ئه‌ڤرۆ جڤاتا وه‌زیرێن هه‌رێمێ كۆم دبیت
نووترين نووچه
- سەرۆك بارزانی بۆ كۆنفرانسێ ئێكڕێزییا كوردان ل رۆژئاڤایێ كوردستانێ: ئێكگرتنا كوردان كلیلا چارەسەرییا ئێكجارییا پرسا كوردی یە ل سووریێ
- سەرۆكێ هەرێما كوردستانێ بەرهەڤی رێوڕەسمێ خاترخواستنا پاپا فرەنسیس ل ڤاتیكانێ بوو
- پشكا رەوشەنبیری و راگەهاندنا پارتی و دەزگەهێن گرێدای وێ وەفادارییا خوە بۆ رێبازا بارزانی دوپاتكر
- کۆنفرانسێ نەتەوەیی ل رۆژئاڤایێ کوردستانێ هاتە ساز کرن
- هیڤیدارم رۆژا لاڤە یا نیشتمانی پێكڤەژیانێ د ناڤبەرا پێكهاتەیێن كوردستانێدا ب هێزتر بكەت
- هیڤیدارین رۆژا لاڤە یا نیشتمانی ببیتە دەنگێ ئەوێن باوەری ب ئاشتیێ هەی
- مەسرور بارزانی: كوردستان ب درێژییا دیرۆكێ لاندكا پێكڤەژیانێ و فرەئایینیێ بوو
- میر حازم تەحسین بەگ: هەرێما كوردستانێ جهێ پێكڤەژیانێ و پەیڕەوكارێن هەموو ئایینانە
- ب پەیامەكێ ژ سەرۆك بارزانی، زانكۆیا ییل كۆنگرەیەك ل دۆر جینۆسایدا دژی كوردان سازكر
- مەسرور بارزانی و شاندەكێ ئەمریكی دوپاتی ل هنارتنا پەترۆلا هەرێما كوردستانێ كر
سه‌ره‌كى هه‌لبژارتى1
ئومێد خوشناو: هه‌لوه‌شاندنا بریارا راكرنا پارێزبه‌ندیێ ل ده‌سه‌لاتا كه‌سێ دانینه
ئه‌ڤرۆ نیوز:
سه‌رۆكێ فراكسیونا پارتی دیموكراتی كوردستان ل په‌رله‌مانێ كوردستانێ راگه‌هاند هه‌لوه‌شاندنا بریارا ژماره 4 یا 7 هه‌یڤا ئایارێ، ل ده‌سه‌لاتا كه‌سێ دانینه و بتنێ ل ده‌سه‌لاتا كۆمبوونا په‌رله‌مانی دایه ئه‌وێ بریارێ هه‌لبوه‌شینیت، چ هێز و كه‌سه‌ك ل سه‌ر یاسایێ دا نینه و نابیت، چ كه‌س نه‌شێن ب نه یاسایی بریارێ هه‌لبوه‌شینیت.
پشتی رێزوا فایه‌ق سه‌رۆكا په‌رله‌مانێ كوردستانێ بریارا هه‌لگرتنا پارێزبه‌ندیێ ل سه‌ر سوران عومه‌ری ره‌تكری، ئومێد خوشنا سه‌رۆكێ فراكسیونا پارتی په‌یامه‌ك به‌لاڤكر تێدا هاتیه كۆ هه‌لوه‌شاندنا بریارا ژماره 4 یا 7 هه‌یڤا ئایارێ، ل ده‌سه‌لاتا چ كه‌سان دا نینه بتنێ ده‌سه‌لاتا كۆمبوونا په‌رله‌مانی دایه بریارێ بده‌ت ئه‌ڤه ژی ئه‌سته‌مه، هیڤیدارم عیبره‌ت ژ رابوردووی وه‌ربگرن، بلا ئاریشه ل په‌رلمانی چاره‌سه‌ر بن، نه‌ك په‌رله‌مان خو ب بیته داهێنه‌رێ ئاریشه‌یێ.
وه‌زاره‌تا ناڤخو قه‌ده‌غه‌یا هاتنوچونا ناڤبه‌را پارێزگه‌هان درێژكر
ئه‌ڤرۆ نیوز:
وه‌زاره‌تا ناڤخو یا حكومه‌تا هه‌رێما كوردستانێ د راگه‌هاندنه‌كێ دا كۆ ژماره‌یا 41 هاتیه به‌لاڤكرن كۆ قه‌ده‌غه‌یا هاتنوچونا دناڤبه‌را پارێزگه‌هان دا هاته درێژكرن.
لگۆری راگه‌هاندنا وه‌زاره‌تا ناڤخو قه‌ده‌غه‌یا هاتنوچونا دناڤبه‌را پارێزگه‌هان دا ژ 15/6/2020 هه‌تا 1/7/2020 هاته درێژكرن وهه‌روه‌سا د ئه‌وی ده‌می دا سیسته‌مێ رێك پێدانا ئه‌لكترونی ژبلی چه‌ند حاله‌ته‌كێن دیاریكری و گرنگ رێ پێ دهێته دان.
ئه‌ڤه ژی ده‌قی بریارێ نه.
حوکمەت دێ سیستەمێ وەرگرتنا باجێ رێکئێخیت
ئەڤرۆ نیوز:
حوکمەتا هەرێما کوردستانێ لژنەکا تایبەت بۆ پێداچوونێ ب سیستەمێ باجدانێ پێکئینایە و وەزارەتا پلاندانانێ ب رێیا دەست نیشانکرنا ئاستەنگ و دەرفەتان، دێ بزاڤا پەرەپێدانێ ب کەرتێ تایبەت دەت.
زاگرۆس فەتاح، بریکارێ وەزارەتا پلاندانانا حوکمەتا ھەرێمێ ئاشكرا كر: هەکە ئه‌و ستراتیژیه‌تا وان دانای بهێتە جێبه‌جێ کرن، دێ كه‌رتێ تایبه‌ت گه‌شه کەت و دێ ده‌رفه‌تا كاری بۆ گه‌نجان و وەلاتیان زێدە بیت و فشارێن سه‌ر حوکمه‌تێ ژی دێ كێم بن، هەکە سیسته‌مەکێ ب رێكوپێك یێ باجێ بهێتە پەیرەو کرن، دێ داهاتەکێ زێدەتر بۆ گه‌نجینا حوکمه‌تێ ڤەگەریت.
هەروەسا كه‌مال وه‌رتی، رێڤەبەرێ گشتی یێ باجێ ل ھەرێما کوردستانێ دبێژیت: حوکمه‌تێ ئەو پلان هەبوو، کو ل سالا 2020 داهاتێ باجێ ئێك ترلیۆن دینار بیت، بەلێ بەلاڤبوونا ڤایرۆسێ کۆرۆنا ی بوویە ئاستەنگ ل هەمبەری پلانا وان.
گۆتیه ژی: ل گەل هندێ سیستەمێ باجێ رێیا خوە وەرگرتیە و پارێزبەندی بۆ چ کەس و لایەنان نەهاتیە کرن، سەرۆکێ حوکمەتێ ژی ژ وی ئالی ڤە، جهێن پەیوەندیدار ب تەمامی دەستڤەکری کرینە.
ئه‌ندامه‌كێ جڤاتا نوونه‌ران: سالانه 13 ملیار دۆلارێن خالێن توخیبی ناچیته خه‌زینه‌یا ده‌وله‌تێ
ئه‌ڤرۆ ینوز:
ئه‌ندامه‌كی لژنا خزمه‌تگۆزاری و ئاڤه‌دانكرنێ ل جڤاتا نوونه‌رێن عیراقێ راگه‌هاند: 13 ملیار دۆلارێن داهاتێن خالێن توخیبی دهێنه دزین.
ئه‌ڤرۆ 14/6/2020، موزیر خه‌ز عه‌لی ئه‌ندامێ لژنا خزمه‌تگۆزاری و ئاڤه‌دانكرنێ ل جڤاتا نوونه‌رێن عیراقێ راگه‌هاند سالانه نێزیكی دو ملیار دۆلارێن داهاتێ خالێن توخیبی دچیته خه‌زینه‌یا عیراقێ، سالانه 13 ملیار دۆلار داهاتێ خالێن توخیبی دهێته دزین و ناچیته ناڤ حه‌زینه‌یا ده‌وله‌تێ.
ئه‌ندامێ لژنا خزمه‌تگۆزاری و ئاڤه‌دانكرنێ ل جڤاتا نوونه‌رێن عیراقێ داخاز ژ حكوه‌تا عیراقێ كر ڤه‌كۆلینێ ژ چاره‌نڤیسا ئه‌وی داهاتێ خالێن توخیبی بكه‌ت و لایه‌نێن سیاسی ژ خالێن توخیبی دور بێخیت.
ناڤبری ئه‌و چه‌نده ژی راگه‌هاند دزینا ئه‌ڤی پاره‌یی د ده‌مه‌كی دایه كۆ وه‌لات ب ئه‌گه‌ری داكه‌تنا بهایێ پترۆلێ تووشی قه‌یرانه‌كا گران یا دارایی دایه.
دو ماهی ئامارێن توشبوویێن كورونایێ ل جیهانێ
ئه‌ڤرۆ نیوز:
لگۆری دوماهی ئامار توشبوویێن ڤایرۆسێ كورونا ل جیهانێ گه‌هشته حه‌فت ملیۆن و 740 هزار و 500 كه‌سان، ژ‌ڤێ ژماره‌یێ ژی چار سه‌د و 28 هزار و 342 كه‌سان ژی گیانێ خو ژ ده‌ست دایه.
ل سه‌ر ئاستێ وه‌لاتێن جیهانێ، ئه‌مریكا زۆرترین رێژه‌یا توشبوویێن ڤایرۆسی تێدا هاتیه توماركرن و گه‌هشتیه دو ملیۆن و 116 هزار و 922 كه‌سان، كۆ سه‌د و شازده‌هزار 825 كه‌سان ژی گیانێ خو ژ ده‌ست دایه.
ڤایرۆسێ كورونایێ نه‌خوشیه‌كا كوژه‌كه و ل هه‌یڤا 12 یا سالا بوری ل باژێرێ ئوهان یی چینێ سه‌رهلدا و نوكه زێده‌تری 210 وه‌لاتێن جیهانی به‌لاڤ بوویه.
دانیمارك راهێنه‌رێن سه‌ربازی ره‌وانه‌یێ عیراقێ دكه‌ت
ئه‌ڤرۆ نیوز:
دانیمارك 285 راهێنه‌رێن سه‌ربازی ره‌وانه‌ی عیراقێ و ل گه‌ل پاپوره‌كێ كۆ 195 سه‌رباز هه‌لگرتینه ب مه‌به‌ستا پاراستنا ئاسایشا گه‌وریا هورمز ره‌وانه‌یی ده‌ڤه‌رێ دكه‌ت.
حكومه‌تا دانیمارك بریار دایه 285 راهێنه‌ران ب مه‌به‌ستا مه‌شق و راهینان ب هێزێن ئه‌منی ره‌وانه‌ی عیراقێ بكه‌ت، ئه‌ڤه ژی دده‌مه‌كی دایه ل دوماهیا ئیسال ئه‌ركێ راهێنانا هێزێن ئه‌منی یێن عیراقێ ژ كه‌نه‌دا وه‌ردگریت.
یێپه كوفود وه‌زیری ده‌ره‌ڤه‌یێ دانیماركر راگه‌هاند: ب بهێزكرن و پشكداریكرنا مه د سه‌قامگیریكرنا عیراقێ بزاڤه‌كه دژی گه‌فێن گرۆپێن توندره‌وێن وه‌كو داعشێ دكه‌ین.
په‌رله‌مانێ دانیماركێ ره‌زامه‌ندی ل سه‌ر هنارتنا كه‌شتیه‌كێ و هه‌لیكوپته‌ره‌كێ ل گه‌ل ستافه‌كێ 195 كه‌سی بۆ پشكداریكرن ل ئه‌وێ ئه‌ركێ ده‌ریایی كۆ ئه‌ورۆپا سه‌ركردایه‌تیا وێ دكه‌ت ژ گه‌روویا هورمز، ب مه‌به‌ستا پارێزگاری ژ ئاسایشا ووزه‌یێ ل ده‌ڤه‌رێ بكه‌ن.
بریاره ئه‌ڤرۆدانوستاندنێن ستراتیژی دناڤبه‌را عیراق و ئه‌مریكا ده‌ست پێ بكه‌ن
ئه‌ڤرۆ نیوز:
بریاره ئه‌ڤرۆ دانوستاندنێن ستراتیژی دناڤبه‌را عیراق و ئه‌مریكا ده‌ست پێ بكه‌ن كۆ ئێك ژ خالێن دیار چاره‌نڤیسا هێزێن بیانی یه ل عیراقێ.
هیشام داود راوێژكارێ سه‌رۆك وه‌زیرێ عیراقێ راگه‌هاند ئه‌مریكا وه‌لاته‌كێ گرنگه و عیراقێ ژی پێدڤی ب وێ چه‌ندێ هه‌یه په‌یوه‌ندیێن جودا جودا ل گه‌ل وه‌لاتێن گرنگ هه‌بن كۆ خودان هێزه‌كا ئابووری نه.
راوێژكارێ سه‌رۆك وه‌زیرێ عیراقێ ئه‌و چه‌نده ژی راگه‌هاند حكومه‌تێن ئێك دیڤ ئێكێن عیراقێ داخازا هاریكاریا سه‌ربازی ژ ئه‌مریكا دكرن، به‌لێ ئه‌ڤرۆ حكومه‌تا مسته‌فا كازمی ته‌ئكید دكه‌ت كۆ شیانێن سه‌ربازی و ئه‌منی یێن پێدڤی هه‌نه بۆ به‌رهنگاربوونا هه‌ر ئالوزی و ره‌وش و تیرۆرێ ببن، عیراقێ پێدڤی ب وێ ژماره‌یا زۆرا هێزێن ئه‌مریكا نینه.
هیشام داود راوێژكارێ سه‌رۆك وه‌زیرێ عیراقێ ئه‌و چه‌نده ژی دازانین حكومه‌تا عیراقێ هزر ل وێ چه‌ندێ دكه‌ت ده‌م هاتیه خشته‌یه‌ك بۆ مانا هێزێن سه‌ربازی ل سه‌ر ئاخا وێ بهێته دانان، به‌لێ په‌یوه‌ندیێن دوستانه و هاریكاری دبیاڤێ مه‌شق و لهه‌ڤگوهارتنا زانیاریێن هه‌والگری و به‌رهنگاربوونا تیرۆرێ دناڤبه‌را عیراقی و ئه‌مریكا دا به‌رده‌وام بن.
عیراق دێ خویكا داهاتی ژ موچه‌خوران وه‌رگریت
ئه‌ڤرۆ نیوز:
حكومه‌تا عیراقێ ده‌ست ب وه‌رگرتنا خویكا داهاتی ژ موچه‌خورێن وه‌لاتی دكه‌ت.
مه‌زهه‌ر محه‌مه‌د سالح راوێژكارێ دارایی یێ سه‌رۆك وه‌زیرێ عیراقێ راگه‌هاند یاسایا خویكا داهاتی دئه‌ڤێ هه‌یڤی كۆ هه‌یڤا 6 یا سالا 2020 ل سه‌ر موچه‌خوران هێته بجهكرن، ئه‌و خویك ل سه‌ر ته‌ڤایا ئه‌وی پاره‌یێ دهێته وه‌رگرتن كۆ موچه‌خور وه‌ردگریت نه‌ك بتنی موچه‌یێ بنه‌ره‌تی.
راوێژكارێ دارایی یێ سه‌رۆك وه‌زیرێ عیراقێ ئه‌و چه‌نده ژی راگه‌هاند: 10% بۆ 15% یا موچه‌یێ موچه‌خوران وه‌ك خویكا داهاتی بۆ خه‌زینه‌یا ده‌وله‌تێ ڤه‌دگه‌ریت.
مه‌زهه‌ر محه‌مه‌د سالح ئه‌و چه‌نده ژی دا زانین ئه‌و پێشنیارێن دی بۆ كێمكرنا موچه‌یی یان پاشه‌كه‌وتی هاته هه‌لوه‌شاندن و بریار هاته دان ل شوونا كێمكرنێ یان پاشه‌كه‌وتكرنێ، خویكا داهاتی ژ ئه‌وان موچه‌خورێن موچه‌یی وان ژ 500 هزار دیناران زێده‌تره وه‌ر بگرن.
وه‌زیرێ پترۆلا عیراقێ: پێگیرین ب رێكه‌تنا ئوپیك پله‌سێ
ئه‌ڤرۆ نیوز:
وه‌زیرێ پترۆلا عیراقێ راگه‌هاند وه‌لاتێ وی ب ته‌مامی پێگیری بریارێن كێمكرنا به‌رهه‌مئینانا پترۆلێ دبیت.
ئیحسان عه‌بدلجه‌بار وه‌زیرێ پترۆلا عیراقێ د راگه‌هاندنه‌كێ دا دیاركر د په‌یوه‌ندیه‌كا ته‌له‌فونی دا ل گه‌ل عه‌بدلعه‌زیز بن سه‌لمان شرۆڤه‌یا ره‌وشا پترۆلا جیهانێ و بزاڤێن ئوپێك پله‌س بۆ بنه‌جیهبوونا بهایێ و راگرتنا هه‌ڤسه‌نگیێ كرن.
وه‌زیرێ پترۆلا عیراقێ ئه‌و چه‌نده ژی راگه‌هاند وه‌لاتێ وی پێگیره ب بریارێن ئوپیك پله‌س بۆ كێمكرنا به‌رهه‌م ئینانا پترۆلێ ئه‌وێ بریارێ دێ ب ته‌مامی بجهـ كه‌ین.
رۆژا 12/4/2020 ئوپیك پلاس وه‌لاتێن ئه‌ندام و نه ئه‌ندامێن ئوپیكێ ب مه‌به‌ستا بلندكرنا بهایێ پترۆلێ ریكه‌تنه‌كا دیرۆكی بۆ كێمكرنا به‌رهه‌مئینانا 9.7 ملیۆن به‌رمیلان د رۆژێ دا ل ده‌ستپیكا هه‌یڤا پێنج 2020 هاتیه راگه‌هاندن.
نيشاندان
WP Facebook Auto Publish Powered By : XYZScripts.com