ئه‌ڤرۆ نيوز:

بۆچوونا تایبەتمەندان ل دۆر ڤی بابەتی د جودانە، لێ ھندەک ڤەکۆلین ھەنە دوپات دکەن، ل بەرکرنا زەخمەی زیان ل سەر ساخلەمی و سەروسیمایێ مەمکان ھەنە، ھندەک ژی دبێژن ژبەرکرنا زەخمەی ل ناڤمالێ و ل دەمێ نڤستنێ گەلەگ مفا ھەنە، ژ وانا ژی چێنەبوونا پرسکان ل سەر مەمکان و باشترکرنا زڤرینا خوینێ ل وی جھی، لێ ھندەک وەسا دیار دکەن کو ل بەرکرنا زەخمەی ب شەڤێ گەلەک ئاریشان چارە دکەت وەکو پەنجەشێرا مەمکی.

ل بەرکرنا زەخمەی ل ناڤمالێ و ل دەمێ نڤستنێ ڤان ئاریشان پەیدا دکەت:
1- ئاریشێن ھەناسێ، دبیت ژی زەخمێ تەنگ زیانێ بگەھینیتە زەپلەک و پەراسیان.
2- خاڤبوونا مەمکان و گوھۆرینا سەروسیمایێ وان.
3- زەخمێ تەنگ ئاستەنگان بۆ زڤرینا خوینێ چێدکەت و زیانێ دگەھینیتە شانەیێن سینگی.
4- چێبوونا پرسکان ل سەر پیستێ مەمکی و ھەودانا پیستی چێدکەت.
5-ٍ ئاریشان بۆ زەپلەکێن ستووی و ملان چێدکەت و ئێشانێ دئێخیتە پشتێ.
6- ل بەرکرنا زەخمەی ب ئاوایەکێ بەردەوام پەیوەندیا ب چێبوونا ئاریشێن قولوونێ ڤە ھەی.
7- زیانێ دگەھینیتە رژێن لیمفووی، ل گۆری ھندەک ڤەکۆلینان کڤاشتنا بەردەوام ل سەر مەمکان بۆ دەمەکێ درێژ دبیتە ئەگەرێ پەنجشێرا مەمکی.
8- پەق و دەرز و نیشانێن بەرفرەھبوونێ ل دەڤەرا سینگی چێدکەت.

بۆ سڤککرنا زیانێن زەخمەی ل دەمێ نڤستنێ ل دووڤ ڤان شیرەتان ھەرە:
1- عەیارا زەخمەی دروست بکە و نەھێلە ل پشتێ بلندتر لێبھێت و پێدڤییە ل نیڤەکێ بیت.
2- زەخمێن وەرزشی بکە بەرخوە ھەکە تە بڤێت ب شەڤێ ل مال ل بەر تەبیت.
3- ئەو زەخمێن تێلە و ئاسن پێڤە نەکە بەرخوە.
4- زەخمێن پەحن و کوور بکە بەرخوە.
5- ئەو زەخمێ تە دکڕی بلا ھندی قەبارێ مەمکان بیت، بلا دو یان سێ دکمێن گرێدانێ پێڤە بن.

ئەڤرۆ نيوز:
پشتی ل ڤێ دووماھیێ بھایی فرۆتنا غازێ ل گۆرەپانا گران بووی بۆ دووڤچوون و چارەکرنا ڤێ ئاریشێ داکو نەبیتە بارگرانی ل سەر وەلاتیان دوھی رۆژا 7/11/2016ێ ئەندازیار ئوسمان یونس جێگرێ پارێزگەرێ دھوکێ بۆ کاروبارێن تەکنیکی و د ھەمان دەم دا سەروکێ لژنا سوتەمەنیێ ل پارێزگەھا دھۆکێ سەرپەرشتیا کۆمبوونا لژنا سوتەمەنیێ کر.
دکۆمبوونێ دا بەحسێ رەوشا سوتەمەنیێ و پێدڤیا خەلکی ب غازێ و ئەو رێژا دگەھیتە بریکارێن بەلاڤکرنا غازێ ل پارێزگەھێ وچاوانیا زێدەکرنا وێ رێژێ کو بھایێن غازێ وەکو جاران لێ بھێت وبلند نەبن ب گشتی ھاتە کرن.
د ھەمان کۆمبوون دا بڕیار ھاتە دان قنینێ غازێ بو مالا بھایێ ( 8) ھزار دینارا و د ناڤ گروەپانان دا ب (7) ھزار دیناران بھێتە فروتن، ھەروەسا لژنا سوتەمەنیێ دیارکریە کو ھەر بریکارەک یان گۆرەپانەکا سەرپێچیێ بکەت و پتر ژ وان بھایێن دیارکری ب فروشیت دێ تووشی پێرابوونێن قانوونی بیت و ژھەموویان خواست پێگریێ ب رێنما و بھایێن نوو بکەن.

ئه‌ڤرۆ نيوز:

گەلەک کەس وەسا ھزردکەن کو ب تنێ ب رێیا وەرزشێ دشێن پلێن گەرماتیێ ژ لەشێ خوە کێم بکەن، بەلێ ڤەکولینا ھندەک کارێن ناڤمالێ دیارکرینە کو دشێن رۆژانە پتر ژ 1000 کالوریان کێم بکەن ئەوژی ل دووڤ رۆژناما دیلی میل یل بریتانی.

• پاقژکرنا مالێ ب فرچا:
فرچەی بدانە ل سەر عەردی و بلا یێ دوور بیت ژ لەشێ تە و پشتا تە یا نیڤ چەمیای بیت، جارەکێ ب دەستەکی و جارەکێ ب ھەردو دەستا پال بدە، پاشی بۆ پشتێ بینە، ب ڤێ رێکێ دێ 200 کالوریان د نیڤ دەمژمێرێ دا سۆژی.

• پاقژکرنا پەنجەرا:
ئیسفەنجێ پاقژکرنێ ب شێوێ بازنەی گەلەک جارا بلڤینە، ئەڤ راھێنانە یا ب مفایە بۆ مللێن تە، ل قوناغا دوێ پاچەکا بچووک یا ئیسفەنجی بۆ سلال و خارێ ب کاربینە، ب ڤێ رێکێ دماوێ نیڤ دەمژمیرێ دا دێ 125 کالوریان ژی سۆژی.

• کولانا باخچێ مالێ:
تشتەکێ بەرچاڤە کو کرێکارێن کولانێ زەڤلەکێن وان ب ھێزن، ب تایبەت یێن دەستێن وان، مەربێلێ ب شێوێ خوار بدانە ل سەر عەردی و ب رێکا دەستی و پێی فشارێ ل سەر بکەن، و ھندەک ئاخێ دەربێخە،و بۆ دوور بھاڤێژە، ئەڤ راھێنانە یا گرنگ و ب مفایە و ھاریکارە بۆ سۆتنا 315 پلێن گەرماتیێ دماوێ نیڤ دەمژمێ{ێ دا.

• راکرنا گیایێن ب زیان:
مەربێلکا تایبەت ب راکرنا گیایا ل ناڤ باخچەی ب کاربینە، دەمێ تو بۆ سینگی پال ددەی، پاشی بۆ سلال و خوارێ، دێ ھاریکاربیت بۆ دەستێن تە و مللێن تە و دۆرێن 185 کارلوریان دێ دنیڤ دەمژمێرێ دا سۆژی.

• راکرن و پێچانا مەحفیرا:
بۆ راکرنا مەحفیرا ل سەر چوکێن خوە بە و لایەکێ وێ راکە، پاشی راببەڤە و بۆ پشتێ بکێشە، بۆ پێچانێ بەروڤاژی وێ کریارێ ب کاربینە، تو دشێی ددەمەکێ کێم دا 180 پلێن گەرماتیێ ب سۆژی.

• بۆیاغکرنا دیوارا:
بۆ بۆیاغکرنا دیوارا گەلەک ماندیبوون دڤێت، فرچەی بدانە ل سەر دیواری و بۆ خوارێ و سلال پال بدە ھەتا کار ب دووماھی دھێت، دماوێ نیڤ دەژمێرێ دا دێ 210 پلێن گەرماتیێ سۆژی.

ئه‌ڤرۆ نيوز:

رێكا به‌رده‌ره‌ش – پرا حسێنييه‌، كو ب رێيا مرنێ دهێته‌ نياسين، برياره‌ سوبه‌هى ل هه‌مبه‌ر هاتن و چوونا شوفێران بهێته‌ ڤه‌كرن.

پشتى چه‌ندين روودان ل سه‌ر ڤێ رێكێ دروست بووى، وه‌لاتيان ناڤ لێنان رێكا مرنێ و پشتى رێڤه‌به‌ريا گشتى يا رێك و پر و ئاڤه‌دانكرنێ و نێشته‌جێكرنێ چاڤدێريا رێكێ كرى و نيشانێن هاتن و چوونێ دانان،  برياره‌ سوبه‌ بهێته‌ ڤه‌كرن.