ئەڤرۆ نیوز:
یاریزانێ کورد و ھەلبژارتیێ عیراقێ و کابتنێ یانا سانتا کلارا یا پورتوگالی ئوسامە رەشید سەرکێشیا یانا خوە کر بوو سەرکەفتنەکا گرنگ د یاریا تیما خوە یا ئەڤرۆ دا ل سەر یانا توندیلا ب سێ گولان بەرامبەر گولەکێ ژ چارچوڤێ یاریێن گەرا ٣٢ ژ خولا پورتوگال یا پلا نایاب کو دوێ یاریێ دا وی یاریزانێ کورد شیا دو گولان بوو یانا خوە توماربکەت و تیما خوە بەر ب سەرکەفتنا یازدێ ببەت ل وەرزێ ئەڤ سالە و خالێن سانتا کلارا گەھشتنە ٤١ خالان ل رێزا ھەشتێ دھێت دخولا پورتوگال دا .
ھەژی گوتنێ یە ئوسامە رەشید خەلکێ ھەرێما کوردستانێ یە بەری نوکە یاری بوو ھەلبژارتیێ کوردستانێ ژی کریە و نوکە یاریزانێ ھەلبژارتیێ عیراقێ یە ل وەرزێ ئەڤ سالە پشکداری د ٢٣ یاریان دا کریە دخولا پلا نایاب یا پورتوگال دا و شیا حەفت گولان توماربکەت و ھەشت گولان ژی بوو ھەڤالێن خوە بەرھەڤبکەت .

https://www.youtube.com/watch?v=6bHhRDn4l1c

ئەڤرۆ نیوز:
رۆژی بوو رۆژێ بازارێ ڤەگوھاستنا ستێرا گەنچ یا پورتوگالی و یانا بەنفیکا جواو فیلکیس گەرم دبیت و زێدەتر لێ دھێت کو نوکە ئەو یاریزانێ ١٩ سالی بوویە ئارمانجا زوربەیا یانێن مەزن ل سەر ئاستێ ئورۆپا لێ دووماھیی راپورتا رۆژنامەڤانی ل ئورۆپا یانا مانچێستەر سیتی ب ھێز ھاتە دناڤ ھەڤرکیا دەستڤە ئینانا ئەڤی یاریزانی دا و کوژمەکێ مەزن یێ پارەی بوو ڤەگوھاستنا ئەوی تەرخانکریە.
مالپەرێ کاتشو مێرکاتو یێ ئیتالی دیارکریە یانا مانچێستەر سیتی ل سەر داخوازیا راھێنەرێ خوە ب جدی ھاتیە سەر ھەڤرکیا دەست ڤە ئینانا فیلیکس ژ یانا بەنفیکا و بەرھەڤیا خوە دیارکریە ب تمامی بھایێ ھەلوەشاندنا ئەوی یاریزانی پێشکێشی یانا ئەوی بکەت کو د گەھیتە ١٢٠ ملیون یورۆیا بەرامبەر ڤەگوھاستنا ئەوی یاریزانی بدەت ل مێرکاتویا ھاڤینا بھێت کو ھەتا نوکە چ یانێن دی ئەوێن ھەڤرکیا ب دەستڤە ئینانا ئەوی دکەن ئەو کوژمێ پارەی تەرخان نەکریە .

ئەڤرۆ نیوز،ھەژار مەعروف:

ئێکەتیا تەپا پێ یا فیفا ئەڤرۆ ل سەر مالپەرێ خوە یێ تایبەت دووماھیی رێزبەندا ھەیڤانە ل سەر ئاستێ ھەلبژارتیان بەلاڤەکر کو ھەلبژارتیێن ئورۆپا کونترولا ١٠ رێزبەندێن دەستپێکێ کریە کو سەرجەمێ ١٠ ھەلبژارتیێن دەستپێکێ ھەشت ھەلبژارتیێن ئورۆپی نە و ھەلبژارتیێ بەلجیکا ل سەرێ لیستەیا ھەلبژارتیێن جیھانێ دھێت ب ١٧٣٧ خالان و پاش قارەمانا موندیالا ٢٠١٨ ھەلبژارتیێ فرەنسا ل رێزا دوێ دھێت ١٧٣٤ خالان و ھەلبژارتیێ بەرازیل ل رێزا سیێ دھێت ١٦٧٦ خالان .
ل سەر ئاستێ کێشوارێ ئورۆپا ھەلبژارتیێ بەلجیکا وەکو دیار سەرکێشیا ئێکێ یا جیھانێ دھێت
ل سەر ئاستێ کێشوارێ ئەمریکا باشور ، بەرازیل ل رێزا ئێکێ دھێت
ل سەر ئاستێ کێشوارێ ئەمریکا دەڤەرا کونکاکاڤ ھەلبژارتیێ مەکسیک کو ل رێزبەندیا ١٨ یا جیھانێ و ئێکێ یا وی کیشواری دھێت
ل سەر ئاستێ کێشوارێ ئاسیا ھەلبژارتیێ ئیران ل رێزا ئێکێ دھێت ل رێزبەندیا ٢١ ل جیھانێ
ل سەر ئاستێ کێشوارێ ئەفریقا ھەلبژارتیێ سنگال ل رێزا ئێکێ دھێت ل رێزبەندیا ٢٣ ل جیھانێ
ژلایەکێ دیڤە ھەلبژارتیێ عیراقێ چار رێزا پێشڤە چوو پشتی ل دو یاریێن خوە یێن قارەمانیا ئاشتی ل باژێرێ بەسرا ل یاریێن فیفا دەی شیای سەرکەفتنێ ل سەر سوریا و ئوردون توماربکەت و پێشڤە چو رێزبەندیا ٧٦ ل جیھانێ .
ئەڤە ژی وێنەیێ رێزبەندیا ھەلبژارتیێن ڤێ ھەیڤێ یە ل سەر ئاستێ رێزبەندیا جیھانێ یا فیفا

رێزبەندیا ھەر ٩ ھەلبژارتیێن ئاسیا یێن ڤێ ھەیڤێ 

ئەڤرۆ نیوز:
ستێرا فرەنسی و یانا ئەرسینال یا بەری نوکە روبرت پیرس دیارکر وەلاتی یێ وی و ستێرا گەنچ یا پاریس سانجێرمان کیلیان مپابێ دێ ل نێزیک بیتە یاریزانێ یانا ریال مەدرید .
زێدەتر پیرس بۆ رۆژناما موندو دیپورتیڤ یا ئیسپانی ئاشکراکریە ئەو دبینت مباپێ یێ بەرھەڤە بوو چوونا یانا ریال مەدرید و ھەموو خالێن سەرکەفتنێ ل دەڤ ئەوی یاریزانی ھەنە وەکو ھەر ستێرەکا بەرنیاس بیت بوو چەندین سالان ل گەل وێ یانا مەلەکی و سەرکێشیا ئەوان بکەت بوو برنا ناسناڤێن نافخوی و ئورۆپی ژبەرکو نوکە د باشترین رەوشا خوە دایە ھەردیسان ل ماوێ چەند بھێت دێ پێشکەفتنەکا باشتر ب خوڤە بینت.
زێدەتر ئەوی یاریزانێ ئەرسینال دیارکر ژی ھەکە مباپێ ل ھاڤینا بھێت پەیوەندی ب یانا ریال مەدرید نەکر ئەو یێ باوەرە ل وەرزێ دیڤدا ئەو یاریزان ١٠٠% دێ بیتە یاریزانێ یانا ریال مەدرید ژبەرکو وێ یانێ و یاریزانی ژی حەز ل سەر ئێک ھەیە .
سەبارەت چوونا ریال مەدرید یان مانا وی ل پاریس باشترە ناڤبری دیارکر بێ گومان کرنا یاریێ ل یانەکا وەکو ریال مەدرید بوو وی یاریزانی دێ پتر دەلیڤە ھەبیت بشێت ھەڤرکیێ ل سەر باشترینێ جیھانێ بکەت و کرنا یاری ل یانەکا وەکو ریال مەدرید گەلەک یاریزان خەونا پێڤە دبینن.

ئەڤرۆ نیوز:
یانا پاریس سانجێرمان ژ ترسا دەستدانا ستێرا خوە یا گەنچ یا فرەنسی مباپێ ل ھاڤینا بھێت بوو چوونا وی ل یانا ریال مەدرید ئەوێ یانا فرەنسی ھزر ل وێ چەندێ کریە موچەیەکێ گەلەک مەزنتر ژ یێ نوکە پێشکێشی وی یاریزانێ خوە بکەن بوو وێ چەندێ رازی بیت ب مینتە ل گەل یانێ.
رۆژناما مارکا ئیسپانی ئاشکراکریە سەرۆکێ یانا پاریس ناسر خلیفە بەرھەڤیا خوە دیارکریە کو موچەیێ مباپێ ژ ١٨ ملیون یورۆیا بکەتە ٤٠ ملیون یورۆ بۆ سالانە بتنێ ژ بوو وێ چەندێ ئەو یاریزان ھزرا چوونا ریال مەدرید نەکەتە ڤە .
ئەوێ رۆژنامێ ئاشکراکریە ژی مباپێ نوکە بوویە ئارمانجا سەرەکی یا ریال مەدرید بوو ڤەگوھاستنێن ھاڤینا بھێت تایبەت پشتی ھاتنا زێدان کو وی راھێنەری ب ناڤ ئەو یاریزان ژ سەرۆکێ یانێ داخوازکری ب زیترین دەم دەست ب دانوستاندنان بکەن ل گەل وی یاریزانی و یانا پاریس بوو ھەلوەشاندنا ھەڤبەستا ئەوی یاریزانی .

ئەڤرۆ نیوز:
ئێکەتیا تەپا پێ یا ھەرێما کوردستانێ د دووماھیی کومبوونا خوە دا راھێنەرێ لاوێن یانا دھۆک شڤان حاجی ئەوێ بەری چەند رۆژان دەست ژ پوستێ راھێنەریا لاوێن یانا دھۆک بەردەی ب فەرمی وەکو ھاریکارێ راھێنەرێ لاوێن ھەلبژارتیێ کوردستانێ دەست نیشانکر .
ئێکەتیا تەپا پێ ل سەر مالپەرێ خوە یێ فەرمی راگەھاندی یە ل سەر داخازیا راھێنەرێ ئێکێ یێ ھەلبژارتیێ لاوێن کوردستانێ ئەرسەلان قادار راھێنەرێ لاوێن یانا دھۆک شڤان حاجی وەکو ھاریکارێ وی دەست نیشانکر بوو پشکداری کرن د قارەمانیا نەرویچ کامپ ئەوا سالانە ل باژێرێ ئوسلو یێ نەرویجی دھێتەکرن ل سەر ئاستێ تیمێن لاوان و تازە پێگەھشتیان.
ھەژی گوتنێ یە شڤان حاجی دھێتە ھژمارتن ئێک ژ بەرنیاسترین راھێنەران ل سەر ئاستێ پارێزگەھا دھۆکێ تایبەت ل سەر ئاستێ لاوان کو ل گەل ھەردو یانێن دھۆک و زێرەڤانی شیا ناسناڤێ خۆلا لاوان یێ کوردستانێ ب دەستخوڤە بینت کو دووماھیی جار ل وەرزێ بوری بوو ل گەل لاوێن یانا دھۆک