ئەڤرۆ نیۆز:

دەستەیا گشتی یا گەشتوگۆزارێ ل هەرێما کوردستانێ ئەڤرۆ رۆژا 11/3/2020 راگەهاندنەک بەلاڤکر کو تێدا هاتیە ژ پێخەمەت بەرژەوەندیا گشتی و پاراستنا سلامەتیا وەلاتیێن هەرێما کوردستانێ و ل دووڤ بڕیارێن دووماهی کۆمبوونا لژنا بلند یا بەرهەنگاربوونا ڤایرۆسێ (کورۆنا)یێ ل هەرێما کوردستانێ، دەستەیا گشتی یا گەشتوگۆزارێ ل هەرێما کوردستانێ بڕیار ل سەر ئەڤان خالێن ل خوارێ دا:
1- داخستنا هەمی هاڤینگەه و پرۆژێن گەشتیاری.
2- داخستنا هەموو کافێتریا.
3- ڕاگرتنا روونشتن و خوارنێ ل خوارنگەهێن خوارنێن بلەز (بتنێ سەفەری رێ دێ پێ هێتە دان)
4- داخستنا هەمی خوارنگەهێن ستێرەک و دو ستێر.
5- هەمی رێڤەبەریێن گشتی یێن گەشتوگۆزارێ و هەمی رێڤەبەریێن باژێڕ و باژارۆکان، دێ ڤان بڕیاران ب هاریکاریا یەکێن کارگێری بجه ئینن و دێ چاڤدێریا جهان کەن بۆ پێگیریێ.
6- ئەڤ بڕیارە ل رۆژا 12ی ئادارێ هەتا 1ی نیسانا سالا 2020 دێ کار پێ هێتەکرن.

 
ئەڤرۆ نیوز:

نێچیرڤان بارزانی سەرۆکێ هەرێما کوردستانێ راگەهاند، یا گرنگە ب هشیارانە سەرەدەری ل گەل ڤێ رەوشێ بهێتە کرن و داخواز ژی ژ جڤاکێ نێڤدەولەتی و سازیێن پەیوەندیدارێن جیهانێ کر، بۆ روو ب رووبوونا ڤایرۆسێ کۆرۆنایێ هەڤکاریا هەرێما کوردستانێ بکەن.

نێچیرڤان بارزانی سەرۆکێ هەرێما کوردستانێ د راگەهاندنەکێ دا گۆتیە، ب ئەزموون هاتیە سەلماندن کو بۆ کێمکرنا زیانێن کۆرۆنا یێ و زالبوون ل سەر لێکەفتێن وێ خوە پاراستنە، کو باشترین چەکە بۆ روو ب رووبوونا وی ڤایرۆسی، دیسان داخوازێ ژ جڤاکێ نێڤدەولەتی و سازیێن پەیوەندیدارێن جیهانێ دکەین بۆ روو ب رووبوونا کۆرۆنا یێ هاریکاریا هەرێما کوردستانێ بکەن.
سەرۆکێ هەرێمێ گۆتیە ژی، ئەرکێ هەر کەسەکێ یە خو ب بەرپرسیار بزانیت بۆ پاراستنا ساخلەمی و سلامەتیا ژیانا خوە و یا خێزان و جڤاک و ژینگەها خوە.

دیسان گۆتیە، گرنگە ب هشیارانە سەرەدەری ل گەل ڤێ رەوشێ بهێتە کرن، نە ب ترس و نە ب پشتگۆهـخستنێ، دڤێت رێنمایێن سازیا ساخلەمیا جیهانێ تایبەت ب خوە پاراستن و پاقژیێ، بریار و رێکارێن حوکمەتێ ، بۆ رێگرتنێ ژ ڤی ڤایرۆسی ب هووری و دروستی بهێن جێبەجێکرن.

سەرۆکێ هەرێمێ گۆتیە ژی، ب هەڤکاری و هەڤبەندیا هەموو ئالیان و پێگیربوون ب رێنمایان، خوە و گەل و وەلاتێ خۆ دێ پارێزین و ڤێ دژۆاریێ ژی دێ دەرباز کەین و هەموو هەڤکاری و هەڤبەندیێ دێ ل گەل سازیا ساخلەمیا جیهانی و ئالیێن پەیوەندیدار یێن عێراقێ و جڤاکێ نێڤدەولەتی کەین.
نێچیرڤان بارزانی
سەرۆکێ هەرێما کوردستانێ
11.3.2020

ئەڤرۆ نیوز:

د کۆمبوونا ئەڤرۆ یا لژنا روو ب رووبوونا کۆرۆنا یێ بریار هاتەدان هاتنوچوونا وەلاتیان دناڤبەرا پارێزگەهێن هەرێما کوردستانێ، ژ بلی تیمێن ساخلەمیێ، دبلۆماسی، رێکخراوان و ئاژانسێن نەتەوێن ئێکگرتی و هێزێن ئەمنی ژ ل14-3-2020 هەتا 28-3-2020 دێ هێتە راگرتن.

ئه‌ڤرۆ نیوز:

وه‌زاره‌تا ناڤخویا حكومه‌تا هه‌رێما كوردستانێ د نفیساره‌كێ دا كۆ ئاراسته‌ی پارێزگه‌هان و ئیداره‌یا گه‌رمیان و راپه‌رین كریه‌ كو داخازا كارێن پێدڤی بهێنه‌ ئه‌نجام دان ژبوی راوه‌ستاندنا هاتنو چونا ئاواره‌ و په‌نابه‌رێن ل هه‌رێما كوردستانێ بۆ ده‌رڤه‌ی هه‌رێمێ ڤه‌گه‌ریانا وان.

دنفیسارا وه‌زاره‌تا نافخویا حكومه‌تا هه‌رێما كوردستانێ كۆ ب ژماره‌ 35 یا 8/3/2020 ده‌ركه‌تیه‌ و تێدا هاتیه‌ كاری پێدڤی بهێته‌ ئه‌نجامدان ژبوی راوه‌ستاندنا هاتنوچونا ئاواره‌ و په‌نابه‌رێن ده‌رڤه‌ و ناڤخویا كه‌مپان بۆ ده‌رڤه‌ی توخیبێ هه‌رێما كوردستانێ و هاتنا وان بۆ هه‌رێمێ بجهكرنا ته‌ڤایا رێكارین خۆ پاراستنێ ل سه‌ر وان كه‌سان.

لگۆری نفیسارێ مه‌به‌ست ژ بریارێ خۆپارێزی ژ به‌لاڤبوونا ڤایرۆسێ كورونایێ و پشتگیریكرن دپێخه‌مه‌تا پاراستن و سلامه‌تی و ساخله‌میا ئاواره‌ و په‌نابه‌رانه‌ و وه‌لاتێن هه‌رێما كوردستانێ یه‌.

دنفیسارێ دا ئاماژه‌ ب وێ چه‌ندێ هاتیه‌ دان كۆ ئه‌ڤ فه‌رمانه‌ بهێته‌ بجهكرن و هه‌تا كۆ ب شیوه‌یه‌كێ فه‌رمی هه‌وه‌ ئاگه‌هدار دكه‌ین.

ئه‌ڤرۆ نیوز:

وه‌ك خۆ پاراستن ژ ڤایرۆسێ كورونا ب ئه‌گه‌رێ مه‌ترسیێن به‌لاڤبوونێ پێشانگه‌ها پازدێ یا په‌رتوكان ل هه‌ولێرێ بۆ ده‌مه‌كێ نه‌دیار هاته‌ پاش خستن.

د راگه‌هاندنه‌كێ دا كارگێریا پێشانگه‌ها نێڤ ده‌وله‌تی به‌لاڤكر كۆ وه‌ك بجهكرنا رێكارێن خۆ پاراستنێ بۆ رێگرتن ژ به‌لاڤبوونا ڤایرۆسێ كورونا، ل كه‌ڤانێ دیتنا مه‌ بۆ رژد بوون ل سه‌ر ساخله‌می و سلامه‌تیا میڤانان و ئه‌و كه‌سێن سه‌ره‌دانێ دكه‌ن، كارمه‌ندێن پێشانگه‌هێ، كارگێریا پێشانگه‌هێ بریار دا خولا پازدێ یا پێشانگه‌ها په‌رتوكان یا نێڤ ده‌وله‌تی بۆ ده‌مه‌كی نه‌دیار هاته‌ پاش خستن.

كارگێریا پێشانگه‌ها نێڤ ده‌وله‌تی یا په‌رتوكان سوزدا دڤێ خولا پێشانگه‌هێ دا ل ده‌مه‌كێ دی و پاشه‌رۆژه‌كا نێزیك ئه‌نجام ده‌ن.