ئەڤرۆ نیوز:

سەرۆک بارزانی، پەیامەک بەلاڤکریە و تێدا دیار کریە داخوازێ ژ حوکمەتا عێراقێ دکەین ئەرکێ خۆ ل هەمبەری رێگرتن ژ خوین رێژتنێ جێبەجێ بکەت، هەروەسا، پشتەڤانیا خوە بۆ داخوازیێن ڕەوایێن خۆنیشاندەرێن عێراقێ دوپات دکەین.

بناڤێ خودایێ بەخشندە و میهرەبان

گەلەک دلگرانین ل سەر زێدەبوونا توندوتیژیێ و بوویەرێن خوینا وی یێن چەند ڕۆژێن بوری یێن بەغدا و نەجەف، گەلەک ب توندی خوینڕێتن و کوشتن و بکارئینانا توندوتیژیێ ل دژی خۆنیشاندەران شەرمزار دکەین.

داخوازێ ژ حکومەتا عێراقێ و دامودەزگەهێن فەرمی و پەیوەندیدار کر، ئەرکێ خۆ لسەر ڕێگرتن ژ خوینڕێتن و پاراستنا گیانێ وەلاتیان و خۆنیشاندەران جێبەجێ بکەن، پێدڤیە ئالیێن سیاسی ژی بۆ گەهشتن ب چارەسەریێ، ب زمانێ عەقل و مەنتق سەرەدەریێ ل گەل وێ قەیرانا کوور دا بکەن کو بەروکێ عێراقێ گرتیە.

هەر ل ڤێرێ پشتەڤانیا خۆ بۆ داخوازێن ڕەوا یێن خۆنیشاندەران و وەلاتیان دوپات دکەین، سەرەخۆشیێ ژی ژ کەسوکارێن قوربانیان و شەهیدێن بوویەرێن ڤان داویان یێن عێراقێ دکەین و هیڤیا باشبوونا بلەز بۆ برینداران دخوازین.

مەسعود بارزانی
6ی 2ی 2020

ئه‌ڤرۆ نیۆز، عه‌زیز هه‌ورامی:

ئه‌و گروپه‌ مافیاییه‌ی چه‌ند ڕۆژێكه‌ به‌ هه‌ڵكوتانه‌ سه‌ر كێڵگه‌ی كۆرمۆر و ته‌قه‌كردن له‌ ته‌نكه‌ری غاز و ڕێگه‌نه‌دان غاز بگاته‌ ده‌ستی هاوڵاتیان قه‌یرانی غازیان له‌كوردستان دروست كردووه‌، له‌ ڕێگه‌ی گروپی چه‌كدارییه‌وه‌ له‌سه‌ر ڕێگاكان ته‌قه‌ له‌ ته‌نكه‌ری غاز ده‌كه‌ن، په‌رله‌مانتارێكیش ده‌ڵێ، پێویسته‌ له‌سه‌ر حكومه‌ت به‌هێز ڕوبه‌ڕویان ببێته‌وه‌.

شیرین ئه‌مین په‌رله‌مانتاری فڕاكسیۆنی گۆڕان له‌ په‌رله‌مانی كوردستان، به‌ ئه‌ڤرۆ نیۆزی ڕاگه‌یاند:” له‌ چه‌ند ڕۆژی ڕابردوو ئه‌وكێشه‌ی غاز له‌ كوردستان دروست بووه‌ له‌ بنه‌ڕه‌تدا شتێك نییه‌ به‌ناوی كێشه‌ و قه‌یرانی غاز، ئه‌وه‌ی هه‌یه‌ قه‌یرانی غاز دروستكراوه‌ چه‌ند گرۆپێكی مافیا له‌ناو حزب شه‌ڕی به‌رژه‌وه‌ندی خۆیان ده‌كه‌ن، ئه‌وشه‌ڕه‌ی ئێستا هه‌یه‌ و قه‌یرانی غازی لێكه‌وتووه‌ته‌وه‌ له‌ كوردستان له‌ چوارچێوه‌ی به‌رژه‌وه‌ندی به‌رپرسه‌كان ئه‌وه‌ی له‌ ڕابردوو خه‌ڵكی خه‌میی نه‌بوبێت دابینكردنی غاز بووه‌.

ناوبراو زیاتر ده‌ڵێ، پێویسته‌ حكومه‌تی هه‌رێمی كوردستان به‌رپرسانه‌ كاربكات و ناكرێت وه‌ك ئه‌وه‌ی له‌ به‌یان نامه‌كه‌ی حكومه‌ت هاتووه‌ كه‌سایه‌تی و گرۆپی مافیایی هه‌بێت، ده‌سه‌ڵاتی له‌ سه‌رووی حكومه‌ته‌وه‌بێت و كاتێك ئێمه‌ خاوه‌نی حكومه‌تی هه‌رێمین نابێت كه‌سانێك ته‌قه‌ له‌ شۆفێری ئه‌وته‌نكه‌رانه‌ بكه‌ن غاز بۆ پارێزگاكانی هه‌ولێر و دهۆك ده‌گوازنه‌وه‌ بۆیه‌ ده‌بێت ئه‌منییه‌تی ته‌واو بۆ شۆفێره‌كان و كێڵگه‌ی كۆرمۆر دابین بكات، ئیجرائاتی پێویست بكات و ڕێگه‌ نه‌دات كه‌سانێك له‌ ناو حزب ده‌سه‌ڵاتی هه‌یه‌ یاری به‌ ماف و خواست و كه‌رامه‌تی گه‌له‌كه‌مان بكات.

هه‌روه‌ها ئاماژه‌ی بۆ ئه‌وه‌شكرد، ئه‌ركه‌ له‌سه‌ر حكومه‌تی هه‌رێمی كوردستان غاز بگه‌یه‌نێته‌ پارێزگاكانی كوردستان، بۆیه‌ هه‌نگاوێكی باش بوو به‌بڕیاری سه‌رۆكی حكومه‌ت دوو لیوای پۆلیسی نه‌وت و گاز ڕه‌وانه‌ی كێڵگه‌ی كۆرمۆر پاراستنی ئه‌وكێڵگه‌ییه‌ له‌ چه‌مچه‌ماڵ و دابینكردنی ئه‌منییه‌ت بۆ كارمه‌ندان و شۆفێرانی ته‌نكه‌ره‌كان، ڕێگه‌ش نه‌درێت ئه‌و چه‌واشه‌كاریه‌ش به‌رده‌وامبێت بۆ ناشرینكردنی حكوومه‌تی هه‌رێم به‌وه‌ی به‌رپرسانێكی ده‌ست ڕۆشتوو له‌ ناوچه‌كه‌ ده‌سه‌ڵاتیان له‌ حكوومه‌ت زیاتره‌ كار بۆ ناشرینكردنی حكوومه‌ت ده‌كه‌ن، بتوانێت گرفت دروست بكات ڕێگه‌ نه‌دات غاز و نه‌وتبگاته‌ ده‌ستی هاوڵاتیان. هه‌روه‌ها وتی، ئه‌و گروپه‌ مافیانه‌ شه‌ڕی به‌رژه‌وه‌ندی خۆیان ده‌كه‌ن، نایانه‌وێت ئه‌و ته‌نده‌ره‌ی بۆ كۆمپانیایه‌كی تر ده‌رچووه‌ غاز بگوازێته‌وه‌ بۆ شاره‌كان، به‌ئاشكراش ده‌ستی مافیایی خۆیان درێژكردووه‌ به‌رده‌وامن له‌ ده‌ست درێژی خۆیان به‌وه‌ی ته‌قه‌ له‌ ته‌نكه‌ری گواستنه‌وه‌ی غاز ده‌كه‌ن.

ئەڤرۆ نیوز:

وەزارەتا پێشمەرگەی هندەک زانیاریێن راپۆرتەکا رێكخراوا نەتەوێن ئێكگرتی رەت دکەت، کو بەحسێ پێشێلکاریان بەرامبەر زارۆیان ژ لایێ هەموو هێزێن عیراقی دناڤا وان دا هێزێن پێشمەرگەی دکەت، کو 34 زارۆک کوشتینە.

ئەمیندارێ گشتی یێ رێكخراوا نەتەوێن ئێکگرتی د راپۆرتەکێدا بۆ جڤاتا ئاسایشا نێڤدەولەتی، کو رێكخراوا داعشێ، هێزێن ئەمنیێن عیراقێ و هەرێما کوردستانێ و هەڤپەیمانیا نێڤدەولەتی وەكو وان لایەنێن دیاركری كو ل تەمۆزا 2015 هەتا تەمۆزا 2019 پێشێلكاری ل دژی زارۆیان ل عیراقێ کرینە.

سەربەست لەزگین، بریکارێ وەزارەتا پێشمەرگەی راگەهاند، راپۆرتا نەتەوێن ئێکگرتی یا لاواز و بێسەروبەرە، نەدبوو پێشمەرگە ل گەل داعشێ و هندەک رێکخراوێن دیتر بهێتە تێکەل کرن.

هەروەسا راپۆرتا یۆئێنێ گۆتیە، هێزێن پێشمەرگەی زارۆک چەكدار كرینە، لێ بریکارێ وەزارەتا پێشمەرگەی دبێژیت، پێشمەرگە ل سەردەمێ چیا و شۆرەشێ دا کەسەک نە دکرە پێشمەرگە هەتا ژیێ د گەهشتیە 18 سالیێ، نوکە چ کەسێن ل ژێر ژیێ 18 سالیێ دا دناڤا هێزێن پێشمەرگەی دا نینن.

بریکارێ وەزارەتا پێشمەرگەی گۆت، راپۆرتا نەتەوێن ئێکگرتی ب گشتی جهێ نەرازیبوونا مەیە، پێدڤیە بەلگەیێن خوە بێخنە بەرچاڤ و بۆ مە روون بکەن، چونکی د کلتۆرێ مەدا ئەڤ جۆرێن کاران نیین، هەروەسا بەری نەتەوێن ئێکگرتی و قانوونێن نێڤدەولەتی هەبن، مە بنەمایێن خوە هەبوون بۆ مامەلەکرنێ ل گەل گرتیێن شەری و هەموو دزانن چاوان بوویە.

ئه‌ڤرۆ نیوز:
سه‌رۆكێ فراكسیۆنا پارتی دیموكراتی كوردستان ل په‌رله‌مانێ كوردستانێ، ئومێد خوشناو، پێزانینێن گرنگ ل دۆر وه‌رزێ قانوون دانانێ ئاشكرا دكه‌ت و ب پێدڤی ژی دزانیت چاڤدێری ل سه‌ر حوكمه‌تێ زێده‌تر لێ بهێت.
ئومێد خوشناو، سه‌رۆكێ فراكسیۆنا پارتی دیموكراتی كوردستان ل په‌رله‌مانێ كوردستانێ گۆت” وه‌رزێ قانوون دانانێ یا په‌رله‌مانی دێ ده‌ست پێ كه‌ت و هه‌ر ژ 1/3/2020 هه‌تا 1/4/2020 دشیان دایه‌ پرۆژێن قانوونان بهێنه‌ پێشكێشكرن، ئه‌م ژی ل فراكسیۆنا پارتی دیموكراتی كوردستان د ڤی ده‌می دا د به‌رهه‌ڤیان داینه‌ د چارچۆڤێ به‌رنامێ پارتی بۆ هه‌لبژارتنان و ل دووڤ نه‌خشه‌رێیه‌كێ، دێ هژماره‌كا قانوونان به‌رهه‌ڤ كه‌ین و پێشكێش كه‌ین و ئه‌م چاڤه‌رێ هاتنا وان پرۆژان ژی دكه‌ین كو ژ حوكمه‌تێ دهێن تاكو به‌رهه‌ڤی بۆ بهێنه‌ كرن، ل گه‌ل وێ چه‌ندێ دا كارناما حوكمه‌تێ پێدڤی ب چه‌ند قانوونان یا هه‌ی و ئه‌م ل گه‌ل فراكسیۆنێن دی د ئاماده‌كاریان داینه‌ بۆ وێ چه‌ندێ پرۆژێن قانوونێن گرنگ كو ل گه‌ل خواستا خه‌لكی و دۆرهێلێ نوكه‌ یێ كوردستانێ بگونجینین”.
خوشناو گۆت ژی” ب دلنیایی ڤه‌ په‌رله‌مان و حوكمه‌تا هه‌رێما كوردستانێ دو تشتێن جیاواز نینن، به‌لكو تمامكه‌ر و هاریكارێن هه‌ڤدونه‌ و دڤێ كابینا حوكمه‌تێ دا هه‌ماهه‌نگی و لێكتێگه‌هشتنا باشتر یا هه‌ی و ب رژدی كار ل سه‌ر دهێته‌ كرن و رێ و رێچكێن قانوونی كار ل سه‌ر دهێته‌ كرن”.
خویاكر ژی” ئه‌م وه‌كو فراكسیۆنا پارتی دیموكراتی كوردستان پێكهاتا سه‌ره‌كی یا حوكمه‌تا هه‌رێما كوردستانێ نه‌، ب دروستی چاڤدێریا حوكمه‌تێ دكه‌ین و دووڤچوونێ دكه‌ین و دێ چاڤدێریا خوه‌ زێده‌تر كه‌ین وسه‌رۆكێ حوكمه‌تا هه‌رێمێ و مه‌كته‌با سیاسی یا پارتی داخواز ژ مه‌ كریه‌ كو چاڤپۆشیێ ل چاڤدێریا حوكمه‌تێ نه‌كه‌ین”.

ئەڤرۆ نیوز:

سەرۆکێ هەرێما کوردستانێ ل گەل وەزیرێ بەرگریێ و دەرڤە یێ بەلجیکا کۆمبوو و بەحسێ پەیوەندیێن دناڤبەرا هەردو ئالیان دا کر.
ئەڤرۆ شاندەکێ حکومەتا بەلچیکا ب سەرۆکاتیا فلیپ گۆفین وەزیرێ بەرگریێ و دەرڤەیێ وی ولاتی، هەڤدیتنەک نێچیرڤان بارزانی سەرۆکێ هەرێما کوردستانێ بەحسێ پەیوەندیێن دناڤبەرا هەردو ئالیان کر و سۆپاسیا حکومەتا هەرێمێ کر بۆ هاریکاری و پشتەڤانیا وان ژ ئاوارێن بەرێخوە ددەنە وێ دەڤەرێ.
هەروەسا دیار کر، ولاتێ وی دێ بەردەوام بیت لسەر هاریکاریان بۆ عیراق و هەرێمێ د روو ب رووبوونا تیرۆرێ دا، هەروەسا فلیپ گۆڤین بەرهەڤیا وەلاتێ خوە بۆ هاریکاریێن ئابووری و بازرگانیێ نیشان دا.

سەرۆکێ هەرێما کوردستانێ سۆپاسیا بەلجیکا کر بۆ پشتەڤانی و هاریکاریێن وان بۆ هەرێما کوردستانێ د چارچوڤێ هەڤپەیمانیا نێڤدەولەتی دا، گۆت ژی پەیوەندیێن هەرێم وعێراقێ هێشتا پێدڤی ب بەردەوامیا هاریکاریێن هەڤپەیمانێن نێڤدەولەتی هەیە بۆ بەرهەنگاربوونا تیرۆرێ.

ئه‌ڤرۆ نیوز:

په‌یڤدارێ حوكمه‌تا هه‌رێما كوردستانێ راگه‌هاند: چاڤه‌ریێ په‌سندكرنا یاسایا چاكسازیێ دكه‌ین ژلاییێ سه‌رۆكاتیا هه‌رێما كوردستانێ پاشی پشتی 90 رۆژان دكه‌ڤته‌ دوارێ بجهـ كرنێ دا.

جوتیار عادل په‌یڤدارێ حوكمه‌تا هه‌رێما كوردستانێ راگه‌هاند: چاڤه‌ریێ نه‌ یاسایا چاكسازیێ ژلایێ سه‌رۆكاتیا هه‌رێما كوردستانێ ڤه‌ بهێته‌ په‌سندكرن، پاشی ل وه‌قائیعا كوردستانێ دا بهێته‌ بلاڤكرن و رێنما و په‌یره‌وێن تایبه‌ت بۆ بجهكرنا وێ ده‌ردكه‌ڤن و ره‌وانه‌ی وه‌زاره‌تان هێته‌كرن.

په‌یڤداری حوكمه‌تا هه‌رێما كوردستانێ ئه‌و چه‌نده‌ ژی راگه‌هاند: پشتی په‌سندكرنا پرۆژه‌یا یاسایی و بلاڤ بووناوێ ل وه‌قائیعا كوردستانێ دا ل ماوه‌یێ 90 رۆژان دكه‌ڤته‌ وارێ بجهكرنێ.