ئەڤرۆ نیوز ، ھلوری:

کومسیونا بلند یا سەربخویا ھەلبژاردن و راپرسێ یا حکومەتا ھەرێما کوردستانێ د راگەھاندنەکێ دا کو دانەیەک بو ئەڤرۆ نیوز ھنارتیە تێدا دخوازیت کو ھەموو ئەو کوردێن ل دەڤە ل رۆژا ١/٩/٢٠١٧ ھەتاکو رۆژا ٧/٩/٢٠١٧ سەرەدانا وێب سایتێ فەرمی یێ کومسیوونا بلند یا ھەلبژاردن و راپرسێ یا ھەرێما کوردستانێ بکەن بو تومارکرنا ناڤێن خوە بو دەنگدان لسەر ریفراندۆوما ھەرێما کوردستانێ کو وەسا بریارە لرۆژا ٢٥/٩/٢٠١٧ بھێتە ئەنامدان.
زێدەتر د راگەھاندنا وان دا ھاتیە : (وێب سایت دێ لرۆژا ١/٩/٢٠١٧ ھێتە کارانکرن کو تایبەتە ب پرکرنا فورمان بو کوردێن ل دەرڤە کو ئەو ژی لسەر www.khec.krd )

ئەڤرۆ نیوز ، ھلوری:
کومسیونا بلند یا سەربخویا ھەلبژاردن و راپرسێ یا حکومەتا ھەرێما کوردستانێ د راگەھاندنەکێ دا کو دانەیەک بو ئەڤرۆ نیوز ھنارتیە تێدا دخوازیت کو ھەموو ئەو کوردێن ل دەڤە ل رۆژا ١/٩/٢٠١٧ ھەتاکو رۆژا ٧/٩/٢٠١٧ سەرەدانا وێب سایتێ فەرمی یێ کومسیوونا بلند یا ھەلبژاردن و راپرسێ یا ھەرێما کوردستانێ بکەن بو تومارکرنا ناڤێن خوە بو دەنگدان لسەر ریفراندۆوما ھەرێما کوردستانێ کو وەسا بریارە لرۆژا ٢٥/٩/٢٠١٧ بھێتە ئەنامدان.
زێدەتر د راگەھاندنا وان دا ھاتیە : (وێب سایت دێ لرۆژا ١/٩/٢٠١٧ ھێتە کارانکرن کو تایبەتە ب پرکرنا فورمان بو کوردێن ل دەرڤە کو ئەو ژی لسەر www.khec.krd )

ئەڤرۆ نیوز ، ھلۆری:
ئێڤارە درەنگی یا ئەڤرۆ لسەر رێیا گشتی یا دناڤبەرا قەزا ئاکرێ و ناحیا بجێل حەفت کەس برینداربوون و برینا ھندەک ژ وان گرانە.
دڤی واریدا ئازاد تەھا بەرپرسێ راگەھاندنا ھاتن و چۆنا دھۆکێ بۆ ئەڤرۆ نیوز گۆت: (ئێڤارە درەنگی یا ئەڤرۆ دەوروبەرێن دەمژمێر ٦:٠٠ لسەر رێیا گشتی یا دناڤبەرا قەزا ئاکرێ و ناحیا بجێل حەفت کەس برینداربوون و برینا ھندەک ژ وان گرانە و بو نەخۆشخانەیا تەنگاڤیان ئاکرێ ھاتینە رەوانەکرن)
زێدەتر گۆت: ( روودان ژ جورێ بوویە دناڤبەرا دوو ترومبێلان ، و دخوازین بو سلامەتیا خوە و کەسانێ، دن شوفێر پێگیریەکا تەمام ب رێنمایێن ھاتن و چۆنێ بکەن ژ بەرکو روودان زور بوینە ، و پرانیا روودانان ژی بو بلەز لێخورین و پێگیرنەبوون ب رێنمایێن ھاتن و چۆنێ دھێنە روودان )

ئەڤرۆ نیۆز، عەزیز ھەورامانی:
ب ھەلکەفتا رۆژا جیھانیا لاوان و لژێر درۆشمێ لاوێن کورد ھەردەم پێشەنگن د کەش و ھەوایەکێ خوش و ئارام دا و ب بەرھەڤبوونا ھژمارەکا زور یا گەنج و لاوان ئەڤرۆ رێڤەبەریا ھونەری و رەوشەنبیری یا شارەزوور کونسێرتەکا موزیکێ بو گروپەکێ موزیکژەنێن دەڤەرێ ئەنجامدا.
مەریوان تۆفیق رێڤەبەریا ھونەری و رەوشەنبیری یا شارەزوور ئەڤرۆ نیۆز گوت : (رێڤەبەریا ھونەری و رەوشەنبیری یا شارەزوور ب ھەڤکاری لگەل ناڤەندا وەرزشی و لاوێن شارەزور و رێکخراوا گەشەپێدانا جڤاکی ب ھەلکەفتا رۆژا جیھانیا لاوان کونسێرتەکا موزیکێ بو گرۆپێ موزیکا چامە ئەنجام دا و چەندین ستران و موزیک و ھوزان ھاتنە گوتن و خواندن)

ئەڤرۆ نیوز ، ھلۆری:
ب بەرھەڤبوونا سدقی ئامێدی بریکارێ وەزارەتا ئاڤەدانکرن و نیشتەجێکرنێ و بەھزاد ئادەم جێگرێ پارێزگارێ دھۆک رێڤەبەریا گشتی یا رێک و پرا ل دھوکێ مالباتێن شەھیدان و کومپانیێن پشکداری شەرێ داعش دا کرین خەلاتکرن.
د چارچوڤێ خەلاتکرنا مالباتێن شەھیدان دا مەعسوم ئیبراھیم رێڤەبەرێ رێڤەبەریا گشتی یا رێک و پرا ل دھوکێ گوت : (ھەر ژدەستپێکا پەیدابوونا شەر تیرورستێن داعش تیمێن ئەندازیاری یێن رێک و پرا پشتەڤانیا ھێزێن پێشمەرگەی کریە بو بەرەڤانیکرنێ ژ ئاخا کوردستانێ ئەو ژی ب رێکا چێکرنا چەپەر و سەنگەرا و ڤەکرنا رێکا و لێدانا خەندەکا ، و دماوەیێ بووری شیاینەھزار ٢٢١ سەنگەرا بو پێشمەرگەی چێکەن ، ل گەل لێدانا ٣٤٧کم خەندەکێن بەرەڤانیێ ، و ٣٢١کم رێکان ژی ھاتینە ڤەکرن و سەخبێرکرن و ٤٥٦ کم یێن چەپەرا (ساتر) ھاتینە چێکرن ، ئەڤە زێدەباری چەندین کار و خزمەتکاریێن دی )
زێدەتر گۆت: ( ژئەنجامێ کارکرنێ پێنج فەرمانبەر شەھیدبوینە و ١٥ ژی برینداربوینە ، ژ بەرڤی َل ڤێرە داخوازێ ل ھەموو لایەن دگەین کو ھاریکار و پشتەڤان بن بو سەرئێخستنا پروسا ریفراندومێ )
ل دوماھیێ خەلاتێن رێزلێینانێ ل سەر مالباتێن شەھید و بریندار و ٣٩کومپانیێن ھاریکاریا پێشمەرگەی کرین ھاتنە بەلافکرن.

ئەڤرۆ نیوز ، ھلوری:
دەمەک بەریا نھا دناڤا سەنتەرێ باژێرێ ھەولێر ترومبێلەکا بارھەلگرل گەل خێزانەکێ لێکدا و د ئەنجام دا ھەموو ئەندامێن ئەوێ خێزانێ گیانێ خوە ژ دەست دا.
دڤی واریدا فازل حاجی ئاخفتنکەرێ ھاتن و چوونا ھەولێر بو ئەڤرۆ نیوز گۆت: ( ئەڤ شەڤە نێزیکێ دەمژمێر ١٠:٠٠ ترومبێلەکا بارھەلگر ل گەل خێزانەکێ کو ژ پێنج کەسان پێکدھاتن لێکدا و دئەنجام دا ھەمووان گیانێ خوە ژ دەست دا کو ژ سێ زاروک و ژن و زەلامەکێ پێکدھاتن )
زێدەتر گۆت: (روودان ل لسەر جاددا کورنیش روودایە ، نھا شوفێرێ بارھەلگرێ رەڤیە و پولیس ژی دوڤچووونێ لسەر لێگەریانا وی دکەن)

ئەڤرۆ نیوز ، نەوزاد ھلۆری:
پشتی نیڤرویا ئەڤرۆ فروکێن شەرکەرێن تورکیا ئەسمانێ ھەرێما کوردستانێ بەزاند و دەڤەرا سنووری یا قەزا ئامێدیێ و ناحیا کانی ماسێ بوردومانکر و د ئەنجامدا وەلاتیەک برینداربوو و دوو ترومبێل ژی ب تەمامی سووتن.
دڤی واریدا رۆژنامەڤان ئەحمەد ئەدنی ل دەڤەرا بەرواری بالا بو ئەڤرۆ نیوز گۆت: ( پشتی نیڤرویا ئەڤرۆ فروکێن شەرکەرێن تورکیا دوو ترومبێلێن وەلاتیێن زاخو کو ب مەرەما راڤەکرنا ماسیان قەستا نێزیک پرا بالوکان کربوو کرنە ئارمانج و د ئەنجام دا وەلاتیەک بریندارکر و ھەردوو ترومبێلێن وان ژی ب تەمامەتی سووتن)
زێدەتر گۆت: ( خوشبەختانە بتنێ وەلاتیەک ل نێزیک ترومبێلان بوو ، پشتی چوار دەمژمێران ل برینداربونا وی کەسی بو نەخوشخانێ ل ناحیا کانی ماسێ دھێتە ڤەگوھاستن و دوڤدا بو نەخوشخانا تەنگاڤیان ل زاخو)

دھێتە زانین کو ل سالا ٢٠١١ ژی فروکێن تورکیا پرا بالوکان ئێخست بوو

ئەڤرۆ دەمژمێر 6:00 دێ ئەنجامێن رێزا 12ێ ئامادەیی ھێنە ئاگەھاندن

ئەڤرۆ نیوز ، ھلۆری:
دھێتە چاڤەرێکرن کو ئەڤرۆ ئەنجامێن رێزا 12ێ ئامادەیی بھێنە راگەھاندن و ئەڤرۆ نیوز ژی دەمژمێر سفرا راگەھاندنا ئەنجامێن تاقیکرنێن رێزا 12ێ ئامادەیی ئاشکرا دکەت.
وەسا بریارە کو ئەڤرۆ وەزارەتا پەروەردێ یا حکومەتا ھەرێما کوردستانێ د کونگرەیەکێ رۆژنامەڤانی دا ل دەمژمێر 6:00ێ ئێڤاری ل ئوتێلا دیڤان ل ھەولێر ئەنجامێن تاقیکرنێن رێزا 12ێ ئامادەیی ژلایێ وەزیرێ پەروەردێ پشتیوان سادق رابگەھینیت، و دوڤدا قوتابی دشێن ب رێیا مالپەرێ ئەزموون ئەنجامێن خوە ل دەمژمێر 7:00ێ ئێڤاری وەربگرن.