ئەڤرۆ نیوز:
وەزارەتا نافخۆ یا هەرێما کوردستانێ راگەهاند: قەدەغەیا هاتنوچوونی ل دەمژمێر 12:00شەڤا 31-05-2020 هەتا 6-06-2020 دێ بیت و هەر کەسەکێ سەرپێچیێ بکەت دێ هێتە سزادان.
وەزارەتا نافخۆ قەدەغەیا هاتنوچوونێ بۆ دەمێ 6 رۆژان راگەهاند
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سهرهكى هه‌لبژارتى1
وه‌زاره‌تا په‌روه‌ده‌یێ چه‌ند بریاره‌ك بۆ قوتابیێن پولا 12 ده‌رخستن
ئه‌ڤرۆ نیوز:
وه‌زاره‌تا په‌روه‌رده‌یا حكومه‌تا هه‌رێما كوردستانێ، چه‌ند بریاره‌ك ده‌ربارێ تاقیكرنێن قوتابیێن پولا 12 یا ئاماده‌یی ده‌رخستن.
ئه‌ڤرۆ 31/5/2020 وه‌زاره‌تا په‌روه‌رده‌یا حكومه‌تا هه‌رێما كوردستانی ب نفیساره‌ك به‌لاڤكریه و وێنه‌یه‌كا وێ ده‌ست ئه‌ڤرۆ نیوز كه‌فتیه و تێدا هاتیه كۆ قوتابیێن پولا 12 یا ئاماده‌ی ب هه‌موو پشكێن وێڤه ئه‌وێن ده‌رچوین و ئه‌ڤێن تا سێ وانه‌یان ل وه‌رزی ئێكێ ده‌رنه‌چوین دێ داخلی تاقیكرنێن ویزاری بن و پێدڤی ناكه‌ت تاقیكرنێن وه‌رزێ دوێ ئه‌نجام بده‌ن.
وه‌زاره‌تا په‌روه‌رده‌یا حكومه‌تا هه‌رێما كوردستانێ ئه‌و چه‌نده ژی دیاركریه، بریار بتنێ بۆ ئه‌ڤ ساله‌یا خاندنێ یه، 10 نمره‌یێن بریار ب ئه‌وان قوتابێن پولا 12 یا ئاماده‌یی دهێنه‌دان، كۆ ئه‌و 10 نمره‌یێن بریارێ بۆ تاقیكرنێن وه‌رزێ ئێكێ نه و پاش ئه‌نجامدانا تاقیكرنێن وه‌رزێ دوێ ژی بخوڤه دگریت.
چینێ دروستكرنا ڤاكسینێ كورونایێ راگه‌هاند
ئه‌ڤرۆ نیوز:
كۆمپانیه‌كا چینی، پشتی بزاڤ و ماندیبوونه‌كا زۆر، سه‌ركه‌فتنا خو ل دیتنا ڤاكسینێ دژی ڤایرۆسێ كورونایێ كوڤید 19 راگه‌هاند، ل قوناغا ئێكێ دا بریارا دروستكرنا 100 ملیۆنان ژ وی ده‌رمانی هێنه دروستكرن.
نوژدارێن كۆمپانیا سینوڤا ل چینێ دبیاڤێ ڤه‌دیتنا ڤاكسینا دژ ب ڤایرۆسێ نه‌خوشیێ كار دكه‌ت، راگه‌هاند ژ ده‌رئه‌نجامێ دوماهیا كارێن گه‌هشتینێ ب دروستكرنا ڤاكسینێ دژی ڤایرۆسێ كوڤید 19 و دشێن پشت راست بین ب وی جورێ ده‌رمانی ب رێژا 99% یی كارایه و دشێت ل داهاتی دا ب بیته ڤاكسینێ دژ ب نه‌خوشیێ.
ئه‌و جورێ ڤاكسینێ ب ناڤێ سینوڤا هاتیه ناساندن و پشتی ئه‌وێ چه‌ندێ قوناغا دوێ یا دروستكرنێ دا د سه‌ر 100 خوبه‌خشان دا هاتیه تاقیكرن، ده‌ركه‌فت به‌رسڤێن بله‌ز و به‌رگریا له‌شێ كه‌سێ خوبه‌خش كاراكر هه‌مبه‌ر ب ڤایرۆسی.
سنێلەک د بەنداڤا دهۆکێ دا خەندقی
ئەڤرۆ نیوز:
ئەڤرۆ ئەینیێ سنێلەک د بەنداڤا دهۆکێ دا خەندقی و هەتا نوکە تەرمێ وی نەهاتیە دیتن.
هێمن سلێمان بەرپرسێ راگەهاندنا پۆلیسێن پارێزگەها دهۆکێ د تۆرا جڤاکی یا فەیسبووکی دا بەلاڤکریە: بەرى دەمەکێ سنێلەک د بەنداڤا دهۆکێ دا خەندقی، تیما نقوومڤانان یێن پۆلیسێن دهۆکێ ل جهێ روودانێ بەرهەڤبووینە و ب رەنگەکێ بەردەوام یێ ل تەرمێ وی دگەرن، لێ هەتا نوکە نەهاتیە دیتن.
سەرۆکێ حکۆمەتا هەرێمێ: ب ئەگەرێ سست بوونا پێگیریێ بوویە جهێ مەترسیا بەلاڤ بوونا کورونایێ
ئەڤرۆ نیوز:
د راگەهاندنەکێ دا سەرۆکێ حکۆمەتا هەرێما کوردستا بەلاڤکریە و تێدا هاتیە، ب ئەگەرێ پێگیرنەبوون ب رێنمایێن ساخلەمیێ ڤە رۆژ ب رۆژێ زێدەبوونا توشبوویان ب کورونایێ و مەترسیێن وێ مەزنتر لێ دهێن.
د راگەهاندنا سەرۆکێ حکۆمەتاهەرێما کوردستانێ دا هاتیە بەلاڤکرن کۆ ل دەست پێکێ ل دیڤ داخازیێ پێگیربوون و ئەف جەندە بو جهێ سرنجا گەلەک وەلاتان، لێ پشتی سستی و لاوازی د پێگیربوونێ دا درست بوون ژ دەست پێکێ مەترسیا وێ دهێتەدیتن ژ ئەگەرێ مەرجێن ساخلەمیێ و خو پاراستنێ.
ئەڤەژی دەقێ پەیاما سەرۆکێ حکومەتا هەرێما کوردستانێ دەربارێ مەترسیا بەربەلاڤبوونا ڤایروسێ کورونا.
وەلاتیێن بەرێز
مەترسیا ڤایرۆسێ کورونا نوو کۆڤید 19 زۆر جدیە و دڤان رۆژان دا ب ئەگەرێ سستیا پێگیربوونێ ب رێنمایێن ساخلەمیێ ڤە، هێدی هێدی ئەڤ ڤایرۆسە بلەز بەلاڤ دبیت.
مە ل دەستپێکا بەلاڤبوونا ئەڤی ڤایرۆسی، داخاز ژ وەلاتیێن خوشتڤی کر، کۆ پێگیری رێنمایێن ساخلەمیێ بن و سوپاسیا وان دکەین، کۆ پێگیربوون ب شێوەیەکێ زۆر باش رێک ل بەلاڤ بوونا ڤایرۆسی هاتە گرتن، ئەڤ سەرکەڤتنە بۆ جهێ بەحس و سرنجا گەلەک وەلات و رێکخراوێن نێڤ دەولەتی.
بەلێ جهێ داخێ یە نوکە پێگیربوون سست بوویە، هندەک لایەنان ب بزاڤا سیاسیکرنا پێکۆلێن حکۆمەتێ دایە و ڤیاینە رێنمایێن ساخلەمیێ بێ بها و مفا پێشان بدەن،جهێ داخێ یە ژیانا وەلاتیان بۆ خزمەتا ئارمانجێن سیاسی خستنە دمەترسیێدا.
نوکە ئەوێن کۆ دژاتیا رێنمایێن ساخلەمیێ سەرەدەریکری و خەلک هاندایە پێگیری رێنماییان نەبن، دڤێت بەرپرسیاریا مەترسیا ئێخستیە سەرگیان وساخلەمیا ئەڤی خەلکی ب ستویێ خوڤەبگریت دوماهیێ ب یاریکرنێ ب ژیانا خەلکی بینن.
جارەکا دی داخازێ ژ هەموو خوشک و برا و وەلاتیان دکەم پێگیری رێنمایێن ساخلەمیێ بن و ساخلەمیا خو و مرۆڤ و خەلکێ دی ژ بن کارتێکرنا ئەوان پروپاکندان نەکەفنە بن مەترسیێ.
سلامەتیا وە بۆ مە ژ هەر تشتەکی گرنگترە
مەسرور بارزانی
سەرۆکێ حکۆمەتا هەرێما کوردستانێ
29\5\2020
وه‌زاره‌تا ساخله‌میا هه‌رێمێ 12 توشبوویێن دی ب كورونایێ راگه‌هاند
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه ل هه‌ولێرێ 12 توشبووێن دی هاتنه توماركرن.
ئه‌ڤرۆ 28/5/2020 وه‌زاره‌تا ساخله‌میا حكومه‌تا هه‌رێما كوردستانی د راگه‌هاندنه‌كی دا به‌لاڤكریه د به‌رده‌وامیا پشكنین و لێگه‌ریان دووڤ گۆمانلێكریان، 12 توشبوویێن دی ب ڤایرۆسێ كورونا كوڤید 19 ل پارێزگه‌ها هه‌ولێرێ هاتنه توماركرن.
لگۆری راگه‌هاندنا وه‌زاره‌تا ساخله‌میا حكومه‌تا هه‌رێما كوردستانێ هاتیه به‌لاڤكرن، پێنج زه‌لام و پێنج ئافره‌ت و دو كچێن گه‌نجن، حه‌فت ژ توشبوویان به‌ر لێكه‌ڤتێن توشبوویێن به‌ری نوكه‌نه كۆ پێنج ژ توشبوویان ب ئه‌گه‌ری هه‌بوونا نیشانێن نه‌خوشیێ سه‌ره‌دانا نه‌خوشخانه‌یان كرینه.
وه‌زاره‌تا ساخله‌میێ ئه‌و چه‌نده ژی دیاركریه شه‌ش توشبوو ئاكنجیێن ناحیا عه‌نكاوانه شه‌ش توشبوویێن دی ژی ئاكنجیێن تاخێ گولان و كامه‌ران ستی و كومه‌لگه‌ها پیرزین و بنه‌سلاوه‌ن.
هەولێر: 9 کەسێن دی تووشی کۆرۆنا یێ بوون
ئەڤرۆ نیوز:
وەزارەتا ساخلەمیا هەرێما کوردستانێ دیار کر: 9 کەسێن دی ل هەولێرێ تووشی ڤایرۆسێ کۆرۆنا یێ بوون، پێنج ژ تووشبوویان ژ ئێک خێزانن و ژ تورکیا ڤەگەریاینە.
هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان، نەهـ تووشبوویێن دی یێن ڤایرۆسێ کۆرۆنا یێ ل ھەولێرێ هاتینە دەست نیشانکرن، زەلامەکێ د ژیێ 38 سالیێ دا و دو ژن د ژیێن 39 و 32 سالیێ دا و کچەکا گەنج د ژیێ 15 سالیێ دا، دو کورێن گەنج د ژیێن 17 و 16 سالیێ دا و سێ زارۆک د ژیێن 11 و 7 و 3 سالیێ دانە.
دیسان دیار کریە: پێنج ژ تووشبوویان ژ ئێک خێزانن و ژ وەلاتێ تورکیا ڤەگەریاینە، د کەرەنتینێ دا بوون و خۆجهێن هەولێرێ نە، سێ ژ تووشبوویان بەرکەفتیێن تووشبوویێن بەرێنە خۆجهێن ناحیا عەنکاوە نە، تووشبوویەکێ دیتر ئاکنجییێ هەولێرێ یە و ب ئەگەرێ هەبوونا نیشانێن کۆرۆنا یێ هاتیە دەست نیشانکرن.
قەدەغەیا هاتنوچوونێ دناڤبەرا پارێزگەهان دا هاتە درێژ کرن
ژ ئەگەرێ ئاریشەیەکا جڤاکی چار کەس بریندار دبن
ئەڤرۆ نیوز،عەلی حاجی:
بەرپرسێ راگەهاندنا ساخلەمیا زاخۆ د داخویانیەکێ دا بۆ ئەڤرۆ نیوز دیار کر د درەنگیا شەڤا دەرباز بوویی دا ژ ئەگەرێ ئاریشەیەکا جڤاکی ل زاخۆ شەرەک دناڤبەرا چەند کەسان دا دروست دبیت و چار کەس بریندار دبن.
زێدەتر ئەمیر عەلی گۆت : د درەنگیا شەڤا دەرباز بوویی دا ل نێزیکی دەمژمێر ٢:٠٠ی شەڤێ ژ ئەگەرێ کێشەیەکا جڤاکی دناڤبەرا دو بنەمالان دا ل تاخەکێ باژێرێ زاخۆ ل دەست پێکێ شەرەک ب کێران دروست دبیت و د وی شەری دا دوو کەس بریندار دبن و و رەوشا بریندار بوویان یا باشە،ل دووف دا کەسەک د ژیێ وی دناڤبەرا ٢٠ بۆ ٢٥ سالیێ دا ب گوللەیان کەسەکێ ژ بنەمالا دیتر بریندار دکەت پشتی کو چەندین گولەیان ب مالەکێ ژ وێ بنەمالێ وەر دکەت و هەر دیسان ژ ئەگەرێ وێ تەقەکرنێ زاروویەکێ ١٠ سالی کو جیرانێ وان دو مالان بوویە ژ ئەگەرێ ڤێکەتنا گولەیەکێ ئەو ژی بریندار دبیت و رەوشا هەردوو برینداران نەیا جێگیرە و زاروویێ ١٠ سالی پشکنین بۆ هاتیە ئەنجام دان و کەسێ دیتر ژی بۆ نەخوشخانا دهۆکێ هاتە رەوانە کرن.
ناڤهاتی خویا کر ژی ” نوکە رەوش هاتیە کۆنترول کرن و ژلایێ پولیسێن زاخۆ ڤه و لاپەرێن ڤەکولینێ ژی دەست پێکرینە.
عیراق قه‌ران ژ به‌نكێن ناڤخۆ دكه‌ت
ئه‌ڤرۆ نیوز:
حكومه‌تا عیراقێ تاكو نها قه‌ر ژ به‌نكا رافیده‌ین و ره‌شید و بازرگانێن عیراقێ كریه.
جه‌مال كۆچه‌ر ئه‌ندامێ لژنا دارایی ل جڤاتا نوونه‌رێن عیراقێ د داخویانه‌یكا رۆژنامه‌ڤانی دا راگه‌هاند ئه‌و قه‌رێن كۆ حكومه‌تا عیراقێ دكه‌ت ژ به‌نكێن ناڤخو چه‌ند مفایین خو هه‌نه وه‌ك به‌نین نێڤ ده‌وله‌تی، به‌لێ د هه‌مان ده‌م دا ئه‌ڤه تشته‌كێ راست و دروست نینه، چونكۆ ل ده‌مێن بهێت مفایه‌كی زۆر دێ چیته سه‌ر و دبیته بارگرانی ل سه‌ر ملێن حكومه‌تێ.
ئه‌ندامێ لژنا دارایی ل جڤاتا نوونه‌رێن عیراقێ ئه‌و چه‌نده‌ژی راگه‌هاند هه‌كه ئه‌ڤ قه‌رێن ناڤخۆی یێن حكومه‌ت بۆ پرۆژه‌یه‌كی یان مه‌به‌سته‌كا دیاریكری نه‌بیت ئه‌ڤه دبیته ئاریشه ل ده‌مین بهێت دا، ب تایبه‌تی هه‌كه ئه‌ڤ قه‌ره بۆ پرۆژه‌یێن وه‌به‌رهێنانێ نه‌هێنه مه‌زاختن.
ئه‌ڤ چه‌نده د ده‌مه‌كی دایه، ب ئه‌گه‌رێ داكه‌تنا بهایێ پترۆلێ و داهاتێ هه‌یڤانه‌یێ عیراقێ ژ فرۆتنا پترۆلێ ژ 6 ملیار دۆلاران كۆ 1.5 ملیار دۆلاران كێمكریه ئه‌ڤه ژی دبیته ئاریشه‌یه‌كا ئابووری و دارایی بۆ حكومه‌تێ ب تایبه‌تی دبیاڤێ دانا موچه‌ی.
نيشاندان
WP Facebook Auto Publish Powered By : XYZScripts.com