ئەڤرۆ نیوز:
ئێکەتیا ئافرەتێن کوردستانێ نوینەر ، تریبۆنا دەنگ و پارێزەرا مافێ ھەر ئافرەتەکا کوردستانییە . خەباتێ بۆ ڤەگەڕاندنا شکۆیا مرۆڤبوونا ئافرەتێ دکەین وگھۆڕینا ھزر و نەریتێن شاش کو پێناسا ئافرەتێ د ڕەگەز و زایەندێ مێبوونێ دا دبینن . مکوڕین لسەر پشتەڤانی و جێبەجێبوون و بەسەر ئێخستنا سەروەریا یاسایێ. لەوا ل ھەمی کێشەیێن ئافرەتان دبینە خودان و تا چارەسەریێ دەستی ژێ بەرنادەین . کێشەیا سولینێ ژی ب کێشەیەکا خۆ دزانین . پشتەڤانین و دگەل لایەنێن پەیوەندار و ب ڕێکارێن تایبەتێن یاسایی دێ بەردەوام بین ھەتا ماف بۆ خودان مافێ و سزا بۆ تاوانباری بھێتە چەسپاندن.
ئێکەتیا ئافرەتێن کوردستانێ
٢٠٢٠/١١/٢٠

ئه‌ڤرۆ نیوز،بارزان مزووری:

کونسولێ گشتی فەرەنسا ل ھەرێما کوردستانێراگه‌هاند،شێخانبۆ وان باژێرەکێ گرنگه‌ ژبەرکو ئێک ژ باژێرێن پێکڤەژیانێیە ل ھەرێما کوردستانێ.

ئولیڤەر دیکۆتینی، کونسولێ گشتییێ فەرەنسا ل ھەرێما کوردستانێ سەرەدانا قەزا شێخان دا و ژلایێسەرداریەحیا عبدالعزیز، قائیمقامێ شێخان پێشوازی لێ هاته‌ کرن و سەرەدانا جەندین جھێن جودا ل شێخانكر.

ئولیڤەر دیکۆتینی،کونسولێ گشتی فەرەنسا ل ھەرێما کوردستانێ بۆدهۆك نیوز گۆت:شێخان باژێرەک گرنگه‌ ژبەرکۆ ئێک ژ باژێرێن پێکڤەژیانێیە ل ھەرێما کوردستانێ، ل سالێن بووری دا پێشوازیەکا مەزن ژلایێ خەلکێ شێخان و ئیدارا شێخان بۆ ئاوارێن شەنگالهاته‌ كرن.

کونسولێ گشتی فەرەنسا ل ھەرێما کوردستانێئاشكرا كر، شێخان قەزایەک دەولەمەندە د کەرتێ چاندنێ دا، چاندن ژى نھا ئێک ژ رێیێن خوشکرنا پەیوەندیێن دەستپێکێیه‌ د ناڤبه‌را حکومەتا ھەرێمێ و فەرەنسادا، قەزا شێخان ژی دێ بیتە خالەکا گرنگ بۆ وێ ھەماھەنگیا چاندنێ.

ناڤھاتی خویاکر د نھا دا فەرەنسایا کار دکەت کوپشته‌ڤانییا ھەرێما کوردستانێ بکەت بۆ سەقامگیریا زێدەتر بۆ خەلکێ کوردستانێ، ئەو بزاڤێن دھێن کرن بۆ زێدەتر ئارامکرنا ھەموو باژێرێن کوردستانێیەو فەرەنسادێ رۆلێ خوه‌ د وێ یه‌كێ دا بینیت.

ژ ئالیێ خوه‌ڤه‌ سەرداریەحیا عبدالعزیز،قائیمقامێ قەزا شێخان بۆدهۆك نیوز گۆت:سەرەدانا کونسولێفره‌نسا گەلەک گرنگ بوو، ژبەرکو شێخان قەزایەکا گرنگە د روویێ پێکڤەژیانێ دا نمونەیەکا پێکڤە ژیانێیەل هه‌رێما کوردستانێ، هه‌روه‌سا قەزایەک گرنگە ژلایێ ئابوریڤە تایبەت کەرتێ چاندنێ.

ئولیڤەر دیکۆتینی،کونسولێ گشتی فەرەنسا ل ھەرێما کوردستانێسەرەدانا مالا بابەشێخ و جھێن شینوارییێن خەنس و بەنداڤا جەرواناو نەخوشخانا شێخانكر.

ئه‌ڤرۆ نیوز:

بریكارێ وه‌زاره‌تا پێشمه‌رگه‌ى یا حكومه‌تا هه‌رێما كوردستانێ هێرشێن گه‌ریلایێن په‌كه‌كێ ل دژى پێشمه‌رگه‌یێ كوردستانێ شه‌رمزار كرن و راگه‌هاند، ئه‌و هێرش دژى هه‌موو ده‌ستكه‌فتێن خه‌لكێ كوردستانێ نه‌.

سه‌ربه‌ست له‌زگین ل دۆر لڤین و هێرشێن دوژمنكارانه‌ یێن په‌كه‌كێ دژى هه‌رێما كوردستانێ راگه‌هاند، هێرشێن په‌كه‌كه‌ ل سه‌ر پێشمه‌رگه‌یێن كوردستانێ، وێ یه‌كێ پشتراست دكه‌ن كو په‌كه‌كه‌ كار بۆ تێكدانا ئاساییشا هه‌رێما كوردستانێ دكه‌ت.

بریكارێ وه‌زاره‌تا پێشمه‌رگه‌ى ئاشكرا ژى كر، په‌كه‌كه‌ یا ئاراسته‌ كرییه‌ بۆ تێكدانا ئاساییشا هه‌رێما كوردستانێ، هێرشكرن ل سه‌ر داموده‌زگه‌هێن حكومه‌تا هه‌رێمێ ژى وێ یه‌كێ پشتراست دكه‌ت كو په‌كه‌كه‌ كار بۆ تێكدانا ره‌وشا هه‌رێمێ دكه‌ت.

سه‌ربه‌ست له‌زگین دوپات كر، ئه‌و هێرشێن په‌كه‌كه‌ دكه‌ت ل دژى پارتییا دیمۆكراتا كوردستانێ نینه‌، به‌لكو دژى هه‌موو ده‌ستكه‌فت و خه‌بات و قوربانیدانا خه‌لكێ هه‌رێما كوردستانێ یه‌.

ئه‌ڤرۆ نیوز:

لژنا بلند یا به‌رهنگاربوونا كۆرۆنایێ‌ ل هه‌رێما كوردستانێ كۆم بوو و بریار دا خواندن ل هه‌موو پۆلێن ئێكێ هه‌تا 12 ئاماده‌یى تا ده‌ستپێكا مه‌ها دوازده‌ بهێنه‌ راگرتن.

د. ئاسۆ حه‌وێزی، په‌یڤدارێ وه‌زاره‌تا ساخله‌میا هه‌رێمێ راگه‌هاند: پرۆسا خواندنێ ب شێوه‌كێ ده‌مكى دێ هه‌تا ئێكێ كانوونا ئێكێ یا سالا دوهزار و بیستی هێته‌ راگرتن، لێ خواندنا ئۆنلاین دێ به‌رده‌وام بیت و ناهێته‌ راگرتن، بۆ خواندنا ناڤ پۆلان ژى دا ل‌ رۆژا ئێكی كانوونا ئێكێ جاره‌كا دی هه‌لسه‌نگاندن دێ بۆ ره‌وشێ هێته‌ كرن و بریار دێ ل سه‌ر هێته‌دان.

پێشتر پرۆسا خواندنێ ل هه‌رێما كوردستانێ، ل پۆلێن ئێك و دو یێن بنه‌ره‌تی ل گه‌ل دوازده‌ ئاماده‌یی د ناڤا پۆلان دابوو، پۆلێن دی ل‌ سییێ سه‌رتایى هه‌تا یازدێ ئاماده‌یی ب شێوێ ئۆنلاین ده‌ستیپێكربوو، به‌لێ ب ئه‌گه‌رێ بلندبوونا هژمارا تووشبوویان ب‌ كۆرۆنایێ، بریار هاته‌دان بۆ ده‌مێ هه‌یڤه‌كێ پرۆسا خواندنێ بهیته‌ راگرتن.