ئەڤرۆ نیوز، نەوزاد هلۆری:
د كۆنگرەكێ رۆژنامەڤانی دا، رێڤەبەریا نەخوهشخانا ئازادی یا فێرکرنێ ل دهۆکێ دیارکر، لژنەک بۆ دووڤچوونێ ل سەر بکارئینانا ئاڤا سێلانێ یا دەم ب سەرڤەچوی ل پشكا تهنگاڤيان ل نهخوهشخانا ئازادى ل دهۆکێ هاتیە پێکئینان، ب گۆرەی دووڤچوونا وێ لژنێ دەرکەفت کو سێ کارمەندێن نەخوهشخانا ناڤبری خەمساری کریە و دێ پێرابۆنێن قانونی هەمبەری وان هێنە وەرگرتن.
ئهڤرۆ نیوز:
سهرۆك كومارا عیراقێ، بهرههم سالح ئهڤرۆ پێنجشهمبى 31/10/2019 د پهیڤهكا توماركرى یا تهلهڤزیۆنى دا ل دۆر خوهنیشادانێن نهرازیبوونى ل عیراقێ و ناكۆكیێن ڤێ دووماهیێ ل عیراقێ راگههاند كو عادل عهبدولمههدى سهرۆك وهزیرێن عیراقێ دێ دهست ژ پۆستێ خوه بهردهت.
بهرههم سالح ئاماژه كر كو هێزێن ئهمنى و خوهنیشاندهر د ئێك بهره دابوون و پێدڤیه رێز ل داخوازیێن خوهنیشاندهران بهێته كرن و توندوتیژیێ رهت دكهین و پێدڤیه چهك تنێ د دهستێ دهولهتێ دا بیت، ههكه چهك د دهستێ خهلكێ دهرڤهى حوكمهتێ دا و د دهستێ دهولهتێ دا بیت، دێ كوشتار روودهن.
سهرۆك كۆمارا عیراقێ گۆت ژى” پێدڤیه كۆمسیۆنا بلند یا ههلبژارتنان ل عیراقێ بهێته گوهۆرین” دیار كر ژى كو ئهو ل گهل ههلبژارتنێن پێشوهخت دایه.
بهرههم سالح داخواز ژ خوهنیشاندهران كر دامودهزگههێن دهولهتێ بپارێزن و ئاشكرا كر كو عادل عهبدولمههدى سهرۆك وهزیرێن عیراقێ دێ دهست ژ كار كێشیت، بۆ ڤێ چهندێ ژى عهبدولمههدى چاڤهریێ كهسهكى دى دكهت كوژ لایێ حزبێن سیاسى ڤه بهێته دهستنیشانكرن و ل جهێ وى دهست ب كار بیت.
ئەڤرۆ نیوز، رێوار محەمەد رەشید:
کۆنفرانسێ رۆلێ ئایینی و راگەهاندن و سیاسەتێ د پێکڤەژیانێ دا دوهی رۆژا 30/10/2019 ب ئامادەبوونا شاندێ فەرمی یێ هەرێما کوردستانێ ل ڤیەنا پایتەختێ وەلاتێ نەمسا دەستپێکر و ئەڤرۆ رۆژا 31/10/2019 پشتی چەندین وورک شۆپ دهێنە پێشکێشکرن دێ کۆنفرانس ب دووماهی هێت.
حەسۆ هۆرمی، سەرۆکێ دەزگەهێ ئێزدیان ل هولەندا و د هەمان دەم دا نڤیسکار د بوارێ بەرەڤانیکرن ژ مافێن مرۆڤان و بەرهەنگاریکرنا دووبارەنەکرنا جینۆسایدێ ل سەر ئێزدیان بۆ ئەڤرۆ نیوز دیار کر کو شاندەکێ فەرمیێ هەرێما کوردستانێ و چەندین کەسایەتیێن وەلاتێن جیهانێ و سەرۆک کۆمارێ بەرێ یێ وەلاتێ نەمسا و موفتیێن گەلەک وەلاتان و قۆنسلێن چەندین وەلاتان ل وەلاتێ نەمسا د کۆنفرانسێ رۆلێ ئایینی و راگەهاندن و سیاسەتێ د پێکڤەژیانێ دا د ئامادەنە.
ناڤهاتی ئاماژە دا وێ چەندێ کو د رۆژا ئێکێ یا کۆنفرانسی دا د. پشتیوان سادق، وەزیرێ ئەوقاف و کاروبارێن ئایینی یێ حوکمەتا هەرێما کوردستانێ پەیڤەک پێشکێشکر و تێدا بەحسێ سەربۆر و پێکڤەژیانا ل هەرێما کوردستانێ هەیی کر، هەروەسا هادی بابەشێخ ب ناڤێ (بابەشێخ) مەرجەعێ ئایینێ ئێزدیان پەیڤەک پێشکێش کر و تێدا بەحسێ رەوشا ئێزدیان و چو بۆ وان بهێتەکرن و داخوازیێن ئێزدیان کر و گۆت: “ئەڤرۆ رۆژا دویێ و دووماهیێ یا کۆنفرانسی یە دێ چەندین وورک شۆپ هێنە پێشکێشکرن و ئەز دێ د وورک شۆپەکێ دا بەحسێ پەروەردە و فێرکرنێ کەم و چو بهێتەکرن داکو پێکڤەژیان هەبیت و کۆمکوژی دووبارە نەبیت”.
ئهڤرۆ نيوز:
سهرۆكێ حوكمهتا ههرێما كوردستانێ، مهسرور بارزانى، د كۆمبوونا ئهڤرۆ چارشهمبى 30/10/2019 يا جڤاتا وهزيرێن ههرێمێ راگههاند، پێدڤيه لهز د ئامادهكرنا پرۆژێ قانوونا چاكسازيێ و پهسهندكرنا وێ دا بهێته كرن، ب مهرهما هنارتنێ بۆ پهرلهمانێ كوردستانێ وهكو ئێك ژ كارێن سهرهكى يێن هێلێن گشتى يێن كابينا نههێ يا حوكمهتا ههرێمێ.
مهسرور بارزانى د وێ كۆمبوونێ دا رۆناهى خسته سهر دووماهى پێشهاتێن عيراقێ و گۆت” تێكچوونا رهوشا عيراقێ د بهرژهوهنديا خهلكێ ههرێما كوردستانێ و عيراقێ ب گشتى دا نينه، ئهم ل گهل داخوازيێن رهوا و ئاشتيخوازانه يێن خوهنيشاندهراينه، بهلێ ئهم دژى بكارئينانا توندوتيژيێ نه ژ ههر لايهكى بيت و پشتهڤانيێ ژى ل سهرۆك وهزيران عادل عهبدولمههدى دكهين بۆ ئهنجامدانا چاكسازسان و پێشكێشكرنا خومهتگوزاريان”.
سهرۆكێ حوكمهتا ههرێما كوردستانێ گۆت ژى” ئهم هيچ گوهۆرينهكێ ژ دهرڤهى رێكارێن دستوورى و قانوونى پهسهند ناكهين و دژى ههر بزاڤهكێ نه بۆ كێمكرن و دهستكاريكرنا دهستههلات ومافێن دستوورى يێن ههرێما كوردستانێ ل عيراقێ و رێ ژى نادهين هيچ گوهۆرينهك د دستوورێ عيراقێ دا روو بدهت كو دژى ماف و خواستێن خهلكێ كوردستانێ و قهوارێ فيدراليێ ههرێما كوردستانێ بيت، داخوازێ ژى ژ ههموو هێز و لايهنين كوردستانێ دكهين كو ئێكرێز و ئێكدهنگ بن بۆ داكۆكيكرنێ ژ مافێن مه يێن دستوورى”.
ئهڤرۆ نيوز، نيوار محهمهد سهليم:
سهرۆكێ تهڤگهرا سهدر ئهڤرۆ رۆژا چارشهمبى هوشدارى دا، ههكه سهرۆك وهزيرێن عيراقێ دهست ژ كاركێشانا خوه رانهگههينيت دێ وهكو سوريا و يهمهن لێ هێت.
موقتهدا سهدر، د تويتهكى دا ل سهر تۆڕا جڤاكى يا تويتهرى راگههاند كو ب دهست ژ كارنهكێشانا عادل عهبدولمههدى خوين رێتن راناوهستيت.
ههرديسا هوشدارى دا كو دێ عيراقێ وهكو سوريا و يهمهن لێ هێت ههكه هات و سهرۆك وهزيرێن عيراقێ دهست ژ كاركێشانا خوه رانهگههاند.
دا زانين ژى كو ئهو ئێدى چو ههڤپهيمانيا ل گهل لايهنێن سياسى پێك نائينيت.
— مقتدى السيد محمد الصدر (@Mu_AlSadr) October 30, 2019
ئهڤرۆ نيوز:
پشتى د روونشتنا ئهڤرۆ يا پهرلهمانێ عيراقێ چهندين فراكسيۆنان داخوازا هاتنا سهرۆك وهزيرێن عيراقێ عادل عهبدولمهدى بۆ پهرلهمانى كرى ژبهر روودانێن نوكه ل عيراقێ، سهرۆكێ پهرلهمانى داخواز ژ ئهمينداريا گشتى يا پهرلهمانى كرى پهيوهنديێ ب سهرۆك وهزيرێن عيراقێ عادل عهبدولمههدى بكهت كو ئێكسهر بهيته پهرلهمانى و روونشتنا پهرلهمانى ب ڤهكرى بمينيت تاكو هاتنا وى.
ژێدهرهكێ ئاگههدار ل بهغدا ل دۆر ڤێ پرسێ بۆ ئهڤرۆ نيوز ئاشكراكر كو عادل عهبدولمههدى سهرۆك وهزيرێن عيراقێ بهرههڤيا خوه دياركريه بهێته پهرلهمانى ب مهرجهكى روونشتنا پهرلهمانى ئێكسهر بۆ وهلاتيێن عيراقێ بهێته ڤهگوهاستن و شاشێن تهلهڤزيۆنى يێن مهزن ل مهيدانێن خوهنيشادانێن عيراقێ بهێنه ههلاويستن تاكو خوهنيشاندهر ئاگههداريا وێ روونشتنا پهرلهمانى ب شێوهكێ ئێكسهر ببن.
ئهڤرۆ نيوز:
دهستهيا دهستپاكيێ ل ههرێما كوردستانێ راگههاند كو 10 وهزيرێن حوكمهتا ههرێما كوردستانێ فورما ئاشكهراكرنا سهروسامانێ خوه بۆ ئهوان ڤهگهرانديه.
د راگههاندنهكێ دهستهيا دهستپاكيێ ل ههرێما كوردستانێ راگههاند: “پشتى هنارتنا فۆرما ئاشكهراكرنا سهروسامانى بۆ بهرپرسێن كابينا نوو يا حوكمهتا ههرێما كوردستانێ ب مهرهما پڕكرن و ئاشكهراكرنا سهروسامان و هنارتنا فۆرمێ بۆ دهستهيێ، ههتا نها ئهڤان 10 وهزيران فۆرمه ڤهگهرانديه:
ئهڤرۆ نیوز:
ئهڤرۆ دوشهمبی 28/10/2019 پهرلهمانێ عیراقێ دهرماله و ئیمتیازاتێن ههرسێ سهرۆكایهتیێن عیراقێ و ههموو بهرپرسێن حكومى یێن بلند ههلوهشاندن.
ل دووڤ وێ بریارا پهرلهمانێ عیراقێ، ههموو ئیمتیازات و دهرمالێن سێ سهرۆكایهتیان ( سهرۆكاتیا كۆمارێ، سهرۆكاتیا جڤاتا وهزیران، سهرۆكاتیا پهرلهمانى) و ههموو ئیمتیازات و دهرمالێن ئهندامێن پهرلهمانى، بهرپرسێن مهزن، راوێژكاران، بریكارێن وهزارهتان، رێڤهبهرێن گشتى، دهستهیێن سهربخوه، دهستههلاتا دادوهرى، پارێزگاران، ههلوهشاندن.
ههروهسا پهرلهمانێ عیراقێ ئهڤرۆ بریارا ههلوهشاندنا جڤاتێن پارێزگههێن عیراقێ دهركر كو پارێزگهرێن پارێزگههێن عیراقێ راسپاردن بۆ ب رێڤهبرنا كاروبارێن دارایى و كارگێرى ههتا جڤاتێن نوو یێن پارێزگههێن دهێنه ههلبژارتن.
پهرلهمانێ عیراقێ د راسپاردهكێ دا داخوازا پێكئینانا لژنهكێ بۆ راستڤهكرنا دستوورێ عیراقێ د دهمێ چار ههیڤان دا بهرچاڤكر.
ئهڤرۆ نيوز:
مهسرور بارزانى سهرۆكێ حوكمهتا ههرێما كوردستانێ ئهڤرۆ ئێكشهمبى 27/10/2019 پێشوازى ل فالح فهياز شيرهتكارێ ئاسايشا نيشتمانى يا عيراقێ كر.
د ديدارهكێ دا كو رێبهر ئهحمهد وهزيرێ ناڤخوه ل ههرێما كوردستانێ بهرههڤبووى، دانوستاندن ل دۆر پهيوهنديێن د ناڤبهرا حوكمهتا ههرێمێ و بهغدا هاته كرن، دووپاتى ژى هاته كرن ل سهر ب لهزكرنا بزاڤان بۆ گههشتنێ بۆ چارهسهريهكێ بۆ كێشێن د ناڤبهرا ههولێرێ و بهغدا ب گۆرهى دستوورى.
ههروهسا بهحس ل گرنگيا ههبوونا ههماههنگيا زێدهتر هێزا پێشمهرگهى و هێزێن عيراقى هاته كرن بۆ روو ب رووبوونا مهترسيێن تيرۆرستێن داعشێ.
ههردو لا دووپاتى ل وێ چهندێ كر كو پێدڤيه رێز ل داخوازيێن ئاشتيانه يێن خوهنيشاندهرێن عيراقێ بهێته كرن و ههروهسا پشتهڤانيێ ژى ل گاڤێن چاكسازيێ يێن عادل عهبدولمههدى سهرۆك وهزيرێن عيراقێ دكهن.
ئهڤرۆ نيوز:
سهركردێ رهوتێ سهدرى و ليستا سائيرون (موقتهدا سهدر) راگههاند، ههكه بهرپرسێن عيراقى دخوازن كوشتن و سوتن روو نهدهت، پێدڤيه دهست ژ كارى بهردهن بهرى ئهم وان ژ كارى دووربێخين.
موقتهدا سهدر د پۆستهكێ ئهلكترونى دا ل تۆرا جڤاكى يا فهيسبووكى بهلاڤكر” ههكه ب بۆچوونا هندهكان خوهنيشادان چارهسهر نهبيت، مانگرتن و گردبوون چارهسهر نهبيت، پا بجه هێلانا دهستههلاتێ چارهسهره؟ د دهمهكى دا كو دهستههلاتداران ئهو شيانه نينن دووماهيێ ب نههامهتێن وهلاتيان بينن و گهندهلكاران بنبر بكهن و ژيانهكا ئاسووده بۆ وهلاتيان دابين بكهن”.
سهدر داخوازا دهست ژ كاركێشانێ ژ حوكمهتێ كر و گۆت” ههكه نهشێن وێ چهندێ راست بكهن ئهوا حوكمهتێن پێشتر ژناڤبرى، دهست ژ كار بكێشن”.
گۆت ژى” چو خێرهك د دهستههلاتدارێن نوكه و يێن بهرى وان دا نهبوو”.
نيشاندان