ئەڤرۆ نیوز:

وەکو رێزگرتن و حەژێکرن بو مام جەلال تالەبانی محەمەدێ حاجی مەحمود سکرتێرێ حزبا سوشیالیستا کوردستانێ پارچە شعرەک نڤیسایە و بەلاڤکر.

ئەڤا ل خوارێ دەقا وێ یە.

ئەگەر مەدینە بێ نەبی بێ
نەجەفیش بێ علی بێ
داری کەلی بێ محمودە
وڵاتمان ماتە سەرتاپا تەمام
قەڵاچۆلانە ئەمڕۆ بە بێ مام

ئەڤ پارچە شعرە ددەتن خویاکرن کو ئەگەر مەدینەیا پیروز کو باژێرەکێ سعودیێ یە و مزگەفت و گۆرا پێغەمبەری سلاڤێت خودێ لسەر بن تێدایە و لدەف هەموو موسلمانان گرنگی یا خوە هەیە یا بێ پێغەمبەر بیت ، نەجەف کو باژێرەکێ عیراقێ یە و لدەف شیعەیان گرنگی یا خوە هەیە یا بێ عەلی کورێ ئەبو تالب بیت ، دەڤەرا دەرەکەل ژی کو دکەڤیتە سلێمانیێ یا بێ شێخ مەحمود بیت ، وەلاتێ مەژی کو کوردستانە هەموو بو مام جەلال بویە بەهی و تازی ، بێی مام جەلال هەر وەکو باژێرێ سلێمانیێ یێ چول بوی.

ئەڤ شعرە ل رێکەفتی 3 چریا ئێکێ 2017 هاتیە نڤیسان و ئەڤرۆ بەڵاڤکریە.

ئەڤرۆ نیوز:

ئەڤ زاروکێ چوار سالی توشی نەخوشیا دلی بویە و نوژدار ددەن دیارکرن ئەگەر هەتا دوو هەیڤێن دی چارەسەریا وی نەهێتەکرن ب چاندنا دلەکێ دی ، دێ مریت.

چارەسەریا وی ل وەلاتێ هندستانێ هەیە ،بەلێ نها رێیا فروکان ل هەرێما کوردستانێ هاتیەگرتن ، دڤێت ب رێیا فروکێ رەوانەیێ بەغدا بکەن پاشان بو هندستانێ ، ڤێ یەکێ پێدڤی ب هاریکاریەکا زور هەیە ، ئەڤە زێدەباری وێ مەسرەفا ل چارەسەرکرنا وی دچیت.

داخوازێ ل هەوە دکەین کو لدوڤ شیانێن خوە هاریکاریێن مادی و بکەن.

ئەڤرۆ نیوز:

ئەڤ زاروکێ چوار سالی توشی نەخوشیا دلی بویە و نوژدار ددەن دیارکرن ئەگەر هەتا دوو هەیڤێن دی چارەسەریا وی نەهێتەکرن ب چاندنا دلەکێ دی ، دێ مریت.

چارەسەریا وی ل وەلاتێ هندستانێ هەیە ،بەلێ نها رێیا فروکان ل هەرێما کوردستانێ هاتیەگرتن ، دڤێت ب رێیا فروکێ رەوانەیێ بەغدا بکەن پاشان بو هندستانێ ، ڤێ یەکێ پێدڤی ب هاریکاریەکا زور هەیە ، ئەڤە زێدەباری وێ مەسرەفا ل چارەسەرکرنا وی دچیت.

داخوازێ ل هەوە دکەین کو لدوڤ شیانێن خوە هاریکاریێن مادی و بکەن.

ئه‌ڤرۆ نیوز:

دوهى كومسیوونا بلند یا هه‌لبژاردن و راپرسیێ كومبوو و ل داویا كومبوونێ سێ رێكه‌فتن په‌سه‌ندكر كو تایبه‌تن ب هه‌لبژاردنا په‌رله‌مانێ كوردستانێ ڤه‌
ل گوره‌ى نڤیسارا كومسیوونێ كو بو ده‌زگه‌هێن راگه‌هاندنێ هاتیه‌ ئاراسته‌كرن و دانه‌یه‌ك ژى بو ئه‌ڤرۆ نیوز ره‌وانه‌كریه‌ تێدا هاتیه‌ كو ئه‌و ئاگه‌هداریا هه‌موو لایه‌نێن ه‌یوه‌ندیدار دكه‌ن كو جڤاتا كومسیاران ل كومسیوونا بلند یا هه‌لبژاردن و راپرسیێ د كوموبونا دوهى دا سێ رێكه‌فتن په‌سه‌ندكریه‌ ئه‌و ژى لبه‌رچاڤ وه‌رگرتنا كێم ده‌مى چوو گورانكارى ب سه‌ر وان رێكه‌فتان ناهێنه‌كرن.
ئه‌و رێكه‌فتن ژى ئه‌ڤێن ل خوارێ نه‌.
1- ده‌ما پێئینانا هه‌ڤپه‌یمانان دناڤبه‌را لایه‌نێن سیاسى لرۆژا 3/10/2017 هه‌تا 6/10/2017 بیت.
2- دما پێشكێشكرنا به‌ربژێرا بو په‌رله‌مانێ كوردستانێ دێ لرۆژا 9/10/2017 هه‌تا 13/10/2017 بیت.
3- هه‌لمه‌تا پروپاكندێن هه‌لبژاردنان بو په‌رله‌مانێ كوردستانێ دێ لرۆژا 15/10/2017 تا 29/10/2017 بیت.

ئه‌ڤرۆ نیوز ، نه‌وزاد هلۆرى:
نڤیساره‌كا وه‌زاره‌تا خواندنا بلند و ڤه‌كولینێن زانست به‌لاڤبوویه‌ كو ئیمزا وه‌زیرێ خواندنا بلند و ڤه‌كولینێن زانستى ل سه‌ره‌ ، وه‌سا دده‌ن دیاركر كو بو خواندنا سالا 2017-2018 قوتابیێن پشكێن نافخوه‌ى پاره‌ى به‌رامبه‌ر بكارئینانا پشكێن نافخوه‌ى ناده‌ن ، به‌لێ سه‌رۆكێ زانكویا دهۆك ئه‌ڤ یه‌ك ره‌تكر كو چوو نڤیسار ده‌ركه‌فت بن تایبه‌ت ب نه‌دانا پاره‌ى ژلایێ قوتابیێن پشكێن نافخوه‌ى.
دڤى واریدا “دكتور مسلح دهوكى ” سه‌رۆكێ زانكویا دهۆك بو ئه‌ڤرۆ نیوز گۆت: ( چوو نڤیسارێن فه‌رمى ژلایێ وه‌زاره‌تا خواندنا بلند و ڤه‌كولینێن زانستى نه‌گه‌هشتینه‌ مه‌ كو بریار دابیت ل بارا نه‌دانا پاره‌ى ژلایێ قوتابیێن پشكێن نافخوه‌ى به‌رامبه‌ر بكارئینانا پشكێن نافخوه‌ى و ئه‌و بریارا كو كه‌فتیه‌ مالپه‌ر و تورێن جڤاكى ژى بریاره‌كا ساخته‌یه‌ و هنده‌ك كه‌سان درۆست كریه‌ و چوو كار پێناهێنه‌كرن)
زێده‌تر گۆت: ( مه‌ په‌یوه‌ندى ب وه‌زاره‌تێ كریه‌ و ئه‌وان گوت مه‌ چوو بریار نه‌داینه‌ ، و ژبه‌رڤێ قوتابیێن پشكێن نافخوه‌ى بو خواندنا سالا 2017-2018 دێ هه‌ر 100 هزار دینارێن خوه‌ ده‌ن ، هه‌رده‌ما بریاره‌ك ژلایى َوه‌زاره‌تا خواندنا بلند و ڤه‌كولینێن زانستى گه‌هشته‌ ده‌ستێ مه‌ ، دێ ب هه‌موو قوتابیان راگه‌هینین. )

ئه‌ڤ نڤیسارا ل خوارێ ساخته‌یه‌

ئەڤرۆ نیوز ، نەوزاد ھلوری:

پشتی نێزیکێ سێ سالان ئەبوبەکر بەغدادی خەلیفێ دەولەتا بناڤ ئیسلامی ” داعش ” دووەمین پەیاما خوە یا دەنگی بەلاڤکر و تێدا دیاردکەت کو تورکیا ئەوە کو کورد دەولەتەکێ درۆست بکەت و تایێن وێ بگەھن تورکیا ژی.

ئەبوبەکر بەغدای خەلیفێ دەولەتا بناڤ دەولەتا ئیسلامی ل عیراق و شام ” داعش ” نووترین پەیاما خوە یا دەنگی ب رێیا دامەزراندنا فوربان بەلاڤکر کو ئێکە ژدامەزراندنێن داعش لسەر تورێن جڤاکی و بەردەوام ڤیدیو و گرتەیێن ڤیدیو و وێنە و زانیاریێن داعش تێدا دھێنە بەلاڤکرن بێی کو ئاماژە ب دەم و جھێ تومارێ بکەت و دبێژیت: ( ھەڤپەیمانان و وەلاتێن ئەوروپی و ئیران و عیراق ھەموو ئێکدەنگن بو پاشئێخستنا ھندەک بابەتان” کود بیت مەرەما وی ریفراندۆم و دەولەتا کوردی بیت ” داکو چوو تشت وان مژول نەکەت بو شەرکرن لگەل دەولەا ئیسلامی لدەڤەرێ)

بەغدادی زێدەتر گۆت: ( ترسا مەزن یا تورکیا ئەوە کو کورد دەولەتەکێ درۆست بکەن ، و دپشترا ئەو دەولەت تایێن خوە بھاڤێژیت ناڤا تورکیا ژبەرکو ھژمارەکا زور یا کوردان ل تورکیا ھەنە ، ونھا د ترس و لەرزینەکا زور دا دژیت ، ژبەرکو کوردان دەست ب لڤینێن زور دکن ، ئەڤ یەک ژی بویە سەدەم کو تورکیا شەری بکەت ، داکو کوردێن تورکیا داخوازا سەربخوەیێ نەکەن ژ تورکیا )

ئەبو بەکر بەغدادی د درێژاھیا تومارا دەنگی یا خوە دا دیارکر ژی کو تورکیا ل ترسا ئەمریکا و ئەوروپا نکاریت شەری بکەت و ب پێشبینیا تورکیا ئەڤ شەر ب ساناھی یە بەلێ شەرەکێ پاشئێخستی یە و گۆت: (ئەمریکا کەفتیە بن قەرێن زور و رسیا ژی ئەڤ یەک ب خالەکا لاواز یا ئەمریکا دبینیت و بدەلیڤە دیت کو خوە ب خودانا سوریا ببینیت ، دبەرامبەر ژی دا ئیرانێ دخوازیت ھەموو کەنداڤی َعەرەبی داگیر بکەت)

ل دوماھیا تومارا خوە دا بەغدادی داخوازێ ل سونەیێن یەمەن و عیراق و سوریا دکە تکو بێدەنگ نەبن ھەمبەری ئەوان تاوانێن کو بەرامبەر وان دھێنەکرن و ل خودێ ژی دخوازیت کو ئەڤ سالە بکارن وەلاتێ سعودیێ فەتح بکەن داکو بکاریت حەێ بکەت.