ئەڤرۆ نیوز
لگۆری ئامارێن کومسیونا بلندا سەربەخویا هەلبژارتنێن عیراقێ هەتا نها زێدەتری 430 پارتان داخوازی بۆ خۆە تومارکرنێ ل کومسیونێ پێشکێشکرینە، کومسیونێ داخوازیا 128 پارتان رەتکریە و مۆلەت ژی دایە 225پارتان.
دوماهی هاتنا دەمێ تومارکرنا ناڤێ پارت و هەڤپەیمانیان ددەمەکی دایە، دەمێ بڕێڤەچوونا هەلبژارتنان کێمتر ژ پێنج هەیڤان مایە.
ئەڤرۆ نیوز:
کومسیونا بلندا هەلبژارتنێن عیراقێ دەمەکێ نوو بۆ ئەنجامدانا هەلبژارتنێن پێشوەخت پێشنیار دکەت .
میدیایێن عیراقی ژ چەند ژێدەرەکان بەلاڤکرینە، کومسیونا هەلبژارتنان ل عیراقێ د کۆمبوونا خوەیا دوماهیێ دا، هەر سێ سەروکایەتیێن عیراقێ و هێزێن سیاسی ئاگەهدارکرینە، کو بەرهەڤ نینن بۆ ئەنجامدانا هەلبژارتنێن پێشوەخت ل حوزەیرانا ئیسال، بەلکو پشتی هەیڤا ئەیلولێ دێ بەرهەڤ بن، ئەڤ چەندە ژلایێ پشکەکا لایەنێن سیاسی پشتەڤانی لێ دهێتەکرن.
ئاماژە ب وێ چەندێ هاتیەکرن ل چەند رۆژێن بهێت د کۆمبوونەکا نوو دا، دناڤبەرا کومسیونێ و هەر سێ سەرۆکایەتی و هێز و لایەنێن سیاسی هێتە برێڤەبرن بۆ دیارکرنا دەمەکێ نوو بۆ هەلبژارتنێن پێشوەخت.
د دوماهی کۆمبوونا سەرۆکاتیێن عیراقێ دا کو رۆژا دوشەمبێ ب بەرهەڤبوونا نوونەرێ کومسیونێ و نوونەرێ نەتەوەیێن ئێکگرتی ل عیراقێ هاتبووکرن، تەئکید ل سەر سەقایەکێ ئارام بۆ برێڤەچوونا هەلبژارتنێن پاقژ ل عیراقێ.
ئەڤرۆ:
رۆژانە 274 حالەتێن ژێکڤەبوونا هەڤژینان ل عیراقێ دهێتەتومارکرن، دوماهیا سالا بوری زێدەتری هەشت هزار ژێکڤەبوون هاتبوونە تومارکرن.
لگۆری ئامارەکا جڤاتا بلندا دادوەریا عیراقی، ل هەیڤا تشرینا دووێ یا سالابووری 8245 حالەتێن ژێکڤەبوونا هەڤژینان هاتیەتومارکرن، ل چاڤ هەر ئەوێ هەیڤا سالا 2019 حالەتێن ژێکڤەبوونێ زێدەتری 3181 زێدەبووینە.
لگوری ئەوێ ئامارا جڤاتا دادوەریا عیراقی ئاشکرا کری، رۆژانە 274 حالەتێن ژێکڤەبوونێ دهێنە تومارکرن کو د هەر دەمژمێرەکێ دا 11 ژێکڤەبوونێن هەڤژینان دهێنە تومارکرن، کو بلندترن رێژەیە د دیرۆکا عیراقێ دا.
هەروەسا هەیڤا تشرینا دووێ یاسالا 2020 نێزیکی38هزار گرێبەستێن هەڤژینیێ هاتینەتومارکرن، هەمان دهەمان دەمدا، سالا 2019 نێزیکی 25 هزار گرێبەست ل دادگەهان هاتینە تومارکرن.
ئه‌ڤرۆ نیوز:
جڤاتا وه‌زیران ئه‌ڤرۆ دێ ب سه‌رپه‌رشتیا مه‌سرور بارزانی سه‌رۆكێ حكومه‌تا هه‌رێما كوردستانێ بۆ دانوستاندنێ ل سه‌ر سێ مژاران كۆم دبیت.
فه‌رمانگه‌ها میدیا و زانیاریان د راگه‌هاندنه‌كێ دا مژارێن كۆمبوونا ئه‌ڤرۆ یا جڤاتا وه‌زیران ئاشكراكریه ئه‌و ژی مژارێن:
ئەڤرۆ نیوز،عەلی حاجی :
بەرپرسێ رێکخراوا نمونە بۆ خودان پێدڤیێن تایبەت ل زاخۆ بۆ ئەڤرۆ نیوز دیار کر ل دویف وێ پلانا هاتیە دانان بۆ سالا ٢٠٢١ێ بریارە ژمارەیەکا ئامیرەیان ب سەر خودان پێدڤیێن تایبەت دا ل سنورێ ناحی و گوندێن سەر ب قەزا زاخۆ ڤە بەلاڤ بکەن.
زێدەتر نادر یوسڤ گۆت : بۆ قوناغا ئێکێ نێزیکی ٢٠ ئامیرەیان کو پێکهاتی بوون ژ عەرەبانە و گولتەیان ب سەر ٢٠ خودان پێدڤیێن تایبەت دا ل سنورێ ناحیا دەرکارێ دا بەلاڤ کرن و ئەو ئامیرە ژی ژلایێ کەسایەتی و سەرمایەدارێن زاخۆ ڤە هات بوونە دابین کرن،بۆ قوناغا دووف دا ژی هەر دێ ل ناحیێن رزگاری و باتیفا ئامیرە هێن بەلاڤ کرن، ژبەر کو ئەو دێ بۆ ئەڤ سالە زووما خوە ئێخنە سەر گوند و ناحیێن سەر ب قەزا زاخۆ ڤە و ناخازین زێدەتر زووما وان سەر سەنتەرێ باژێری بیت و هەر د پلانا وان دایە د ئەڤ سالە دا نێزیکی ٦٠ ئامیرەیان ب سەر خودان پێدڤیێن تایبەت دا بەلاڤ بکەن بێ بەرامبەر .
ئه‌ڤرۆ نیوز:
فه‌رمانگه‌ها میدیا و زانیاریان خشته‌یێ پارڤه‌كرنا مووچه‌یێن فه‌رمانبه‌ران ل 2020 به‌لاڤكرن.
فرمانگه‌ها میدیا و زانیاریێن حكومه‌تا هه‌رێما كوردستانێ دراگه‌هاندنه‌كێ دا به‌لاڤكریه كو ل سالا 2020 حكومه‌تا هه‌رێمێ هه‌شت مووچه پارڤه‌كرینه، پشكه‌ك ژلایێ حكومه‌تا هه‌رێمێ و پشكه‌ك ژ حكومه‌تا فیدرال هات بوون دابینكرن و ته‌ڤایا ئه‌وی پاره‌ی زێده‌تری شه‌ش تریلیۆن و 500 دیناران بوون.
لگۆری خشته‌یێ هاتیه به‌لاڤكرن، ئه‌و پاره‌یێ حكومه‌تا هه‌رێما كوردستانێ بۆ دانا مووچه‌یان دابینكری 63.8% و ئه‌ڤا حكومه‌تا فیدرال بۆ دانا بوچه‌ی دابینكری 36.1% یه.
حکومەت ل 13ـی 1، 9ـی 2، 9ـی 3، 4ـی 5، 27ـی 6، 18ـی 8، 15ـی 10 و 3ـی 12 مووچەیێن پارڤه‌کرین، ل سالا 2020، هەشت مووچە، بەلێ مووچەیێن هه‌یڤێن: 4، 7، 9 و 11ـی پارڤه نه‌كرینه.
لگۆری خشته‌یی، حكومه‌تا فیدرال 400 ملیار دینار هنارت بوون، بۆ دانا دو موچه‌یان، به‌لێ هه‌یڤا 12 و 11و10و7و6و5 چ پاره نه هنارتی یه .
فه‌رمانگه‌ها میدیا و زانیاران یا حكومه‌تا هه‌رێما كوردستانێ دیاركریه، حكومه‌تێ ل سالا 2020 شه‌ش تریلیۆن و 505 ملیار و 988 ملیۆن و 307 هزار و 176 دینار بۆ مووچه‌یێ فه‌رمانبه‌ران مووچه‌یێ فه‌رمانبه‌ران دایه.
ئەڤرۆ نیوز،عەلی حاجی :
رێڤەبەرێ کەمپا بێرسڤێ دو بۆ ئەڤرۆ نیوز دیار کر ئەڤرۆ ل رۆژا پێنچ شەمبێ ٧/١/٢٠٢١ێ ژ ئەگەرەکێ نەدیار کچەکا ئێزدی خوە د خەندقینیت دناڤ مالا خوە دا.
زێدەتر ماهر مشو گۆت : ئەو روودان ل دەمژمێر ١١:٣٠ێ یا ژبەری نیڤرۆ بۆ دەما کچەکا ئێزدی بناڤێ ( س.س ) یا ژ دایک بویا ١/٢/٢٠٠٥ێ دناڤ مالا خوە دا ب حەبلەکێ خوە دخەندقینیت و گیانێ خوو ژ دەست ددەت و هەتا نوکە ئەگەرێ خوە خەندقاندنا وێ کچێ نەهاتیە زانین و پۆلیسان ژی بۆ ڤێ کێشەیێ دەست ب ڤەکۆلینان کری یە و د ئەڤ سالە دا دبیتە ئێکەم حالەتێ خوە کوشتنێ دناڤ کەمپا مە دا .
ئەڤرۆ نیوز:
ئەڤرۆ رۆژا چوارشەمبی ب ئامادەبوونا ئەندازیار دیار بەحری رێڤەبەرێ گشتیێ باژێرڤانیان ل پارێزگەھا دھۆکێ و سەروەر سەعید رێڤەبەرێ ناحیا ئیبراھیم خەلیل، رێورەسمێن گۆھۆرینا سەرۆکێ باژێرڤانیا ئیبراھیم خەلیل برێڤەچوون.
د رێورەسمان دا، کچەکا مەسیحی ب ناڤێ ئەندازیار ماردین حکمەت یوسف وەکو سەرۆکا باژێرڤانیا ئیبراھیم خەلیل ل شوونا نیھاد سەلیم دەستبکاربوو.
ئەندازیار ماردین ژدایکبوویا سالا 1989ێ یە، ئاکنجیا قەزا زاخۆیە ل دەڤەرا پێشابیر، بەری نوکە بەرپرسا پشکا ئەندایاری بوویە ل فەرمانگەھا ھاتن و چوونا زاخۆ.
ئه‌ڤرۆ نیوز،عه‌لی حاجی :
ل دووڤ سالناما كه‌نیسه‌یا ئه‌رمه‌نیان یا ره‌سولی بریاره ل رێكه‌ڤتی 6/1/2021 رێ و ره‌سمێن جه‌ژنا ژ دایك بوونا حه‌زره‌تێ مه‌سیح ل كوردستانێ ب رێڤه بچن .
داوود ماردیروسیان سه‌رۆكێ لژنا كارگێریا ملله‌تێ ئه‌رمه‌ن بۆ ئه‌ڤرۆ نیوز گۆت : سالانه ل رێكه‌ڤتی 1/6 لگوره‌ی سالناما كه‌نیسه‌یا ئه‌رمه‌نیان یا ره‌سولی رێ و ره‌سمێن جه‌ژنا ژ دایك بوونا حه‌زره‌تێ مه‌سیح ل سه‌رانسه‌ری جیهانێ و ب تایبه‌تی ژی ل كوردستانێ د رێڤه دچن، له‌ورا ل رۆژا 6/1/2021 ێ ل پێنچ كه‌نیسه‌یێن تایبه‌ت یێ ئه‌رمه‌نان ل كوردستانێ د بن رێكارێن ساخله‌میێ دا رێ و ره‌سمێن جه‌ژنێ ب شێوه‌یه‌كێ ئاسایی ب رێڤه بچن و هه‌می به‌رهه‌ڤی ژی هاتینه كرن دا كو ب شێوه‌یه‌كێ باش ئه‌و رێ و ره‌سم ب رێڤه بچن،هه‌ر ب هه‌لكه‌ڤتا جه‌ژنا ژ دایك بوونا حه‌زره‌تێ مه‌سیح جه‌ژنا هه‌می ئه‌رمه‌نێن كوردستانێ و عێراقێ و جیهانێ پیروز دكه‌ین و هیڤی خازین كو ئه‌ڤ جه‌ژنه ژی ببیته جه‌ژنا خێر و به‌ره‌كه‌تێ بۆ هه‌می ملله‌تێ كورد و عێراقێ و ب هێڤیا وێ چه‌ندێ ژی نه كو ژیان ئاسایی بیته ڤه و ببیته جه‌ژنا ب دوهی هاتنا كورونایێ .
ل دوماهیێ گۆت ژی : سالانه بێ چ كێشه‌یه‌ك ئه‌رمه‌ن ل كوردستانێ جه‌ژنێن خوه دگێرن و ئه‌و ئێمناهیا ل كوردستانێ هه‌یی ژی بوویه ده‌لیڤه‌یه‌ك كو زێده‌تر پێكڤه ژیان ل كوردستانێ موكوم ببیت و ل هه‌می جه‌ژنان ژی دا هه‌می ئولێن ل كوردستانێ دا هه‌ین پیروزباهیێ ل ئێك دكه‌ن .
نيشاندان