ئەڤرۆ نیوز:
سوبەهی چارشەمبی 2020/2/12 ب سەرپەرشتیا مەسرور بارزانی سەرۆک وەزیرێن هەرێما کوردستانێ و ب ئامادەبوونا قوباد تالەبانی جێگرێ سەرۆک وەزیران، دێ کۆمبوونا ئاسایی یا جڤاتا وەزیران هێتە ئەنجام دان.
هەروەسا تەوەرێ سەرەکی یێ وێ کۆمبوونێ دێ گوتۆبێژ کرن بیت، دەربارەی پێنگاڤێن جێبەجێکرنا قانوونا چاکسازیێ.
ئهڤرۆ نیوز:
مهسرور بارزانی سهرۆكێ حوكمهتا ههرێما كوردستانێ و وهزیرێ دهرڤهیێ عیراقی كۆمبوون و سهرۆكێ حوكمهتێ راگههاند: پشتهڤانیێ ل حوكمهتهكێ دكهین كۆ پێگیر بیت ب مافێن دستوری یێن ههرێما كوردستانێ.
لگۆری راگههاندنا نڤیسینگهها سهرۆكێ حوكمهتا ههرێما كوردستانێ، ئهڤرۆ مهسرور بارزانی سهرۆكێ حوكمهتا ههرێما كوردستانێ پێشوازی ل محهمهد عهلی وهزیرێ دهرڤهیێ عیراقی كر و د دیدارهكێ دا دانوستاندن دهربارهیێ دوماهی پێشهاتێن عیراقی و دهڤهرێ كرن.
د وێ راگههاندنێ دا ئاماژه ب وێ چهندێ ژی هاتهكرن، كۆ ل كۆمبوونێ دا تهئكید ل گرنگیا سهقامگیریا رهوشا عیراقی و پێك ئینانا حوكمهتهكا گشتگیر هاتهكرن، كۆ جهێ رهزامهندیا زۆرینهیا خهلكێ عیراقێ بیت و پهیوهندیهكا باش ل گهل ههرێمێ و وهلاتێن ههڤسی و جڤاكێ نێڤ دهولهتی ههبیت.
ئەڤرۆ نیوز:
رێڤەبەریا گشتی یا پەروەردێ ل پارێزگەها دهۆکێ روونکرنەک بەلاڤکریە و تێدا هاتیە:
ژبەر بارینا بەفرەکا زۆر ل پرانیا دەڤەرێن پارێزگەها دهوکێ و ژبەر نزمبوونا پلێن گەرماتیێ و گرتنا رێکێن هاتنوچوونێ ل پرانیا دەڤەران، لەوما رێڤەبەریا گشتی یا پەروەردێ ل پارێزگەها دهۆکێ رادگەهینیت، کو سوبەهی رێکەفتی 11/2/2020 بهێنڤەدانا فەرمی یە ل هەموو قوتابخانە و ناڤەندێن خواندنێ ل سەرانسەری پارێزگەها دهوکێ.
ئهڤرۆ نیوز:
ئهڤرۆ دو شهمب 10/2/2020 مهسرور بارزانی سهرۆكێ حوكمهتا ههرێما كوردستانێ ب ههلكهفتا یوبیلا زێرین یا ئێكهتیا نڤیسهرێن كورد، پهیامهكا پیرۆزباهیێ ئاراستهیێ ئێكهتیا نڤیسهرین كورد كر و تێدا هاتیه سهرۆك و ئهندامێن ئێكهتیا نڤیسهرێن كورد ب ههلكهفتا یوبیلا زێرین یا ئێكهتیا نڤیسهرێن كورد گهرمترین پیرۆزباهیێ پێشكێشی وههه دكهم هیڤیا سهركهفتنێ بۆ ههوه دخوازم.
ئهڤه ژی دهقێ پهیاما مهسرور بازرانی سهرۆكێ حوكمهتا ههرێما كوردستانێ ب ههلكهفتا یوبیلا زێرین یا ئێكهتیا نڤیسهرێن كورد:
بهرێز و سهرۆك ئهندامێن ئێكهیتا نڤیسهرێن كورد
ب ههلكهفتا یوبیلا زێرین یا ئێكهتیا نڤیسهرێن كورد گهرمترین پیرۆزباهیێ پێشكێشی وه دكهم، هیڤیا سهركهفتن و بهردهوامیێ بۆ ههوه دخوازم، بێگۆمان رێكخراوا وه رۆلهكێ دیار و كاریگهر ل بزاڤا ئهدهبی و رهوشهنبیری یا گهلی كوردستانێ ههبوویه، ب تایبهتی ل پاراستن و گهشهپێدانا زمانێ كوردی.
ههروهسا رۆلێ ئێكهتیا نڤیسهرێن كورد داكۆكیكرن ل مافێن دیموكراتی و نهتهوهیا گهلی كوردستانی ناهێته ژبیركرن كۆ بهرههمێن ب نهرخێن وێ، حزمهتهكا مهزنا بزاڤا رۆناكبیریا نهتهوهیا مه داكریه.
ئومێدا پێشكهفتنێ بۆ ههوه دخوازم و هیڤی دارم ژ كاروانێ پری پهخشان د پیخهمهتا خزمهتكرنا زمان و ئهدهبی كوردی دا بهردهوام بن.
مهسرۆر بارزانی
سهرۆكێ حوكمهتا ههریما كوردستانێ
10/2/2020
ئهڤرۆ نیوز:
وهزارهتا دارایی و ئابووری یا حوكمهتا ههریما كوردستانێ گشتاندنهك ب ژمارهیا 6 یا سالا 2020 بهلاڤكریه.
وهزارهتا دارایی و ئابووری د گشتاندنهكێ دا و تێدا هاتیه كۆ تهڤایا وهزارهت و فهرمانگههان ل بارهیێ دوماهیا هاتنا سالا دارایی یا 2019 ئاگههدار دكهن كۆ پیدڤیه ئهڤان ههفت خالان لبهرچاڤ بكهن كۆ دناڤهرووكا ئهڤێ گشتاندنێ دا هاتیه.
ئهو چهنده ژی هاتیه دیاركرن كۆ دڤێت ههر ههیڤ ژمێریا خهزنێ سفر بیت و پیدڤیه ل ریكهفتی 10 ههموو ههیڤهكێ دا تهرازوویا پێداچوونێ هایڤانه بهنێرن بۆ ریڤهبهراتیێن گشتی یێن ژمێریاریی.
ئهڤرۆ نیوز:
سهرۆكێ نوونهرایهتیا حوكمهتا ههرێما كوردستانێ ل بهغدا، فارس عیسا راگههاند، سهرۆك وهزیرێن نوو راسپاردی یێ عیراقێ، محهمهد تهوفیق عهلاوی دهست ب دانوستاندنێن پێكئینانا حوكمهتا خوه ل گهل لایهنێن سیاسی یێن عیراقی كریه وبریاره سهرهدانا ههرێما كوردستانێ ژی بكهت ب مهرهما ئهنجامدانا دانوستاندنان ل گهل كوردان ل دۆر پشكا وان د حوكمهتا نوو یا عیراقێ دا، دیاركر ژی ههكه پشكا كوردان د حوكمهتا عهلاوی دا زێدهتر نهبیت، بێگومان كێمتر نابیت.
فارس عیسا، سهرۆكێ نوونهرایهتیا حوكمهتا ههرێما كوردستانێ ل بهغدا زێدهتر گۆت” سهرۆك وهزیرێن نوو راسپاردی ل عیراقێ دهست ب دانوستاندنێن پێكئینانا حوكمهتا خوه كریه كو دێ ل گهل كورد و سوننه و شیعان و جادا عیراقی (خوهنیشادهر) كۆمبیت و د وان دانوستاندنێن خوه دا دێ داخوازێ ژ وان ههموو لایهنان كهت پشتهڤانیێ لێ بكهن بۆ وێ چهندێ یێ سهركهفتی بیت د ئهركێ خوه دا وهكو سهرۆكێ وهزیران، چونكه وی پێدڤی ب پشتهڤانیا ههموو لایهنێن سیاسی و جادا عیراقی ژی یا ههی”.
عیسای گۆت ژی” بریاره د دهمێ دو ههفتیێن داهاتی دا سهرۆك وهزیرێن نوو راسپاردی یێ عیراقێ محهمهد تهوفیق عهلاوی سهرهدانا ههرێما كوردستانێ بكهت ودانوستاندنێ ل گهل لایهنێن كوردستانی بكهت تاكو پشتهڤانیا وی بكهین بۆ پێكئینانا حوكمهتا عیراقی یا نوو كو كورد ژی دێ پاكیجا خوه بۆ كابینا نوو یا حوكمهتێ بهرههڤ كهن”.
ژلایهكێ دی ڤه، ئهندامێ جڤاتا نوونهرێن عیراقێ ژ فراكسیۆنا پارتی دیموكراتی كوردستان، ئارام بالهتهیی راگههاند” پارتی دیموكراتی كوردستان ههتا نوكه دانوستاندن ل دۆر پۆستێن وهزاری د حوكمهتا محهمهد تهوفیق عهلاوی دا نهكرینه و پارتی نوكه پتر گرنگیێ ب رزگاربوونا عیراقێ ژ رهوشا نهباش ئهوا نوكه تێدا دبۆریت ددهت”.
ئارامی زێدهتر بۆ مالپهرێ المعلومه گۆت” پارتی دیموكراتی كوردستان پشتهڤانیا خوه بۆ سهرۆك وهزیرێن راسپاردی محهمهد تهوفیق عهلاوی نیشاندایه، ژبهركو ئهو ژلایێ شیعان ڤه یێ هاتیه دیاركرن بۆ وی پۆستێ و ئهو پۆسته ژی یێ شیعانه”.
دیاركر ژی” پشتهڤانیا بۆ عهلاوی ههی یا مهرجداره ب رزگاركرنا عیراقێ ژ كێشا نوكه تێدا دبۆریت و بجهئینانا داخوازیێن خوهنیشادهران و رازیكرنا جادا عیراقی”.
ئهڤرۆ نیوز:
ئهو كهسین توشبوویی ب ڤایرۆسێ كورونا و گیانێ خو ژ دهست داین گههشتیه 724 كهسان.
لگۆری ئهوان زانیاریێن دهێنه راگههاندن، ژمارهیا توشبوویێن ب ڤایرۆسێ كورونا ل چینێ بلند بوونێ دایه و گههشتیه 34 ههزار و 569 كهسان، 334 كهسێن دی ژی ل وهلاتێن ژاپونی و سهنگافورێ و تایلهند و كوریا باشو و هونگ كونگ و ئوسترالیا و ئهلمانیا و مالیزیا و ئهمریكا و تایوان و ڤێتنام و فهرنسا و كهنهدا و بهلجیكا و كومبودیا و فینلاندا و نیپال و ئیسپانیا و ئیمارات و هندستان و فلپین و ئیتالیا و روسیا و بریتانیا و سریلانكا و سوێد توشی ئهڤی ڤایرۆسی بووینه.
لگۆری ئهوان زانیاریان رێژا مرنێ ل بلندبوونێ دایه كو 724 كهسان بڤی ڤایرۆسی مرینه، ههروهسا گهلهك ژی ساخبووینه كۆبهس ل چینێ دو هزار و 109 كهس ژ وان یێن تووشی ڤایرۆسی بووین ساخبووینه.
ئەڤرۆ نیوز:
حوکمەتا هەرێما کوردستانێ دێ لیژنەکا بلند بۆ جێبەجێکرنا قانوونا چاکسازیێ پێک ئینیت و د دەمێ سالەکێ دا دێ ئەنجامێن جێبەجێکرنا قانوونا چاکسازیێ ل سەر هەرێما کوردستانێ دەرکەڤن، بریارە ل رۆژا ئێکشەمبیا بهێت ئەو قانوونە ل رۆژناما وەقائیعی کوردستان بهێته بەلاڤ کرن، هەر ل وێ رۆژێ دێ کار ب وێ قانوونێ هێته کرن.
جڤاتا وەزیران لدووڤ ئەحکامێن وێ قانوونێ، دێ مادان جێبەجێ کەت، ل دەستپێکێ لژنەکا بلند بۆ جێبەجێکرنا وێ قانوونێ و پاشی هەر وەزارەتەکا تایبەتمەند دێ لژنێن لاوەکی بۆ جێبەجێکرنا وێ قانوونێ دەرکەن، ئەو لژنە دێ لدووڤ پەیڕەوەکێ کارکەن کو جڤاتا وەزیران بۆ جێبەجێکرنێ دێ دەرکەت.
محەمەد سەعدەدین، بریاردەرێ لژنا دارایی ل پهرلهمانێ كوردستانێ گۆت: د ماوێ سالەکێ دا دێ ئەنجام دەرکەڤن، حوکمەت ب شێوێ راپۆرتا وەرزی دێ ئەنجامێن جێبەجێکرنا وێ قانوونێ بۆ پەرلەمانی ڤرێکەت.
قانوونا چاكسازیێ ژ 19 مادان پێكهاتیە، ئەڤ قانوونە پێنگاڤەکا گرنگە بۆ چاکسازیا مووچەی، دەرمالان، بەخشین، ئیمتیازاتان و خانەنشینیێ ل هەرێما کوردستانێ، پشتی بەلاڤبوونێ جڤاتا وەزیران و وەزارەتێن تایبەتمەند دێ وێ قانوونێ جێبەجێ کەن، کو دێ کاریگەریا سیاسی و ئابووری و کارگێری ل سەر هەرێما کوردستانێ هەبیت.
ئەڤرۆ نیوز:
نێچیرڤان بارزانی سەرۆکێ هەرێما کوردستانێ راگەهاند: بکارئینانا توندوتیژیێ ل دژی خۆنیشاندەران ل عیراقێ شەرمزار دکەین و خۆنیشاندانا ئاشتیانە مافەکێ دستوری و رێ پێدایە.
نێچیرڤان بارزانی سەرۆکێ هەرێما کوردستانێ د پەیامەکێ دا دیار کر: خۆنیشاندانا ئاشتیانەیا سڤیل مافەکێ دستوری و رێ پێدایە، کوشتنا خۆنیشاندەران و بکارئینانا هێزێ بۆ ترساندن و بەلاڤەپێکرنا وان تاوانەکا زق و بەرتەسککرنا ئازادی و مافێن دستوریێن وەلاتیانە و بکارئینانا توندوتیژیێ ل دژی خۆنیشاندەران شەرمزار دکەین.
گۆتیە ژی، داخوازا راگرتنا وان توندوتیژی و ڕەفتارێن نەڕەوا دکەین و پشتەڤانیا خۆ بۆ داخوازیێن ڕەوایێن خۆنیشاندەران دوپات دکەین، هەروەسا پێدڤیە هەموو ژ وێ یەکێ تێبگەهن کو ئاریشە و نەڕازیبوون و داخوازیێن خەلکی نە ب هێزێ و تەپەسەرکرنێ دهێنە بێدەنگکرن و نە چارەسەر دبن.
هەروەسا دیار کریە، بۆ دوماهی ئینان ب ئاریشان، داخواز دکەین هەر چی زوویە پرۆسا پێکئینانا کابینا نوو بهێتە ئێکلا کرن.
نيشاندان