ئه‌ڤرۆ نیوز:
سه‌رۆكا په‌رله‌مانێ كوردستانێ بۆ جڤینا سوبه‌هی رۆژا پێنجشه‌مبێ داخازیا ته‌ڤایا ئه‌ندامان دكه‌ن بۆ به‌رهه‌ڤبوونێ.
رێواز فایه‌ق سه‌رۆكا په‌رله‌مانێ كوردستانێ دخازنامه‌یه‌ك به‌لاڤكر و تێدا هاتیه كو داخازێ ژ هه‌موو ئه‌ندامێن په‌رله‌مانێ دكه‌ت بۆ به‌رهه‌ڤبوونێ د ریشنتنا ژماره 15 ئاسایی سالا ئێكێ، ل خۆلا هه‌لبژارتنا پێنجێ یا په‌رله‌مانی ده‌مژمێر 11 سپێده‌هیا پێنجشه‌مبی 16/1/2020 .
ئه‌ڤرۆ نیوز:
په‌رله‌مانێ كوردستانێ دوماهی ب كۆمبوونا په‌رله‌مانی ئینا و كۆ زێده‌تر ژ دو رۆژان به‌رده‌وام بوو تێدا خاندنا دوێ بۆ هه‌موو برگه و ماده‌یێن پرۆژه‌یێ یاسایا چاكسازیێ هاته‌كرن.
لگۆری راپۆرتا مالپه‌رێ فه‌رمیێ یێ په‌رله‌مانێ كوردستانێ، رێواز فایه‌ق سه‌رۆكا په‌رله‌مانا كوردستانێ راگه‌هاند: رۆژا پێنجشه‌مبا بهێت په‌رله‌مانێ كوردستانی دێ ده‌نگ دانێ ل سه‌ر پرۆژه‌یێ یاسای چاكسازیێ دهت.
رۆژا دوشه‌مبێ 16/1/2019 په‌رله‌مانێ كوردستانێ خاندنا ئێكێ بۆ پرۆه‌ژیێ چاكسازیێ كر ب زۆرینه‌یا ده‌نگدانێ ب سیفه‌تێ بله‌زكرنێ دایه پرۆه‌ی تاكو ل ده‌مه‌كێ كێم دا بهێته په‌سندكرن.
رۆژا چارشه‌مبێ 11/12/2019 جڤاتا وه‌زیرێن حوكمه‌تا هه‌رێما كوردستانێ ب سه‌رپه‌رشتیا مه‌سرور بارزانی كۆمبوو و پرۆه‌ژیێ چاكسازیێ په‌سندكر.
رۆژا پێنجشه‌مبێ 12/1/2019 حوكمه‌تا هه‌رێما كوردستانێ ب رێا ڤالا فه‌رید وه‌زیرا هه‌رێمێ بۆ كارۆبارێن په‌رله‌مانی پرۆژه‌یێ یاسایی هنارته په‌رله‌مانێ كوردستانێ.
ئه‌ڤرۆ نیوز:
په‌رله‌مانێ كوردستانێ دێ ئه‌ڤرۆ به‌رده‌وامیێ ب جڤینا دهی دهت بۆ شرۆڤه‌كرن و دانوستاندن ل سه‌ر پرۆژه‌یێ یاسایا چاكسازیێ.
رۆژا ئێك شه‌مبی 12/1/2020 په‌رله‌مانێ كوردستانێ رینشتنا ژماره 13 یا ئاسایی یا خۆلا پایزێ یا سالا ئێكێ ژ خۆلا پێنجێ كۆمبوون ئه‌نجام دان.
دوێ كۆمبوونا دهی كۆ هه‌ردو پرۆه‌ژیێن یاسایا رۆژا فه‌رمی یێن نه‌ته‌وه‌یا توركمان و ماده‌یێن بێهوشكه‌ر په‌سندكرن و دانوستاندن ل سه‌ر پرۆژه‌یێ چاكسازیێ كر و كۆمبوون هاته پاخستن بۆ ئه‌ڤرۆ كۆ دێ په‌رله‌مان درێژێ ب دانوستاندنان ل سه‌ر پرۆه‌ژیا چاكسازیێ كه‌ت.
بۆ درێژیدان ب خاندنا دوێ یا پرۆژه‌یێ یاسایا چاكسازیێ ده‌مژمێر 10:30 رۆژا ئه‌ڤرۆ 13/1/2020 په‌رله‌مانێ كوردستانێ كۆم دبیت كۆمبون ژی درێژه‌دانه ب كۆمبوونا دهێ.
ئه‌ڤرۆ نیوز:
په‌رله‌مانێ كوردستانێ ئه‌ڤرۆ دانوستاندنا پرۆژه‌یێ یاسایا چاكسازیێ ل مووچه و ده‌رماله و ئیمتیازاتان بكه‌ت.
بریاره ده‌مژمێر 11 به‌ری نیڤرۆیا ئه‌ڤرۆ كۆ رۆژا 12/1/2020 په‌رله‌مانێ كوردستانێ خاندنا دوێ بۆ پرۆژه‌یێ یاسایا چاكسازیێ ل مووچه و ده‌رماله و به‌خشین و ئیمتیازاتان بكه‌ت.
رۆژا دو شه‌مبێ 16/12/2019 په‌رله‌مانێ كوردستانێ خاندنا ئیكێ بۆ پرۆژه‌یێ یاسایا چاكسازیێ كر و ب زۆرینه ده‌نگ پێ دا، تاكو ل ده‌مه‌كێ كورت دا بهێته په‌سندكرن.
رۆژا چارشه‌مبی 11/12/2019 جڤاتا وه‌زیرێن هه‌رێما كوردستانێ پرۆه‌ژیێ یاسایا چاكسازیێ په‌سند كر.
رۆژا 12/12/2019 حوكمه‌تا هه‌رێما كوردستانێ ب رێا ڤالا فه‌رید وه‌زیرا هه‌رێمێ بۆ كارۆبارێن په‌رله‌مانی پرۆژه‌یێ یاسایا چاكسازیێ ره‌وانه‌ی په‌رله‌مانێ كوردستانێ هاته‌كرن.
مه‌حسن دۆسكی ئه‌ندامێ په‌رله‌مانێ كوردستانێ راگه‌هاند رینشتنا په‌رله‌مانێ كوردستانێ كۆ بریاره ئه‌ڤرۆ بهێته‌كرن یا ڤه‌كری بیت ل میدیایێ بهێته په‌خشكرن و لگۆری په‌یره‌وێ ناخۆیێ په‌رله‌مانێ كوردستانێ هه‌كه بهێته پێشنیازكرن رینشتنا په‌رله‌مانی ڤه‌كری بیت، ئه‌ڤه دڤێت ب ده‌نگێ 56 په‌رله‌مانتران هه‌یه.
ئه‌ڤرۆ نیز:
حه‌سه‌ن روحانی سه‌رۆك كۆمارێ ئیرانێ د تویته‌كێ دا راگه‌هاند د ڤه‌كۆلینێن هێزێن چه‌كداردا گه‌هشتنه ئه‌وی ئه‌نجامی كۆ جهێ داخێ یه ب خه‌له‌تیڤه ئه‌و فروكه‌یه هاتیه ئارمانجگرتن و بوویه ئه‌گه‌ری مرنا 176 كه‌سان.
حه‌سه‌ن روحانی سه‌رۆك كۆمار ئه‌و چه‌نده ژی دیاركر كۆ ڤه‌كۆلین به‌رده‌وامن بۆ دیاركرن و دادگه‌هیكرنا ئه‌ڤێ تاوانا ب خله‌تیڤه هاتیه‌كرن و لێخوشبوون بۆ نینه، ئیران دناخێ خۆدا د هه‌ژیت و په‌شێمانه.
محه‌مه‌د جه‌واد زه‌ریف وه‌زیرێ درڤه‌یێ ئیرانێ د تویته‌كێ دا داخازا لێبورینێ ژ خه‌لكێ ئیرانێ كر، ئه‌نجامێ ڤه‌كۆلینێن ده‌ستپێكی یێن هێزێن چه‌ككدار ئه‌وه ئێخستنا فروكه‌یێ ب خه‌له‌تیه‌كا مرۆڤی بوویه په‌شیمانین داخازا لێبورینێ و سه‌رخوشیێ ژ خه‌لك و خێزانێن قوربانیێ روودانێ بووین.
رۆژا چارشه‌مبا بوری باله‌فره‌كا هێلا ئاسمانیا تاران و كیه‌ف شه‌ش خوله‌كا پشتی رابوونێ ژ تارانێ ل نێزیك باژێرێ شه‌هریار ل پارێزگه‌ها تارانێ كه‌ته خوار ته‌ڤایا 176 نه‌فه‌ر هه‌لگرێن وێ گیانێ خو ژ ده‌ست دان.
ئه‌ڤرۆ نیوز:
سكرتێرێ گشتی یێ رێكخراوا وه‌لاتێن هنارتنا پترۆلێ ئوپێكێ راگه‌هاند: به‌رهه‌م ئینانا پترۆلێ ل عیراقێ به‌رده‌وامه و سازی و دامه‌زراوێن پترۆلێ ئارام و بێ ئاریشه‌نه.
محه‌مه‌د باركیندو سكرتێرێ گشتی یێ رێكخراوا وه‌لاتێن هنارتنا پترۆلێ كۆ ئوپێكه دیاركر باوه‌ریه‌كا ته‌مام ب به‌رپرسێن رۆژهه‌لاتا ناڤین هه‌یه كۆ هه‌موو شیانێن خۆ بۆ كۆنترولكرنا ره‌وشێ دئێخنه كاری.
سكرتێرێ گشتی یێ ئوپێكێ گۆت: زێده‌باری هه‌ڤركی و دژواریا گه‌فێن شه‌ری و ئالوزیێن زۆر عیراق ب ته‌مامی پێگیرێ رێكه‌تنا ئوپێك پلاسه.
سكرتێرێ گشتی یێ ئوپێكێ گۆت ژی ل گه‌ل ئهوێ چه‌ندێ داخازیا كرینا پترۆلێ كێمه لێ ب نامه‌یه‌كێ ب سه‌رۆكێ ئه‌مریكا گه‌هاندیه كۆ ئوپێك بتنێ نه‌شێت ل بازارێ پترۆلێ هه‌ڤسه‌نگیێ ب پارێزیت.
ئه‌ڤرۆ نیوز:
وه‌زیرێ ده‌رڤه‌یێ ئیرانێ راگه‌گه‌هاند: وه‌لاتێ وی ل دیڤ ئالوزكرنێ نینه به‌لێ به‌ره‌ڤانیێ ژ خۆ كه‌ین.
سپێده‌هیا ئه‌ڤرۆ 8/1/2020 كۆمارا ئیسلامیا ئیرانێ ل توخیبێ خۆ ل رۆژهه‌لاتێ كوردستانێ چه‌ند موشه‌كه‌ك ئاراسته‌ی بنگه‌هێن سه‌ربازی یێن ئه‌مریكا و هه‌ڤپه‌یمانان ل عیراقێ و هه‌رێما كوردستانێ كر، لێ پاشی ئه‌مریكا راگه‌هاند هێرشان چ زیانێن گیانی نه‌بوون.
جه‌واد زه‌ریف وه‌زیرێ ده‌رڤه‌یێ ئیرانێ دیاركر لگۆری برگه‌ها 51 ژ میساقا نه‌ته‌وه‌یێن ئێكگرتی وه‌لاتێ وی به‌ره‌ڤانیێ خۆكریه و هێرش كریه سه‌ر ئه‌وان بنگه‌هێن سه‌ربازیێن نێزیكی وان.
زه‌ریفی ئه‌و چه‌نده ژی دیاركر ئه‌و ل دیڤ ئالوزكرنا ره‌وشێ نین لێ بۆ هه‌ر ده‌ست درێژیه‌كێ به‌ره‌ڤانیێ ژ خۆ كه‌ین.
ئه‌ڤرۆ نیوز:
سوپایێ ژاپونێ هێزه‌كێ دهنێریته رۆژهه‌لاتا ناڤین و به‌رپرسه‌كێ ئه‌وی وه‌لاتی ژی رادگه‌هینیت كوشتنا قاسم سلێمان ئه‌م نه پالداینه هێزێ روانه بكه‌ین.
یوشیهید سوغا راوێژكارێ جڤاتا وه‌زیرێن ژاپونێ راگه‌هاند: ژ نێزیكڤه چاڤدێریا پێشهاتێن رۆژهه‌لاتا ناڤین پشتی كوشتنا قاسم سلێمانی دكه‌ین و چ گوهورینه‌ك ب سه‌ر پلانا هنارتنا هێزێن سه‌ربازی یێن ژاپونێ بۆ رۆژهه‌لاتا ناڤی نه‌هاتیه.
ل دوماهیا هه‌یڤا نه‌ها سالا 2019 حوكمه‌تا ژاپونێ راگه‌هاندبوو هێزكێ ب فرۆكه‌یێن شه‌ری ره‌وانه‌ی رۆژهه‌لاتا ناڤین بۆ پاراستنا پاپورێن پترۆلهه‌لگر و ریێن كه‌شتیڤانیی ل كه‌نداڤێ عه‌ره‌بی كو ژاپون 90% یا پترۆلا ئهوێ ده‌ڤه‌رێ دكریت.
ئه‌ڤرۆ نیوز:
ئه‌میندارێ گشتیێ بزاڤا عه‌سائیب ئه‌هل حه‌ق د گوتاره‌كێ دا راگه‌هاند: هه‌كه ئه‌مریكی ژ عیراقێ ده‌رنه‌كه‌ڤن ئه‌رد و ئاسمانی ل وان دكه‌ینه ئاگر.
قه‌یس خه‌ز عه‌لی ئه‌میندارێ گشتی یێ بزاڤا عه‌سائیبا ئه‌علێ حه‌ق د گوتاره‌كێ دا سه‌رۆكێ ئه‌مریكا ب كه‌سه‌كێ نه‌زان بناڤكر و هیزێن ئه‌مریكا ل عیراقێ ده‌رئێخین ژ كوشتنا سه‌ركرده و برایێن خو بێ ده‌نگ نابین.
ئه‌میندارێ گشتیێ بزاڤا عه‌سائیب ئه‌هل حه‌ق ل سه‌ر بریارا جڤاتا نوونه‌رێن عیراقێ دیاركر ب ڤه‌كێشانا هێزێن ئه‌مریكا ره‌وشا عیراقێ تێك ناچیت و بریارا رۆژا 5/1/2020 یا جڤاتا نوونه‌ران گرنگترین بریار بوو ل دیرۆكا جڤاتی دا و ئه‌وین ده‌نگ ب ده‌رخستنا ئه‌مریكا نه‌داین شه‌ره‌ف مه‌ند نینن و دێ توله‌یا كوشتنا قاسم سلێمانی فه‌رمانده‌یێ سوپایێ قودس و ئه‌بو مه‌هدی ئه‌لموهه‌ندس جێگرێ سه‌رۆكێ ده‌سته‌یا حه‌شدا شه‌عبی كه‌ین.
ئه‌ڤرۆ نيوز:
كه‌نالێ سى ئێن ئێن يێ ئه‌مريكى به‌لاڤكر كو پشتى ئۆپه‌راسيۆنا (بريسيا شين) و كوشتنا قاسم سلێمانى، هێزێن ئه‌مريكى و ده‌زگه‌هێن دبلۆماسى يێن ئه‌مريكى ل رۆژهه‌لاتا ناڤه‌راست د حاله‌تا ئهاماده‌باشيێ دانه و به‌حسێ وان جهان ژى كر كو دبيت ئيران ئه‌مريكيان لێ بكه‌ته ئارمانج.
د راپۆرته‌كا وى كه‌نالى دا هاتيه كو پشتى وێ دربا ئه‌مريكى ئه‌وا ل ئيرانێ وه‌شاندى، پێشبينى دهێته كرن ل داهاتيه‌كێ نێزيك دا ئيران بزاڤا تۆلڤه‌كرنێ بكه‌ت و به‌يروت و هه‌ولێر وه‌كو دو ئارمانجێن كۆمارا ئيسلامى يا ئيرانێ دانان، كو دبيت ل وان جهان ئيران تۆلڤه‌كرنێ ژ ئه‌مريكيان بكه‌ت، له‌وما ئه‌مريكا هێز و دبلۆماتكارێن خوه ل وان هه‌ردو باژێران خستينه د حاله‌تا ئاماده‌باشيێ دا.
نيشاندان