ئه‌ڤرۆ نیوز، هه‌رهین محه‌مه‌د:

میدیاكارێ گه‌نج جوتیار چومانى نوكه‌ ل وه‌لاتێ پولونیا دژیت ددیداره‌كێ دا بۆ ئه‌ڤرۆ نیۆز دیاركركو ژبۆ پشته‌ڤانیا ریفراندومێ رابوویه‌ ب چێكرنا ڤدیویه‌كێ ل سه‌ر ریفراندومێ و حه‌فت كه‌سێن بیانى ژ حه‌فت وه‌لاتان هه‌روه‌سا ب زه‌راڤێ كرمانجى و سورانى هاتیه‌ گۆتن وپشكدارى كریه‌ و دبێژن به‌لێ بۆ ریفراندومێ.
چومانى زێده‌تر گۆت: (ئه‌ڤ كاره‌ بێ ریكلام و خوبه‌خشانه‌ هاتیه‌ ئه‌نجامدان و هزرا ڤى كارى یا من بخوه‌ بوویه‌ و ژده‌رهێنانا لێهات سه‌لاح و مونتێر داود ئسماعیل و ب هه‌ڤكاریا وه‌عدللا عه‌لى)

بو دیتنا ڤیدیویێ ڤێره‌ كلیك بكه‌

ئەڤرۆ نیۆز،زنار تۆڤی:

رۆژناما حورییەت دەیلی نیۆز یا تورکیا بابەتەک دەربارەی هێرشێن دەولەت باخچەلی،سەرۆکێ پارتا مەهەپە یا تورکی ل بەرامبەری ئەنجامدانا ریفراندۆما سەربەخۆیا باشۆرێ کوردستانێ بەلاڤکریە.

بابەت ژلایێ یوسف کانلی ڤە هاتیە نڤێسین و گۆتیە، دڤێت چەند پرسیاران بکەین،بۆ نموونە،ئەرێ تورکیا دشێت رێگریێ ل ئەنجامدانا ریفراندۆما سەربەخۆیا کوردستانێ بکەت؟بەرسڤا وێ ژی نەخێرە.

هەروەسا دبێژیت،ئەرێ تورکیا دشێت شەری ل دژی کوردێن عێراقێ رابگەهینیت،ئەو ژی ژبەر هندێ کو ئەو دێ پشکداریێ د وێ دەنگدانێ دا کەن؟هەروەسا تورکیا دشێت ل بەرامبەر ڤێ پێنگاڤا کوردان یا خۆشحال بیت یان ژی یا خۆشحال نەبیت،بەلێ د راستی دا کارێ تورکیا ئەو نینە کو دەست وەردانێ د ڤی بابەتی دا بکەت،هەروەسا پێدڤیە هیچ تشتەکێ د ڤی باری دا نەبێژیت.

یوسف کانلی دیارکریە ژی، بەرپرسێن تورکیا ل ئەنقەرە و ستەنبولێ وەک خودان دەولەتەکا دیار و ناسیار پێشوازیێ ل سەرکردێن هەرێما کوردستانێ دکەن،نوکە چاوا چێدبیت ئەڤ وەلاتە بێژیت؟،دەنگدان بۆ سەربەخۆیێ دێ بیتە هۆکارەک بۆ سەرهلدانا شەری.

بەری چەند رۆژان دەولەت باخچەلی سەرۆکێ مەهەپێ گۆتبوو، “ریفراندۆما باکۆرێ عێراقێ دێ بیتە ئەگەرێ سەرهلدانا شەری” و داخواز ژ دەستهەلاتا تورکیا کربوو،کو هێرشێ بکەنە سەر کوردستانێ.

ئەڤرۆ نیوز ، ھلوری:

کومسیونا بلند یا سەربخویا ھەلبژاردن و راپرسێ یا حکومەتا ھەرێما کوردستانێ د راگەھاندنەکێ دا کو دانەیەک بو ئەڤرۆ نیوز ھنارتیە تێدا دخوازیت کو ھەموو ئەو کوردێن ل دەڤە ل رۆژا ١/٩/٢٠١٧ ھەتاکو رۆژا ٧/٩/٢٠١٧ سەرەدانا وێب سایتێ فەرمی یێ کومسیوونا بلند یا ھەلبژاردن و راپرسێ یا ھەرێما کوردستانێ بکەن بو تومارکرنا ناڤێن خوە بو دەنگدان لسەر ریفراندۆوما ھەرێما کوردستانێ کو وەسا بریارە لرۆژا ٢٥/٩/٢٠١٧ بھێتە ئەنامدان.
زێدەتر د راگەھاندنا وان دا ھاتیە : (وێب سایت دێ لرۆژا ١/٩/٢٠١٧ ھێتە کارانکرن کو تایبەتە ب پرکرنا فورمان بو کوردێن ل دەرڤە کو ئەو ژی لسەر www.khec.krd )

ئەڤرۆ نیوز ، ھلوری:
کومسیونا بلند یا سەربخویا ھەلبژاردن و راپرسێ یا حکومەتا ھەرێما کوردستانێ د راگەھاندنەکێ دا کو دانەیەک بو ئەڤرۆ نیوز ھنارتیە تێدا دخوازیت کو ھەموو ئەو کوردێن ل دەڤە ل رۆژا ١/٩/٢٠١٧ ھەتاکو رۆژا ٧/٩/٢٠١٧ سەرەدانا وێب سایتێ فەرمی یێ کومسیوونا بلند یا ھەلبژاردن و راپرسێ یا ھەرێما کوردستانێ بکەن بو تومارکرنا ناڤێن خوە بو دەنگدان لسەر ریفراندۆوما ھەرێما کوردستانێ کو وەسا بریارە لرۆژا ٢٥/٩/٢٠١٧ بھێتە ئەنامدان.
زێدەتر د راگەھاندنا وان دا ھاتیە : (وێب سایت دێ لرۆژا ١/٩/٢٠١٧ ھێتە کارانکرن کو تایبەتە ب پرکرنا فورمان بو کوردێن ل دەرڤە کو ئەو ژی لسەر www.khec.krd )

ئەڤرۆ نیوز ، ھلۆری:
ئێڤارە درەنگی یا ئەڤرۆ لسەر رێیا گشتی یا دناڤبەرا قەزا ئاکرێ و ناحیا بجێل حەفت کەس برینداربوون و برینا ھندەک ژ وان گرانە.
دڤی واریدا ئازاد تەھا بەرپرسێ راگەھاندنا ھاتن و چۆنا دھۆکێ بۆ ئەڤرۆ نیوز گۆت: (ئێڤارە درەنگی یا ئەڤرۆ دەوروبەرێن دەمژمێر ٦:٠٠ لسەر رێیا گشتی یا دناڤبەرا قەزا ئاکرێ و ناحیا بجێل حەفت کەس برینداربوون و برینا ھندەک ژ وان گرانە و بو نەخۆشخانەیا تەنگاڤیان ئاکرێ ھاتینە رەوانەکرن)
زێدەتر گۆت: ( روودان ژ جورێ بوویە دناڤبەرا دوو ترومبێلان ، و دخوازین بو سلامەتیا خوە و کەسانێ، دن شوفێر پێگیریەکا تەمام ب رێنمایێن ھاتن و چۆنێ بکەن ژ بەرکو روودان زور بوینە ، و پرانیا روودانان ژی بو بلەز لێخورین و پێگیرنەبوون ب رێنمایێن ھاتن و چۆنێ دھێنە روودان )

ئەڤرۆ نیۆز، عەزیز ھەورامانی:
ب ھەلکەفتا رۆژا جیھانیا لاوان و لژێر درۆشمێ لاوێن کورد ھەردەم پێشەنگن د کەش و ھەوایەکێ خوش و ئارام دا و ب بەرھەڤبوونا ھژمارەکا زور یا گەنج و لاوان ئەڤرۆ رێڤەبەریا ھونەری و رەوشەنبیری یا شارەزوور کونسێرتەکا موزیکێ بو گروپەکێ موزیکژەنێن دەڤەرێ ئەنجامدا.
مەریوان تۆفیق رێڤەبەریا ھونەری و رەوشەنبیری یا شارەزوور ئەڤرۆ نیۆز گوت : (رێڤەبەریا ھونەری و رەوشەنبیری یا شارەزوور ب ھەڤکاری لگەل ناڤەندا وەرزشی و لاوێن شارەزور و رێکخراوا گەشەپێدانا جڤاکی ب ھەلکەفتا رۆژا جیھانیا لاوان کونسێرتەکا موزیکێ بو گرۆپێ موزیکا چامە ئەنجام دا و چەندین ستران و موزیک و ھوزان ھاتنە گوتن و خواندن)

ئەڤرۆ نیوز ، ھلۆری:
ب بەرھەڤبوونا سدقی ئامێدی بریکارێ وەزارەتا ئاڤەدانکرن و نیشتەجێکرنێ و بەھزاد ئادەم جێگرێ پارێزگارێ دھۆک رێڤەبەریا گشتی یا رێک و پرا ل دھوکێ مالباتێن شەھیدان و کومپانیێن پشکداری شەرێ داعش دا کرین خەلاتکرن.
د چارچوڤێ خەلاتکرنا مالباتێن شەھیدان دا مەعسوم ئیبراھیم رێڤەبەرێ رێڤەبەریا گشتی یا رێک و پرا ل دھوکێ گوت : (ھەر ژدەستپێکا پەیدابوونا شەر تیرورستێن داعش تیمێن ئەندازیاری یێن رێک و پرا پشتەڤانیا ھێزێن پێشمەرگەی کریە بو بەرەڤانیکرنێ ژ ئاخا کوردستانێ ئەو ژی ب رێکا چێکرنا چەپەر و سەنگەرا و ڤەکرنا رێکا و لێدانا خەندەکا ، و دماوەیێ بووری شیاینەھزار ٢٢١ سەنگەرا بو پێشمەرگەی چێکەن ، ل گەل لێدانا ٣٤٧کم خەندەکێن بەرەڤانیێ ، و ٣٢١کم رێکان ژی ھاتینە ڤەکرن و سەخبێرکرن و ٤٥٦ کم یێن چەپەرا (ساتر) ھاتینە چێکرن ، ئەڤە زێدەباری چەندین کار و خزمەتکاریێن دی )
زێدەتر گۆت: ( ژئەنجامێ کارکرنێ پێنج فەرمانبەر شەھیدبوینە و ١٥ ژی برینداربوینە ، ژ بەرڤی َل ڤێرە داخوازێ ل ھەموو لایەن دگەین کو ھاریکار و پشتەڤان بن بو سەرئێخستنا پروسا ریفراندومێ )
ل دوماھیێ خەلاتێن رێزلێینانێ ل سەر مالباتێن شەھید و بریندار و ٣٩کومپانیێن ھاریکاریا پێشمەرگەی کرین ھاتنە بەلافکرن.