BBC : چه‌كدارێن داعشێ ل ئه‌لمانیا و به‌ریتانیا هاتنه زیندانكرن
ئه‌ڤرۆ نیۆز:
دادگه‌ها ئه‌لمانى وه‌لاتیێ ب ناڤێ كریشنك بریشا ب سێ سالا و نه‌ه هه‌یڤان سزایێ زیندانكرنێ ل سه‌ر سه‌پاند، پشتى هاتیه توومه‌تباركرن ب چوونا دناڤ رێزێن رێكخستنا چه‌كدراێن داعشێ دا.
ئه‌ڤه دبیته ئێكه‌مین دادگه‌هكرنا ژ جۆرێ وێ ل وه‌لاتێ ئه‌لمانیا، كو كه‌سه‌كێ ژیێ وى 20 سال و ژدایكبویێ وه‌لاتێ ئه‌لمانیایه و ره‌گه‌ز كوسوڤى یه، پشتى ب توومه‌تا ئه‌ندامه‌تیا رێكخستنه‌كا تیرۆرى یا بیانى هاتیه گونه‌هبار كرن.
كریشنك بریشا بۆ ده‌مێ شه‌ش هه‌یڤان ل وه‌لاتێ سوریا مایه، و دانپێدان ب مه‌شقكرنا ل سه‌ر ده‌ستێن تیرورستێن داعشێ و گرۆپێن توندره‌و كریه، به‌لێ پارێزه‌رێ وى دبێژیت ئه‌و چوویه سوریێ بۆ پشته‌ڤانیكرنا ئۆپۆزسیۆنا سورى یا بزاڤێن لادانا ده‌سهته‌لاتا رژێما به‌شار ئه‌سه‌دى دكه‌ت.
هه‌ر د هه‌مان بیاڤێ دادگه‌هكرنێ دا ل وه‌لاتێ به‌ریتانیا ژى وه‌لاتیه‌ك ب ناڤێ ( مشدۆر تشودرى) ب توومه‌تا چوونا دناڤ رێزێن چه‌كدارێن داعشێ دا ب چار سالان هاته زیندانكرن،
تشودرى ژیێ وێ 31 سالن و ئێك ژوان شه‌ش به‌ریتانیانه یێن چوویه سوریا و چار ژوان هاتینه كوشتن، ل گۆڕ قانوونا به‌ریتانى تشودرى دێ لبن چاڤدێریا دادگه‌هێ ڤه بیت هه‌تا 10 سالێن دى پشتى 2 سالێن زیندانكرنێ ژى ب ته‌مامى ده‌رباز دكه‌ت، و دو سالێن مایى دێ دخزمه‌تا گشتى دا بۆرینیت.
