ئەڤرۆنیۆز، سالار دۆسکی:

نەجیبا نەجیب، ئەنداما کورد ژ فراکسیۆنا پارتی دیموکراتی کوردستان، بۆ مالپەرێ ئەڤرۆ نیۆز ئاشکراکر کو حوکمەتا عیراقێ چو پەیڤدارێن کورد نین و دیسان پەیچێن کوردی ژی نین یێن حوکمەتێ کو خەلکێ کوردستانێ ئاگەهـ ژ کار و بزاڤێن حوکمەتێ ھەبیت و گۆت: “عەقلیەتا حوکمەتا عیراقێ یە پتر ژ 10 سالانە ب دروستی ھەڤپشکیێ قەبوول ناکەت، بیر و باوەر ل سەر پێکئینانا حوکمەتا بڤی رەنگی نینە، ئەڤە باشترین نموونەیە”.
نەجیب ھێشتا گۆت: “خوش ھزرە و ب ژڤان ڤێ چەندێ ل پەرلەمانی بەحس بکەم، بابەتەکێ دجھێ خوە دایە و دیست ھەتا نوکە ھزر تێدا نەھاتبیتەکرن، دیسان نڤیسارەکێ ژی بۆ سەرۆکاتیا وەزیران ھنێرین ل سەر ڤێ چەندێ”.
ھەڤدەم، د.عەبدولحەمید باڤی ئەندامێ بەرێ یێ پەرلەمانێ عیراقێ ل دۆر ھەمان مژار بۆ ئەڤرۆ نیۆز گۆت: “حوکمەتا عیراقێ ل دووڤ دەستوری حوکمەتەکا ئتيحادیە، ڤێت پێک بھێت ژ حوکمەتێن ھەرێما و دیسات ژ نوو حوکمەتەکا ئێکگرتی پێک بھێت چاڤدێری و ھەفکاریێ ھەبیت دناڤبەرا ھەرێمان دا و ب تنێ ھەرێما کوردستانێ ھەیە و پێشتر سونان ھەرێم قەبوول نەدکرن ھەرێم ھەبن چونکە وەک خەونەکێ بوو دەست ھەلات ژ دەستی دەرکەڤیت، پشتی سونە ھاتین و دەست ھەلات کەفتیە دەستی ئێدی ئەو قەبوول ناکەن چو ھەرێم بھێنە ئاڤاکرن”.
عەبدولحەمید باڤی ھێشتا گۆت: “کورد ھزر دکەن حوکمەتا عیراقێ فیدرالی یە، پارێزگەھێن دیێن عیراقێ ھەست پێ دکەن حوکمەتێن نافخوەیی ھەنە و ئەڤە بابەتەکێ تێکەلە، خولێن بوری مە گەلەک داکوکی ل سەر چێبوونا قانوونەکێ دکر کو دەستەھەلاتێن حوکمەتا فیدرالی دیارکربانە و یا جودا ب ژ حوکمەتێن نافخوەیی، ژ بەر ڤێ یەکێ ھەست پێ دھێـەکرن کو حوکمەتا بەغدا یا سونە و شیعانە راستە کورد پشکدارن لێ پتر دھێـە دیتن یا نافخوەیی، پتر عەرەبن و لەوما پەیڤدار عەرەبن و بەرامبەر قانوون نەرێگرە پەیڤدارەکێ کورد ژی ھەبیت”.
ھەمان ئەندامێ بەرێ یێ پەرلەمانی گۆت: چو دەستھەلات حوکمەتا بەغدا د دەستێ نوونەرێن کوردان دا نینە و ھەموو دەستێ شیعان دایە و تشتێ دڤێت وی دگەھینن، دیسان دڤیابا حوکمەتا ئتاتحادی یا بتنێ چەند وەزارەتەک بانە و حوکمەتێن ھەرێمی ھەبانە وەک ھەرێمێ، ل دووڤ مادێ ١١٠ دەستوری ئەو چەند وەزارەت دا چاڤدێریێ کەن و ھەر نەتەوە و پێکھاتەکی دا حوکمەتا خوە ھەبیت و نوکە ئەڤە ھەموو تێکەل بووینە و پتر گرێدایی پێکھاتێ عەرەبە لەوما بتنێ پەیڤدار عەرەب بووینە.

1 of 3

ئه‌ڤرۆ نیوز:

ئەڤرۆ نیوز:
د ڤێ جیھانێ دا و ل سەر دەمێ لەزاتیێ، وەستیان و دودلی پارچەکن ژ ژیانا پرانیا خەلکی پارچە نابن. سەرەرای کو وەستیان و کەرخین یێن بووینە نیشانێن بەربەلاڤ کو ھەمی مرۆڤ گازندان ژێ دکەن، ھەکە تە بەردەوام ھەست ب وەستیانێ کر بەس دێ ھزر د بێھنڤەدانێ دا کەی، دبیت تە ئاریشەکا ساخلەمی ھەبیت.
ل دووڤ گۆتنا نۆشداران گەلەک ئاریشێن ساخلەمیێن بنەرەتی یێن ھەین کو گرێدای ھەستکرنا بەردەوام ب وەستیانێ ڤە و یێن ژ ھەمیان بەربەلاڤتر:
کێمبوونا ئاسنێ یان ھەژاریا خوینێ تشتێن ئێکێ نە کو نۆشدار پشکنینێ بۆ دکەت. کێمبوونا ئاسنێ د ناڤ سیستەمێ خوارنێ دا دبیتە ئەگەرێ کەرخینێ. ھەژاریا خوینێ ژی نەخۆشیا ژ ھەمیان بەربەلاڤترە د ناڤ ژن و زەلامان دا وەکو ئێک و پتر یا ل نک کچێن گەنج و ژنان دا یا ھەی ژ بەر عادا ھەیڤانە زێدەباری خوارنەکا کێم کەرستێن ب مفا.
وەستیانا دۆمدرێژ (CFS): ئەڤە نەخۆشیەکا دی یا بەربەلاڤە کو وەدکەت مرۆڤ ھەست بکەت کو یێ بێ تێھن و شیانە. ھەمی دەمان نەخۆش ھەست ب وەستیانێ دکەن سەرەرای کو تێر دنڤیت ژی و تێر بێھنا خوە ڤەددەت، ھندەک ژ ئەگەرێن وێ ژی نەبوونا بەلانسێ ھورمۆنانە کو نەخۆشیەکا ڤایرۆسیە، نزمبوونا بەرھنگاریێ و نەئارامیێ. چارەکرن ژی ژ نەخۆشەکی بۆ یێ دی یا جودایە کو کۆمەکا مەزن یا دەرمان و ڤیتامیناتان بخوەڤە دگریت.
گوھۆرینا ئاستێ شەکرێ د ناڤ خوینێ دا: دبیت نەخۆشێن شەکرێ نیشانێن جودا ھەبن بەلێ ھەمی ھەست وەستیانێ و لاوازبوونێ دکەن. ژ نیشانێن دی ژی ئەوە کو گەلەک جاران قەستا دەستاڤێ دکەن و ھەست ب تێھنیبوونێ دکەن.
ھەستکرن ب خەمۆکیێ و دودلیێ: ئەڤە ژی ھەستکرنا ب وەستیانێ پەیدا دکەت، زێدەباری نیشانێن دی، یێ دودل نەبە و سەرەدانا شارەزایێن ساخلەمیا دەروونی بکە دا دەرمانێن پێدڤی وەرگری.

ئه‌ڤرۆ نيوز:

ره‌وشا دراڤى ل بازارێن پاره‌گوهۆڕان ل پارێزگه‌ها دهۆكێ ئه‌ڤرۆ رۆژا شه‌مبى رێكه‌فتى 27ى خزيرانا 2015ێ ب ڤى ره‌نگێ ل خوارێ يه‌:

بۆ زانينا دووماهى پێزانينێ ل ره‌وشا دراڤى ل بازارێن دهۆكێ سه‌ره‌دانا مالپه‌رێ ئه‌ڤرۆ نيوز بكه‌.

ئه‌ڤرۆ نیۆز، سالار دۆسكى:

ل دووڤ راپورتێن وه‌زاره‌تا په‌روه‌ردێ ل حوكمه‌تا هه‌رێما كوردستانێ، ئه‌ڤ ساله‌ ل تاقیكرنێن نشتیمانى و ئاماده‌یى یێن دووماهیا سالێ، قوپیا ئانكو غش بۆ هه‌موو جوران و تایبه‌ت بلوتوسى ل سه‌رانسه‌رى هه‌رێما كوردستانێ هاتیه‌كرن، د دوڤچوونه‌كا ئه‌ڤرۆ نیۆز دا و بێ دیاربوونا هه‌ژمارێ پارێزگه‌ها دهۆكێ ژى یا بێ به‌رهرنه‌بوویه‌ ژڤێ چه‌ندێ.
خوشید یه‌حیا سه‌لیم هاریكارێ رێڤه‌به‌رێ گشتیێ په‌روه‌ردێ ل پارێزگه‌ها دهۆكێ نووچێ ئه‌نجامدانا كریارا قوپیایێ ل دهۆكى، بۆ مالپه‌رێ ئه‌ڤرۆ نیۆز پشست راست دكه‌ت و گۆت: رێڤه‌به‌رێ گشتیێ په‌روه‌ردێ ژى ژێ خواستیه‌ هه‌ژمارا ئه‌وان قوتابیان بهێته‌دیاركرن كو یێن ئه‌ڤ ساله‌ قوپیاكرین ل تاقیكرنان و مه‌ داخاز ژ په‌روه‌ردێن قه‌زا كریه‌ بۆ په‌روه‌ردا گشتى ئه‌و هه‌ژمار بهێته‌ هنارتن.
خورشید یه‌حیا هاریكارێ رێڤه‌به‌رێ گشتیێ په‌روه‌دێ ل پارێزگه‌هێ هێشتا گۆت: ئه‌ڤ ساله‌ قوپیا هه‌بوویه‌ وه‌ك هه‌موو سالا، دیسان یێن بلوتوسى زێده‌ هه‌بووینه‌.
هه‌ڤده‌م وه‌زاره‌تا په‌روه‌ردێ ل بازرگانیكرن ب پرسیارێن دووماهیا سالێ لژنه‌كا پێكئینایه‌ بۆ دوڤچوونا بابه‌تى و دیسان پێشتر ژى راگه‌هاندبوو كو ل هه‌موو پارێزگه‌هێن هه‌رێمێ ئه‌نجامده‌رێن قوپیایێ هاتینه‌ ده‌سته‌ سه‌ركرن.

ئه‌ڤرۆ نیوز:

بریاره‌ ئه‌ڤرۆ رۆژا ئه‌ینى ، 25 ملیون لترێن پانزینا ئیماراتى بگه‌هته‌ هه‌رێما كوردستانێ، د.شێركو جه‌دوه‌ت سه‌رۆكێ لژنا پیشه‌سازى و سامانێن سروشتى ل په‌رله‌مانێ كوردستانێ راگه‌هاند: ب گوتنا وه‌زاره‌تا سامانێن سروشتى ئه‌ڤرۆ دێ 25 ملیون لترێن پانزینێ گه‌هنه‌ هه‌رێما كوردستانێ و گۆت: ره‌نگه‌ ب گه‌هشتنا ڤێ پانزینێ چه‌ند رۆژان كاریگه‌رى ل سه‌ر چاره‌كرنا قه‌یرانێ هه‌بیت، به‌لێ دڤێت پلانه‌ك هه‌بیت بۆ پشتى گه‌هشتنا ڤان 25 ملیون لترا.