ئه‌ڤرۆ نیوز، هه‌ژار مه‌عروف:
تیما ته‌پا پێێ یا یانه‌یا گاره‌ وه‌كو قاره‌مانا خولا پلا ئێك یا وه‌رزێ ئه‌ڤ ساله‌ هاته‌ ده‌ستنیشانكرن پشتى د یاریا خوه‌ یا گه‌را 14 و به‌رى دووماهى دا شیاى سه‌ركه‌فتنه‌كا مه‌زن لسه‌ر یانه‌یا شه‌هیدان توماركربكه‌ت ب چار گولان بێ به‌رامبه‌ر، دوێ یاریێ دا ئه‌وا ئه‌ڤرۆ ل یاریگه‌ها یانه‌یا گاره‌ هاتیه‌كرن ب ئاماده‌بوونا جه‌ماوه‌ره‌كێ باش.
دڤێ یاریێ دا تیما گاره‌ ل نیڤا ئێكێ نه‌شیا بوو چو گولا توماربكه‌ت و ل ده‌ستپێكا نیڤا دوێ یاریكه‌رێن گاره‌ كونترول لسه‌ر یاریێ كر و دڤێ نیڤێ دا شیان چار گولان توماربكه‌ن ب رێكا یاریكه‌رێن خوه‌ ئالان موحسن، نێچرڤان میرخان، خسرو محه‌مه‌د و ئه‌حمه‌د سه‌ردار ب ڤى ئه‌نجامى تیما گاره‌ خالێن خوه‌ گه‌هاندنه‌ 30 خالان وه‌كو قاره‌مانا خولا پلا ئێك ده‌ربازى خولا پلا نایاب بوو.
ژ ئه‌نجامێن دى یێن ئه‌ڤرۆ تیما كویه‌ وه‌كهه‌ڤ بوو ل گه‌ل سیروان نووى ب گوله‌كێ و سێمێل ده‌لیڤه‌یا ده‌ربازبوونا خوه‌ ب زه‌حمه‌ت ئێخست ده‌مێ خوساره‌ت بووى ب گوله‌كێ به‌رامبه‌ر دو گولان و سولاڤ ب سه‌ركه‌فت لسه‌ر خاك.
هه‌لویستێ خولێ پشتى یاریێن گه‌را 14 و به‌رى دووماهیێ ب ب ڤى شێوه‌یه‌.
گاره‌ 30 خال
سولاڤ 26 خال
سیروان نووى 25 خال
كویه‌ 24 خال
سێمێل 23 خال
ئالتون كوپرى 23
سوران 23 خال

ئه‌ڤرۆ نیوز:
سكاى نیوز د راپۆرته‌كێ دا ب ئامار به‌حسێ باشترین یاریكه‌ر د سالا 2015 دا كریه‌، مێسى هه‌تا نوكه‌ باشترین یاریكه‌رێ 2015 ێ یه‌ ژبه‌ر كو ژ د 12 یاریێن خولا ئسپانیا یا ئه‌ڤ ساله‌دا 17 گول توماركرینه‌ و رۆنالدو د 11 یاریان دا، ب تنێ 6 گول توماركرینه‌ و رۆنالدو ل رێزا 29 ێ دهێت.

رێزبەندا باشترین 25 یاریزان ل 2015 هه‌تا نوكه‌ ب ڤى ره‌نگى یه‌:
1- مێسی ( بارسێلۆنا )
2-ئاریێن رۆبن ( بایەرن میونشن )
3-باس دۆست ( فۆلفسبۆرگ )
4- لویس سوارێز ( بارسێلۆنا )
5-دیێگۆ كۆستا ( چێڵسی )
6-ئێدین هازارد ( چێڵسی )
7-مەسوت ئۆزێل ( ئارسناڵ )
8-خیسۆس ناڤاس ( مان سیتی )
9-كیڤین دی پرۆین ( فۆلفسبۆرگ )
10-شینگی كاگاوا ( بروسیا دۆرتمۆند)
11-نوری شاهین ( دۆرتمۆند )
12-پۆل پۆگبا ( یوڤێنتۆس )
13-فێرناندینیۆ ( مان سیتی )
14-لۆكاس بێجیلكا ( لازیۆ )
15-گۆندوگان ( بروسیا دۆرتمۆند )
16-گایل كلێشی ( مان سیتی )
17-مارسیلۆ ( ریال مەدرید )
18-رافینیا ( بایەرن میونشن )
19-ناسیمنتۆ ( بایەر لیڤەركوزن )
20-زابالێتا ( مان سیتی )
21-سباهییچ ( بایەرلیڤەركوزن )
22-دیمیكلیس ( مان سیتی )
23-هامێڵز ( دۆرتمۆند )
24-سمالینگ ( مان یونایتد )
25-تیاگۆ سیلڤا ( پاریس سان جێرمان )

ئه‌ڤرۆ نیۆز : قه‌یس ئیسماعیل:
یاریكه‌رێن تیما دال كورد یا سویدى ب شیوه‌كێ سه‌یر ژ مرنێ قورتال بوون ده‌مێ ل وێ فروكا كومپانیا جیرمان وینگر ئه‌وا ل چیایێ ئه‌لب یێ فه‌رنسى كه‌فتى و هه‌مى نه‌فه‌رێن وێ كو هژمارا وان 150 كه‌س بوون تیدا مرین .
تیما سویسرى چوار پێشنیار هه‌بون بۆ زڤرینێ بۆ وه‌لاتى خوه‌، پشتى كه‌مپا خۆ یا راهینانێ ل باژێرێ به‌رشلونه‌ بدوماهیك ئینای ، و ئیك ژ وان پیشینیارا ئه‌و بوو كو ب رێكا فروكا جیرمان وینگ بزڤرن، به‌لێ پشتى گه‌له‌ك مانه لهیڤیا وێ فروكێ بریارا خۆ گوهارتن و ب فروكه‌كا دێ زڤرین.
ادیل كیزیل رێڤه‌به‌رێ تیمێ بۆ رۆژناما سبورتبلادت گوت : (( بریار بو ل وى فروكێ بزڤرێنه‌ ستكوهولم )).
زێدتر گوت (( به‌رێ ئه‌م پلیتێ ببرین مه‌ ئه‌ڤ هزره‌ كه‌نگه‌شه‌ كر به‌لێ مه‌ دیت دێ گه‌له‌ك خو گرین هه‌تا برێكا ڤێ فروكێ بزڤرێن له‌وا مه‌ بریار دا ب رێكا فروكێن كومپانیه‌كا دى بزڤرێن .
هه‌روه‌سا كیزیل دیاركر یاریكه‌رێن تیمێ هه‌ست بترسه‌كا مه‌زن كرن ده‌مێ زانین ئه‌و نیزیكێ هه‌مان شێوازێ كه‌فتنا فروكا مانشستر یونایتد یێ ئنگلێزێ ل سالا 1958 و هه‌لبژارتیێ زامبیا ل سالا 1993 ێ.
دهێته‌ زانین تیما دال كۆرد پرانیا َ یاریكه‌رێن وێ كوردن و ل خۆلا پلا سێ یا سویدێ یاریێ دكه‌ن و كابتنێ تیمێ پێشه‌رو عه‌زیزێ 10 یاریى د وه‌رزێ ئه‌ف ساله‌ دا بۆ تیما زێره‌ڤانێ كربوون و گوله‌ك بو توماركربوو.

ئه‌ڤرۆ نیوز:

1 of 4

ئه‌ڤرۆ نیوز ، بارزان مزوورى
رێڤه‌به‌رێ ناوه‌ندا وه‌رزش و لاوێن شێخان ، شێرزاد غازى ، بو مالپه‌رێ ئه‌ڤرو نیوز دیار كر كو خوله‌ك بۆ ماوێ چار روژان هاتیه‌ بۆ رۆژنامه‌ڤانێن ده‌ڤه‌رێ ژ كچ و كوران هاتیه‌ ڤه‌كرن كو د ڤێ خولێدا چه‌ندین بابه‌تێن ب كارێ راگه‌هاندنێ ڤه‌ گرێدایى دهێنه‌ گوتن ژلایێ روژنامه‌ڤانێن ئه‌كتیف و زیره‌ك دبوارێ راگه‌هاندنێ دا تایبه‌ت گرێدایى ب دروست كرنا نوچه‌ و گرتنا وێنه‌یه‌كێ دروست .
ناڤبرى ئاشكرا كر كو دڤێ خولێدا 42 روژنامه‌ڤانێن شێخان و شه‌نگال پشكدارن و گه‌له‌ك ژ وان ئه‌ون ئه‌وێن حه‌زا راگه‌هاندنێ هه‌بیت به‌شدار بوینه‌.

ئه‌ڤرۆ نيوز:

سه‌رۆكێ جڤاتا نوونه‌رێن عيراقێ سه‌ليم جبۆرى، ئه‌ڤرۆ رۆژا ئێكشه‌مبى راگه‌هاند كو ڤه‌گه‌ريانا ئاواران نوونه‌راتيا ته‌مام يا سه‌ركه‌فتنان دكه‌ت و دڤێت كار بۆ وێ چه‌ندێ بهێته‌ كرن.

ل نڤيسينگه‌ها خوه‌ د پێشوازيكرنا، شانده‌كێ جڤاتا پارێزگه‌ها ديالا دا، سه‌رۆكێ جڤاتا نوونه‌ران گۆت: “ده‌ڤه‌رێن باكوورێ به‌عقوبه‌ و باكورێ ميقداديه‌ ب ته‌مامى ژ داعش هاتينه‌ پاقژكرن و پێدڤى ب گيرۆكرنێ ل وان ده‌ڤه‌ران نينه‌ و دڤێت ئاوارێن وان ده‌ڤه‌ران ڤه‌گه‌رن”.

ئاماژه‌ ب وێ چه‌ندێ ژى كر كو ئه‌و ب ره‌گه‌كێ رۆژانه‌ ته‌ماشه‌يى فايلا ڤه‌گه‌ريانا ئاواران بۆ ده‌ڤه‌رێن وان دكه‌ت و گه‌له‌ك يێ رژده‌ ئاواره‌ ڤه‌گه‌رن و ئه‌و بابه‌ت بهێته‌ گرتن.