ئه‌ڤرۆ، زنار زوبێر:

راهێنه‌رێ‌ تیما فوتسالا ئافره‌تێن دهۆك دیاركر وه‌رزی بوری یێ‌ خولا هه‌رێما كوردستانێ‌ ب ساناهی نه‌بوو هه‌تا دووماهی یاری ژی هه‌ڤركی یا بهێزبوو دیسان سه‌ره‌ده‌ری ل گه‌ل یاریزانێن ستێر ژی پێدڤی ب شیانایه‌ و هه‌كه‌ كارگێری پشته‌ڤانێ‌ راهێنه‌ری نه‌بیت نه‌شێت ناسناڤ بۆ یانێ‌ بینیت.

زێده‌تر ئه‌حمه‌د حسێن د دیداره‌كا تایبه‌ت دا بۆ رۆژناما ئه‌ڤرۆ گۆت: باشترین پێكهاتی به‌رده‌ستێ‌ من هاتبوو به‌رهه‌ڤكرن ژلایێ‌ كارگێریا یانێ‌ ڤه‌ لێ‌ یا بساناهی نینه‌ بشێی سه‌ره‌ده‌ریێ‌ دگه‌ل تیمه‌كا ڤی شێوه‌ی بكه‌ی ژبه‌ركو ئارمانجا یانێ‌ ئه‌وبوو ناسناڤی وه‌رزێ‌ بوری یێ‌ خولا هه‌رێما كوردستانێ‌ ڤێ‌ چه‌ندێ‌ ژی ئه‌و ل گه‌ل ده‌سته‌یا راهێنه‌رێن تیمێ‌ ژێر گڤاشتنه‌كا به‌رپرسیاریێ‌ دا بوون و زه‌حمه‌ته‌كا مه‌زن دیت هه‌تا كو ناسناڤێ‌ خولێ‌ ده‌ستڤه‌ ئینای ژبه‌ركو سه‌ره‌ده‌ری ل گه‌ل كومه‌كا یاریزانێن ستێر پێدڤی ب شیان و كه‌سایه‌تی و سه‌ره‌ده‌ریه‌كا ده‌رونی یا تایبه‌ته‌.

نافهاتی ئه‌وچه‌نده‌ ژی گۆت: گه‌له‌ك تیم ل سالێن بوری هه‌بووینه‌ كوژمێن مه‌زن پاره‌ی مه‌زاختینه‌ و چه‌ندین ستێر ل خوه‌ كومكرینه‌ و پیشه‌كار ژی ژده‌رڤه‌ی وه‌لاتی ئیناینه‌ لێ‌ نه‌شیاینه‌ ناسناڤی ب ده‌ستخوه‌ڤه‌ بینن به‌رامبه‌ر ڤێ‌ چه‌ندێ‌ تیما مه‌ ئێكگرتی بوو دیسان كارگێریا یانێ‌ پشته‌ڤانێ‌ سه‌ره‌كی راهێنه‌ری بوون له‌ورا شیاین ناسناڤێ‌ فوتسالێ‌ ڤه‌گه‌رینه‌ پارێزگه‌ها دهۆكێ‌.

ئه‌ڤرۆ نیوز:

سه‌رۆك كومارێ ئیرانێ راگه‌هاند، وه‌لاتێ وى و ویلایه‌تێن ئێكگرتى دشێن پێكڤه‌ ڤه‌گه‌رنه‌ سه‌ر رێكه‌فتنا ئه‌تۆمى.

حه‌سه‌ن رۆحانى، سه‌رۆك كومارێ ئیرانێ د كومبوونه‌كێ دا ل گه‌ل حكومه‌تا وه‌لاتێ خۆه‌ راگه‌هاند، وه‌لاتێ وى و ویلایه‌تێن ئێكگرتى یێن ئه‌مریكا دشێن ڤه‌گه‌رنه‌ سه‌ر رێكه‌فتنا ئه‌تۆمى، و ب پابه‌ندبوون ب رێكه‌فتنامێ زوربه‌یا ئاریشان دێ چاره‌سه‌ربن، هه‌روه‌ها پێدڤى یه‌ ئیدارا داهاتى یا ئه‌مریكا قه‌ره‌بویا وێ سیاسه‌تا نه‌دروست بكه‌ت یا ئیدارا پێشتر د چار سالێن بوورى دا ب سه‌ر ئیرانێ دا سه‌پاندى.

حه‌سه‌ن رۆحانى سوپاسییا گه‌لێ ئیرانی ژی كر كو ل ماوه‌یێ سێ سالێن ده‌ربازبووى شیان به‌رگرییێ ل به‌رامبه‌ر وى شه‌رێ ئابوورى بكه‌ن یێ ب سه‌ر وان دا هاتییه‌ سه‌پاندن و گۆت ژی: ئه‌گه‌رێ نه‌ سه‌ركه‌فتنا دۆنالد ترامپ د هه‌لبژارتنێن ئه‌مریكا دا ژ ئه‌گه‌رێ سیاسه‌تا وى یا نه‌دروست و كارێن وى یێن ره‌گه‌زپه‌رستى بوون ل سه‌ر ئاستێ ده‌رڤه‌.

گوت ژی، پێدڤییه‌ ئیدارا بهێت یا ئه‌مریكا كارێن مه‌زن بكه‌ت و خواست ئیدارا نوى ل ده‌ستپێكێ سیاسه‌تێن تره‌مپى به‌رامبه‌رى ئیرانێ شه‌رمزاربكه‌ت.

ئەڤرۆ نیوز:
گەلەک کەس بۆ کێمکرنا کێشا لەشێ خوە شیڤێ ناخون، لێ نۆشدار دبێژن، هەکە دانەکێ خوارنێ نەخۆت دێ زیان گەهیتە ساخلەمیا مرۆڤی.
مالپەرێ سحەتی د بابەتەکێ دا نڤیسیە، خوارنا شیڤێ ب ئاوایەکێ ساخلەم بۆ لەشی یا گرنگە و نابیتە ئەگەرێ قەلەویێ، ب تایبەت هەکە گەلەک شەکر و چەوری تێدا نەبیت.
ژ مفایێن گرنگ یێن خوارنا شیڤێ ئەوە، مادێن خوارنێ یێن گرنگ ددەتە لەشی، کو ب درێژاهیا شەڤێ لەشی چالاک دهێلیت.

هەروەسا نۆشدار ئامۆژگاریان ل خەلکێ دکەن، کو خوارنا نانێ ئێڤاری ژبیر نەکەن، هەروەسا بۆ کێمکرنا لەشی باشترە مرۆڤ کەسکاتی و زەلاتێ و ماسی و خوارنێن پڕۆتینی و ئەو خوارنێن چەوری تێدا نەبن بخون.
دیسان دبێژن ژی، ئەو خوارنێن کالۆریا وان یا زێدە نەخۆن ل گەل شرینیان، ژبەر کو هەڤکار نابن بۆ کێمکرنا کێشا لەشی.

ئه‌ڤرۆ نیوز:

ئه‌ڤرۆ گه‌شتێن ئاسمانی یێن دناڤبه‌را نه‌مسا و هه‌رێما كوردستانێ ده‌ست پێكرن.

لگۆری خشته‌یێ گه‌شتێن ئاسمانی یێن ئه‌ڤرۆ ل فرۆكخانه‌یا هه‌ولێرێ ده‌مژمێر 11:25 خوله‌ك فرۆكه‌یه‌كا هێلا ئاسمانیا نه‌مسا ژ ڤیه‌نا گه‌هشته‌ هه‌ولێرا پایته‌خت.

بریاره‌ هه‌ر ئه‌ڤرۆ گه‌شتێن چوونێ ژ ده‌مژمێر 12:40 خوله‌كان ل فرۆكخانه‌یا هه‌ولێرێ بۆ ڤیه‌نا بهێته‌ ئه‌نجام دان.

پشتی ده‌ستپێكرنا گه‌شتێن ئاسمانی كۆبریا نوكه‌ ب ئه‌گه‌رێ ڤایرۆسێ كوروناێ هاتبوونه‌ راوه‌ستاندن، ئه‌ڤه‌ گه‌شتا ئێكێ یه‌ دهێته‌ ئه‌نجامدان دناڤبه‌را نه‌مسا و هه‌رێما كوردستانێ.

 
ئەڤرۆ نیوز:

وەزارەتا ساخلەمیا دیار کر: شەش تووشبوویێن دی یێن کۆرۆنا یێ ل دەڤەرا گەرمیان هاتنە تۆمار کر، کو سێ ژن، دو زەلام و زارۆیەکێ د ژیێ 9 سالیێ دایە.

هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان و تووشبوویان، شەش تووشبوویێن دی یێن ڤایرۆسێ کۆڕۆنا یێ ل دەڤەرا گەرمیان هاتنە دەست نیشانکرن، سێ ژن د ژیێن ٣٨ و ٢٨ و ٢٠ سالیێ دانە، ل گەل دو زەلامان د ژیێن ٦٤ و ٢٣ سالیێ دا و زارۆیەکێ ٩ سالی، ھەموو بەرکەفتیێن تووشبویێن بەرێنە.
چار تووشبوویی خۆجهێن قەزا کفری نە و دو تووشبوویی خۆجهێن قەزاکەلارن.