ئەڤرۆ نیوز:
پەرلەمانێ کوردستانێ 3\8\2014 وەکو رۆژا جینوسایدا کوردێن ئێزدی ناساند.
ئەڤرۆ رۆژا شەمبی رێکەفتی 3ی تەباخا 2019ێ پەرلەمانێ کوردستانێ خواندنا سیێ بۆ پرۆژێ پێشنیازا ب جینوسایدناساندنا کەیسێ کوردێن ئێزدی ب پتریا دەنگێن پەرلەمانتاران پەسەند کر.
پشتی دانوستاندنا ناڤبەرا لژنا قانوونی و پەلەمانتاران ب 87 دەنگێن ئەندامێن پەرلەمانێ کوردستانێ ئەڤ پرۆژە پێشنیازە هاتە پەسەندکرن.
ئهڤرۆ نیوز، نهوزاد هلۆرى:
ب ههلكهفتا دهربازبوونا پێنج سالان لسهر كومكوژیا كوردێن ئێزدى ژلایێ تیرورستێن داعش، ئهڤرۆ ل سنوورێ پارێزگهها دهۆك كومهكا چالاكیێن جودا هاتنه ئهنجام دان ب تایبهتى دناڤ كهمێن ئاوارێن شنگال و ئێزدى.
دوان چالاكیان دا داخواز هاتهكرن كو ب زوترین دهم كچ و ژن و كهسێن ئێزدى ئهڤێن كو ههتا نوكه ددهستێ داعش دا مایى بهێنه رزگاركرن و دیسان كار بكهن بو ڤهگهراندنا وان بۆ دهڤهرێن وان و ههموو گوندهوارێن وان ژى بهێنه ئاڤهدانكرن.
دهێته زانین كو چهكدارێن داعش ل رێكهفتى 3/8/2014 هێرشا دهڤهرێن ئێزدى نشین ل سنوورێ قهزا شنگال و دهوروبهر كر، تێدا پترى شهش هزار كوردێن ئێزدى گرتن، هژمارهكا زور ژى هاتنه كوشتن و د گورێن ب كوم دا هاتنه ڤهشارتن، ههتا نوكه ژى چارهنڤیسێ نێزیكێ سێ هزار كهسان نهدیاره.
ئهڤرۆ نیوز، نەوزاد هلۆری:
زێدهبارى گرتنا پشكهك ژ هاڤینگهه و بازارێن دهڤهرێن نا محهرهم ژئهگهرێ بوردومانێن فروكێن توركیا، دههمان دهم دا بازارێن دهڤهرێن ئاڤهدانى ژى دهێنهگرتن، ژبهركو ب بهانهیا پهكهكێ مهترسیا بوردومانا فروكێن توركیا لسهر وان ههیه.
محهمهد دێرهشى، وهلاتیهكێ گوندێ دێرهشێ یه بۆ ئهڤرۆ نیوز گۆت: (دوو دوكان ل سهنتهرێ گوندێ دێرهشێ ههنه و وهلاتى رۆژانه تشتێن خوه لێ دكرین، بهلێ نوكه ههردوو بازار هاتنه گرتن چونكى بوردومانێن فروكێن توركیا مهترسى لسهر دروستكریه، بڤێ یهكێ كارتێكرن ل خهلكێ دهڤهرێ دكهت چونكى دڤێت خهلكێ مه بو كرینا سادهترین تشت قهستا ئامێدیێ بكهت، د رێكێ ژى دا رهنگه بكهڤیته بهر بوردومانێن فروكێن توركیا).
زێدهتر گۆت: (نوكه چوو گهرنتى نین نبو مانهڤا ژیانا مرۆڤى ئهگهر كیلومهترهكێ ل سهنتهرێ گوندى دوور بكهڤین، ئهگهر بڤى رهنگى بیت رهنگه گوند بهێته چولكرن، چونكى ئهگهر مروڤى ل گوندان ئازادى نهما و نهشیا رهز و بیستانێن خوه سهخبێر بكهت و ئاژهلان ب خودان بكهت چ پێدڤى دكهت ل گوندان بمینیت، داخوازێ ژ جهێن شولهژێ دكهین كو چارهسهریهكێ ل راگرتنا بوردومانان بكهن).
مێهڤان ئیدریس رێكانى، وهلاتیهكێ شێلادزێ یه بۆ ئهڤرۆ نیوز گۆت: (ئاڤا مارك و دهڤهرا نێروهورێكان كو نێزیكێ 20 جهێن گهشتوگۆزارى تێدا ههنه، خهلكهكێ زور قهست دكهتێ داكو گهرماتیا هاڤینێ بشێكنن، ژ ئهگهرێ رودانێن زێدهبوونا بوردومانێن فروكێن توركیا مهترسى لسهر زێدهتر بویه، خو ههتا نوكه مهترسى لسهر هندهك گوند و جهێن ئاڤهدانێن شێلادزێ ژى دروست بویه، ژبهركو پهكهكه خوه نێزیك دكهت).
زێدهتر گۆت: (توركیا ب بهانهیا پهكهكێ خوه نێزیكێ ئاڤهدانیان دكهت و بهرى چهندهكێ ژى چهندین بازار و ترومبێلێن خهلكى، خهلك بخوه ژى كهفتیه بهر بوردومانێن وان، ههر بوو نموونه ههیڤا بورى پترى حهفت ترومبێلێن پهكهكێ و سێ ترومبێل و دوو دوكان و بازارێن خهلكێ دهڤهرێ هاتینه بوردومانكرن).
ئهڤ ساله فروكێن توركیا 69 جاران و توپخانهیان ژى نێزیكێ 30 جاران بوردومانا سنوورێ قهزا ئامێدیێ كریه، د ئهنجام دا چوار وهلاتى هاتینه شههیدكرن و دوو ژى بێ سهر و شوێنن، دیسان چوار وهلاتیێن دن ژى بریندارن، ب ملیونان دینار ژى زیان ب رهز و باغ و بیستان و ژینگه و مولكێ گشتى و جاده و بازارێن وهلاتیان كهفتیه.
ئەڤرۆ نیوز ؍عەلی حاجی:
پشتی ل ل ئێڤاریا روژا پێنچ شەمبێ ژئەگەرێ روودانەکا تەقەکرنێ ل بازارێ پارەگهورا؍پشتی ماوەیێ دو روژا مایە د نەخوشخانێ ڤە ل باژێرێ دهوکێ بەریا دەمەکێ کێم گیانێ خوە ژدەست دا.
حەمزە رەزیکی ؍ بەرپرسێ راگەهاندنا رێڤەبەریا گشتی ل پارێزگەها دهوکێ بۆ ئەڤرۆ نیوز دیار کر پشتی دوهی ل روژا پێنچ شەمبی ژئەگەرێ روودانەکا تەقەکرنێ ل ناڤا بازارێ زاخۆ دا ؍ دو کەس بریندار دبن و برینا ئێک ژ وان برینداران یاب مەترسی بوو ؍ پشتی هاتیە رەوانەکرن بۆ نەخوشخانا هاوار هاتنێ ل باژێرێ دهوکێ؍ بژ بەریا دەمەکێ کێم ؍ ژئەگەرێ دژواریا برینا وی گیانێ خوە ژدەست دا وتەرمێ وی بۆ پزیشکیا داد ل دهوکێ هاتە رەوانەکرن
ئەڤرۆ نیوز ؍ عەلی حاجی :
ژێدەرەک ژ نەخوشخانا زاخو تایبەت دیارکر بەریا دەمەکێ کێم دوو کەس ب برینداری گەھشتنە پشکا تەنگاڤیا ھەردوو کەس ب گولەیا ھاتینە بریندارکرن ئێک ژ وان خەلکێ زاخۆیە سێ گولە بەرکەڤتینە و ھاولاتیەکێ دیتر خەلکێ روژئاڤایێ کوردستانێ یە؍ گولەیەک بەرکەڤتیە
ئەوی ژێدەری دیار کر ژی نوکە رەوشا ئێک ژ وان برینداران نەیا باشە ژبەر کو سێ گولە ب زکێ وی کەڤتینە ؍نوکە دێ ژلایێ نوژداران ڤە نشتەگەری بو ھێتە کرن و رەوشا ساخلەمیا وی ھاولاتیێ دیتر یا باشە و یا پێتڤی بو ھاتیە کرن .
لدیڤ گوتنێت ھندەک ژ شاھد حالان ل ناڤا بازارێ پارەگوھران دا ؍وەسا دیارکرن ل دەستپێکێ شەرە دەڤ ناڤبەرا وان دا پەیدا ببوو و ل دووڤرا وی کەسی چار گولە بەردان و سێ ل وی کەسی کەڤتن یێ شەر دەڤ دگەل دکر ؍ کەسێ دی ب شاشی ڤە گولە ل بەر دکەڤیت و تاوانبار بەرەڤ جھەکێ نەدیارڤە رەڤی یە.
ئهڤرۆ نيوز:
جەژنا چلێ ھاڤینێ ل رۆژا 31/7 دەست پێ دکەت ھەتا رۆژا 2/8/2019 رێورەسمێن جەژنێ ل پەرستگەھا لالش دھێنە گێران و ئختیارێ مەرگەھێ و جڤاتا وی و شکەستی و زانایێن ئاینی و ھەر ئێزدیەکێ بڤیت دشێت رۆژیان بگریت، کو دبێژنە وان چلەگر ئانکو رۆژی گرتن فەرز نینە ئەو کەسێن رۆژیان دگرن ل ئێڤاریا رۆژا ئێکێ یا جەژنێ قەستا پەرستگەھا لالش دکەن.
شەمۆ قاسم، بەرپرسێ لژنا رەوشەنبیری یا دەستەیا بلندا بنگەھی لالش یێ رەوشەنبیری و جڤاکی ل دھۆکێ دیار کر کو جەژنا چلێ ھاڤینێ گەلەک یا کەڤنارە بۆ بەری 1500 سالان رێورەسمێن جەژنا چلێ ھاڤینێ ل پەرستگەھا لالش دھێنە گێران ھەر ئێزدیەکێ بڤێت قەستا پەرستگەھێ دکەت لێ سەردەری و دیندار رێورەسمان دگێرن و بەری دەستپێکرنا رێورەسمان ب شەڤەکێ سەردەری و دیندار ل پەرستگەھا لالش ئامادە دبن بۆ دەمێ سێ رۆژان ل دووڤ ئێک دا رێورەسمێن جەژنێ دھێنە برێڤەبرن کو ھەر ئێزدیەکێ بچیتە لالش د سەر پرا سەلاتێرا دەربازبیت و دچیتە سەر حەودا کانیا سپی و دەست و چاڤێن خوە پێ پاقژ دکەن ھەروەسا ژی ھەر ئێزدیەکێ بچیتە لالش ل ڤێ جەژنێ دڤێت کانیا سپی و دەرێ قاپیێ و زمزمێ و سندرووکا شێخادی و بەرێ شباکێ و نێشانگەھا شێخ فەخر و مەزارگەھێن شێشمس و شێخ و پێرین خوە زیارەتی بیت.
ناڤھاتی خویا کر کو ل ھەموو ئێڤاریان چرایێن ئاقد و نێشانگەھێن خاسا دھێنە ھەلکرن و ل ھەر سێ رۆژێن جەژنێ ل سپێدەھیا پشتی بەیتا سپێدەھیان و ئێڤاریان ژی پشتی بەیتا ئێڤاریان رێورەسمێن قنتارێ دھێنە گێران ھەر کەسەکێ نەیی مۆرکری بیت ب ئاڤا کانیا سپی دھێتە مۆرکرن ھەموو ئێڤاریان ژی دەف و شبابا لێدەن و بەیت و قەول و قەسیدێن ئاینی دھێنە گۆتن و سماتی دروست دکەن ل رۆژا دووماھیێ ژ جەژنا چلێ ھاڤینێ تاووس دھێتە جوانکرن ل گۆند و دەڤەرێن ئێزدیان ھەر کەسەکێ بڤێت خێرەکێ دکەت ل پەرستگەھا لالش سەما دھێتە گێشان و گۆڤەندا دەرێ کانیێ دھێتە گێران ل ڤێ جەژنآ ژی وەکو ھەموو جەژنێن دی ئێزدی قەستا لالش دکەن و جەژنا ئێکدو پیرۆز دکەن د لالشا نوورانی دا.
ئەڤرۆ نیوز ؍ عەلی حاجی :
پشی ٤۲ روژێن لێگەریانێ ل تەرمێ مێهڤان ئاڤدەلی ؍ ئەوێ ل رێکەڤتی ۲۱/٦/۲۰۱۹ ل خابیرێ زاخۆ دا خەندقی ؍ دهەوەکا بەر فرەهـ دا تەرمێ وی نەهاتە دیتن.
نقومەڤان رەعەد زەنون ؍ ژ تیما نقومەڤانیا زاخۆ بۆ ئەڤرۆنیوز دیار کر پشتی ٤۲ روژێن بەردەوامێن تیمێن مە سەر ب بەرەڤانیا باژێری ڤە ل زاخۆ و کەس وکارێن وی کەسێ خەندقی ؍ ئەڤرۆ ل روژا چار شەمبێ دهەوەکا بەر فرەهـ دا ب درێژاهیا ٤۰ کێلومەتران و ب کویراتیا ئاڤێ ژناڤ سەنتەرێ زاخۆ دا هەتا سنورێ کوردستانێ دگەل وەلاتێن سوریا و تورکیا ؍ مە تەرمێ مێهڤان ئافدەلی نەدیت ؍ لەورا کەس و کارێن وی بریار دان سوباهی روژا پێنچ شەمبێ ئێکەم روژا بەهیا وی دانن پشتی بێ هێڤی بوین ژدیتنا تەرمێ وی .
ناڤهاتی گوت ژی : ئەم پێشبینی دکەین تەرمێ وی ما بیتە دبن شکەڤتێن دئاڤێ دا و لەورا پشتی ب دوماهی هاتنا بەهیێ دێ جارەکادی دەست ب لێگەریانێ کەین هەتا کو تەرمێ وی ببینن.
ئهڤرۆ نيوز:
سهرۆكێ حوكمهتا ههرێما كوردستانێ مهسرور بارزانى ئهڤرۆ چارشهمبى 31/7/2019 پێشوازى ل ماسيج لانگ جێگرێ وهزيرێ دهرڤه يێ پۆلهندا وشاندهكێ دگهلدا كر.
جێگرێ وهزيرێ دهرڤه يێ پۆلهندى خوهشحاليا خوه ب ئارامى وئاسايشا ههرێما كورستانێ دهربرى وراگههاند، ئهڤ سهقامگيريه دهليڤهكا باشه بۆ وهبهرهێنهرێن پۆلهندى كو وهبهرهێنانێ ل ههرێما كوردستانێ بكهن ودياركر كو ل ڤان نێزيكا شاندهكێ بازرگانى يێ پۆلهندى دێ سهرهدانا ههولێرێ كهت.
ههروهسا سوپاسيا ههرێما كوردستانێ كر كو سهرهراى دژوارى و نهجێگيربوونا رهوشا ئابوورى، بهلێ دهرگههێن خوه بۆ هژمارهكا مهزن يا ئاواران كر وهاريكاريێن پێدڤى بۆ پێشكێشكرن.
سهرۆكێ حوكمهتا ههرێما كوردستانێ سوپاسيا شاندێ پۆلهندى كر وگۆت” دهليڤهكا باش ل ههرێما كوردستانێ يا ههى بۆ وهبهرهێنانا بيانى وبۆڤێ مهرهمێ ژى ئاسانكاريێن پێدڤى دێ هێنه پێشكێشكرن”.
نيشاندان