ئەڤرۆ نیوز:
رۆژناما ماندو دیپورتیڤو یا ئیسپانی کو ئێک ژ رۆژنامەیێن نێزیکی یانا بەرشەلۆنا یە ل بەرگێ ئێکێ یێ سەرەکی یێ رۆژناما خوە وێنەکێ مەزن یێ یاریزانێ فەرەنسی و یانا مانچستەر یوناید مارشال لێدای یە و دانایە بەرشە دخوازیت مارشال ھەڤبەست ل گەل مارشال ئیمزا بکەت .
ئەوێ رۆژنامێ ئاماژە ب وێ چەندێ ژی کریە ژێدەرێن نێزیکی یانێ وەسا خویادکەن ب نەھێنی ڤە یانا کەتەلونی دەست ب دانوستاندنان کریە ل گەل یاریزانێ ناڤبری و یاریزانێ فەرەنسی ژی بەری نوکە دیارکربوو ئەو ب یانا بەرشەلۆنا یێ داخبارە و خەونا ھەر یاریزانەکی یە یاری ل یانەکا وەکو بەرشەلۆنە بکەت ژبەرکو ئێک ژ بەرنیاسترین یانا ل جیھانێ ھەردیسان یاریزان دیارکریە ژی ئەو نە یێ ئارامە ل یانا مانچستەر و حەزا چوونێ ھەیە و دبینت یانا بەرشەلۆنە بوو وی گەلەک یا گونجاوە .
ئەوێ رۆژنامێ ئاشکراکریە ژی یانا بەرشەلۆنە ژی حەزا ئیمزاکرنا ئەڤی یاریزانی ھەیە ژبەرکو ژیێ ئەوی یاریزانی گەلەک یێ گونجاوە بۆ پاشەرۆژا بەرشەلۆنە ئەوژی بتنێ ٢١ سالە و دێ مفایەکێ باش ژ ئەوی یاریزان بینن.

ئه‌ڤرۆ نیوز ، نه‌وزاد هلۆرى:
نڤیساره‌كا وه‌زاره‌تا خواندنا بلند و ڤه‌كولینێن زانست به‌لاڤبوویه‌ كو ئیمزا وه‌زیرێ خواندنا بلند و ڤه‌كولینێن زانستى ل سه‌ره‌ ، وه‌سا دده‌ن دیاركر كو بو خواندنا سالا 2017-2018 قوتابیێن پشكێن نافخوه‌ى پاره‌ى به‌رامبه‌ر بكارئینانا پشكێن نافخوه‌ى ناده‌ن ، به‌لێ سه‌رۆكێ زانكویا دهۆك ئه‌ڤ یه‌ك ره‌تكر كو چوو نڤیسار ده‌ركه‌فت بن تایبه‌ت ب نه‌دانا پاره‌ى ژلایێ قوتابیێن پشكێن نافخوه‌ى.
دڤى واریدا “دكتور مسلح دهوكى ” سه‌رۆكێ زانكویا دهۆك بو ئه‌ڤرۆ نیوز گۆت: ( چوو نڤیسارێن فه‌رمى ژلایێ وه‌زاره‌تا خواندنا بلند و ڤه‌كولینێن زانستى نه‌گه‌هشتینه‌ مه‌ كو بریار دابیت ل بارا نه‌دانا پاره‌ى ژلایێ قوتابیێن پشكێن نافخوه‌ى به‌رامبه‌ر بكارئینانا پشكێن نافخوه‌ى و ئه‌و بریارا كو كه‌فتیه‌ مالپه‌ر و تورێن جڤاكى ژى بریاره‌كا ساخته‌یه‌ و هنده‌ك كه‌سان درۆست كریه‌ و چوو كار پێناهێنه‌كرن)
زێده‌تر گۆت: ( مه‌ په‌یوه‌ندى ب وه‌زاره‌تێ كریه‌ و ئه‌وان گوت مه‌ چوو بریار نه‌داینه‌ ، و ژبه‌رڤێ قوتابیێن پشكێن نافخوه‌ى بو خواندنا سالا 2017-2018 دێ هه‌ر 100 هزار دینارێن خوه‌ ده‌ن ، هه‌رده‌ما بریاره‌ك ژلایى َوه‌زاره‌تا خواندنا بلند و ڤه‌كولینێن زانستى گه‌هشته‌ ده‌ستێ مه‌ ، دێ ب هه‌موو قوتابیان راگه‌هینین. )

ئه‌ڤ نڤیسارا ل خوارێ ساخته‌یه‌

ئەڤرۆ نیوز ، نەوزاد ھلوری:

پشتی نێزیکێ سێ سالان ئەبوبەکر بەغدادی خەلیفێ دەولەتا بناڤ ئیسلامی ” داعش ” دووەمین پەیاما خوە یا دەنگی بەلاڤکر و تێدا دیاردکەت کو تورکیا ئەوە کو کورد دەولەتەکێ درۆست بکەت و تایێن وێ بگەھن تورکیا ژی.

ئەبوبەکر بەغدای خەلیفێ دەولەتا بناڤ دەولەتا ئیسلامی ل عیراق و شام ” داعش ” نووترین پەیاما خوە یا دەنگی ب رێیا دامەزراندنا فوربان بەلاڤکر کو ئێکە ژدامەزراندنێن داعش لسەر تورێن جڤاکی و بەردەوام ڤیدیو و گرتەیێن ڤیدیو و وێنە و زانیاریێن داعش تێدا دھێنە بەلاڤکرن بێی کو ئاماژە ب دەم و جھێ تومارێ بکەت و دبێژیت: ( ھەڤپەیمانان و وەلاتێن ئەوروپی و ئیران و عیراق ھەموو ئێکدەنگن بو پاشئێخستنا ھندەک بابەتان” کود بیت مەرەما وی ریفراندۆم و دەولەتا کوردی بیت ” داکو چوو تشت وان مژول نەکەت بو شەرکرن لگەل دەولەا ئیسلامی لدەڤەرێ)

بەغدادی زێدەتر گۆت: ( ترسا مەزن یا تورکیا ئەوە کو کورد دەولەتەکێ درۆست بکەن ، و دپشترا ئەو دەولەت تایێن خوە بھاڤێژیت ناڤا تورکیا ژبەرکو ھژمارەکا زور یا کوردان ل تورکیا ھەنە ، ونھا د ترس و لەرزینەکا زور دا دژیت ، ژبەرکو کوردان دەست ب لڤینێن زور دکن ، ئەڤ یەک ژی بویە سەدەم کو تورکیا شەری بکەت ، داکو کوردێن تورکیا داخوازا سەربخوەیێ نەکەن ژ تورکیا )

ئەبو بەکر بەغدادی د درێژاھیا تومارا دەنگی یا خوە دا دیارکر ژی کو تورکیا ل ترسا ئەمریکا و ئەوروپا نکاریت شەری بکەت و ب پێشبینیا تورکیا ئەڤ شەر ب ساناھی یە بەلێ شەرەکێ پاشئێخستی یە و گۆت: (ئەمریکا کەفتیە بن قەرێن زور و رسیا ژی ئەڤ یەک ب خالەکا لاواز یا ئەمریکا دبینیت و بدەلیڤە دیت کو خوە ب خودانا سوریا ببینیت ، دبەرامبەر ژی دا ئیرانێ دخوازیت ھەموو کەنداڤی َعەرەبی داگیر بکەت)

ل دوماھیا تومارا خوە دا بەغدادی داخوازێ ل سونەیێن یەمەن و عیراق و سوریا دکە تکو بێدەنگ نەبن ھەمبەری ئەوان تاوانێن کو بەرامبەر وان دھێنەکرن و ل خودێ ژی دخوازیت کو ئەڤ سالە بکارن وەلاتێ سعودیێ فەتح بکەن داکو بکاریت حەێ بکەت.

ئه‌ڤرۆ نیوز ، هلۆرى:
ئه‌ڤرۆ ئێڤارى سه‌رۆكێ هه‌رێما كوردستانێ پێشوازى ل وه‌زیرێ ده‌رڤه‌یێ به‌ریتانیا كر ، بو دانوستاندن لسه‌ر چه‌ند پرسه‌كان ژ وانان پرسا ریفراندۆمێ ، بارزانى د كومبوونێ دا دیاركر كو ریفراندوم بێى گه‌رنتیه‌ك ناهێته‌ پاشئێخستن.
مه‌سعود بارزانى سه‌رۆكێ هه‌رێما كوردستانێ پێشوازى ل مایكل فالن و شانده‌كێ لگه‌ل دا كر و پشتى كومبوونه‌كا به‌فره‌ه كو كوسره‌ت ره‌سول عه‌لى جێگرێ سه‌رۆكێ هه‌رێمى ژى پشكدار ببوو دیاركر كو ئه‌و سوپاسیا هه‌موو وان لایه‌نان دكه‌ن یێن كو هاریكاربووین ژ بوو ناڤبرنا داعشێ و گۆت: ( بریارا ریفراندۆمێ ژلایێ سه‌ركرداتیا سیاسیا كوردستانێ ب پشته‌ڤانیا گه‌لێ كوردستانێ هاتیه‌دان ، به‌لێ ژ مێژه‌ بریارا ریفراندۆمێ هاتیه‌ ده‌ستنیشانكرن به‌لكو ب درێژاهیا مێژوویێ مه‌ چه‌ندین جاران به‌غدا ئاگه‌هداركریه‌ ئه‌گه‌ر لسه‌ر بنپێكرنا ده‌ستوور و نه‌هێلانا هه‌ڤپشكیێ و هه‌ڤسه‌نگیێ به‌رده‌وام بن دێ بو بریارا گه‌لى زڤرین ژبه‌ركو به‌رى نها هه‌مو رێكێن په‌یوه‌ندیان ل گه‌ل عیراقێ هاتینه‌ تاقیكرن ژ وانان لامه‌ركه‌زیه‌ت و ئوتونومى و فیدرالى ، به‌لێ هه‌مووان شكه‌ستن ئینایه‌ و مه‌ دڤێت ئێدى دوو جیرانێن باش بین)
زێده‌تر گۆت: (ریفراندۆم ئامرازه‌كه‌ بو گه‌شتن ب سه‌ربخوه‌یێ ، و ئه‌و پێگوركێن كو هه‌تا نها هاتینه‌ پێشكێشكرن چوو گه‌رنتیان بو دانوستاندنێ و به‌رهه‌ڤیێن ل گه‌ل به‌غدا نینن ، ژبه‌رڤێ پاشئێخستنا ریفراندۆمێ تنێ لسه‌ر وێ یه‌كێ كو دانوستاندن به‌رده‌وام بن و نه‌زانین لسه‌ر چى یه‌ و چوو گه‌رنتیێن نیڤده‌وله‌تى هه‌یه‌ ناهێته‌ پاشئێخستن ، به‌لێ ئه‌گه‌ر عیراق به‌رهه‌ڤبیت كو دانوستاندنێ لسه‌ر پرسا ریفراندۆمێ د ده‌مه‌كێ دیاركرى دا بكه‌ت و گه‌رنتیه‌كا نیڤده‌وله‌تى ژى هه‌بیت بو بجهكرنا رێكه‌فتنێ لسه‌ر سه‌ربخوه‌ى یا كوردستانێ ل وى ده‌مى سه‌ركرداتیا سیاسیا كوردستانێ دێ كوم بیت و دوماهى بریارا خوه‌ ده‌تن )
ژلایه‌كێ دنڤه‌ وه‌زیرێ به‌رڤانیا به‌ریتانیا دیاركر كو ئه‌و دخوازن كو ریفراندۆم بهێته‌ پاشئێخستن و دبه‌رامبه‌ر دا پروسه‌یه‌كا دانوستاندنێ ل گه‌ل به‌غدا ده‌ست پێ بكه‌ن و گۆت: ( ئه‌ێندایێن دانوستاندان ژى ب سه‌رپه‌رشتیا جڤاكێ نێڤده‌وله‌تى بهێته‌كرن)

ئەڤرۆ نیوز ، ھلوری:

کومسیونا بلند یا سەربخویا ھەلبژاردن و راپرسێ یا حکومەتا ھەرێما کوردستانێ د راگەھاندنەکێ دا کو دانەیەک بو ئەڤرۆ نیوز ھنارتیە تێدا دخوازیت کو ھەموو ئەو کوردێن ل دەڤە ل رۆژا ١/٩/٢٠١٧ ھەتاکو رۆژا ٧/٩/٢٠١٧ سەرەدانا وێب سایتێ فەرمی یێ کومسیوونا بلند یا ھەلبژاردن و راپرسێ یا ھەرێما کوردستانێ بکەن بو تومارکرنا ناڤێن خوە بو دەنگدان لسەر ریفراندۆوما ھەرێما کوردستانێ کو وەسا بریارە لرۆژا ٢٥/٩/٢٠١٧ بھێتە ئەنامدان.
زێدەتر د راگەھاندنا وان دا ھاتیە : (وێب سایت دێ لرۆژا ١/٩/٢٠١٧ ھێتە کارانکرن کو تایبەتە ب پرکرنا فورمان بو کوردێن ل دەرڤە کو ئەو ژی لسەر www.khec.krd )

ئەڤرۆ نیوز ، ھلوری:
کومسیونا بلند یا سەربخویا ھەلبژاردن و راپرسێ یا حکومەتا ھەرێما کوردستانێ د راگەھاندنەکێ دا کو دانەیەک بو ئەڤرۆ نیوز ھنارتیە تێدا دخوازیت کو ھەموو ئەو کوردێن ل دەڤە ل رۆژا ١/٩/٢٠١٧ ھەتاکو رۆژا ٧/٩/٢٠١٧ سەرەدانا وێب سایتێ فەرمی یێ کومسیوونا بلند یا ھەلبژاردن و راپرسێ یا ھەرێما کوردستانێ بکەن بو تومارکرنا ناڤێن خوە بو دەنگدان لسەر ریفراندۆوما ھەرێما کوردستانێ کو وەسا بریارە لرۆژا ٢٥/٩/٢٠١٧ بھێتە ئەنامدان.
زێدەتر د راگەھاندنا وان دا ھاتیە : (وێب سایت دێ لرۆژا ١/٩/٢٠١٧ ھێتە کارانکرن کو تایبەتە ب پرکرنا فورمان بو کوردێن ل دەرڤە کو ئەو ژی لسەر www.khec.krd )