ئهڤرۆ نیوز، نهوزاد هلۆرى:
ب مهرهما بوراندنا دهمهكێ خوش، هژمارهكا زور یا گهشتیارێن عیراق و پارێزگههێن ههرێمێ و بیانى قهستا هاڤینگههێن سنوورێ قهزا سوران كریه، رێڤهبهرێ گهشتوگۆزارا سوران ژى دیاركر كو هاتنا گهشتیاران بهردهوامه و د زێدهبوونێ دایه
بارزان محهمهد، رێڤهبهرێ گهشتوگۆزارا سوران بۆ ئهڤرۆ نیوز گۆت: (ل ههرسێ روژێن جهژنا رهمهزانا پیروز پترى 35 هزار گهشتیار و مێهڤانان قهستا هاڤینگههێن سنوورێ قهزا سوران كریه كو پێكهاتبوون ژ گهشتیارێن ههرێما كوردستان و عیراق و بیانى).
زێدهتر گۆت: (هاتنا گهشتیاران بهردهوامه و كهرتێ گهشتوگۆزارێ ڤهوژاندنهكا باش بخوڤه دیته، دهلیڤێن كارى بو هژمارهكا وهلاتیان دابینكرینه ب تایبهتى پشتى كو چهندین گورانكارى و نوژهنكرن ب سهر هاڤینگههێن دهڤهرێ دا هاتینهكرن).
قهزا سوران كو نێزیكێ 20 جهێن گهشتوگۆزارى تێدا ههنه نێزیكێ 70% ژ گهشتیارێن پارێزگهها ههولێرێ بخوڤه دگریت.
نيشاندان