عه‌بدولمه‌هدى داخوازيه‌كێ ژ وه‌زيرێن حوكمه‌تا خوه‌ دكه‌ت

30/11/2019 19:04

827

ئه‌ڤرۆ نيوز:

جڤاتا وه‌زيرێن عيراقێ ئه‌ڤرۆ شه‌مبيێ 30/11/2019 ب سه‌رپه‌رشتيا عادل عه‌بدولمه‌هدى سه‌رۆك وه‌زيرێن عيراقێ كۆمبوو و تێدا عه‌بدولمه‌هدى دووپاتكر كو دێ ناما ده‌ست ژ كاركێشانا خوه‌ ژ پۆستێ سه‌رۆك وه‌زيران ئاراسته‌ى په‌رله‌مانى كه‌ت و يێ په‌شێمان نينه‌.

د وێ كۆمبوونێ دا عه‌بدولمه‌هدى داخواز ژ وه‌زيرێن حوكمه‌تا خوه‌ كر تاكو پێكئينانا حوكمه‌تا نوو ل سه‌ر كارێن خوه‌ د به‌رده‌وام بن.

سه‌رۆك وه‌زيرێن عيراقێ داخواز ژ په‌رله‌مانێ عيراقێ ژى كر كو پێرابوونێن پێدڤى ئه‌نجامده‌ت بۆ كۆمبوونا سوباهى ل دۆر ده‌ست ژ كاركێشانا حوكمه‌تا وى.

هه‌روه‌سا دووپاتى ل سه‌ر راده‌ستكرنا ده‌ستهه‌لاتێ ب شێوه‌كێ ئاشتيانه‌ ل گه‌ل بده‌ستڤه‌ئينانا ئارمانجێن گه‌لێ عيراقێ كر.

دهێته‌ زانين، دوهى ئه‌ينيێ عادل عه‌بدولمه‌هدى، سه‌رۆك وه‌زيرێن عيراقێ راگه‌هاند كو ل رۆژا ئێكشه‌مبى 1/12/2019 دێ ناما ده‌ست ژ كاركێشانا خوه‌ ئاراسته‌ى په‌رله‌مانێ عيراقێ كه‌ت.

كچه‌كا ئێزدى چ گۆته‌ وى كه‌سێ داعش يێ ده‌ستدرێژى كريه‌ سه‌ر؟

30/11/2019 11:57

5123

ئه‌ڤرۆ نيوز، نيوار محه‌مه‌د سه‌ليم:

د به‌رنامه‌كێ روو ب رووبوونا ئێكسه‌ر دا، بيرهاتنێن دلته‌زينێن كچه‌كا ئێزدى يا 14 سالى ئينانه‌ پێش ده‌ما ل كه‌نالێ عيراقيه‌ روو ب روويێ وى چه‌كدارێ داعش بوويى يێ ده‌ستدرێژى كريه‌ سه‌ر.

ئه‌شواق ئه‌و كچا 14 سالى بوو يا ل به‌رى پێنج سالان كه‌فتيه‌ ده‌ستێ داعش و گه‌له‌ك جاران ب زۆرى ده‌ستدرێژيا سكسى كريه‌ سه‌ر. ئه‌شواق د روو ب رووبوونه‌كا ئێكسه‌ر يا ل گه‌ل وى چه‌كدارێ داعش يێ ده‌ستدرێژى كريه‌ سه‌ر دبێژيت: “ته‌ ژيانا من وێران كر”.

ئه‌و كچ دبێژيتى: سه‌رێ خو راكه‌، ته‌ بۆچى ئه‌ڤه‌ ب سه‌رێ من ئينا؟ ژ به‌ر هندێ كو ئێزدى مه‌؟ ئه‌ز ب تنێ 14 سال بووم، ته‌ پيچه‌كا هه‌ست و سۆزا هه‌بايه‌، ته‌ ئه‌و نه‌دكر. ئه‌ز د ژيێ كچا ته‌ دابووم”.

Footage shows the moment when a Yazidi girl “Ashwaq Haji” faced her ISIS terrorist rapist. She was exposed to the most terrible physical & psychological violations when she was just 14 yrs old. She was kidnapped from #Sinjar in August 2014.#YazidiGenocide pic.twitter.com/YRCznNtZKX

— Yazidi الايزيدية (@Ezidi2) November 30, 2019

ئه‌ردۆگان پێشوازيێ ل مه‌سرور بارزانى دكه‌ت

28/11/2019 19:09

ئه‌ڤرۆ نيوز:

مه‌سرور بارزانى، سه‌رۆكێ حوكمه‌تا هه‌رێما كوردستانێ ئه‌ڤرۆ پێنجشه‌مبى 28/11/2019 ل ئه‌نقه‌ره‌، ب داخوازنامه‌كا فه‌رمى كو پشتى ده‌ست بكاربوونا وى ل پۆستێ سه‌رۆكێ حوكمه‌تا هه‌رێمێ گه‌هشتبوويێ، ل گه‌ل ره‌جه‌ب ته‌يب ئه‌ردۆگان سه‌رۆك كۆمارا توركيا كۆمبوو.

د كۆمبوونێ دا، ره‌وشا سياسى و ئاسايشا ده‌ڤه‌رێ هاته‌ به‌حسكرن و دووپاتى ل پێشخستنا په‌يوه‌نديێن هه‌ولێرێ و ئه‌نقه‌ره‌ و رۆلێ هه‌رێما كوردستانێ د سه‌قامگيريا ده‌ڤه‌رێ هاته‌ كرن.

سه‌رۆكێ حوكمه‌تا هه‌رێما كوردستانێ دياركر كو هه‌رێما كوردستانێ دێ فاكته‌رێ سه‌قامگيريێ و ئاسايشێ و ئاراميێ بيت ل ده‌ڤه‌رێ و خواستا هه‌ريما كوردستانێ بۆ پێشڤه‌برنا په‌يوه‌نديان، ب تايبه‌ت د وارێن بازرگانى و ئابوورى دا نيشاندا.

خوه‌نیشانده‌ران كونسۆلخانا ئیرانێ ل نه‌جه‌ف سوت

27/11/2019 23:05

ئه‌ڤرۆ نیوز:

خوه‌نیشانده‌رێن پارێزگه‌ها نه‌جه‌ف به‌رى ده‌مه‌كێ كێم شیان بگه‌هنه‌ ئاڤاهیێ كونسۆلخانا ئیرانى ل باژێرێ نه‌جه‌ف و ئاگرى به‌رده‌نێ.

به‌رى ده‌مه‌كێ كێم زێده‌تر ژ دو هزار خوه‌نیشانده‌ران ل باژێرێ نه‌جه‌ف روو ب روویێ هێزێن ئه‌منى بوون و نه‌چاركرن پاشڤه‌ بچن و شیان بگه‌هنه‌ ئاڤاهیێ كونوسلخانا ئیرانى و ئالایێ ئیرانێ ئینا خوار و ل شوونا وى ئالایێ عیراقێ بلندكر و پاشى كونسولخانه‌ سوت.

مه‌سرور بارزانى و به‌رپرسا رۆژهه‌لاتا ناڤه‌راست ل وه‌زاره‌تا ده‌رڤه‌ يا بريتانى كۆمبوون

26/11/2019 19:05

ئه‌ڤرۆ نيوز:

سه‌رۆكێ حوكمه‌تا هه‌رێما كوردستانێ، مه‌سرور بارزانى ئه‌ڤرۆ سێشه‌مبى 25/11/2019 ل گه‌ل ستيڤانى ئه‌لقاق، به‌رپرسا رۆژهه‌لاتا ناڤه‌راست وباكوورێ ئه‌فريقيا ل وه‌زاره‌تا ده‌رڤه‌ يا بريتانى كۆمبوو و د هه‌ڤه‌را بوون كو نه‌ جێگيربوونا عيراقێ مفا بۆ هيچ لايه‌نه‌كى نابيت.

د ديداره‌كێ دا كو جه‌يمس سۆرنتن كونسۆلێ گشتيێ بريتانيا ل هه‌ولێر به‌رهه‌ڤبووى، دانوستاندن ل دۆر دووماهى گوهۆرينێن ل عيراقێ هاتنه‌ كرن، دووپاتى ل وێ چه‌ندێ هاته‌ كرن كو نه‌ جێگيريا ره‌وشا عيراقێ د به‌رژه‌وه‌نديا وه‌لاتيێن عيراقێ و ده‌ڤه‌رێ ب گشتى نينه‌.

هه‌روه‌سا دووپاتى هاته‌ كرن كو پێدڤيه‌ ده‌ليڤه‌ ب سه‌رۆك وه‌زيرێن عيراقێ بهێته‌ دان بۆ به‌رسڤدانا داخوازيێن ره‌وا يێن خوه‌نيشانده‌ران و ئه‌نجامدانا چاكسازيان.

شاندێ بريتانى پشته‌ڤانيا خوه‌ بۆ چاكسازيێن حوكمه‌تا هه‌رێما كوردستانێ ب تايبه‌تى ل وه‌زاره‌تا پێشمه‌رگه‌ دياركر.

سه‌رۆكێ حوكمه‌تێ سه‌ره‌دانا سه‌نته‌ره‌كێ ڤه‌حه‌واندنا ئافره‌تان دكه‌ت

25/11/2019 19:05

195

ئه‌ڤرۆ نیوز:

ئه‌ڤرۆ دوشه‌مبى 25/11/2019 ل رۆژا جیهانیا نه‌هێلانا توندوتیژیا دژى ئافره‌تان، مه‌سرور بارزانى سه‌رۆكێ حوكمه‌تا هه‌رێما كوردستانێ سه‌ره‌دانا ئێك ژ سه‌نته‌رێن ڤه‌حه‌واندنا ئافره‌تان ل باژیرێ هه‌ولێرێ كر.

سه‌رۆكێ حوكمه‌تێ ل گه‌ل كوێستان محه‌مه‌د وه‌زیرا كار و كاروبارێن جڤاكى سه‌ره‌دانا پشكێن سه‌نته‌رى كر و گوهێ خوه‌ دا داخوازیێن وان و ده‌زگه‌هین حوكمه‌تێ راسپاردن پێدڤیێن وان بۆ دابین بكه‌ن.

سه‌رۆكێ حوكمه‌تێ گۆت” من پێ باشتر بوو ل شوونا تنێ په‌یڤه‌كێ بخوینم، ژ نێزیك سه‌ره‌دانا هه‌وه‌ بكه‌م و گوهێ خوه‌ بده‌مه‌ داخوازیێن هه‌وه‌”.

هه‌روه‌سا گۆت” ئه‌م دخوازین جڤاكێ مه‌ یێ دوور بیت ژ هه‌موو توندوتیژیه‌كێ و ئافره‌ت نه‌ ب تنێ د پاراستى بن، به‌لكو هه‌موو مافه‌كێ ژیانێ و خوه‌پێگه‌هاندنا وان یێ پاراستى بیت، پێدڤیه‌ ئافره‌ت ژى وه‌كو هه‌ر تاكه‌كێ جڤاكى، مافێ ژیانه‌كا ساخله‌م د جڤاكه‌كێ ساخله‌مدا هه‌بیت، بێگومان ئه‌ڤه‌ ژى یا گرێدایه‌ ب هه‌بوونا كۆمه‌كا قانوون و ره‌فتارێن جڤاكى به‌رامبه‌ر ئافره‌تێ، پێدڤیه‌ حوكمه‌ت ژى پارێزه‌را وان مافان بیت و ژ ئه‌ڤرۆ و وێڤه‌ ئه‌م چو كه‌مترخه‌میه‌كێ ناكه‌ین”.

هژمارەکا رێنمایان ئاراستەی جوانکاری و سەنتەرێن جوانکاریێ هاتنە کرن

25/11/2019 14:26

181

ئەڤرۆ نیوز، رێوار محەمەد رەشید:

لژنا دوڤچوونا جوانکاریا و سەنتەر و کلینیکێن جوانکاریا ل قایمقامیا قەزا دهۆکێ هژمارەکا رێنمایان ئاراستەیی جوانکاریا و سەنتەر و کلینیکێن جوانکاریا ل پارێزگەها دهۆکێ کرن.

ژ وان رێنمایێن ئاراستەیی جهێن ناڤهاتی هاتینەکرن نابیت نۆشدارێ پیستی سەرپەرشتیێ ل دو جهێن سەنتەرێ جوانکاریێ بکەت و بەرۆڤاژی دێ سەنتەر هێتە داخستن، هەروەسا دڤێت هەر دو سالان مۆلەتا سەنتەرێ جوانکاریێ بهێتە نووکرن.

د خالەکا دی یا ڤان رێنمایان دا هاتیە کو پێدڤیە ل سەر هەر سەنتەرەکێ جوانکاریێ پێزانینێن خوە ل دۆر ئامیرێن جوانکاریێ دیار بکەن کا کەنگی ئەو ئامیرە هاتیە چێکرن و چارەسەریا چ جورە نەخۆشیان دکەت و نابیت هیچ ئامیرەکێ دی یێ پەیوەندی ب کارێ جوانکاریێ ڤە نەبیت د ناڤ سەنتەری دا بهێتە دانان.

هەروەسا پێدڤیە ئەو کارمەندێن ل کلینیک و سەنتەرێن جوانکاریێ کاردکەن پشکداری د خۆلێن جوانکاریێ دا کربیت و پێدڤیە ل سەر نۆشدارێ سەرپەرشت رێنمایان ئاراستەیی کارمەندێن سەنتەری بکەت و پێزانینان نیشا وان بدەت.

ئەڤ رێنمایە و چەندین رێنمایێن دی یێن گرێدایی ب کارێ جوانکاریێ ڤە ل سەر جوانکاریا و سەنتەر و کلینیکێن جوانکاریا ل پارێزگەها دهۆکێ هاتنە بەلاڤکرن.

جڤاتا پارێزگه‌ها دهۆكێ‌ ب تێكرایا ده‌نگان پێشنیازا به‌رفره‌هكرنا هه‌ردو گۆندێن خه‌لیلكان و هژیركێ‌ په‌سه‌ندكرن

25/11/2019 14:05

200

ئه‌ڤرۆ نيوز، نيوار محه‌مه‌د سه‌ليم:

جڤاتا پارێزگه‌ها ب تێكرایا ده‌نگێن ئه‌ندامێن جڤاتا پارێزگه‌ها دهۆكێ‌ پێشنیازا به‌رفره‌هكرنا هه‌ردو گۆندێن خه‌لیلكان ل سنورێ‌ قه‌زا ئاكرێ‌ و هژیركێ‌ ل سنورێ‌ قه‌زا سێمێل په‌سه‌ند كرن و بڕیار دا لژنه‌ك ژی بۆ دووڤچوونا ره‌وشا ناحیا مانگێشكێ‌ بهێته‌ پێكئینان.

جڤاتا پارێزگه‌ها دهۆكێ‌ ئه‌ڤرۆ رۆژا دوشه‌مبی رێكه‌فتی 25ی چریا دویێ‌ 2019، ل هۆلا كۆمبوونان ل جڤاتێ‌ كۆمبوونا خوه‌ یا 102ێ‌ ب ئاماده‌بوونا 25 ئه‌ندامێن جڤاتێ‌ كۆمبوو.

د ته‌وه‌رێ‌ ئێكێ‌ یێ‌ كۆمبوونێ‌ دا و هه‌ر وه‌كو د به‌رنامێ‌ كاری ژی دا هاتیه‌ دیاركرن ده‌نگدان بوو ل سه‌ر بڕیارا به‌رفره‌هكرنا هه‌ردو گۆندێن خه‌لیلكان ل سنورێ‌ قه‌زا ئاكرێ‌ و هژیركێ‌ ل سنورێ‌ قه‌زا سێمێلێ‌ و هه‌ردو گۆند ب تێكرایا ده‌نگێن ئه‌ندامێن جڤاتا پارێزگه‌هێ‌ هاتنه‌ په‌سه‌ندكرن.

د ته‌وه‌رێ‌ دویێ‌ ژی دا گه‌نگه‌شه‌ ل سه‌ر نڤیسارا رێڤه‌به‌ریا گشتی یا ره‌گه‌زنامێ‌ هاته‌ كرن كو تێدا داخوازا پێشنیازه‌كێ‌ كربوو ل دۆر هه‌بوونا چار ناحیان ل هه‌رێما كوردستانێ‌ ب ناڤێ‌ رزگاری و تێدا ل سه‌ر وێ‌ چه‌ندێ‌ رازی بوون كو پێشنیازه‌كێ‌ بۆ رێڤه‌به‌ریا گشتی یا ره‌گه‌زنامێ‌ ره‌وانه‌ بكه‌ن و تێدا داخوازێ‌ بكه‌ن كیش كه‌ڤنتره‌ ئه‌و بمینیت و یێن دژی بهێنه‌ گوهۆڕین.

ل سنورێ‌ قه‌زا زاخۆ ناحیه‌ك ب ناڤێ‌ رزگاری هه‌یه‌ كو ل سالا 1970ێ‌ ب هه‌لكه‌فتا به‌یانناما 11ی ئادارێ‌ ب وێ‌ ناڤی هاتبوو ب ناڤكرن.

ته‌وه‌ره‌كێ‌ دی یێ‌ كۆمبوونێ‌ ژی یێ‌ تایبه‌ت بوو ب چوونا ده‌سته‌یا سه‌رۆكاتیێ‌ بۆ دیدارێ‌ سه‌رۆكاتیا وه‌زیران و به‌حس كرن ل وان ته‌وه‌رێن هاتینه‌ به‌حسكرن تێدا فه‌هیم عه‌بدولا سه‌رۆكێ‌ جڤاتێ‌ ئاشكه‌را كر كو ئه‌وان ب روونی به‌حس ل كێشێن پارێزگه‌ها دهۆكێ‌ كرن و ب تایبه‌ت ژی ئه‌و بڕیارێن ژ وه‌زاره‌تان دهێنه‌ دان ب ره‌نگه‌كێ‌ ئێكسه‌ر پارێزگه‌هان ب بجهئینانا وان پابه‌ند دكه‌ن كو وه‌لاتی گه‌له‌ك گازندان ژێ‌ دكه‌ن و جڤاتێن پارێزگه‌هان ژی نه‌شێن چ بكه‌ن.

به‌حسكرنا ره‌وشا لاوازا كاره‌بێ‌ د حه‌فتیا بۆری دا، بابه‌ته‌كێ‌ دی یێ‌ كۆمبوونێ‌ بوو كو عه‌بدولسه‌مه‌د تێلی، سكرتێكرێ‌ جڤاتێ‌ روونكرن دانه‌ سه‌ر بابه‌تی و دا زانین كو ژ ئه‌گه‌رێ‌ كاركرن د ویستگه‌هێن خه‌بات و به‌رده‌ره‌ش دا، كاره‌ب ژ وان هه‌ردو پرۆژان هاتبوو راوه‌ستاندن دا كو گیانێ‌ ئه‌و كه‌سێن ل وێرێ‌ كار دكه‌ن یێ‌ پاراستی بیت.

دا زانین ژی كو ل دووڤ وان پێزانینێن وان وه‌رگرتین دهێته‌ پێشبینكرن هه‌تا 25ی كانوونا ئێكێ‌ پرۆژێ‌ پێكڤه‌گرێدانا كاره‌با دهۆكێ‌ ب یا هه‌رێمێ‌ ڤه‌ ب ته‌مامی ب دووماهی بهێت و ئێدی ئه‌و غه‌درا به‌ری نها ل دهۆكێ‌ دهاته‌ كرن نه‌مینیت و گۆت: “پشتی ئه‌و كار ب دووماهی دهێت، كاره‌با نشتیمانی ل سه‌ر هه‌رێمێ‌ هه‌موویێ‌ وه‌كو ئێك دێ‌ هێته‌ به‌لاڤكرن”.

نه‌ڤه‌شارت ژی كو نها 570 میگاواتێن كاره‌بێ‌ بۆ دهۆكێ‌ دهێنه‌ دابینكرن و ژ به‌ر كو بوویه‌ سه‌رما و خواست ل سه‌ر كاره‌بێ‌ زێده‌ بوویه‌، نها نێزیكی 12 ده‌مژمێران كاره‌با نشتیمانی بۆ وه‌لاتیان دهێته‌ دابینكرن و گۆت: “كۆنترۆلا كاره‌بێ‌ ئاگه‌هدار كرینه‌ كو نها خواستا دهۆكێ‌ بۆ كاره‌بێ‌ هزار و 350 مێگاواتن”.

ته‌وه‌رێ‌ دووماهیێ‌ یێ‌ كۆمبوونێ‌ ژی یێ‌ تایبه‌ت بوو ژ پێكئینانا لژنه‌كا حه‌فت كه‌سی بۆ دووڤچوونا گازندێن خه‌لكێ‌ ناحیا مانگێشكێ‌ كو د ماوێ‌ كێمتر ژ هه‌یڤه‌كێ‌ دا، راپۆرته‌كێ‌ ل سه‌ر ئاریشێن وان گۆندان به‌رهه‌ڤ بكه‌ن ب مه‌ره‌ما دووڤچوونێ‌.

سه‌رۆكێ حوكمه‌تێ پێشوازيێ ل شانده‌كێ ئه‌مريكى دكه‌ت

24/11/2019 19:04

ئه‌ڤرۆ نيوز:

سه‌رۆكێ حوكمه‌تا هه‌رێما كوردستانێ مه‌سرور بارزانى ئه‌ڤرۆ ئێكشه‌مبى 24/11/2019 ب ئاماده‌بوونا قوباد تاله‌بانى جێگرێ سه‌رۆكێ حوكمه‌تێ، پێشوازى ل شانده‌كێ ئه‌مريكى كر ب سه‌رۆكايه‌تيا رۆبه‌رت كه‌ريم راوێژكارێ سه‌ركردێن كۆمارى ل جڤاتا سيناتێ ئه‌مريكا.

د ديداره‌كێ دا دووماهى گوهۆرينێن ل عيراقێ و ده‌ڤه‌رێ هاتنه‌ به‌حسكرن، دووپاتى ژى ل به‌رده‌وامبوونا هاريكاريكرنا حوكمه‌تا هه‌رێما كوردستانێ هاته‌ كرن ب تايبه‌تى هێزا پێشمه‌رگه‌ى و هه‌ماهه‌نگيا وان ل گه‌ل هێزێن عيراقێ بۆ روو ب رووبوونا گه‌فێن تيرۆرستێن داعشێ.

هه‌روه‌سا شاندێ مێهڤان پشته‌ڤانيا خوه‌ بۆ پرۆسا دانوستاندنان د ناڤبه‌را حوكمه‌تا هه‌رێما كوردستانێ و حوكمه‌تا فيدرالى ده‌ربرى و دووپات ژى كر كو ئه‌مريكا، هه‌رێما كوردستانێ وه‌كو هه‌ڤپه‌يمانه‌كێ گرنگ ل ده‌ڤه‌رێ دبينيت.

ژڤانێ رێككه‌فتنا هه‌رێمێ و به‌غدا هاته‌ راگه‌هاندن

23/11/2019 19:04

1711

ئه‌ڤرۆ نيوز:

شاندێ هه‌رێما كوردستانێ ب لێكتێگه‌هشتنێ ل سه‌ر بودجا 2020 ژ به‌غدا زڤرى، به‌رپرسێ نوونه‌راتيا حوكمه‌تا هه‌رێما كوردستانێ ژى ل به‌غدا دبێژيت، رێككه‌فتنا ده‌ستپێكى ل سه‌ر بودجه‌ى هاتيه‌ كرن و ل رۆژا دوشه‌مبيا داهاتى دێ شاندێ كوردستانێ بۆ ئيمزاكرنا رێككه‌فتنێ دێ زڤريته‌ به‌غدا.

ئه‌ڤرۆ شه‌مبيێ 23/11/2019 شانده‌كێ حوكمه‌تا هه‌ريمێ ب سه‌رۆكاتيا ئاوات شێخ جه‌ناب وه‌زيرێ دارايى وئابوورى و خالد شوانى وه‌زيرێ ده‌ڤه‌رێن كێشه‌ ل سه‌ر و ئومێد سه‌باح سه‌رۆكێ ديوانا جڤاتا وه‌زيران و ئامانج ره‌حيم سكرتێرێ جڤاتا وه‌زيران و فارس عيسا به‌رپرسێ نوونه‌راتيا حوكمه‌تا هه‌رێمێ ل به‌غدا، سه‌ره‌دانا به‌غدا كر و ل گه‌ل هه‌ر ئێك ژ عادل عه‌بدولمه‌هدى سه‌رۆك وه‌زيرێن عيراقێ و فوئاد حسێن جێگرێ سه‌رۆك وه‌زيران و وه‌زيرێ دارايى كۆمبوو.

فارس عيسا، به‌رپرسێ نوونه‌راتيا حوكمه‌تا هه‌رێمێ ل به‌غدا د داخۆيانيه‌كا رۆژنامه‌ڤانى دا گۆت” كۆمبوونا ئه‌ڤرۆ شه‌مبيێ باشترين كۆمبوون بوو ژ ناڤ كۆمبوونێن بۆرى، ل سه‌ر هنده‌ك بنه‌مايێن سه‌ره‌كى رێككه‌فتن هاتيه‌ كرن، برياره‌ رۆژا دوشه‌مبيا داهاتى 25/11/2019 شاندێ حوكمه‌تا هه‌رێمێ جاره‌كادى بزڤريته‌ به‌غدا بۆ ئيمزاكرنا رێككه‌فتنا د ناڤبه‌را هه‌رێما كوردستانێ و حوكمه‌تا به‌غدا ل سه‌ر بودجا گشتى يا عيراقێ بۆ 2020 ب جۆره‌كى هه‌رێما كوردستانێ رۆژانه‌ 250 هزار به‌رميلێن په‌ترۆلى دێ راده‌ستى حوكمه‌تا عيراقێ كه‌ت به‌رامبه‌ر به‌هرا هه‌رێما كوردستانێ ژ بودجا 2020″.

ل دۆر سێ مووچێن ئه‌ڤ ساله‌ ژى كو هه‌تا نوكه‌ چاره‌نڤيسێ وان يێ ديار نينه‌ و پێشتر رێككه‌فتنا هه‌رێما كوردستانێ و حوكمه‌تا عيراقێ ل سه‌ر هه‌بوو، به‌لێ به‌رپرسێن هه‌رێمێ دبێژن عيراق يا پێگير نه‌بوو ب رێككه‌فتنێ و مووچێ سێ هه‌يڤێن 2018 يێن فه‌رمانبه‌ران يێن ل ده‌ف و هه‌تا نوكه‌ نه‌دايه‌، فارس عيسا ئاماژه‌ كر كو ئه‌و پرسه‌ د كۆمبوونا ئه‌ڤرۆ دا نه‌هاتيه‌ به‌حسكرن و دبيت د كۆمبوونا رۆژا دوشه‌مبى ل گه‌ل به‌غدا بهێته‌ به‌حسكرن”.

نيشاندان 1...727374...121 زێده‌تر

لاپه‌ر 73 ژ 121