ئه‌ڤرۆ نیوز:

ئه‌ڤرۆ رۆژا دوشه‌مبی 27/1/2020 وه‌زاره‌تا ده‌رڤه‌یا ئه‌مریكا راگه‌هاند: ئه‌ڤه‌ 14 هێرشێن موشه‌كێ هاتنه‌ كرن بۆ سه‌ر بالیوزخانه‌یا ئه‌مریكا ل به‌غدا.

وه‌زاره‌تا ده‌رڤه‌یا ئه‌مریكا میلیشیایێن حه‌شدا شه‌عبی كۆ ئیران پشته‌ڤانیا وان دكه‌ت، ب هێرشكرنا سه‌ر بالیوزخانه‌یا وه‌لاتێ خۆ تومه‌تبار كرن  و داخازێ ژ حوكمه‌تا عیراقێ دكه‌ت كۆ پێگیری ئه‌ركێن خۆ بیت ژ پاراستنا ده‌زگه‌هێن دیپلوماسی.

دهی ئێڤاری رۆژا 26/1/2020 پێنج موشه‌ك هاتنه‌ ئاراسته‌كرن بۆ ده‌ڤه‌را كه‌سك كۆ سێ ژ وان مۆشه‌كان ل توخیبێ بالیوزخانه‌یا ئه‌مریكا كه‌تن.

ئه‌ڤرۆ نیوز:
سه‌رۆكێ حزبا ئوممه‌ یا عیراقی ده‌وله‌تا عیراقێ ب شكه‌ستی ل قه‌له‌م دده‌ت و رادگه‌هینیت كو عیراقێپێدڤی ب هاریكاریا نێڤده‌وله‌تی یا هه‌ی. هه‌ڤده‌م به‌حسێ سه‌رۆك بارزانی دكه‌ت و ب سومبۆله‌كێ دزانیت كو ژ بلی كوردان، بارزانی به‌رگری ژ عه‌ره‌بان و هه‌موو پێكهاتێن عیراقێ ژی یا كری.
میسال ئالۆسی، سه‌رۆكێ حزبا ئوممه‌ یا عیراقی كو ب دۆسته‌كێ نێزیك یێ گه‌لێ كورد دهێته‌ نیاسین گۆت” چه‌ند لیستێن په‌رله‌مانێ عیراقێ وه‌كو (بینا‌و) و (سائیروون)، مه‌زنترین ئاسته‌نگن ل به‌رده‌م دیتنا كه‌سایه‌تیه‌كی بۆ پۆستێ سه‌رۆكێ وه‌زیران”.
ئالۆسی رۆهنكر ژی كو حوكمه‌ت و حزبێن عیراقی و میلیشیا یێن كه‌فتینه‌ دحاله‌تێ شه‌ركرنێ دا و هه‌موو ب چه‌كی ل به‌رامبه‌ر خوه‌نیشاندانێن ئاشتیانه‌ یێن راوه‌ستاین و خه‌لكێ دبن ژیێ 18 سالیێ دا ده‌سته‌سه‌ر دكه‌ن و ئه‌شكه‌نجه‌ دده‌ن و بزاڤێ دكه‌ن ژی راستیان به‌رۆڤاژی بكه‌ن و ئه‌ڤ جۆره‌ كاره‌ به‌رۆڤاژی دستووری و مافێن مرۆڤی یه‌ و عیراق ده‌وله‌ته‌كه‌ شكه‌ستن یا خواری و پێدڤی ب هاریكاریا نێڤده‌وله‌تی یا هه‌ی”.

ئالۆسی دیاركر كو هه‌رێما كوردستانێ باشترین كار كریه‌ كو راگه‌هاندی ئه‌و یا رازی نینه‌ هێزێن هه‌ڤپه‌یمانان ژعیراقێ ده‌ركه‌ڤن و گۆت” پێدڤیه‌ هه‌ڤپه‌یمان وێ چه‌ندێ بزانن كو هه‌بوونا میلیشیان مه‌ترسیه‌كا مه‌زنه‌ ل سه‌ر عیراقێ”.
د پشكه‌كا دی یا ئاخڤتنێن خوه‌ دا میسال ئالۆسی به‌حسێ رۆلێ سه‌رۆك بارزانی د سه‌قامگیریا ره‌وشا سیاسی ل عیراقێ و هه‌رێما كوردستانێ كر و گۆت”بارزانی شۆره‌شگێرێ سه‌رده‌مێ چیایه‌ و سیاسه‌تمه‌داره‌كێ مرۆڤ دۆسته‌ و هه‌كه‌ دلفره‌هیا وی نه‌با، دا هنده‌ك سنێلێن سیاسی ره‌وشێ به‌ر ب ئاقاره‌كی دێ به‌ن”.
رۆهنكر ژی” پێگه‌هێ هه‌رێمایه‌تی و نێڤده‌وله‌تی یێ سه‌رۆك بارزانی دشیان دایه‌ ببیته‌ هۆكارێ پاراستنا به‌رژه‌وه‌ندیێن هه‌رێما كوردستانێ و عیراقێ”.
دووپات كر ژی كو سه‌رۆك بارزانی ژ بلی وێ چه‌ندێ داخوازا مافێ ره‌وا یێ گه‌لێ خوه‌ كریه‌، به‌رگری ژ عه‌ره‌بێن عیراقێ و هه‌موو پێكهاتێن دی یێن عیراقێ كریه‌ تاكو مافێن خوه‌ وه‌ربگرن، له‌وما بارزانی یێ بوویه‌ سومبۆل”.

ئه‌ڤرۆ نیوز:

حزبولا عیراقی گه‌فان ل سه‌رۆك كۆمارێ عیراقێ دكه‌ت هه‌كه‌ ل گه‌ل سه‌رۆكێ ئه‌مریكا كۆمببیت.

ئه‌بو عه‌لی عه‌سكه‌ری به‌رپرسێ ئه‌منیێ حزبولا عیراقی راگه‌هاند: نابیت ب چ شێوه‌یه‌كی سه‌رۆك كۆمارێ عیراقێ ل گه‌ل دونالد ترمپ كۆم بیت، هه‌كه‌ ل گه‌ل كۆم بیت دێ هه‌لویسته‌كێ توند هه‌مبه‌ر سه‌رۆك كۆماری مه‌ هه‌بیت.

به‌رپرسێ ئه‌منیێ حزبولا عیراقی ئه‌و چه‌نده‌ دیاركر هه‌كه‌ سه‌رۆك كۆمار ل گه‌ل سه‌رۆكێ ئه‌مریكا كۆمبوو، دڤێت به‌رهه‌م سالح ژ به‌غدا بهێته‌ ده‌ركه‌ن ژلایێ ئازادیخوازانڤه‌.

سه‌رۆك كۆمارێ عیراقی ب مه‌به‌ستا پشكداریكرنێ ل كوربه‌ندێ ئابووری یێ داڤوسێ به‌ره‌ڤ سویسرا چوویه‌ و بریاره‌ ل گه‌ل دونالد تره‌مپی ژی كۆم بیت.