ئەڤرۆ نیوز:
ئەڤرۆ سەرۆکێ هەرێما کوردستانێ ل گەل سەرۆکێ ئەمریکا ل کوربەندێ داڤۆس ل سویسرا کۆمبوو.
نێچیرڤان بارزانی سەرۆكێ ھەرێما كوردستانێ و دۆنالد ترەمپ سەرۆكێ ئەمریكا ل داڤۆس كۆمبوون
نووترين نووچه
- سەرۆك بارزانی وقونسلێ ئوردنێ دۆستاتییا د ناڤبەرا كوردستانێ و ئوردنێ دا گەنگەشەكر
- تێكگەهشتنا هەڤپشك یا هەموو ئالیان تاكە رێكە بۆ ئارامیا رۆژهەلاتا ناڤین
- سەرۆكێ هەرێما كوردستانێ سەرەخوەشیێ ل عەبدوللا حەسەن زادە دكەت
- دەستهەلاتدارێن بەغدا یاریان ب قووت و هەستێ خەلكێ كوردستانێ دكەن
- سەرۆكێ نوونەراتییا حوكمەتا هەرێمێ ل بەغدا سەرەدانا بالیۆزخانەیا رووسیا كر
- سیاسەتا هەرێمێ ل شەڕێ دەڤەرێ یا رێزلێگرتی بوو
- پێشوازی ل قونسلێن ئوردنێ و هندستانێ ل هەولێرێ كر
- دیپلۆماسییا كوردستانێ ئەم ژ چریسكێن شەڕێ ئیرانێ و ئیسرائیلێ پاراستین
- بڕیارا راگرتنا مووچەیێن هەرێما كوردستانێ هەلوەشینە
- ئیراق هێزەكا مەزن ل دەوروبەرێن بنگەهێ (عەینولئەسد) یێ لەشكرێ ئەمریكی بەلاڤ دكەت
سه‌ره‌كى هه‌لبژارتى1
حزبولا گه‌فا ل سه‌رۆك كۆماری دكه‌ت
ئه‌ڤرۆ نیوز:
حزبولا عیراقی گه‌فان ل سه‌رۆك كۆمارێ عیراقێ دكه‌ت هه‌كه ل گه‌ل سه‌رۆكێ ئه‌مریكا كۆمببیت.
ئه‌بو عه‌لی عه‌سكه‌ری به‌رپرسێ ئه‌منیێ حزبولا عیراقی راگه‌هاند: نابیت ب چ شێوه‌یه‌كی سه‌رۆك كۆمارێ عیراقێ ل گه‌ل دونالد ترمپ كۆم بیت، هه‌كه ل گه‌ل كۆم بیت دێ هه‌لویسته‌كێ توند هه‌مبه‌ر سه‌رۆك كۆماری مه هه‌بیت.
به‌رپرسێ ئه‌منیێ حزبولا عیراقی ئه‌و چه‌نده دیاركر هه‌كه سه‌رۆك كۆمار ل گه‌ل سه‌رۆكێ ئه‌مریكا كۆمبوو، دڤێت به‌رهه‌م سالح ژ به‌غدا بهێته ده‌ركه‌ن ژلایێ ئازادیخوازانڤه.
سه‌رۆك كۆمارێ عیراقی ب مه‌به‌ستا پشكداریكرنێ ل كوربه‌ندێ ئابووری یێ داڤوسێ به‌ره‌ڤ سویسرا چوویه و بریاره ل گه‌ل دونالد تره‌مپی ژی كۆم بیت.
سه‌رۆكێ هه‌رێمێ ل كوربه‌ندی داڤوس پشكداره
ئه‌ڤرۆ نیوز:
ئه‌ڤرۆ 21/1/2020 كۆبه‌ندێ سالانه‌یێ ئابووری یێ جیهانی ل باژێرێ داڤوس ل رۆژهه‌لاتێ سویسرا ده‌ست پێكر،دڤی كوربه‌ندی دا چه‌ندین سه‌ركرده و بازرگان و چالاكڤانێن مه‌زن و 175 پانێل و دانوستاندنێن تایبه‌ت ل سه‌ر هه‌فت بیاڤێن سه‌ره‌كی برێڤه دچیت.
كوربه‌ندێ ئابووری یێ جیهانی، نێچیرڤان بارزانی سه‌رۆكێ هه‌رێما كوردستانێ ل گه‌ل دونال تره‌مپ سه‌رۆكێ ئه‌مریكا و ئه‌نتونیو گوتێرێز سكرتێرێ گشتی یێ ریكخراوا نه‌ته‌وه‌یێن ئێكگرتی ژماره‌یه‌كا سه‌ركرده‌یێن دی و وه‌زیرێن وه‌لاتان.
فه‌لاح مسته‌فا راوێژكارێ سه‌رۆكێ هه‌رێما كوردستانێ راگه‌هاند: سه‌ره‌دانا نێچیرڤان بارزانی گرنگیه‌كا زۆر تایبه‌ت هه‌یه‌و په‌یوه‌ندێن هه‌رێما كوردستانێ ل گه‌ل جڤاكی نێڤ ده‌وله‌تی به‌رفه‌رهتر كه‌ت.
ل كوربه‌ندێ داڤوس یێ 2020 كۆ 677 سه‌ركرده و به‌رپرسێن بلندێن جیهانێ پشكدارن كۆ 175 پانێل و دانوستاندنێن تایبه‌ت ل سه‌ر حه‌فت بیاڤێن سه‌ره‌كی برێڤه دچن.
50 سال ده‌ر بازبوون ل سه‌ر بریڤه‌بوونا كوربه‌ندێ ئابووریێ جیهانی ل داڤوس، كوربه‌ندی ئابووری یێ جیهانی ل ده‌ستپێكێ ل بن ناڤی كوربه‌ندێ برێڤه‌برنا ئه‌ورۆپا ل سالا 1971 هاته دامه‌زراندن، پاشان ل سالا 1987 ناڤێ وێ هاته گوهورین بۆ كوربه‌ندێ ئابووری یێ جیهانی، كوربه‌ندێ ئابووری داڤوس ژیێ 50 سالیێ دایه.
یاسایا چاكسازیێ هاته ره‌وانه‌كرن بۆ سه‌رۆكاتیا هه‌رێمێ
ئه‌ڤرۆ نیوز:
په‌رله‌مانێ كوردستانی ب فه‌رمی ره‌وانه‌كرنا پرۆژه‌یێ یاسایا چاكسازیی یا خانه‌نشینی و موچه و ده‌رماله و به‌خشین و ئیمتیازێن دی بۆ سه‌رۆكاتیا هه‌ریما كوردستانی راگه‌هاند.
د ئه‌وێ راگه‌هاندنا په‌رله‌مانێ كوردستانێ دا هاتیه، د چارچوڤه‌یێ په‌یره‌وێ ناڤخو و یاسایێن به‌ركار، یاسایا چاكسازیێ ل خانه‌نشینی و مووچه‌ی و ده‌رماله و به‌خشین و ئیمتیازات ره‌وانه‌ی سه‌رۆكایه‌تیا هه‌رێمێ كر.
لگۆری یاسا ژماره 1 یا سالا 2005 یاساسا سه‌رۆكاتیا هه‌رێما كوردستانێ، ئه‌و یاسایێن كۆ ژلایێ په‌رله‌مانێ كوردستانی دهێنه په‌سندكرن، سه‌رۆكێ هه‌رێمێ ل ماوه‌یێ 10 رۆژان ژ رۆژا ده‌ركه‌فتنێ ڤه ب ده‌ركه‌فتن دهێته دانان، مافێ هه‌ی تانه ل ته‌ڤایا یاسایێ یان پشكه‌كێ بده‌ت و ره‌وانه‌ی په‌رله‌مانی بكه‌ته ڤه.
د راگه‌هاندنا په‌رله‌مانێ كوردستانی دا هاتیه، لگۆری هه‌ر دو ماده‌یێن 64 و 65 ژ په‌یره‌وێ ناڤخۆیێ په‌رله‌مانێ كوردستانێ دا، كۆ دبێژیت دڤێت یاسا و بریار، ل ماوه‌یێ 15 رۆژان ژ رۆژا په‌سندكرنا وێ بهێته ره‌وانه‌كرن بۆ سه‌رۆكاتیا هه‌رێمێ، ب مه‌به‌ستا ئیمزاكرنێ، هه‌كه سه‌رۆكاتیا هه‌رێمێ ل ماوێ 15 رۆژان لگۆری یاسایا سه‌رۆكاتیا هه‌رێمێ ژماره ژ یاسای 2006 یا راستڤه‌كری، یاسا یان بریار ب شێوه‌یه‌كێ گشتی یان پشكه‌ك بهێته ره‌تكرن، ل وی ده‌می دڤێت لژنه‌یێن تایبه‌تمه‌ند ل ماوه‌ی 15 رۆژان راپۆرتا خو بنڤیسن، ب ئێكه‌مین رینشتن پشتی ته‌مام بوونا راپۆرتێ بهێته ناڤ په‌رله‌مانی و بهێته ئێكلایكرن، ب ده‌نگێ پرانیا ئه‌ندامێن په‌رله‌مانی پێداگیری ل سه‌ر رایا خۆ بكه‌ت و ئه‌ڤێ جاری رایا په‌رله‌مانی ناهێته ره‌تكرن.
د راگه‌هاندنا په‌رله‌مانێ كوردستانێ دا، ئاماژه ب وێ چه‌ندێ هاتیه‌كرن، یاسایا چاكسازیێ ل خانه‌نشین و مووچه و ده‌رماله و به‌خشین و ئیمتیاز، رینشتنا ژماره 15 یا ئاسایی یا خۆلا پایزه ل سالا ئیكێ یا خۆلا پێنجی یا هه‌لبژارتنێ، رۆژا 16/1/2020 ب ده‌نگی 89 ئه‌ندامێن په‌رله‌مانێ كوردستانێ هاته په‌سندكرن.
پتریا جهێن شوونه‌وارى ل قه‌زا ئامێدیێ ل ژێرمه‌ترسیا ژناڤچوونێ
ئه‌ڤرۆ نیوز، مه‌حمود نهێلى:
ژ ئه‌گه‌رێ گهورینێن سه‌قاى و باران و به‌فرێ و سه‌رمایێ پترى جهێن شوونه‌وارى ل ده‌ڤه‌را ئامێدیێ ل ژێر مه‌ترسیا ژ ناڤچوونێ نه و شوونه‌وارناس ژى دبێژن ئه‌ڤ جهه پێدڤى ب نووژه‌نكرنا به‌رده‌وامن. ئه‌یهان ئامێدێ نوونه‌وارێ قه‌زا ئامێدیێ ل رێڤه‌به‌ریا شوونه‌وارێن دهوكێ بۆ ئه‌ڤرۆ نیوز دیاركر، كو پتر یا ڤان جهێن شوونه‌وارى ل ژێر مه‌ترسیا ژناڤچوونێ نه و گۆت: ( ژ ئه‌گه‌رێ بارانێن زۆر ل ده‌ڤه‌رێ و گهورینێن سه‌قاى و سه‌رما و گه‌رمێ كارتێكرن ل ڤان جهێن شوونه‌وارى دهێته كرن و هێردى هێردى ژ ناڤ دچن).
ناڤهاتى دیار ژى كر، ئه‌ڤ جهێن شوونه‌وارى یێن به‌رى چه‌ند سالان دروست نها ژ ناڤ چووینه یان ژى خراب بووینه وه‌كوو قوتابخانا قوبه‌هان كو گه‌له‌ك ژێ هه‌رفتیه ل دووڤ سالا 1997 وه‌ك میناك. و خویاكر، دوورێن 300 جهێن شوونه‌وارى ل ده‌ڤه‌را ئامێدیێ هه‌نه و ژ بوو پاراستنا وان پێدڤى ب نووژه‌نكرنا به‌رده‌وام هه‌یه داكو ژ مه‌ترسیا ژناڤچوونێ بهێنه پاراستن وه‌ك كه‌لها هه‌ولێرى كو پتر چاڤدێرى لێ دهێته كرن داكو كارتێكرن ژێ نه‌هێته كرن ژلایێ گهورینێن سه‌قاى و سرۆشتى ڤه.
خه‌لكێ دهۆكێ سكالایه‌ك ل سه‌ر كۆمپانیا كوره‌ك تێلیكوم تۆماركر
ئه‌ڤرۆنیۆز، ئه‌میر ئه‌ترووشی
به‌شداربوویێن هێلا كوره‌ك تێلیكوم ب رێیا پارێزه‌ره‌كی سكالایه‌ك ل سه‌ر كۆمپانیا كۆره‌ك تۆماركر ب تۆمه‌تا فێلبازیێ ب رێیا هنارتنا نامه‌یه‌كێ.
ئه‌ڤرۆ رۆژا ئێكشه‌مبی 18/1/2020 پارێزه‌ر هێرش ره‌شید، ل دادگه‌ها دهۆكێ ب رێكا داواكارێ گشتی، ب شێوه‌یه‌كێ فه‌رمی سكالایه‌ك ل سه‌ر كۆمپانیا كۆره‌ك تێلیكوم تۆماركر، پشتی ب هزاره‌ها خه‌لكێ دهۆكێ گله‌ی ل سه‌ر نامه‌یه‌كا كۆره‌ك تێلیكه‌م كری كو ب رێكا وێ نامێ كۆمپانیا كۆره‌ك داخواز ژ به‌شداربوویێن خوه كریه هێلێن خوه ب كۆژمێ 8000 دیناران بكه‌ته (اشتراك)، پشتی ئه‌ڤ پێنگاڤه دهێته هاڤێتن، (8000) دینار ژی دچن و نابیته (اشتراك).
پارێزه‌ر هێرش زێده‌تر بۆ ئه‌ڤرۆ نیۆز گۆت: ب هزاره‌كا نامه بۆ به‌شداربووێن كوره‌ك ل دهۆكێ هاتینه و ب تنێ بۆ به‌شداربوویێن دهۆكێ و هه‌موویان گازنده كرینه و مه ژی ڤیایه ب رێیا دادگه‌هێ مافێ هاوولاتیان ژ كۆمپانیێ وه‌رگرین.
نێچیرڤان بارزانی: هه‌بوونا هێزێن ئه‌مریكی و هه‌ڤپه‌یمانان یا گرنگه بۆ هه‌موو عیراقێ
ئه‌ڤرۆ نیوز:
سه‌رۆكێ هه‌رێما كوردستانێ، نێچیرڤان بارزانی د دیدارره‌كا رۆژنامه‌ڤانی دا ل گه‌ل مالپه‌رێ (مونیتۆر) یێ فره‌نسی راگه‌هاند، بریارا په‌رله‌مانێ عیراقێ ل دۆر ده‌ركرنا هێزێن ئه‌مریكی ژ عیراقێ بریاره‌كا د جهێ خوه دا نه‌بوو و ژلایێ شیعان ب تنێ هاتیه ده‌ركرن بێ راوێژ ل گه‌ل پێكهاتێن دی یێن سه‌ره‌كی ل وه‌لاتی.
نێچیرڤان بارزانی ئاماژه كر” یا باش ئه‌وه دانوستاندن د ناڤبه‌را عیراقێ و ئه‌مریكا دا بهێنه كرن ل دۆر شێوێ پاشه‌رۆژێ یێ به‌لاڤكرنا هێزێن ئه‌مریكی ل عیراقێ، ژبه‌ركو هه‌بوونا هێزێن ئه‌مریكی و هه‌ڤپه‌یمانان یا گرنگه بۆ هه‌موو عیراقێ”.
ل دۆر كارتێكرنا كوشتنا قاسم سلێمانی وئه‌بو مه‌هدی موهه‌ندس ل سه‌ر عیراقێ و كوردستانێ، سه‌رۆكێ هه‌رێمێ گۆت” ڤێ روودانێ له‌هیه‌كا هه‌ستان ل عیراقێ و ئه‌مریكا په‌یداكر وه‌كو كارڤه‌دانا په‌رله‌مانێ عیراقێ و سه‌رۆكێ وه‌زیران و به‌رسڤا ئه‌مریكا ژی دای ل دۆر مانا هێزێن وێ ل عیراقێ سه‌ره‌رای بریارا په‌رله‌مانی و حوكمه‌تا عیراقێ، ب دیتنا من دڤێت هه‌ست و كارڤه‌دانا دانینه لایه‌كی، ژ به‌ركو ئه‌م نوكه پێدڤی ب ڤه‌گرتنا هه‌لویستینه، بۆ كونترۆلكرنا وی”.
گۆت ژی” ب دیتنا مه ئه‌و بریارا په‌رله‌مانێ عیراقێ ل دۆر ده‌ركرنا هێزێن ئه‌مریكی ده‌ركری، بریاره‌كا د جهێ خوه دا نه‌بوو و كورد و سوننه‌یان پشكداری د ده‌ركرنا وێ بریارێ دا نه‌كربوو، هه‌روه‌سا ئه‌و بریاره پێشینه‌كا خرابه، چونكه ژلایێ لیستا شیعی ڤه هاتیه ده‌ركرن بێ راوێژكرن ل گه‌ل پێكهاتێن سه‌ره‌كی یێن ڤی وه‌لاتی ئه‌وژی كورد و سوننه‌نه و گاڤه‌كا ئێكلاكه‌ر بوو هاتیه هاڤێتن بێ بزاڤكرن بۆ بده‌ستڤه‌ئینانا تێكراییێ و ئه‌ڤ چه‌نده ژی سه‌رپێچیه ل دستوورێ عیراقێ و ئه‌ڤ بریاره ژی یا باش نینه بۆ عیراقێ چ ل نوكه و چ ل پاشه‌رۆژێ”.
گۆت ژی” دڤێت ئه‌ڤ هه‌ردو پرسیاره بهێته كرن: بۆچی هێزێن ئه‌مریكی ل عیراقێ نه؟ یێن ل ڤێرێ ل سه‌ر داخوازا حوكمه‌تا عیراقێ ل سالا 2014 و ب راوێژكرن ل گه‌ل جڤاتا ئاسایشا نێڤده‌وله‌تی ده‌مێ داعش نێزیكی به‌غدا دبوو، و ئایا ره‌وشا نوكه ل عیراقێ دخوازیت هێزێن ئه‌مریكی و هه‌ڤپه‌یمان خوه ڤه‌كێشن كو ئه‌ركێ وان شكاندانا داعشێ بوو؟ ب دیتنا مه ل هه‌رێما كوردستانێ به‌رسڤ ب رۆهنی دێ (نه‌خێر) بیت، چونكی هه‌موو پێزانینێن هه‌والگیری ئاماژێ دكه‌ن كو داعشێ دووباره رێزێن خوه یێن رێكخستین و رۆژانه هێرشان دژی ئارمانجێن عیراقی ئه‌نجام دده‌ت، ل ڤێرێ به‌رژه‌وه‌ندیا هه‌رێما كوردستانێ یا گرنگه بۆ هێزێن ئه‌مریكی وه‌كو چاوان به‌رژوه‌ندیا هه‌موو عیراقێ یا گرنگ”.
سه‌باره‌ت وان فشارێن دهێنه كرن بۆ ده‌ركرنا هێزێن ئه‌مریكی ژ عیراقێ، دبێژیت” د سه‌ره‌دانا ڤێ دووماهیێ سا عه‌بدولمه‌هدی بۆ كوردستانێ، مه ل ده‌ف دیت كو دخوازیت ڤێ پرسێ ب رێیا دانوستاندنێ ل شوونا روو ب رووبوونێ چاره‌كه‌ت، ئه‌وژی گه‌هشتن بۆ شێوه‌كێ نوو بۆ دووباره رێكخستنا هه‌بوونا هێزێن ئه‌مریكی و هه‌ڤپه‌یمانان ل عیراقێ” گۆت ژی” هه‌بوونا هێزێن ئه‌مریكی و هه‌ڤپه‌یمانان پێدڤیه‌كه بۆ هه‌موو عیراقێ”.
ل دۆر هێرشا مووچه‌كی یا ئیرانێ ل سه‌ر ئه‌مریكیان كو ئێك ژ بنگه‌هێن ئه‌مریكی ل هه‌ولێرێ ببوو ئارمانج، نێیرڤان بارزانی گۆت” ئه‌و هێرشه په‌یامه‌كا رۆهن بوو ژلایێ ئیرانێ ڤه بوو هه‌موویان كو وێ ئیراده و شیانێن لێدانێ ل هه‌ر جهه‌كی ل عیراقێ یێن هه‌ین” دیاركر ژی” ئه‌م ناخوازین عیراق ببیته مه‌یدانا شه‌ری د ناڤبه‌را ئیرانێ و ئه‌مریكا دا، د هه‌مان ده‌م دا ئیران جیرانا مه یا كه‌ڤنه، هه‌روه‌سا سه‌رۆك وه‌زیرێن عیراقێ هه‌ر ژ ده‌ست بكاربوونا وی كاركریه كو عیراق نه‌كه‌ڤیته د هه‌ڤركیا وان هه‌ردو وه‌لاتان دا”.
سه‌باره‌ت داخوازناما سه‌رۆكێ ئه‌مریكی دۆنالد ترامب بۆ سه‌رۆكێ هه‌رێما كوردستانێ بۆ كۆمبوونه‌كێ ل كۆچكا سپی كو ژلایێ جێگرێ سه‌رۆكێ ئه‌مریكی مایك بینس ل مه‌ها چریا دوویێ 2019 هاتبوو هاتبوو گه‌هاندن، نێچیرڤان بارزانی گۆت” داخوازنامه‌كا به‌رده‌وام یا هه‌ی به‌لێ هه‌تا نوكه چو ژڤان بۆ كۆمبوونێ نه‌هاتینه دیاركرن، ئه‌و داخوازنامه هاتبوو به‌ری روودانێن ده‌ست ژكاركێشانا عه‌بدولمه‌هدی و كوشتنا قاسم سلێمانی، ئه‌مریكا مه پشكه‌ك ژ عیراقێ دبینیت و ره‌فتارێ ل سه‌ر ڤی بنه‌مای ل گه‌ل مه دكه‌ت”.
ل دۆر پێشبینیا هه‌ڤدیتنا وی و ترامپی ل كۆپیتكا دافۆس ل سویسرا گۆت” یا دیار نینه ترامپ دێ ل دافۆس به‌رهه‌ڤ بیت یان نه، به‌لێ دێ ل گه‌ل جێگرێ وی بینس ل دافۆس كۆم بم”.
سه‌باره‌ت په‌یوه‌ندیێن ئه‌مریكا و هه‌رێما كوردستانێ پشتی كوشتنا قاسم سلێمانی، گۆت” هه‌رێما كوردستانێ ب چارچۆڤێ خوه یێ قانوونی و دستووری گرنگیه‌كا تایبه‌ت دناڤ هه‌ڤكێشا عیراقی و سیاسه‌تا ئه‌مریكا به‌رامبه‌ر عیراقێ یا هه‌ی، ئانكو سیاسه‌ته‌كا عیراقی یا ئێكگرتی”.
ل دۆر بۆچوونا سه‌رۆكێ هه‌رێمێ ل سه‌ر ئه‌نجامدانا رێككه‌فتنه‌كێ د ناڤبه‌را كوردێن سووریێ و حوكمه‌تا سووری، گۆت” ب دیتنا مه پرسا كوردی دڤێت دناڤ سنوورێ سووریێ دا بهێته چاره‌كرن و پێدڤیه حوكمه‌تا سووری پتر یا به‌رهه‌ڤ بیت بۆ ڤێ چه‌ندێ، كورد ل سووریێ پشكه‌كن ژ وی وه‌لاتی، دبیت رووسیا بشێت كاره‌كی بكه‌ت، ده‌مێ ل گه‌ل وه‌زیرێ ده‌رڤه‌یێ رووسیا كۆمبوویم، من داخواز ژێ كر هاریكاریێ بكه‌ت د پێشكێشكرنا رێككه‌فتنه‌كێ د ناڤبه‌را كوردان و رژێما سووریێ دا، ب دیتنا من پێدڤیه ل سه‌ر سه‌رۆكێ رووسی پۆتینی پتر بزاڤان د ڤی بیاڤی دا بكه‌ت” زێده‌تر گۆت” شیره‌تا مه ل ده‌مێن بۆری و نوكه و ل پاشه‌رۆژێ ئه‌وه كوردێن سووریێ رێیه‌كێ بۆ گه‌هشتنێ ب رێككه‌فتنه‌كێ ل گه‌ل رژێما سووریێ ببینن، هه‌روه‌سا من چه‌ندین جاران داخواز ژ وان كریه په‌یوه‌ندیێن خوه ل گه‌ل پارتیا كاركه‌رێن كوردستانێ (په‌كه‌كێ) ل قندیلی قوت بكه‌ن”.
نێچیرڤان بارزانی ل دۆر په‌یوه‌ندیێن هه‌رێمێ و توركیا گۆت” په‌یوه‌ندیێن مه ل گه‌ل توركیا به‌رده‌وام د گرنگ و باشن، سه‌رۆك وه‌زیرێن هه‌رێما كوردستانێ، مه‌سرور بارزانی، كۆمبوونه‌كا باش ل گه‌ل سه‌رۆكێ توركی ئه‌ردۆگان ئه‌نجامدایه، و ئه‌م دێ د به‌رده‌وام بین ل سه‌ر وێ ریێ” گۆت ژی” نابیت رێ بده‌ین كوردستانا عیراقێ ببیته بنگه‌هه‌ك بۆ هێرشكرنێ ل سه‌ر چو وه‌لاتێن جیران و پێدڤیه ئه‌ڤ كێشه ل توركیا ب ریێن ئاشتیانه بهێته چاره‌كرن و چ ده‌مێ من هه‌ڤدیتن ل گه‌ل به‌رپرسێن توركی ئه‌نجامداین، بیرا وان ب ڤێ چه‌ندێ دئینم، ئه‌ڤ كێشه پێدڤیه ب دانوستاندنێ بهێته چاره‌كرن نه كو ب رێیا له‌شكری، ژ به‌ركو ئه‌و چه‌نده د به‌رژه‌وه‌ندیا هه‌ردو لایه‌نان دا نینه”.
هه‌روه‌سا گۆت” هه‌رێما كوردستانێ چارچۆڤێ خوه یێ قانوونی و دستووری د ناڤ عیراقێ دا یێ هه‌ی، ئه‌ڤه راستیه‌كه و یا دانپێدان كریه ل عیراقێ و جڤاكێ نێڤده‌وله‌تی، و ب ده‌لیڤه دبینم ده‌ستخوه‌شیێ ل خوشك و برایێن رۆژئاڤا بكه‌م ل سه‌ر قوربانیدان و خوراگریا وان یا مه‌زن د شه‌رێ دژی داعشێ دا و ئه‌و قوربانیێن وان داین نه ب تنێ به‌رگری ژ خوه و سووریێ بوو، به‌لكو به‌رگری ژ مرۆڤایه‌تیێ بوو و ئه‌م قه‌رادارێن وانین و پێدڤیه مافێن وان ب شێوه‌كێ دستووری د چارچۆڤێ سووریا ئێكگرتی دا بهێنه پاراستن”.
ل دۆر رێككه‌فتنێ ل گه‌ل به‌غدا ل سه‌ر بودجه‌ی و په‌ترۆلێ، گۆت” ل دووماهیا هه‌یڤا ئه‌یلوولا بۆری ئه‌م یێن گه‌هشتینه رێككه‌فتنێ، پێدڤیه ئه‌م پتر ژ 25 هزار به‌رمیلێن په‌ترۆلێ راده‌ستی كۆمپانیا په‌ترۆلێ یا نیشتمانی (سۆمۆ) بكه‌ین ل ویستگه‌هێن هنارتنێ ل به‌نده‌رێ جه‌یهان یێ توركی كو ب رێیا (سۆمۆ) بهێته هنارتن و داهاتیێ وان ژی بۆ گه‌نجینا عیراقێ بچیت و به‌هرا حوكمه‌تا هه‌رێما كوردستانێ بهێته دان”.
دیاركر ژی” هه‌ر ژ ئادارا سالا بۆری پشكه‌ك ژ مووچێن فه‌رمانبه‌رێن هه‌رێمێ ژ لایێ حوكمه‌تا ناڤه‌ندی ل به‌غدا ب شێوه‌كێ رێكخستی دهێنه دان كو دبیته 55%، ئه‌م به‌حسێ 380 ملیۆن دۆلاران هه‌یڤانه دكه‌ین كو به‌هرا هه‌موو مووچان ناكه‌ت، سه‌رجه‌مێ مه‌زاختیێن مه بۆ مووچێن فه‌رمانبه‌ران و دابینكرنا جڤاكی هه‌یڤانه 700 ملیۆن دۆلارن و ملیۆنه‌ك و 200 هزار كه‌س مووچان ژ حوكمه‌تێ وه‌ردگرن ژوان 700 هزار فه‌مانبه‌ر ب شێوه‌كێ ئێكسه‌ر ل ده‌ف حوكمه‌تێ كاردكه‌ن زێده‌باری پێشمه‌رگه و فه‌رمانبه‌رێن خزمه‌تا مه‌ده‌نی”.
ل دۆر هه‌لسه‌نگاندنا وی بۆ كارێ سه‌رۆكێ حوكمه‌تا هه‌رێمێ، گۆت” د حوكمه‌تا به‌رێ دا پتر ئه‌م د ره‌وشا ب رێڤه‌برنا كێشان دا بووین زێده‌باری هه‌بوونا ناكۆكیا بودجێ ل گه‌ل به‌غدا و پاشی هاتنا داعشێ، ل 10 سالێن بۆری دا گه‌له‌ك تشت یێ هاتیه بده‌ستڤه‌ئینان، به‌لێ شاشی ژی هاتینه ئه‌نجدان، حوكمه‌تا نوو ده‌ست ب په‌یوه‌ندیێن باشتر ل گه‌ل به‌غدا كریه وب هێز ژی ده‌ست ب پرۆسا چاكسازیێ كریه و ب دیتنا من سه‌رۆك وه‌زیرێن كوردستانێ یێ كاره‌كێ باش ئه‌نجام دده‌ت و هه‌ڤسه‌نگیه‌كا باش ل جڤاتا وه‌زیران په‌یداكریه، ئه‌و یێ كاره‌كێ باش دكه‌ت”.
هه‌ینیا بهێت دێ خونیشاندا ملیۆنی بیت ل به‌غدا
ئه‌رۆ نیوز:
سالح محه‌مه‌د كه‌ساتیه‌كێ نیزیكێ موقته‌دا سه‌در راگه‌هاند: خونیشاندانێن هه‌ینیا بهێت دی یا ملیۆنی بیت، لێ نابیت وه‌ك خو نیشاندانێن رابوری بیت، به‌لكۆ ئه‌فجاره پێدڤیه به‌رفه‌رهتر و خه‌لك زێده‌تر پشكداریێ تێدا بكه‌ن.
ناڤبری ئه‌و چه‌نده ژی راگه‌هاند خونیشاندانێن بهێت چاره‌نفیسا نیشتمانی و و سه‌روه‌ری و سه‌ربه‌خویا ئازادیێ ئیكلایی دكه‌ت، سوپاسیا ئه‌وان كه‌سانه ژی دكه‌ت ییێن پشته‌ڤانی و هه‌ڤكار بوین.
پاپوره‌كا شه‌ركه‌را فه‌ره‌نسا گه‌هشته رۆژهه‌لاتا ناڤین
ئه‌ڤرۆ نیوز:
سه‌رۆك كۆمارێ فه‌ره‌نسا هنارتنا پاپۆرا شه‌ری یا شارل دیگۆل بۆ رۆژهه‌لاتا ناڤین پشت راست كر.
ئیمانوێل ماكرون سه‌رۆك كۆمارێ فه‌ره‌نسا راگه‌هاند: د چارچوڤه‌یێ گرۆپه‌كێ پاپۆرێن شه‌ری، پاپۆرا شه‌ری یا شارل دیگۆل ره‌وانه‌ی رۆژهه‌لاتا ناڤین دكه‌ین.
سه‌رۆك كۆمارێ ئه‌و چه‌نده ژی دیاركر ئارمان ژ هنارتنا ئه‌وێ پاپۆرا شه‌ری چاڤدێریكرن و پاراستنا هێزێن مه‌یه ل وێ ئوپراسیونا سه‌ربازی ل رۆژهه‌لاتا ناڤین دژی گرۆپا تیرۆریستیا داعشێ ئه‌نجام دده‌ین.
په‌رله‌مانی ب زۆرینه‌یا ده‌نگان پرۆژه‌یێ یاسایا چاكسازیێ په‌سندكر
ئه‌ڤرۆ نیوز:
په‌رله‌مانێ كوردستانی ب زۆرینه‌یا ده‌نگان پرۆه‌ژیێ یاسایا چاكسازیێ ل مووچه و ده‌رماله و خانه‌نشینیێ په‌سندكر.
پشتی پرۆژه‌یێ یاسایا چاكسازیێ ژلایێ جڤاتا وه‌زیران یا حوكمه‌تا هه‌رێما كوردستانێ ره‌وانه‌ی په‌رله‌مانێ كوردستانێ هاتیه‌كرن، خاندنا ئیكێ ژلایێ په‌رله‌مانێ كوردستانێ كر و لژنه‌یێن په‌رله‌مانی چه‌ندین كۆمبوون ل سه‌ر پرۆژه‌ی ئه‌نجام دان، پاشی خاندنا دویێ بۆ هاته‌كرن و پاشی ئه‌ڤرۆ هاته په‌سندكرن.
ئه‌ڤرۆ 16/1/2020 ل كۆمبوونا په‌رله‌مانێ كوردستانێ ب ده‌نگێ 89 په‌رله‌مانتاران پرۆژه‌یێ یاسایا چاكسازیێ ب زۆرینه هاته په‌سندكرن.
جوتیار عادل په‌یڤدارێ فه‌رمیێ حوكمه‌تا هه‌رێما كوردستانێ راگه‌هاند: حوكمه‌تێ بریار دایه د پرۆژه‌یێ چاكسازیێ به‌رده‌وام دبیت و ئه‌ڤ یاسایا چاكسازیێ پێنگاڤا ئیكێ یه.
ئومید خوشناو سه‌رۆكێ فراكسیونا پارتی ل په‌رله‌مانێ كوردسنانێ راگه‌هاند: په‌سندكرنا یاسایا چاكسازیێ ده‌ستپێكه‌كه ژ پێنگاڤه‌كا مه‌زنا په‌یوه‌ندیێن ناڤبه‌را په‌رله‌مانی و حوكمه‌تێ و بده‌ستڤه ئینانا ئارمانجان ل پاشه‌رۆژێ كاره‌كێ مه‌زنتر بكه‌ین.
عه‌لی حه‌مه سالح سه‌رۆكێ فراكسیونا گۆرانێ دیاركر ژبلی دروستكرنا ژماریا به‌نكی بتنێ هاتیه بنه‌جیهكرن، خانه‌نشینا پله بالا كۆ به‌ریا نها 6 ملیۆن و 400 هه‌زار دینار بوون، نوكه 15 سه‌دیێ داكه‌تی یه، هه‌كه به‌كالریوس هه‌بیت 21% زێده‌بیت.
جه‌مال حه‌ویز سه‌رۆكێ فاركسیونا ئیكه‌تیێ راگه‌هاند: پێنگاڤه‌كا مه‌زن هاته هاڤێتن، زۆر گرنگه پرۆزباهیێ ل كه‌س و كارین شه‌هیدان بكه‌ین بێ ده‌ستكاری یا مووچه‌یێن وان و چاكسازی قوناغ ب قوناغ دێ چیته بیاڤێ بجهكرنێ.
نيشاندان
WP Facebook Auto Publish Powered By : XYZScripts.com