ئهڤرۆ نيوز:
جێگرێ سهرۆكێ پهرلهمانێ كوردستانێ راگههاند، پرۆژێ چاكسازيێ و زێدهكرنا داهاتى دێ ل دهمهكێ نێزيك ژلايێ حوكمهتا ههرێما كوردستانێ بۆ پهرلهمانى هێته هنارتن.
هێمن ههورامى: حوكمهت دێ پرۆژێ چاكسازيێ بۆ پهرلهمانى هنێريت
نووترين نووچه
- نێچیرڤان بارزانی دوپاتیێ ل گرنگییا چارەسەركرنا ئاشتییانە یا كێشەیان و پاراستنا ئارامییا دەڤەرێ دكەت
- مەسرور بارزانی و شاندەكێ ئەلمانی پێكئینانا حوكمەتێن فیدرال و هەرێمێ گەنگەشەكر
- پۆستێ سەرۆككۆماری بەهرا كوردانە و پێدڤی ب لهەڤهاتنێ یە
- محەمەد زراری: ئەگەرێ سەرەكیێ كێشەیێن هەولێرێ و بەغدایێ نەبوونا قانوونا بودجەیا گشتی یە
- رێککـەفـتنا ل گــەل شـامـێ باشـە و مـە ئۆتۆنۆمـی دڤێت
- نێچیرڤان بارزانی بۆ تۆم باراكی: هەرێما كوردستانێ دێ فاكتەرێ ئارامیێ بیت
- مەسرور بارزانی پێشوازی ل سەرۆكێ حزبا ئەمارجی یا لیبرالی یا ئیراقی كر
- دروستكرنا دوسایدێ هەولێر – گۆمەسپان هاتنوچوونا وەلاتییان ب ساناهی ئێخست
- سەرۆك بارزانی ڕەتكریە دەستێوەردانێ د پرسا بەربژارێ شیعەیان بۆ پۆستێ سەرۆك وەزیران دا بكەت
- ب قەزاكرنا قەرەتەپە و گولالە بنپێكرنەكا دیار یا دەستوورییە
سهرهكى ههلبژارتى1
محهمهد شوكرى: ئێدى پرۆژێن وهبهرهێنانێ دێ بۆ خهلكێ ههژار وكێم دهرامهت بن
ئهڤرۆ نیوز:
سهرۆكێ دهستهیا وهبهرهێنانێ ل ههرێما كوردستانێ، محهمهد شوكرى، راگههاند كو هاندانا وهبهرهێنهرێن كوردستانێ ددهن كو ژ نوكه و پێدا پرۆژێن وهبهرهێنانێ بۆ خهلكێ كێم دهرامهت و ههژاران بیت، دیاركر ژى كو كێشهیا چهند پرۆژێن وهبهرهێنانێ هاته چارهسهركرن.
محهمهد شوكرى، سهرۆكێ دهستهیا وهبهرهێنانێ ل ههرێما كوردستانێ گۆت” ژ نوكه و پێدا ئهولهویهتا كارێن مه د پرۆژێن ئاكنجیبوونێ دا بۆ وهلاتیێن كێم دهرامهته و هاندانا وهبهرهێنهران ددهین كو پرۆژێن خوه ب قستێن درێژ خایهن و كوالیتیا باش و بهایێ گونجاى دروست بكهن و بدهن كرێچیان و خهلكێ كێم دهرامهت”.
سهرۆكێ دهستهیا وهبهرهێنانێ زیدهتر بۆ مالپهرێ فهرمیێ پارتى دیموكراتى كوردستان گۆت” ب مهرهما چارهسهركرنا كێشا وان وهلاتیێن كو پێشتر یهكهیێن ئاكنجیبوونێ ل وان پرۆژان كریبوون كو كێشه تێدابوو، نوكه كێشا چهند پرۆژان هاتیه چارهسهر كرن و كارێ جدى دكهین بۆ وێ چهندێ كێشێن ههموو پرۆژێن دى ژى چارهسهر بن و وهلاتى مافێن خوه وهربگر”.
دیاركر” نوكه چهند وهبهرهێنهران پرۆژه پێشكێشى دهستهیا وهبهرهێنانێ كرینه و دێ خواندن بۆ وان پرۆژان هێته كرن و پاشى مۆلهتا كاركرنێ پێ هێته دان”.
ئەڤرۆ نیوز هژمارا ماموستا و قوتابی و قوتابخانێن پارێزگەها دهۆک بەلاڤ دکەت
ئەڤرۆ نیوز، نەوزاد هلۆری:
پارێزگهها دهۆك پێكهاتیه ژ حهفت قهزا و 24 ناحیا و پتری 800 گوندێن ئاڤەدان، رێڤهبهریهكا گشتى و 10 رێڤهبهریێن پهروهردهى ل سنورێ پارێزگهها دهۆك ههنه، ئەڤ سالە بو خواندنا 2019-2020 دێ ئامارا پەروەردێ بڤی رەنگی بیت.
1- هزار و 604 ناڤهندێن خواندنێن پهروهردهى ههنه كو ئهو ژى
– 61 باخچێن زاروكان.
– هزار و 252 قوتابخانێن بنهڕهتى.
،- 255 قوتابخانێن ئامادهیى.
– 15 قوتابخانێن ناڤنجى.
– حهفت پهیمانگههـ.
– نههـ قوتابخانێن خواندنا بلهز
2- ل سنوورێ پارێزگهها دهۆك 489 هزار قوتابى ههنه
3- هەر ل سنوورێ پارێزگهها دهۆك 93% قوتابخانان ب دو و سێ شێفتى، دهوامێ دكهن.
4- دیسان 26 هزار و 627 ماموستا كو وانان هزار و311 ماموستا گرێبهست و وانهبێژن ههنه
5- چوار هزار و 729 فهرمانبهر ل كهرتێ پهروهدهى سنوورێ پارێزگهها دهۆك ههنه
ل بارا قوتابخانێن کەرتێ تایبەت، بڤی رەنگی یە.
– 16 باخچێن زاروكان.
– 14 قوتابخانێن بنهڕهتى.
– حهفت قوتابخانێن ئامادهى.
– نههـ پهیمانگههـ.
ل کەمپێن ئاوارە و پەنابەران ژی بڤی رەنگی یە.
– 29 هزار و 823 قوتابى ل قوتابخانێن بنهرهتى و ئامادهیی دناڤ كهمپێن ئاواران دا دخوینن
– 736 ماموستا ل قوتابخانێن ئاواران ههنه
– 12 هزار و 832 قوتابى ل قوتابخانێن بنهرهتى و ئامادهیی دناڤ كهمپێن پهنابهرێن رۆژئاڤایێ كوردستانێ دا دخوینن
– 209 ماموستا ل قوتابخانێن پهنابهرێن رۆژئاڤایێ كوردستانێ ههنه
دپلانانا حوكمهتا ههرێما كوردستانێ دایه كو ددهما چوار سالێن داهاتى ل سنوورێ پارێزگهها دهۆكێ 237 قوتابخانێن بنهرهتى درۆست بكهت.
مهسرور بارزانى:كهرتێن پهروهردێ وخواندنا بلند ئهركێن بهراهیێ یێن حوكمهتا ههرێمێ نه
ئهڤرۆ نیوز:
مهسرور بارزانى، سهرۆكێ حوكمهتا ههرێما كوردستانێ و سهرۆكێ بوردێ ئهمیندارێن زانكۆیا ئهمریكى ل دهۆكێ، ئهڤرۆ پێنجشهمبى 19/9/2019 د ئێكهمین ئاههنگا دهرچوویێن خۆلا ئێكێ یا وێ زانكۆیێ پهیڤهك پێشكێش كر.
د پهیڤا خوه دا مهسرور بارزانى گۆت” خوهشحالم وهكو دهرچوویهكێ زانكۆیا ئهمریكى ل ڤێرێ پشكدار ببم، د دهمێ پێنج سالێن بۆرى دا ڤێ زانكۆیێ پێشكهفتن ب خوهڤه دیتیه وبوویه هیڤیا نهڤیێن داهاتى”.
ههڤدهم سوپاسیا سهرۆكێ زانكۆیێ كر و راگههاند، د رهوشهكا دژوار دا شیا گرنگیێ ب پێشخستنا زانكۆیێ و پرۆسا خواندنێ و پێگههاندنێ نهڤیێن مه بكهت”.
سهرۆكێ حوكمهتا ههرێما كوردستانێ سوپاسیا نێچیرڤان بارزانى سهرۆكێ ههرێما كوردستانێ ژى كر و گۆت” سوپاسیا برایێ خوه نێچیرڤان بارزانى دكهم دهمێ ئهو سهرۆك وهزیران بوو، پشتهڤانیا خواندنا بلند هاتیه كرن”.
مهسرور بارزانى سوپاسیا سهرۆك بارزانى ژى كر كو ل دهمهكێ دژوار دا سهركردایهتیا ههرێما كوردستانێ كر و ل بن یبهرا خهبات و قوربانیدانا وى دا، نهڤیێن مه پێگههشتن”.
ئاماژه ب وێ چهندێ ژى كر كو ئهڤ زانكۆیه ل دهمهكێ كێم دا پێشكهفتنهكا مهزن ب خوهڤه دیتیه و نوكه 645 قوتابى یێن ههین.
دووپاتكر ژى كو ئێك ژ ئهركێن حوكمهتێ گرنگیدانه ب كهرتێ خواندنا بلند و بلندكرنا ئاستێ ڤهكۆلینێن زانستى ل ههرێما كوردستانێ ودێ گرنگیهكا تایبهت ب پێشخستنا وى كهرتێ دهین.
https://www.youtube.com/watch?time_continue=1&v=iOCLuYj71Kk
وەزارەتا نافخوه رۆهنكرنهكێ بەلاڤ دکەت
ئەڤرۆ نیوز:
وهزارهتا نافخوه ل ههرێما كوردستانێ د رۆهنكرنهكێ دا بهلاڤكر، ئەڤرۆ پێنجشەمبی ١٩-٩-٢٠١٩ ل دەمێ ھاتنا مەحمود سەنگاوی ئەندامێ مەکتەبا سیاسیی یا ئێکەتیا نیشتمانی یا کورستانێ بۆ پارێزگەها ھەولێرێ، ل زاڵگەهەکا دۆلا سماقۆلێ روودانەکا نەخواستی روودایە کو ھیچ بڕیار و راسپاردەک ل پشت نەبوویە. لەوما بۆ نههێلانا نیگەرانیا مەکتەبا سیاسی یا ئێکەتیا نیشتمانیا کوردستانێ ورێ گرتن ل دوبارە بوونا ڤان جۆرە روودانان، دێ ڤەکۆلینەکا هوور ئەنجام دەین و خەلکێ کوردستانێ پشت راست دكهین كو ھەموو ھەولێن مە ل رێگا و بانان بۆ دابینکرنا ئەمنیەتێ و سەر و سامانێ وەلاتیانە.
حهلبوسى دێ هێته دهۆكێ
ئهڤرۆ نيوز:
ئهڤرۆ رۆژا پێنجشهمبى 19ى ئيلونا 2019ێ محهمهد حهلبۆسى، سهرۆكێ جڤاتا نوونهرێن عيراقێ، گههشته ههولێر و ل فرۆكخانا نێڤدهولهتى يا ههولێر ژ لايێ رێواس فايهق سهرۆكا پهرلهمانێ كوردستانێ هاته پێشوازيكرن.
ب گۆرهى وان پێزانينێن ل بهر دهست، حهلبۆسى گهلهك ل ههولێر نامينيت و دێ هێته پارێزگهها دهۆكێ و پشكداريێ د چهندين چالاكيان دا كهت، بهلێ دێ ل گهل ههر ئێك ژ مهسعود بارزانى و نێچيرڤان بارزانى و مهسرۆر بارزانى كۆم بيت و مهرهم ژى ژێ كێشێن ههولاويستى يێن ههولێر و بهغدا نه.
کەسەک ھاتە کوشتن
ئەڤرۆ نیوز،عەلی حاجی :
ل بەریا دەمەکێ کێم ل تاخێ فرقێ ل باژێرێ زاخۆ گەنجەکێ مەسیحی ب دو گولەیان دھێتە کوشتن و ھەتا نوکە ئەگەرێن کوشتنا وی ژی دیار نینن .
ئەمیر عەلی ، بەرپرسێ راگەھاندنا ساخلەمیا زاخۆ بۆ ئەڤرۆ نیوز دیار کر بەریا دەمەکێ کێم و نێزیکی دەمژمێر ١٠:٠٠ی شەڤ ل تاخێ فرقێ ل باژێرێ زاخۆ گەنجەکێ مەسیحی ب چەکی دھێتە کوشتن و ھەتا نوکە ژی حەگەرێ وێ کوشتنێ دیار نینن و نوزانین کێ ئەڤ گەنجە کوشتی یە ،پشتی تەرمێ وی ھاتیە ڤەگوھاستن بۆ پزیشکیا داد کو دو گولەیێن دەبانجێ ل سەرێ وی کەڤتینە و ئێکسەر گیانێ خوە ژدەست دایە و دنوکە دێ تەرمێ وی گەنجی ھێتە ڤەگوھاستن بۆ پزیشکیا داد ل باژێرێ دھوکێ و دڤێ دەربارێ ژی دا پولیسێن زاخۆ دەست ب لێکولینان کری یە بۆ زانینا ئەگەرێن ڤێ روودانا کوشتنێ ل باژێرێ زاخۆ .
پێشانگەھەکا موبيلیاتان تووشی زیانێن مەزن دبیت
ئەڤرۆ نیوز،عەلی حاجی :
ئەڤرۆ ئاگر بەر ب کارگەھەکا دارتاشیێ ل باژێرێ زاخۆ دکەڤیت و زیانەکا مەزن بەر ب وێ کارگەھێ دکەڤیت.
رائید بێوار عەبدولعەزیز بەرپرسێ راگەھاندنا بەرەڤانیا باژێرى ل پارێزگەھا دھوکێ بۆ ئەڤرۆ نیوز دیارکر ئەو ئاگرە ل سپێدەھیا ئەڤرۆ ل دەمژمێر ٨:٠٠ی سپێدێ بەر ب کارگەھەکا دارتاشیێ یا مەزن ل تاخێ بێداری کەڤت و بوو ئەگەرێ ھندێ زیانەکا مەزن یا ماددی بەر ب وێ کارگەھێ بکەڤیت، د وێ روودانا ئاگر بەربوونێ دا گیان ب سلامەت بوون و ھیچ کەسەک دوێ روودانێ دا بریندار نەبوویە، ل گورەی ئاخاڤتنێن خودانێ وێ کارگەھێ دیار دکرن کو ژبەر ھێتەرەک بەردەوام یێ ھەلکری یە بوو وێ یەکێ ئامێرەیەکێ وان پێ گەرم بیت ئەو روودانا ئاگر بەربونێ پەیدابویە و ژ ئەگەرێ مەزنیا وێ کارگەھێ ژی کونترول کرنا ئاگری یا ب زەحمەت بوو و ل دوماھیێ ژی تیمێن مە شیان وی ئاگری کونترول بکەن.
و گوت ژی : سێ ئامیرەیێن مەزنێن وێ کارگەھێ سوتن و زێدەباری وێ چەندێ ژی ئەو پێدڤیێن دروست کرنا موبێلیاتان ئەو ژی ب تەمامی سوتن،ژبەریا شەش سالان ژی موبێلیاتەکا سەر ب ڤێ کارگەھێ ڤە ژئەگەرێ چوونا ژورا ئاڤێ دناڤ پێشانگەھەکا وان یا موبێلیاتان ڤە توشی زیانێن مەز دبیت و ئەڤە دووەم جارە توشی وێ زیانا ماددی دبن.
پێنح كيلۆمهترێن رێيا نوو يا دهۆك بۆ ههولێر هاتنه ڤهكرن
ئهڤرۆ نيوز:
ئهڤرۆ چارشهمبى 18/9/2019 ب بهرههڤبوونا (خەدیجە محمد) رێڤەبەرا رێك و پرا ل قەزا دهوكێ و رێڤەبەرێ ناحیا روڤیا وزكرى بهشير سەرۆكێ كۆمپانیا كاڤین گرۆپ پێنج كيلۆمهترێن رێيا سەرەكی دهۆك – هەولێر ژ رۆڤیا بۆ چەمەیی هاتنە ڤەكرن وكەفتنە د خزمەتا هاتنوچونا وەلاتیان دا.
رێيا سەرهكی یا دهۆك بۆ هەولێرێ ژرۆڤیا هەتا گوپالی و چەمەی(22)كم هەموو دو سایدی یە و(26) متران یا فرەهە وهەتا نوكە 70% هاتیە بجهئینان و ئهڤرۆ پێنج كيلۆمهتر ل هەمبەر هاتنوچوونا گشتی یا وەلاتيان هاتنە ڤەكرن ، رێيا ناڤبری هەموو ل دووڤ پیڤەرێن ئەندازیاری يێن پێشكهفتى دهێتە چێكرن وحەفت ئوڤەر پاس و90 قەنتەرا بخوهڤە دگریت وهەموو جوت سایدە ودهێتە چاڤەرێكرن ل دووماهیا ئەڤ سالە هەموو رێ ب دوماهی بهێت وبكەڤیتە د خزمەتا وەلاتیێن كوردستانێ دا.
حوكمهتا هەرێما كوردستانێ گۆژمێ (80) مليۆن دۆلار بۆ پرۆژەی تەرخانكرینە وپشتی ب دووماهی دهێت، هاتن وچوون ژ دهۆكێ بۆ هەولێرێ دێ ساناهى تر لێ هێت و نێزیكی نیڤ دەمژێرێ دێ كورت بيت و روودانێن هاتنوچوونێ ژی دێ كێمتر لێ هێن .
سالڤەگەرا 50 یا كۆمكوژیا گوندێ صوریا شەهیدان هاتە گێران
زاخۆ، عەلی حاجی :
رێڤەبەریا گشتی یا كاروبارێن شەهید و ئەنفالكریان ل پارێزگەها دهوكێ و ب ئامادەبونا وەزیرێ كاروبارێن شەهید و ئەنفالكریان ل هەرێما كوردستانێ ، سالڤەگەرا 50 یا كۆمكوژیا گوندێ صوریا شەهیدان ل زاخۆ هاتە گێرا.
ئەلێكسان ئەندرێیان، ئێك ژ كەس و كارێن قوربانیان بۆ ئەڤرۆ دیار كر روودانا گوندێ (صوریا شەهیدان) ئێك ژ مەزنترین تاوانێن هاتینە هاتینە ئەنجام دان و د وی دەمی دا ژیێ من 14 سال بوون، د نوكە دا مونومێنتەك بۆ شەهیدێن ڤێ كۆمكوژیێ هاتیە دروست كرن، بەلێ هەمی نەهاتیە ب دووماهی ئینان و پشكەكا وێ مایە، لەورا ئەم داخواز ژحوكمەتا هەرێما كوردستانێ دكەین وێ مونومێنتێ ب دووماهی بینیت،هەروەسا رێیا سەرەكی یا گوندێ مە هەتا نوكە نەهاتیە دروست كرن و ئەو جادە بهێتە قیركرن ب ئێكجاری و هەتا نوكە ژی خێزانێن 10 شەهیدێن وێ كومكوژیێ بێ موچەنە و ئەم داخاز دكەین موچێ وان ژی بهێتە دروست كرن وەكو هەمی شەهیدێن ڤێ كومكوژیێ و ئەڤ چەندە ژی من گەهاندی یە وەزیرێ كاروبارێن شەهیدان و ئەنفالكریان.
چیاو پتروس بۆ ئەڤرۆ نیوز گوت : ئەڤ كومكوژیا هاتیە ئەنجام دان دژی هەمی پرەنسیپێن جیهانی و مروڤایەتی بوون و هەتا نوكە بۆ ڤێ كومكوژیێ ژی هیچ رێكارەكا قانوونی نەهاتیە ئەنجام دان، ب دوكیومیێنتكرنا ڤان كۆمكوژیان و ب هەبوونا چەند بەلگەیان ڤێ كەیسێ ب رێیا لایەنێن بجهئینانێ ل كوردستانێ كار بۆ بكەین و پاشی ب رێیا حوكمەتا هەرێما كوردستانێ ڤێ كەیسێ بكەتە كەیسەكا نێڤدەولەتی و جهێ خوە بگریت داكو ب جینوساید ب هێتە نیاسین ببیتە رێیەك جیهان بزانیت چو كارەكێن دژی مروڤایەتی هاتیە ئەنجام دان دگەل خەلكێ سڤیل .
ژلایێ خوەڤە بەرەڤان حەمدی برێكارێ وەزیرێ كاروبارێن شەهید و ئەنفالكریان بۆ ئەڤرۆ ئاشكەرا كر ڤێ كۆمكوژیێ تایبەتمەندیا خوە هەیە ژبەر ڤێ چەندێ ئەڤ سالە ب شێوەیەكێ بەرفرهە مە سالڤەگەرا 50 یا كۆمكوژیا گوندێ (صوریا شەهیدان) ساخ كر، وەكو داخوازیێن كەس و كارێن قوربانیان كو مونومێنتا وێ كۆمكوژیێ و دیكیومێنكرنا بەلگەییان د بەرنامەیێ وەزارەتا كاروبارێن شەهید و ئەنفالكریان دایە و د پلانا ئەڤ سالە دایە و دێ د ئەڤ سالە دا هێتە بجهئینان،بۆ چێكرنا رێیا ڤی گوندی ژی مە نڤیسارەك رەوانەی پارێزگەها دهوكێ كریە دا كو دو كێلومەترێن جادە یا وان ژی بهێتە دروست كرن و مە چەند پارێزەر یێن هەین بۆ كەیسێن تاوانان بۆ وێ یەكێ كو ئەڤ تاوانە بریارا دوماهی پێ بهێتە دان و بهێنە قەرەبووكرن ل بەغدا و یا ژهەمیێ گرنگتر ژی ل دەڤ مە ئەو پێكڤە ژیان و برایەتیا مەسیحی و موسلمانایە د وی گوندی دا.
نيشاندان
WP Facebook Auto Publish Powered By : XYZScripts.com