ئهڤرۆ نیوز:
نازدار جزیرى بۆ جارا ئێكێ ل بهرپهرێ خوه یێ ئینستگرام وێنهكێ ههڤژینێ خوه بهلاڤ دكهت و پیروزباهیا رۆژا ژ دایكبوونێ لێ دكهت.
گهلهك ژ مێژه بهحسێ هندێ هاتیه كرن كو نازدار و سترانبێژ رابین، ئاههنگا خوه كریه، بهلێ نازدارێ د چ دیداراندا بهحسێ ههڤژینێ خوه نهكریه.
بهرى چهند رۆژا، ل رۆژا ژ دایكبوونا رابین، نازدارێ ل بهرپهرێ خوه یێ ئینستگرامێ وێنهكێ رابین بهلاڤ كریه و گوتیه” جهژنا ژ دایكبوونا ته پیروز ئهى خوشتڤیێ من، ئهى ههڤژینێ خهونێن من”.
بیرا من دهێت ل رۆژا (8/10/2010) خهلكێ سهرسنگێ ب سهر هندهك جهێن سهیرانا دا گرت، چهند ئۆتێل و خانی و موتێل سۆتن، مههانا وان ژی ئهو بوو كو خهلكهك سهرسنگێ بۆ شۆلێن دههمهنپیسیێ ب كاردئینن، ههر چاوابیت وی ههیامی خهلكهكی گهلهك هاڤێته ڤێ دیارۆكێ و سهرێ خهلكێ سهرسنگێ شویشت، ههتا بیرا من دهێت دناڤ بهرپهرێن ئێك ژ رۆژنامێن باژێرێ سلێمانیێ دا نڤیسهڤانهكی گۆت بوو: ههكه هوین بهحسێ شهرهف و كهرامهتێ بكهن، كهرهم كهن ئهو لهشكهرێ تركی یێ ل فرۆكخانا بامهرنێ بكهنهدهر، ئهو ههوه شهرهف و كهرامهتا خوه پاراست.
پاشی دهمهكێ كورت پێڤه نهچوو، ل سالا (2011)ێ خهلكهكی ب سهر جهێن ئارهقێ دا گرت و چهند دوكان و ئۆتێل و موتێل ل تخووبێن پارێزگهها دهۆكێ هاتنه سۆتن. بیرا من دهێت چهند قهلهمێن وان شوول كربیت و هندی ڤیا بیت هاڤێته بههدینا، پهیڤێن نه ژ ههژی ب دژی خهلكێ بههدینا د گۆتن، چ ل سهر ئهزمانێ وان هاتبا قهت تهخسیری نهدكر، جار ب پاشڤمای و جار ژی ب ئاشێ پاشیێ و جار ژی ب عهشیرهت و چ نهزان سالۆخدان.
گهلهك پێڤه نهچوو، ل سالا (2011) خهلكێ سلێمانیێ ب سهر چهند جها دا گرت، بارهگههێن حزبی كرنه ئارمانج، چ ڤیا ئهو كر، زانینگهها سلێمانیێ گرت، دامودهزگههێن حكومی ههمی رێنجی كرن، جهێن راگههاندنێ سۆتن، چ ڤیای ئهو كر و یا ڤیای ژی گۆت! بهلێ من گولێ نهبوو ئێك ژ خهلكێ بههدینا یان نڤیسهڤان و رۆژنامهڤانهكی گۆتی: خهلكێ سلێمانیێ ئهڤ كریارا خراب یا كری، یا ب سهر جهێن تهڤایی دا گرتی، ئهڤ شووله یێ كری، یان بۆ روومهتی ژی ههما بهحسێ وێ كربا، بهلێ بۆ پایتهختێ (رهوشهنبیری!) ههموو تشت د حهلالن و بۆ خهلكێ دی د حهرامن.
پاشی جارهكا دی ل سالا (2015)ێ خهلكێ پایتهختێ رهوشهنبیری رابوو سهر خوه، بهلێ بهرسینگێن داعشێ و حهشدا شهعبی نهگرتن، جارهكا دی ل كێلهكێن حزب و دامودهزگههێن خوه راوستان و چ ڤیای ئهو كر، ئاگر بهردا چهند جها، ڤێجا مه شووله پێ نینه كی ل پشت بیت و كی نه، ڤهرێژا وێ ئهو بوو ئهڤا ئهڤرۆكه كوردستان گههشتیێ.
من گولێ نهبوو و نهدیت ژی رهوشهنبیرهك یان نڤیسهڤانهك یان رۆژنامهڤانهكێ خهلكێ سلێمانیێ گۆتی ئهڤه كارهكێ شاشه، ئهڤه ناچێبیت، ههكه ههوه حهقێن خوه دڤێن، كهرهم كهن ب ئازادی خۆنیشادانا بكهن، ههكه ههوه دڤێت شهرهف و كهرامهتا خوه پارێزن، كهرهمكهن ئهو بهرۆكێ شهڕی یێ ل هیڤیا ههوه، بهلێ مه چ تشتهكێ ب ڤی رهنگی گولێ نهبوو، مه چ سێرهیێن ب ڤی رهنگی نهدیتن. لهوا بۆ بههدینا ئهزمانێ وان هند یێ درێژ بوو و وهكی نوَژا مابوونه ب بههدینیاڤه، بهلێ بۆ خوه نه راستیێ دبێژن و نهژی خوه تێدگههینن، لهوا: “كهس نابێژیت دهوێ من یێ ترشه”.
ئەڤرۆ:
دەرھێنەرێ فلمێ (نێچیرڤانێ خراب) دیارکر، فلمێ وی ل گەل 9 فلمێن دی دێ ھەڤرکیێ ل سەر ب دەستڤەئینانا خەلاتێ ئۆسکار کەن.
سەھیم عومەر خەلیفە کو ئێکەم کوردە دو جاران فلمەکێ وی دگەھیتە ھەڤرکیا ئۆسکار بۆ رووداو دبێژیت: ل رۆژا 19/11/2015 ئەز ب فەرمی ژلایێ کۆمیتا ئۆسکار ل ھولیۆد ل باژێرێ لوس ئەنجولس ل ئەمریکا ھاتیمە ئاگەھدارکرن کو فلمێ مە نێچیرڤانێ خراب بۆ وەرگرتنا خەلاتێ ئۆسکار بۆ سالا 2016 یێ ھاتیە بەربژێرکرن و 9 فلمێن دی ژی ل گەل دانە،
ناڤھاتی کو خەلکێ باژێرێ زاخۆیە و بۆ دەمێ چەند سالانە ل وەلاتێ بەلجیکا دژیت، ل دووماھیێ گۆت: ھەموو ئەکتەر و ستافێ فلمی خەلکێ دھۆک و زاخۆنە، و ئەڤە ژی سەربلندیەکا مەزنە بۆ سینەما کوردی، و ئەوێ چەندێ دگەھینیت کو ب ئەکتەر و ستافێ نافخوەیی ژی ئەم دشێن کارێن باش بکەین.
ئەڤرۆ نیوز، قائید میرۆ
ژ ئەگەرێ ئاریشەیەکا جڤاکی د ناڤبەرا دو مالباتێن باژێڕێ ھەولێرێ دا، وەلاتیەک و پێشمەرگەیەکێ زێرەڤانی ھاتنە کوشتن.
ژێدەرەکێ نێزیکی روودانێ بۆ ئەڤرۆ نیۆز گۆت: “مەغرەبیا دوھی ل نێزیک ناحیا عنکاوا یا باکوورێ باژێڕێ ھەولێرێ، ژ ئەگەرێ شەڕێ دو مالباتێن دوژمندار وەلاتیەک و پێشمەرگەیەکێ فەرماندا زێرەڤانی ھاتنە کوشتن”.
دا زانين كو ئەف رووودانه ژ ئەنجامێ ئاریشەیەکا جڤاکیا بەری چەند سالان بوویە و گۆتژی: “مالباتەکا دوژمندار بوسەیەک بۆ مالباتا دوژمنێ خوە دانابوو، وی دەمێ ھێزەکا زێرەڤانی دخواست ئێک ژ ئەندامێن ڤێ مالباتێ بەرەف نەخۆشخانێ ببەن ب مەرەما چارەسەرکرنێ، کەفتینە بوسەیەکێ دا و دو کەس ھاتینە کوشتن، پشتی روودانێ ھێزەکا زۆرا ئەمنی گەھشته جھێ روودانێ”.
ئەڤرۆ نيوز، نەوزاد زادە ھلوری:
فروکێن شەرکەرێن تورکی شڤێدی چەند دەڤەرەکێن باشوورێ کوردستانێ بۆردۆمانكرن و ل چەند جھەکان ژی دزڤرین.
زوزک چومانی روژنامەڤان و وەلاتیەکێ دەڤەرا بالەکایەتی یە بۆ ئەڤرۆ نیوز گۆت: “ئێڤاریا دوھی رۆژا ئهينى رێكهفتى 20ى چريا دويێ فروکەیەکا ڤهكۆلينێ یا تورکی ههموو گوند و ناوچەیێن دەڤەرێن بالەکایەتی و بنارێ قەندیل و سنورێ قەزا رەواندوزێ و دەڤەرێن سیدەکان پشکنین بوو دکر و پشتی بورینا دەمەکێ چوار فروکێن تورکی ل وان جھان بۆردۆمان دەستپێکر ب تایبەتی چیایێ کاروخ و ناحیا وەرتێ، دەڤەرا خنێرە، چیایێ پشت ھیندرێ، ماوەیێ ئێک دەمژمێرێ ئەو دەڤەر بۆردۆمانكرن”.
زێدەتر گۆت: “ئەو جھێن کو ھاتینە بۆردۆمانکرن چوو بارەگایێن گەریلایێن پەکەکێ لێ نەبووینە و ھندەک ژ وان جھان ژی د نوو بوون، ههتا نھا چو زیانێن گیانی نەبووینە، بەلێ زیانێن ماددی ب وان دەڤەران كهفتينه”.
ژێدەرکێ ژ گەلیێ بالندا ژی دیارکر کو ھەر شڤێدی فروکێن شەرکەرێن تورکی ئاسمانێ ئاڤا شین و دەڤەرا زێبارێ و دەڤەرا بارزان ژی بەزاندیە بێی کو چو بۆردۆمانان بکەت.
بۆردۆمانكرنا فرۆکێن تورکی بۆ باشوورێ کوردستانێ پشتی تێکچوونا پێڤاژویا ئاشتيێ د ناڤبەرا تورکیا و پەکەکێ دا دەستپێکریە و ب شێوەیەکێ بۆردۆمانكرن ژ ٢٤ی تەموزێ دەستپیکریە و ھەتا نھا ژی جار جار ئەڤ بۆردۆمانه د بەردەوامن.
ئهڤرۆنیۆز، ئهیاد بهرواری
حوكمهتا روسی 50 ملیۆن دۆلار یێن تهرخانكرین بهرامبهر ههر پێزانینهكا ببیته ئهگهرێ دهستهسهركرنا ئهو كهسێ بهرپرس ژ چاندنا بۆمبێ د فرۆكا روسی دا ئهوا ل دووماهیا مهها بۆری ل دهڤهرا سینا مسری ل ئهسمانی پهقی و 224 كهسان گیانێ خوه ژ دهستدای. ئهڤ گوژمێ پارهی ژی گهلهك یێ پتره ژ بهایێ دهستهسهركرنا ههردو سهركرێد رێكخراوا قاعیده یا تیرۆرستی و رێكخستیا داعش یا تیرۆرستی.
بۆ دهستهسهركرنا سهركردێ رێكخراوا قاعیده یا تیرۆرستی (ئهیمهن زهواهری) ل دووڤ سایتێ (چاكوچ) ئهمریكا گوژمێ 25 ملیۆن دۆلار یێن تهرخانكرین و ئهو گوژمێ پارهی ههمان ههمان بهایێ دهستهسهركرنا سهركردێ بهرێ یێ قاعیده (ئوسامه بن لادن) بوو، دیسا ئهمریكا 10 ملیۆن دۆلار تهرخانكربوون بۆ بهایێ دهستهسهركرنا (حافز محهمهد سهعید) سهركردێ گرۆپێ دهعوه ل پاكستانێ كو ژلایێ ئهمریكا و هندستانێ ڤه هاتبوو تۆمهتباركرن ب ئهنجامدانا هێرشێن بۆمبای ل هندستانێ ل سالا 2008 ێ كو تێدا 166 كهس هاتبوونه كوشتن.
سهركردێ رێكخستیا دهولهتا ئیسلامی (داعش) یا تیرۆرستی (ئهبوبهكر بهغدادی)، ئهمریكا گوژمێ 10 ملیۆن دۆلار بۆ بهایێ پێزانینێن ببنه ئهگهرێ دیاركرنا جهێ وی .
ئهڤرۆ نيوز:
وێنهگرێ ناڤدارێ جيهانى كارت گانير ل سالا 1995 وێنهكێ ئهجليلنا جۆلى ب رووتى گرتبوو ل وى دهمى ناڤبرى دژيێ 20 ساليێ دابوو و نوكه وێنێ وێ بۆ فرۆتنێ يێ نمايش كرى.
پشتى 20 سالا نوكه ئهو وێنهگره، وێنێ ئهنجلينا جۆلى ل پێشانگهها zebra one ل لهندهن نمایشكرد و بهايێ وێ ب 1800 پاوهندا كو دكهته 2745 دۆلار ل سهر دانايه.
ئهڤه ژى د دهمهكى دايه كو ئهو وێ،هگرتى ل سهر بهلاڤكرنا وێنهى رهخنهيهكا زۆر لێ هاتيه گرت ب وێ چهندێ كو ئهڤه چهنده وێنهكێ ژ ڤى رهنگى ههلگرتيه دا كو ب پارهكێ زێده ب فرۆشيت، ژبلى وێ چهندێ ژى نوكه كهساتيا ئهنجلينايێ گهلهك هاتيه گوهۆڕين وهكو ههڤبهركى ل گهل وى دهمى كو بهرى 20 سالان بوو.
ئهڤرۆ نيوز:
رۆژناما زە نیویۆرک تایمز یا ئەمریکی دیار کر کو ت” د سەرئێک زێدەکرنەکێ دا ل نیویۆرک ب بھایێ 170 ملیۆن و 400 ھزار دۆلاران ھاتە فرۆتن.
ئەڤ تابلۆیا ھونەرمەندێ ناڤبری ل سالا 1918 چێکری، کو ژ نەکا رووسە ل سەر تەختەکێ سۆر، جوانترین کارێن ھونەریێن جوانە کو ب درێژاھیا دیرۆکێ دا د سەرئێک زێدەکرنەکێ دا ھاتبیە فرۆتن.
ئهڤرۆ نیوز:
ئهڤرۆ رێڤهبهرهیا روشنبیرى و هونهرى ل دهۆكێ ب ههڤكاریا ناڤهندا پهیامنێرێن دهۆك روونشتنهكا ڤهكرى بۆ مهحما خهلیل قایمقامێ قهزا شنگال و وهیس نایف سهرۆكێ ئهنجوومهنێ قهزا شنگال رێكخست.
وهیس نایف ئاماژه ب وێ یهكێ كر كو ژبلى پێشمهرگهى وان پێدڤى ب چ هێزهكا دى نینه بۆ رزگاركرنا شنگالێ و گۆت” هیڤیخوازین پهكهكه نهبیته رێگر ل ههمبهر رزگاركرنا شنگالێ.
ژ ئالیێ خوهڤه مهحما خهلیل قایمقامێ قهزا شنگال ئاماژه ب وێ یهكێ كر كو ئهو دێ سندوقهكا نێڤدهولهتى دانن ب مهرهما ئاڤهدانكرنا شنگالێ.
نيشاندان