ئه‌ڤرۆ نیوز:

جێگرێ سه‌رۆكێ ئه‌ركان بۆ مه‌شق و ئوپراسیونان ل هه‌رێمێ راگه‌هاند: وه‌ك پێنگاڤا خۆپاراستنێ ژ ڤایرۆسێ كورونا و مه‌ داخاز ژ هه‌ڤپه‌یمانان كر بۆ ماوه‌یێ هه‌فته‌یه‌كێ مه‌شقێن پێشمه‌رگه‌ی بهێنه‌ راوه‌ستاندن، پاشی لگۆری ره‌وشێ بریارێن نووی ده‌ربكه‌ڤن.

لیوا قاره‌كان كه‌مال جێگرێ سه‌رۆكێ ئه‌ركان بۆ مه‌شق و ئوپراسیونان راگه‌هاند: بریار بۆ رۆژا 1/3/2020 ژلایێ هه‌ڤپه‌یمانان ده‌ست ب مه‌شقێن فه‌وجان بهێته‌كرن، لێ وه‌ك پێنگاڤا خۆ پاراستنێ وه‌زاره‌تێ بریار دا پرۆسه‌یا مه‌شقان ل ته‌ڤایا بنگه‌هێن مه‌شقێن سه‌ر ب وه‌زاره‌تا پێشمه‌رگه‌ی بۆ ماوه‌یه‌كی بهێنه‌ راوه‌ستاندن.

جێگرێ سه‌رۆكێ ئه‌ركان بۆ مه‌شق و ئوپراسیونان ئه‌و چه‌نده‌ ژی راگه‌هاند: ب هه‌ماهه‌نگی ل گه‌ل سه‌نته‌رێ مه‌شقا هه‌ڤپه‌یمانان ل كوردستانێ (ktcc) بریار هاته‌ دان ب راوه‌ستاندنا ته‌ڤایا پرۆسه‌یێن مه‌شقێن هێزێن پێشمه‌رگه‌ی ل بنگه‌ه و فێرگه‌هێن مه‌شقێن سه‌ر ب وه‌زاره‌تا پێشمه‌رگه‌ی بۆ ماوه‌یێ هه‌فتیه‌كێ پاشی لگۆری ره‌وشێ بریاره‌كا نوو بۆ ئه‌ڤێ چه‌ندێ ده‌ین.

لیوا قاره‌كان كه‌مال جێگرێ سه‌رۆكێ ئه‌ركان بۆ مه‌شق و ئوپراسیونان دا زانین ئه‌و بریار قوتابیێن كۆلیژا سه‌ربازی ل زاخۆ و قه‌لاچولان بخوڤه‌ ناگریت، چونكو نوكه‌ ژماره‌یا قوتابیان ل وان هه‌ردو فێرگه‌هان مه‌شقێ دكه‌ن، بۆ ماوه‌ێ زێده‌تری هه‌یڤه‌كێیه‌ هاتینه‌ راگرتن، هه‌كه‌ هه‌ر بریاره‌ك هه‌بیت، ژلایێ وه‌زاره‌تا به‌ره‌ڤانیا عیراقێ ڤه‌ دهێته‌ دان چونكو ئه‌و كولیژ سه‌ر ب وه‌زاره‌تا ناڤبری ڤه‌نه‌.

ئەڤرۆ نیوز، عەزیز هەورامی:

مه‌سرۆر بارزانی سه‌رۆك وه‌زیرانی هه‌رێمی كوردستان ڕایگه‌یاند، هه‌رێمی كوردستان ئاماده‌كارییه‌كان بۆڕوبه‌ڕوبونه‌وه‌ی كۆرۆنا له‌ پێش وڵاتانی تره‌وه‌ین، وته‌بێژی وه‌زاره‌تی ته‌ندروستی ده‌ڵێ، سه‌رۆك وه‌زیران ته‌واوی وه‌زاره‌ته‌ كانی ڕاسپاردووه‌ هاوكاری وه‌زاره‌تی ته‌ندروستیبن له‌ ڕوبه‌ڕوبونه‌وه‌ی ڤایرۆسی كۆرۆنا و نوێنه‌ری ئه‌نجوومه‌نی وه‌زیرانیش ئه‌ندامه‌ له‌ ئه‌نجوومه‌نی باڵای ڕوبه‌ڕوبونه‌وه‌ی ڤایرۆسی كۆرۆنا.

محه‌ممه‌د خۆشناو وته‌بێژی وه‌زاره‌تی ته‌ندروستی حكوومه‌تی هه‌رێمی كوردستان، بە ئەڤرۆ نیۆزی ڕاگەیاند:” سه‌رۆك وه‌زیران مه‌سروور بارزانی ته‌واوی وه‌زاره‌ته‌كانی ڕاسپاردووه‌ هاوكاری وه‌زاره‌تی ته‌ندروستی بن له‌ ڕوبه‌ڕوبونه‌وه‌ی ڤایرۆسی كۆرۆنا و نوێنه‌ری ئه‌نجوومه‌نی وه‌زیران له‌ ناو ئه‌نجوومه‌نی باڵای ڕوبه‌ڕوبونه‌وه‌ی ڤایرۆسی كۆرۆنایه‌، بوودجه‌یه‌تی تایبه‌تیشی ته‌رخانكرد بۆ ڕوبه‌ڕوبوونه‌وه‌ی په‌تای كۆرۆنا و بوودجه‌كه‌ له‌ سه‌رئاستی وه‌زاره‌ت و پارێزگاكان سه‌رف ده‌كرێت، بۆدجه‌كه‌ بۆ دابینكردنی ئامێر و هۆشیاری سه‌رفده‌كرێت”.

27/2/2020 سه‌رۆك وه‌زیران مه‌سروور بارزانی ئه‌و ئه‌وسه‌نته‌ری به‌سه‌ركرده‌وه‌ له‌ پارێزگای هه‌ولێر دابینكراوه‌ بۆ هه‌رئه‌گه‌رێكی بوونی حاڵه‌تی نه‌خۆشی ڤایرۆسی كۆرۆنا،ڕایگه‌یاند: كوردستان ئاماده‌كارییه‌كان بۆ ڕوبه‌ڕوبونه‌وه‌ی كۆرۆنا له‌ پێش وڵاتانی تره‌وه‌ین، وه‌ته‌بێژی وه‌زاره‌تی ته‌ندروستی ده‌ڵێ، سه‌رۆك وه‌زیران به‌رده‌وام له‌گه‌ڵ وه‌زاره‌ت له‌سه‌رخه‌ته‌ بۆ ئه‌وه‌ی بتوانن باشترین شێوه‌ پلانه‌كان جێبه‌جێ بكرێن، ڕێگه‌ش نه‌درێت ڤایرۆسی كۆرۆنا بگاته‌ كوردستان”.

محه‌ممه‌د خۆشناو ده‌ڵێ:” به‌بڕیاری سه‌رۆك وه‌زیران وه‌زیری ته‌ندروستی ڕۆژانه‌ كۆنگره‌یه‌كی ڕۆژنامه‌نوسی ده‌بێت، بۆ ئه‌وه‌ی هاوڵاتیانی كوردستان ئاگاداری هه‌نگاوه‌كانی وه‌زاره‌تبن بۆ ڕوبه‌ڕوبونه‌وه‌ی كۆرۆنا و ئێمه‌ له‌كوێ ئه‌و په‌تاییه‌ن.

له‌پارێزگای سلێمانی نه‌خۆشخانه‌یه‌كی تایبه‌ت به‌ ڤایرۆزی كۆرۆنا كراوه‌ته‌وه‌ ته‌واوی ئه‌جیزه‌ ته‌ندروستییه‌كانی بۆ دابینكراوه‌، له‌ پارێزگای هه‌ڵه‌بجه‌ش نه‌خۆشخانه‌یه‌ك تایبه‌ت ده‌كرێت به‌ ڤایرۆسی كۆرۆنا و حكوومه‌تی هه‌رێمی كوردستان پلانی تۆكمه‌ی داناوه‌ بۆ ڕوبه‌ڕوبونه‌وه‌ی ئه‌و ڤایرۆسه‌.

ناوبراو ده‌ڵێ:” حكوومه‌ت و په‌رله‌مان كار له‌سه‌ر دروستكردنی دامه‌زراوه‌ی ده‌رمان و خۆراك، بۆ كۆنتڕۆڵ كردنی ته‌واوی ده‌رمان و خۆراك و ڕێگه‌نه‌دان به‌ ده‌رمان و خۆراكی به‌سه‌رچوو له‌ بازاڕه‌كان”.

هه‌روه‌ها وتیی:” به‌بڕیاری سه‌رۆك وه‌زیران ده‌ستكراوه‌ به‌ ته‌واوكردنی ته‌واوی ئه‌و نه‌خۆشخانه‌ و بنكه‌ی ته‌ندروستیانه‌ی كه‌ له‌ 85% كاره‌كانیان ته‌واو بووه‌ ته‌واو ده‌كرێن، بوودجه‌ی ته‌واویان بۆ دابینكراوه‌”.

ئه‌ڤرۆ ینوز:

وه‌زیرێ بازرگانی و پیشه‌سازیا حكومه‌تا هه‌رێما كوردستانێ ل گه‌ل پارێزگارێن هه‌رێمێ كۆمبوو و داخاز ژ وان كریه‌ پێدڤیێن ناڤخو دابین بكه‌ن بۆ وه‌لاتیان، هه‌ر كه‌سه‌ك بڤێت بهای گران یان پاوان بكه‌ت ب توندترین شێوه‌ هێته‌ سزادان.

كه‌مال موسلم وه‌زیرێ بازرگانی و پیشه‌سازیا حكومه‌تا هه‌رێما كوردستانێ راگه‌هاند: گه‌له‌ك ب هیری چاڤدێریا بازارێن هه‌رێما كوردستانێ دكه‌ین، هه‌ر پاوانخوازیه‌ك هه‌بیت بۆ گرانكرنا بازاری دێ سزایێ توند ب سه‌ر دا هێته‌ سه‌پاندن.

وه‌زیرێ بازرگانی و پیشه‌سازیا حكومه‌تا هه‌رێما كوردستانێ دیاركر دێ ریڤه‌به‌رێن گشتی یێن بازرگانیێ یێن هه‌رێمێ هێنه‌ راسپاردن  ل گه‌ل ته‌ڤایا رێڤه‌به‌رێن چاڤدیریكرنا دارایی ل باژێرێن هه‌رێمێ ل سه‌ر خه‌ت دبن ژبوی چ كه‌سه‌ك پاوانخوازیێێ و بهایان گران نه‌كه‌ت.

وه‌زیرێ بازرگانیا هه‌رێمێ ئه‌و چه‌نده‌ ژی راگه‌هاند: پێدڤیه‌ بازرگان پێداویستیێن ناڤخۆ بۆ وه‌لاتین دابین بكه‌ن، هه‌ر بازرگانه‌كی پێشنیازه‌ك هه‌بیت دشێت بۆ وه‌زاره‌تا بازرگانیێ بهنێریت.

ئەڤرۆ نیوز:

ل ڤێرێ وێراهە دەنگێ هندێ دهێتە بەلاڤە کرن، دبێژن قەیرانا بەنزینێ و سوتەمەنیێ ل هەرێما كوردستانێ دروست بوویە ب ئەگەرێ بریارا رێکخستنا ئالوگۆرا بازرگانی و ھاتنوچوونێ ل دەروازێن سنووری ل گەل ئیرانێ، ژ پێناڤێ خوەپارێزیێ ژ ڤایرۆسێ کۆرۆنا.

وەلاتیێن بەڕێز یێن هەرێما كوردستانێ دلنیا دكەین كو چ قەیرانێن ب ڤی جۆری دروست نەبوویە و نابن ژی، رێکخستنا کاروبارێن دەروازێن سنووری بۆ پاراستنا گیانێ وەلاتیان بوویە ژ ڤی ڤایرۆسی، بۆ ڤێ مەبەستێ حکومەتێ بەرنامە و پلانەکا تۆكمە بۆ روو ب رووبونا ڤێ پەتایێ و دەرهاڤێژێن وێ دارشتینە.

هەڤدەم دووپات دكەین، کو سوبەهی سێشەمبی ئەڤ بابەتە دێ بیتە خالەکا سەرەکی یا ئەجێندایا كۆمبوونا جڤاتا وەزیران.

د.جوتیار عادل
پەیڤدارێ حكومەتا هەرێما كوردستانێ
٢٠٢٠/٢/٢٤

ئەڤرۆ نیوز:

سوبەهی سێشەمبی جڤاتا وەزیرێن هەرێما کوردستانێ دێ دەربارەی رێکارێن بەرهنگاربوونا کۆرۆنا یێ و پێکئینانا کابینا نوو یا حوکمەتا عێراقێ گۆم بیت.

سوبەهی سێشەمبی 25 شواتا 2020 ب سەرپەرشتیا مەسرۆر بارزانی سەرۆکێ حوکمەتا هەرێمێ، دێ جڤاتا وەزیران کۆم بیت، د کۆمبوونێ دا دێ بەحسا ئەنجامێن پشکداریکرنا شاندێ حوکمەتا هەرێمێ د کۆنفرانسێ میونخ و دیدارێن ئیتالیا و ڤاتیکان هێتە کرن.
هەروەسا ئێک ژ تەوەرێن دی یێن کۆمبوونێ دێ بەحسکرنا دووماهی پێشهات و گۆهارتنێن عیراق و بزاڤێن پێکئینانا کابینا نوو یا حکومەتا فیدرالی بیت.
دیسان دێ پلان و ڕێکارێن حوکمەتا هەرێمێ بۆ بەرهنگاربوونا مەترسیا ڤایرۆسێ کۆرۆنا یێ ب بەرهەڤبوونا پارێزگارێن هەرێما کوردستانێ هێتە گۆتۆبێژکرن.

 
ئه‌ڤرۆ نیوز:

وەسا بڕیاره‌ سوبه‌هی دوشەمبی كۆمبوونه‌كا بلند یا هه‌ر سێ سه‌رۆكاتیێن هه‌رێما كوردستانێ و لایه‌نێن سیاسى و شاندێ دانوستاندكارێن هه‌رێمێ بۆ به‌غدا بهێتە ئەنجامدان.
دلشاد شه‌هاب راوێژكارێ سه‌رۆكێ هه‌رێمێ راگه‌هاند، نێچیرڤان بارزانى سه‌رۆكێ هه‌رێما كوردستانێ دێ سه‌رپه‌رشتیا كۆمبوونا بلند یا لایه‌نێن سیاسى یێن هه‌رێما كوردستانێ و شاندێ هه‌رێما كوردستانێ بۆ به‌غدا كه‌ت و گۆت” بڕیاره‌ سه‌رۆكێ حوكمه‌تێ و سه‌رۆكێ په‌رله‌مانى ژى به‌رهه‌ڤ ببن و دانوستاندن ل دۆر دووماهى پێشهات و ئه‌نجامێن كۆمبوونان و دانوستاندێن شاندێ به‌غدا بهێته‌ كرن”.