبیت و د ئهنجامدا ڕاست و شاشی، ههق و ناههق ل ههڤجودا دبن.
ـ كارین ب دهنگێ بلند بێژین: ئهم ڕاستین…ژ بهر چی؟.. ژ بهركو:
١ـ ئهم ل سهر ئاخا خوهینه و داخوازا مافێ خوه دكهین، مافهك بهری كو عهبدێن خودێ بڕیارێ ل دۆر بدهن، خودێ بڕیار ل دۆر دایه و تهمام بوویه، كه واته ههمی ئهوێن بهحسێ ئیسلام و خوداپهرستیێ دكهن، بۆ میناك (بهغدا و تههران و توركیا)، پێدڤیه ڕێزێ ل ئیرادا خودێ بگرن و ئهو مافێ ههژی بدهنه ههرێمی كوردستانێ و دانپێدانێ ب هندێ بكهن، كو ههرێما كوردستانێ ڕاسته.
٢ـ ئهم ب رێیا میكانیزمهكا ڕاست ڤه: (دیمۆكراسی)، مه ڕیفراندۆم كریه و ل دووڤدا ژی بژاردهیهكا دی یا دیمۆكراسیێ بۆ ل ههڤگههشتنێ دیاركریه:(گفتوگۆ)، كو ههردو میكانیزم مهدهنی نه، لێ ئهو: بۆ میناك (ئهمهریكا)، ناكۆك ل گهل پرهنسیپێن خوه، دخوازیت پشتێ ل دیمۆكراسی و گفتوگۆیێ بكهت، كو ئهڤه بخوه ئهمهریكا یێ دئێخیته بهردهڤ پرسیارێ، پرسیارا هندێ: (ئهرێ ئهمهریكا ڕاسته ل گهل پرهنسیپێن خوه ؟!..)
٣ـ مه ب ئاشتییانه پێنگاڤ هاڤێتیه بۆ چارهسهریێ ژى ههر ئاشتییانه هزر و بیران دكهین، لێ ئهو، بۆ میناك (بهغدا و جارجار ژی جیرانێن دی)، پهنا یێ بۆ میكانیزمێن نا ئاشتیانه دبهن، نموونه سزایا خهلكێ كوردستانێ ل ڕاگرتنا گهشتێن ئاسمانی و ههندهك جار ژی هێرش و شهڕی دكهن، كو زۆر ب كورتی دشێین بێژین: ئهم ڕاستین و ئهو شاشن، چونكی میكانیزما ههرێما كوردستانێ میكانیزما ئاشتییانهیه و یا ئهوان ب تهمامی نا ئاشتییانه!..
٤ ـ ئهم هێمن و ل سهرخوه و ڕوئیاڕووهن، ئهو تووڕه و چاڤ تاری، ههمی تووڕه و عاجزیا وان نزیكه ژ شاشیێ، ههمی ئاڵۆزیهك نێزیكه ل شهڕ و ههمی چاڤتاریا وان ژی نێزیكه ژ زوڵمێ، لهوما ئهو دشاشن، وهك چاوا د دیرۆكێ دا ههله و شاشی كرن و شكستن ل دووڤ شكستنێ وهرگرتن، كهواته ئهڤێ جارێ ژی ههر ئهم دێ بسهركهڤین، چونكی ڕێكا مه، میكانیزم و روئیا مه ڕاسته، ڕاسته ب دهلیلێ هندێ كۆكه ل گهل ههمی پرهنسیپێن مهدهنیێن سهردهم.
ل دووماهیێ دبێژین: ململانێ و ههڤڕكی كلتوورییه و دو بهره ل بهرامبهر ههڤدونه، بهرهیا دیمۆكراسی و بهرهیا نهدیمۆكراسی، ئهم:(ههرێما كوردستانێ) د بهرهیا دیمۆكراسیدانه و ئهو (دژێن ههرێما كوردستان)ێ د بهرهیا نهدیمۆكراسی دانه، ههر ئهڤهیه ژی جیاوازیا نێڤبهڕا مهیه ب درێژاهیا دیرۆكێ ههتا دهگههیته ئهڤرۆ، لهوما ئهم ڕاستین و دێ بسهركهڤین، لێ ل گهل كهسێن خراب تێكهفتین و ئهوێن خراب دێ شكێن!..
مفایێن پشتگێرینهكرنێ ل كوردستانێ!..
ل ناڤ ئهدهبیاتێن سیاسیی یێن كوردستانێ دا، ڕستهیهك وهك قهناعهت بهردهوام دوباره دبیتهڤه، ئهو ڕسته ژى ئهڤهیه: (ژبلى چیایان كوردان هیچ دۆستهكێ دیتر نینه!.. )، د هندهك قووناغان دا، تایبهت د واری ئابووری و شهڕى دا، ب دیاركرن ژى ل شهڕێ دژى تیرۆرستێن داعش، ئهڤ قهناعهته جۆرهك ژ گۆهۆرینێ ب سهردا هات و پشكهك ژ لێكۆلهر و چاڤدێرێن سیاسی وهسا ددیتن كو ئێدى وهرزێ پشتهڤانیێ ل كوردان دهستپێكر و كوردستان ب پشتگیریكرنێ پشكهكه ژ ههڤكێشێن دهڤهرێ.
جارێ پێدڤیه چهندهكێ بابهت ڕۆهن ببیت:
1ـ كورد نهههق نهبوویه كو ب تهنێ چیا ب دۆست و پشت و پهنا زانیه، چونكو دیرۆك و ئهزموونێن تهحل یێن بێمروهتیا دونیایێ ههر ب تنێ ئهو راستیه نیشادایه، ئهو ڕاستیا تهحلا كو كورد ب تنێ یه!..
2ـ ڕاسته د ههردو وارێن ئابووری و شهرى دا، پهیوهندی و ههماههنگی و پێكڤهكاركرن د ناڤبهرا كوردستانێ و ئهوێن دیتردا ههبوویه، لێ نابیت ئهو ڕاستیه ژ بیربچیت، كو ئهوا ههبووى ژى بهرژهوهندیی بوویه نهك پشتگێری، ب واتایهكا دیتر ل ناڤبهرا بهرژهوهندیێ و پشتگیریێ دا، ئهوێن دیتر خهریكی بهرژهوهندیێ بوون و ئهم ژى چاڤێ مه ل پشتگیریێ بوویه.
3ـ نها ژى كورد ههر یێ ب تنێ یه، تهنێ ب دهلیلێ وێ ئێكێ ل پرۆسهیا ڕیفراندۆمێ دا ههرێما كوردستانێ چاڤهڕێبوونهكا زۆر له سهر جڤاكێ نێڤدهوڵهتی و ئهمهریكا ههڵچنێبوو، كه چ چاڤهرێبوونێن بێ ئۆمێد ماینهڤه!..
مفایێن پشتگێرینهكرنا كوردستانێ
1ـ بۆ ههموو دونیایێ هاته سهلماندن، كو ههرێما كوردستانێ خوهدى بڕیارا خۆیه و سهپانی بابێ كهسێ نینه.
2ـ ههموو ئهو دهنگێن بهتال، كو فلان حزب نێزیكی فلان دهوڵهتا ئهقلیمی یه و فلانێ دیتر ل بن كونترۆلا فلان دهوڵهتا ئهقلیمی یه!..
3ـ بۆ ههمووان ڕۆهن بوویه، كو ئهو دهمێ كوردستانێ بڕیار ل بهرژهوهندیا خوه ددهت، بۆ نموونه سهربخوهیی)، نهحهز ههر ناحهزه و دوژمن ههر دوژمنه و داگیركهر ههر داگیركهره!!..
4ـ ئهو راستیه باشتر جێگیربوو، كه ئێكڕیزیی و ئێكههڵوێستیا كوردى تاكه گرهنتیا سهركهفتنێ یه و دڤێت كورد دڤێ پێناڤێ دا پتر و قووڵتر كار بكهن.
5ـ بۆ ههموو دونیایێ هاته سهلماندن، كو كورد ل ههر پارچه و جوگرافیایهكێ بیت خوهدی ههمان ههست و سۆز و ههڵگرێ ههمان دۆزێ یه، كو بهردهوام ب دۆزا ڕهوا ناوزهكریه، ئهوا ئهم دبینین ل ناڤخوهیا ههرێما كوردستانێ، ل پارچێن دیتر، له تاراوگه، ئهوێ ڕاستیێ لا رهۆشهنتر دكهت، كه ب ڕهوایی دۆزا كوردى سهرچاوهیا وێ ئێكه و چارهسهرى ژى ههر ئێكه، سهرچاوهیا زوڵم و چارهسهرى دهوڵهته، واته دامهزراندنا دهوڵهتی كوردستانێ چارهسهره نهك گرفته، دڤێت ههموو لایهك، تایبهت ههر چار وهلات: (عیراق، توركیا، ئێران و سووریا)، ئهڤڕۆ یان سوبههی د وێ راستیێ بگههن، كو دامهزراندنا دهوڵهتا كوردستانێ چارهسهره نهك گرفته، چارهسهره بۆ ئهوان ژى!..
6ـ ڕۆهن بوویه كو وڵاتێن مهزن یێن دونیایێ ڕاست ناكهن ل گهڵ پرهنسیب و درووشمێن، ڕۆهنتر بوویه كو ئهوان بهرژهندییان لا گرنگترن ژ پرهنسیبان!..
مایهڤه بێژین: پێدڤیه سهركردایهتیا سیاسیا كوردستانێ مفای ژ مفایێن پشتگیریێ نهكرنێ ل كوردستانێ وهربگرن و ل پێناڤ پهروهردهیهكا پتهوتری ئینسانی كوردستانی، وهبهرهێنانا سیاسییانه و كلتوورییانه بۆ بكهن.
سهربهخوهیی و كوردێن د یاسپۆرا
كوردێن دیاسپۆرا ب پهرۆشی و دڵگهرمیهكا زۆر ڤه ل گهل كوردستانێ دژین، بهردهوام و د ههر قووناغهكێ دا دلێ وان ل گهل كوردستانێ یه و چاڤێ وان ل سهر تیڤیێن كوردستانێ یه و د ههڤبهندی و كارلێكهكێ بهردهوامدان ل گهل بۆیهراندا، تایبهت د ڤێ قووناغا گرنگ و ههستیار دا، كو ههرێما كوردستانێ د وهرچهرخان و ڤهپهڕینهكا مهزن دا دژیت، وهرچهرخانا دیرۆك و ڤهپهڕین بۆ سهربهخۆیێ.
ڕۆژا 9/9/2017 ل سانتك پترزبۆرك، كو ب پایتهختێ كلتووری یێ ڕۆسیا دهێته دانان، میتینگێكا جهماوهری بۆ پشتگیریی ل ڕیفراندۆما سهربخوهییا ههرێما كوردستانێ هاتهسازكرن و ژبلی شاندێ ههرێما كوردستانێ، كو ب ڕێز مهحموود محهمهد بهرپرسێ دهزگههێ ڕاگههاندن و رهوشهنبیری یا پارتی دیمۆكراتی كوردستان سهرۆكایهتی دكر، نوونهرێ پهرلهمان و حوكمهتا ڕۆسیا و فیدراسیۆنا دیاسپۆرا و میڤانێن وڵاتان و پشكهك ژ ڕوناكبیر و ڕۆژنامهڤان و هونهرمهندێن كورد و ڕۆسیا پشكداربوون و د وێ و میتینگێدا، كو مالا كلتووری یا كوردی ل سانتك پترزبۆرك رێكیخستبوو، گۆر و تهنهكا بێسنوور یا كوردانی دیاسپۆرا مه دیت، كو ب راستى جهێ شانازیی بوو و د ههمان دهم دا دهربڕی وێ مهحرۆمیهتا كوور بوو، كو دبێژنێ، مهحرومیهتا بێ دهولهتی).
كوردێن تاراوگه بهردهوام ئهڤ پرسیاره چهند باره دكرنهڤه: (ئهرێ گهلۆ تو بێژی كوردهك ههبیت ل دژی سهربهخوهیا كوردستانێ بیت و چما نهخێرچی ل دژی ئازادیا وهلاتێ خوه نه ؟)، ئهم د بزاڤا هندێ دا بووین بچووكیا نهخێرچیان، ل ئهقل و قهباره بۆ وانا شرۆڤه بكهین، وێنهیێ شهرمهزاریێن یاریگهها سلێمانیێ بهڵاڤ بوو و ئهو وێنه ئهو بچووكیی بهرجهسته كر، كو مه دخواست ب پهیڤ گوزارشتێ لێ بكهین.
كوردێن تاراوگه هێز و باندۆر و كاریگهریێ لسهر وهلاتێن خوه دروست دكهن و د ڤێ ههیامێ ژی دا هێدی هێدی دهێنهڤه كوردستانێ و ل ڕێكا دیدار و جڤین و چالاكیێن خوه دا پهرۆشی و دڵگهرمیهكا گهلهك دهردبڕن و بریار وهسابوو ژی د ڤان چهند ڕۆژێن بهری ڕیفراندۆمێ ژی دا ل هندهك وهڵاتێن جودا جودا كوردێن تاراوگه ب گرۆپێن كلتووری و سیاسی یێن جیاواز بێنه كوردستانێ و تێكهڵ ب ئاههنگ و ڕێورهسمێن جهماوهریی بن كو ل كوردستانێ دهاتنه ئهنجام دلن و دگهل وێ گڕو تینا بانگهشهیا سهرخوهبوونێ تێكهل د بن و بۆ ههمی دونیایێ دبێژین: (كورد له ههر كیڤهبیت، ل گهل سهربخوهیێ دانه و ئێدی سنوور بۆ بانگێ سهرخوهبوونێ مانا تنه!..).
قووناغا ئهڤڕۆ قووناغا كۆمكرنهڤهیا كوردى یه له دۆر خهتیرا سهرخوهبوونێ ژی دا، ئهو ژی كو ل گهل سهربخوهیدا ڕێ ناكهن، پێدڤیه بزانن ل گهل خهتیر و و چرا و ڕۆناهیا نهتهوهیهكی زوڵم دیده ڕێ ناكهن و دڤێن تاریك تاریك بچنه د ناڤ دیرۆكهكا پرشهرمهزاریێ دا!..
كورد و كوردستانیان سهردهكهون، بهیداخی سهربهخۆیی دهشهكێتهوه و بانگی ههق، كه بانگی كوردستانه بۆ سهربهخۆیی ههموو دونیای پڕ كردووه له ڕاستی، چونكه سهربهخۆیی ڕاستییه و تا ئێستا دونیا له ئاست ئهو ڕاستییه كهڕ و لاڵ، لێ ئێستا ڕاستی، به دهستی پڕ له ئاشتییهوه له دهرگاكان دهدات و دهرگاكانیش له كرانهوهدان.
دوما پهیڤ: كوردانی تاراوگه له دوورن، لێ لێرهن، به دڵ و جان لهگهڵ سهربهخۆییدان و ئێمهیش لهگهڵیانداین، ئهم لهگهڵ یهكبوونه موژدهی مهزن دهگهڵ خۆ دێنێت و له (٢٥) ی ئهیلولدا ههموومان ( بهڵێ ) دهكهینه تاجی سهركهوتنی سهربهخۆیی.
.
نهخێرچیێن كورد كینه!؟..
ل دهستپێكێ لێكدانهڤهیا من وهسابوو، كو ئهڤ (نهخێر)ـه پتر بۆ وان غهیره كوردێن كو ل كوردستانێ دژین، بهلێ ل دووڤدا بهروڤاژی دهركهت و نها عهرهب و توركمان و ئاشووریێن كوردستانێ، وهك كوردان كوردستانێ ب نیشتمانێ خوه دزانن ژ وێ ڕاستیا ڕۆشن تێگههشتینه، كو كوردستان وهك چاوا د دیرۆكێ دا هێلینا پێكڤهژیانێ بوویه، سوبههی ژى د دهوڵهتا كوردستانێ دا ههر وهسا دبیت و ئهڤ لانهیه ئارامتر ههمیان ب ههڤڕا ل ههمبێز دگریت، لهوما ب (بهلێ) پشكداری د شانازیا دیرۆكا دروستكرنا دهولهتا كوردستانێ دا دكهن و نها چو جوداهیهك د نێڤبهرا نهتهوێن دیێن كوردستانێ دا ناهێته دیتن و ههمووان، ب ئۆمێد و سووربوون و باوهر ب خوهبوون بهر ب پاشهرۆژا گهشا سهربخوهیێ پێنگاڤان دهاڤێژن.
نهخێرچیێن كورد كێنه؟
ـ ئهون یێن كو باوهری ب خوه نینه، خهلكێ باوهرى ب خوه نهبیت، ههرگیز نهشێن پشكدار بن ل بنیاتنانێ دا، دروستكرنا دهولهتێ بنیاتنانه.
ـ ئهون یێن كو كهربوكین ههیین و ڕقههلگرتین، ههردهم كهربوكین قودرهتا دیتنا ئاسۆدهیێ نینه، دهولهت ئاسوودهیه، تایبهت بۆ گهلهكێ كو غهرقێ مهینهتیانه!..
ـ نهخێرچیێن كورد بچووكن، یێن بچووك شیانا دیتنا وێنهیێن مهزن نینه، دهولهت وێنهیێ ههری مهزنه، لهوما نهخێرچی ههتا ئاستێ زهلیلیێ بچووكن، ئهگهر نه چاوا ل بهرامبهر ئازادبوونێ، زهلیلی یێ ههڵدبژێرن، مانێ ڤهمان ل گهل عێراقهكێ، كو دوهی كوردستان جینۆسایدكریه و ئهڤرۆ ژی نان و قووتی ههڤوهلاتیێن كوردستانێ بڕیه، ئهو پهڕێ زهلیلییه!..
ـ نهخێرچیێن كورد چو ل بارانهبوون، نه دوهی چو بۆ كوردستانێ كرینه و نه ئهڤرۆ ژی دكارن چو بكهن، بهتالن و دخوازن ل ڕێیا شهڕفرۆشتن ب پڕیی: (سهربخوهیی ب نموونه)، پێناسهیهك، یا باشتر بێژین چارهیهك بۆ بهتالیا خوه ڤهبینن!..
ـ نهخیرچیێن كورد عوقهدیینه، یان دناڤ حزبێن خوه خودان عوقدهیێن سیاسی و حزبینه، یان بازرگانێن تهمتومانینه و پرسیار و گومان ل سهر پارێن وان ههیه و د عوقدهیا گومانا پارهی دا دژین، یانژی دومیهئاسا عوقدهیاپاڵهوانبوونێ ههنه و سوئاڵكهرێ بهردهڤ مایك و كامیره و شاشهیێن تهلهڤزیۆنانن!..
ـ هندهك ژ نهخێرچیێن كورد ڕابردووپیسن، نه دوهی ل گهل نیشتمان و پێشمهرگه و ئازادی بوون، نه ئهڤرۆ ژی دكارن ئازارێن نیشتمان و خوێنی بهناههقڕشتیا ڕۆڵێن خوه ببینن، لهوما شێتانه ڤهدڕشیێن و ههر ڤهڕشیانهكا وان ڕهنگ و بهنا دوژمنهكی ژێ دهێت!..
ـ نهخێرچیێن كورد هاتینه خاپاندن، پشكهك ژ خاپاندیان بێئاگههن و نزانن، كو ههردهم ل پشت ڕستهیێن جوانێن خاپاندنێ مهرهمهكێ ناڤهشێرن خوه ڤهشارتیه!..
ـ هندهك ژ وان نهخێرچیان د دڵسۆزن، بهلێ تووڕهنه و گلهیێ ژ حزب، حوكمهت، ژیان و ژیار، ماف و دادپهروهریێ ههنه، ئهڤ دڵسۆزه ڕاستن و د ههمان دهم دا دشاشن، ڕاسته كو گلهیێ دكهن و تووڕهبوونا وان تووڕهیهكا سپی یه، بهلێ شاشن كو ب نهخێر دهنگ ددهن، چونكی ل ڕێكا نهخێرێ ڤه نهك گلهیێن وان چارهسهر نابێت، بگره دوژمن سوودمهند و كوردستان زیانمهند دبیت و دیاره ژی د ناڤ ڤێ هاوكێشهیێ دا: (دوژمن سوودمهند و كوردستان زیانمهند)، ئهو لایهنێن باش و جوانێن كو مه ههنه ژی ل كوردستانێ دێ كهڤیته د مهترسیێ دا، لهوما پێدڤیه یێن دڵسۆز و ریاتر و زرنگتر و دووربینتر و نیشتمانبینتر بن و دلێ دوژمنان ب خوه خۆش نهكهن!..
ل دووماهیێ دخوازم بێژم: نها نهخێرچیێن كورد، ب ههموو جیاوازیان ڤه، یا ل بهرچاڤانن، بهلێ سوبه، كو كوردستان سهربخوه دبیت، ئهو ژی ههڤوهلاتیێن ڤێ دهولهتا كوردستانێ نه و ل سایهی وێ دهوڵهتێ، وهك خودان (بهلێ) یان دژین، ئهڤهیه مهزنی و میهرهبانیا كوردستانێ، لهوما كوردستانهك وهها گهوره و مهزن و میهرهبان بیت، ههژی هندێ یه و ههر دبیت، وهك چیایێن وێ سهربڵند، ئازاد و سهربهخوه، خودان دهولهت بیت!..
نيشاندان
WP Facebook Auto Publish Powered By : XYZScripts.com