ئەڤرۆ نیوز:
سوبەهی دوشەمبی، 12-10-2020 هەرسێ سەرۆکاتیێن هەرێما کوردستانێ و سەرۆک کۆمارێ عیراقێ دێ ل هەولێرێ کۆم بن و رەوشا سیاسی، دارایی و ساخلەمیێ دێ ل هەرێما کوردستانێ گوتۆبێژ کەن.
هەرسێ سەرۆکاتیێن هەرێما کوردستانێ، نێچیرڤان بارزانی، سەرۆکێ هەرێما کوردستانێ، مەسرور بارزانی، سەرۆک وەزیرێن هەرێمێ و رێواز فایەق، سەرۆکا پەرلەمانی و بەرهەم سالح، سەرۆک کۆمارێ عیراقێ دێ ل دیوانا سەرۆکاتیا هەرێما کوردستانێ کۆم بن.
ئه‌ڤرۆ نیوز:
سه‌رۆكا په‌رله‌مانێ كوردستانێ، بانگهێشتا ئه‌ندامێن په‌رله‌مانێ كوردستانێ دكه‌ت بۆ به‌رهه‌ڤ بوون ل رینشتنا ژماره 8 یا ئاسایی یا خۆلا پائیزی سالا دوێ ل خۆلا هه‌لبژارتنێن پێنجێ یا په‌رله‌مانێ كوردستانێ، كۆ بریاره برێڤه بچیت.
لگۆری كارنامه‌یا كاری رینشتنێ یا سه‌رۆكاتیا په‌رله‌مانێ كوردستانێ به‌لاڤكری، رینشتنا په‌رله‌مانێ كوردستانێ ل ده‌مژمێر 10 سپێده‌هیا رۆژا 5/10/2020 برێڤه چیت، كو مه‌سرور بارزانی سه‌رۆكێ حوكمه‌تا هه‌رێما كوردستانێ و جێگرێ وی قوباد تاله‌بانی و ئاواتێ شیخ جه‌ناب وه‌زیرێ دارایی و ئابووری به‌رهه‌ڤی رینشتنا په‌رله‌مانی دبن و تێدا ئه‌ڤ ته‌وه‌ره دهێنه به‌حسكرن، كۆ پێنگاڤێن بجهكرنا پرۆسیا چاكسازیێ ل كابینا نویا حوكمه‌تا هه‌رێما كوردستانێ و تایبه‌تی پێنگاڤێن بجهكرنا یاسایا چاكسازیێ ل موچه و ده‌رماله و به‌خشین و ئیمتیازات و خانه‌نشینیێن هه‌رێما كوردستانێ دا یا ژ ماره 2 یا سالا 2020.
ته‌وه‌رێ دویێ كارنامه‌یا رینشتنا په‌رله‌مانێ كوردستانێ ره‌وشا دارای یا هه‌رێما كوردستانێ و پارڤه‌كرنا موچه‌ییه ته‌وه‌رێ سیێ دانوستاندنێن ل گه‌ل حوكمه‌تا عیراقێ و ته‌وه‌رێ چارێ ژی ره‌وشا ده‌ڤه‌رێن كوردستانیێن ده‌رڤه‌ی ئیداره‌یا هه‌رێمێ، هنگاڤێن به‌رهنگاربوونا ڤایرۆسێ كورونایێ.
ئه‌ڤرۆ نیوز:
جه‌واد موسه‌وی بریارده‌رێ شانه‌یێن به‌رهنگاربوونا كورونایێ ل جڤاتا نوونه‌رێن عیراقێ راگه‌هاند ل هه‌یڤا 10 و 11 دێ پێله‌كا دژوار یا ڤایرۆسێ كورونایێ ل عیراقێ سه‌رهلده‌ت، ره‌نگه د ئه‌وان دو هه‌یڤان دا ژماره‌یا توشبوویێن ڤایرۆسێ كورونایێ بۆ 10 هه‌تا 20 هزار كه‌سان بلند بیت و ئه‌ڤه ژی ژماره‌یه‌كا زۆره.
بریارده‌رێ شانه‌یا به‌رهنگاربوونا كورونایێ ل جڤاتا نوونه‌رێن عیراقێ ئه‌و چه‌نده ژی راگه‌هاند بۆ دانوستاندن ل سه‌ر پێشهاتێن په‌یوه‌ندیدار ب ڤایرۆسێ كورونایێ، میڤانداریا حه‌سه‌ن ته‌میمی وه‌زیرێ ساخله‌میێ كریه.
ناڤبری ئه‌و چه‌نده ژی دیاركر ل كۆمبوونا شانه‌یێن به‌رهنگاربوونا كورونایێ و وه‌زیرێ ساخله‌میێ هه‌ردولا رژدن ل سه‌ر سه‌پاندنا رێكارێن خوپارێزیێ و قه‌ده‌غه‌یا هاتنوچونا ته‌مام هه‌كه ژماره‌یا رۆژێن توشبوویان زۆرتر بیت و دشیانێن وه‌زاره‌تێ دا نه‌بن.
ئه‌ڤرۆ نیوز:
جڤاتا ئاسایشا نێڤ ده‌و‌له‌تی داخازه‌كا بله‌زا راوه‌ستادنا شه‌رێ هه‌ردو وه‌لاتێن ئه‌رمینیا و ئازه‌ربایجانێ دكه‌ت.
شڤێدی جڤاتا ئاسایشێ ل سه‌ر داخوازیا به‌لجیكا و ده‌ستپێشخه‌ریا ئه‌لمانیا و فه‌ره‌نسا كۆمبوونه‌كا بله‌ز ده‌ربارێ شه‌رێ ئه‌رمینیا و ئازه‌ربایجانێ ئه‌نجامدا و تێدا دلته‌نگیا خو هه‌مبه‌ر ئه‌نداێن شه‌ركر نیشاندا و داخازا بله‌زا راوه‌ستاندنا شه‌ری و ده‌ستكرن ب دانوستاندن كرن.
27/9/2020 سوپایێن هه‌ردو وه‌لاتێن ئه‌رمینیا و ئازه‌ربایجانێ ل ده‌ڤه‌رێن توخیبی یێن ده‌وله‌تا قه‌ره‌باغ ریب ری هه‌ڤ بووینه و شه‌ر هه‌تا ده‌رنگێ شه‌ڤێ به‌رده‌وام بوویه و رۆژێن دی ب كێم كێم شه‌ر هه‌بوویه.
قه‌ره‌باغ كۆماره‌كا باشوورێ قه‌وقازه و ژلایێ چ وه‌لاتان دانپیدان پی نه‌هاتیه‌كرن، زۆرینه‌یا ئاكنجیێن ئه‌وی وه‌لاتی ئه‌رمه‌نینه و هه‌ردو وه‌لاتێن ئه‌رمینیا وئازه‌ربایجانێ قه‌ره‌باغ ب پشكه‌كێ ژ ئاخا خو دزانن.
ئه‌ڤرۆ نیوز:
ئه‌ڤرۆ جڤاتا وه‌زیرێن هه‌رێما كوردستانێ بۆ دانوستاندنێ ل سه‌ر چه‌ند ته‌وه‌ره‌كان كۆم دبیت.
خالد شوانی وه‌زیرێ هه‌رێم بۆ كارۆبارێن ده‌ڤه‌رێن ده‌رڤه‌ی ئیدارا هه‌رێمێ راگه‌هاند كۆمبوونا ئه‌ڤرۆ یا جڤاتا وه‌زیرێن هه‌رێما كوردسانێ تایبه‌ته ب كه‌ركوك و ده‌ڤه‌رێن ئاریشه سه‌ر بۆ ئه‌ڤێ مه‌به‌ستێ و ل سه‌ر بریاره‌كا به‌رێ یا جڤاتا وه‌زیران تایبه‌ته ب پرۆژه‌یه‌كی كۆ هاتیه به‌رهه‌ڤكرن.
وه‌زیرێ هه‌رێم بۆ كارۆبارێن ده‌ڤه‌رێن ده‌رڤه‌ی ئیدارا هه‌رێمێ ئه‌و چه‌نده ژی راگه‌هاند كه‌ركوك و ده‌ڤه‌رێن ئاریشه ل سه‌ر و ئاكنجیێن وان ریب ری قوناغه‌كا دژوار یا ته‌عریبێ بووینه، رێگرتن ژ ته‌عریب و پاراستنا مافێ كوردستانیێن ئه‌ڤێ ده‌ڤه‌رێ ئه‌ركه‌كێ نیشتمانی یه.
ئه‌ڤرۆ نیوز:
لگۆری دوماهی ئامارێن ل سه‌ر توشبوویێن ڤایرۆسێ كورونایێ ل جیهانێ كۆ گه‌هشتیه 33 ملیۆن و 58 هزار و 750 كه‌سان.
لگۆری دوماهی ئه‌و ئامارێن ل سه‌ر ئاستێ جیهانێ هاتینه راگه‌هاندن ژماره‌یا توشبوویێن ڤایرۆسێ كورونایێ گه‌هشته 33 ملیۆن و 58 هزار و 750 كه‌سان، ژ ئه‌ڤێ ژماره‌یێ ژی نه‌هسه‌د و 98 هزار و 747 كه‌س ژی مرینه.
ل سه‌ر ئاستێ وه‌لاتێن جیهانێ، ئه‌مریكا زۆرترین رێژه‌یا توشبوویێن ڤایرۆسێ كورونایێ تێدا هاتیه توماركرن، كۆ گه‌هشتیه حه‌فت ملیۆن و 287 هزار و 593 كه‌سان ژ ئه‌ڤێ ژماره‌یێ ژی 209 هزار و 177 كه‌س ژی پێ مرینه.
ڤایرۆسێ كورونایێ نه‌خوشیه‌كا كوژه‌كه و ل هه‌یڤا 12 یا سالا بوری ل باژێرێ ئوهان یێ چینێ سه‌رهلدایه و نوكه زێده‌تری 210 وه‌لاتان به‌لاڤ بوویه.
ئه‌ڤرۆ نیوز:
په‌یڤدارێ وه‌زاره‌تا ده‌رڤه‌یا ئیرانێ راگه‌هاند فوئاد حسێن وه‌زیرێ ده‌رڤه‌یێ عیراقێ دێ سه‌ره‌دانا تارانێ كه‌ت، ل گه‌ل هه‌ڤكیڤێ خو یێ ئیرانی محه‌مه‌د جه‌واد زه‌ریفی كۆم بیت.
په‌یڤدارێ وه‌زاره‌تا ده‌رڤه‌یا ئیرانێ ئه‌و چه‌نده ژی دیاركر فوئاد حسێن وه‌زیرێ ده‌رڤه‌یێ عیراقێ ل دیدارا ئه‌ڤرۆ یا تارانێ جودا ل گه‌ل محه‌مه‌د جواد زه‌ریفی وه‌زیرێ ده‌رڤه‌یێ ئیرانێ و ل گه‌ل چه‌ند به‌رپرسه‌كێن دی یێن ئیرانی كۆم بیت.
ئه‌ڤرۆ نیوز،بارزان مزوورى:
بلند ره‌زا زێبارى،سه‌رۆكێ باژێرڤانیا قه‌زا ئاكرێ بۆ ئه‌ڤرۆ نیوز گۆت:ئه‌ڤرۆ سپێدێ رێكه‌فتى24/9/2020 ب به‌شداریا قائیمقامێ قه‌زا ئاكرێ و زیندانیێن سیاسى ئه‌وێن ره‌زامه‌ندیا وه‌رگرتنا پارچا عه‌ردى هه‌ى ل هولا باژێرڤانیا ئاكرێ پارچێن عه‌ردى ل سه‌ر وان هاتنە دابه‌شكرن،
ناڤهاتى خویاكر ره‌زامه‌ندى ل سالا 2012 بۆ وان هات بۆ دان قوناغه‌ك ل سالا 2013 بۆ هات بونه دان ئه‌وێن نها بۆ دهێن دان هنده‌ك كێماسى دناڤ معاملێن وان دا مابون هه‌تا ئه‌و كێماسى دوماهیك ئیناین ئه‌ڤرۆ ئه‌و ژى بونه خودان پارچێن عه‌ردى ژوانا 12 كه‌س بوون لجهه‌كێ باش بۆ هات بونه دابینكرندا مفاى ژوان پارچا وه‌رگرن ژبه‌ركۆ هه‌موو ژوان ده‌ست كورتن،
ناڤهاتى گۆت:به‌رى نها ژى 121 پارچێن عه‌ردى هاتینه دابه‌شكرن بۆ مالباتێن شه‌هیدێن شه‌رێ داعش.
ئه‌ڤرۆ نیوز:
لگۆری دوماهی ئامارێن توشبوویێن كورونایێ ل جیهانێ گه‌هشته 32 ملیۆن و 101 هزار كه‌سان.
لگۆری دوماهی ئامارێن توشبوویێن كورونایێ ل سه‌ر ئاستێ جیهانێ هه‌تا نوكه گه‌هشتیه 32 ملیۆن و 101 هزار كه‌سان.
هه‌ر ل گۆری ئه‌وان ئامارێن ل سه‌ر ئاستێ جیهانێ هاتینه به‌لاڤكرن، كۆ 23 ملیۆن و 682 هزار توشبوویێن كوروناێ ساخ بووینه و نێزیكی 982 هزار كه‌س ژی مرینه ئه‌ڤێن دی ژی ل بن چاڤدێریا نوژداری دانه.
ئه‌ڤرۆ نیوز:
حوكمه‌تا سعودیێ ته‌ئكید ل سه‌ر بكار ئینان و بجهكرنا رێكارێن خوه پارێزیێ كر، بریار دا رۆژا 4 تشرینا ئێكێ رێ و ره‌سمێن عه‌مرێ ده‌ست پێ بكه‌ن.
وه‌زاره‌تا ناڤخویا سعودیێ د راگه‌هاندنه‌كێ دا دیاركریه، بریار دایه قوناغ ب قوناغ رێك ب ئاسایكرنا رێ و ره‌سمێن عه‌مرێ بهێته‌دان و دێ ل رۆژا 4/10/2020 ده‌ست پێ كه‌ت، دپێخه‌مه‌تا پاراستنا ساخله‌میا گشتی و لبه‌رچاڤگرتنا مه‌ترسیێن ڤایرۆسێ كورونایێ، ئه‌و رێ و ره‌سم دێ ده‌ست پێ كه‌ن، قوناغا ئێكێ بتنێ رێك ب وه‌لاتیێن ناڤخویا سعودیێ دهێته‌دان پشكداریێ ل رێ و ره‌سمێن عه‌مرێ دا بكه‌ن، قوناغا دوێ رێك ب موسلمانێن وه‌لاتان ژی بهێته‌دان بۆ ئه‌وێ مه‌به‌ستێ سه‌ره‌دانا سعودیێ بكه‌ن.
نيشاندان