ئه‌ڤرۆ نيوز، هه‌رهين محه‌مه‌د:
ب هه‌لكه‌فتا بيره‌وه‌ريا ساخكرنا رۆژا ئالايێ كوردستانێ چه‌ندين چالاكى ل چه‌ندين جهێن جودا هاتنه كرن، ل ئاماده‌يا دهۆك يا كچان و قوتابخانا سه‌لاحه‌دين يا بنه‌ره‌ت چالاكى ب ڤى ره‌نگى بوون:
نووترين نووچه
- رێكێ نادەین هیچ كەسەك دەستێوەردانێ د كاروبارێن مە دا بكەت
- بەرهنگاربوونا مادەیێن هۆشبەر ئەركەكێ نیشتمانی و ئەخلاقی یێ مە هەموویانە
- مەسرور بارزانی: هیڤیدارین د زووترین دەمدا، حوكمەتەكا نوو و ب هێز و خزمەتگوزار پێكبینین
- فڕەنسا کار بۆ دەستپێکرنا قۆناغەکا نوو ل رۆژئاڤایێ کوردستانێ دکەت
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
سهرهكى هه‌لبژارتى1
سوباهى هه‌رسێ سه‌رۆكايه‌تيێن هه‌رێمێ ل دۆر چاكسازيێ دێ كۆمبن
ئه‌ڤرۆ نيوز:
برياره سوباهى سێشه‌مبى 17/12/2019 هه‌رسێ سه‌رۆكايه‌تيێن هه‌رێما كوردستانێ ل دۆر پرۆژێ قانوونا چاكسازيێ كۆمببن و گفتوگۆيێ ل سه‌ر بكه‌ن.
شوان زار، ئه‌ندامێ په‌رله‌مانێ كوردستانێ دياركر”كۆمبوونا سه‌رۆكايه‌تيا هه‌رێمێ و په‌رله‌مانى و جڤاتا وه‌زيران بۆ دروستكرنا كۆده‌نگيێ يه ل سه‌ر په‌سه‌ندكرنا پرۆژێ قانوونا چاكسازيێ ل هه‌رێما كوردستانێ، بۆ وێ چه‌ندێ د شياندا بيت ب زووترين ده‌م ل په‌رله‌مانى ده‌نگ ل سه‌ر بهێته دان و سه‌رۆكێ هه‌رێمێ ژى ئيمزا بكه‌ت و پاشى بچيته د وارێ بجهئينانێ دا.
وه‌زاره‌تا ساخله‌ميێ بۆ وه‌لاتيان: ڤان جۆره ده‌رمانان نه‌كرن
ئه‌ڤرۆ نيوز:
وه‌زاره‌تا ساخله‌ميێ ل هه‌رێما كوردستانێ ئه‌ڤرۆ ئێكشه‌مبى 15/12/2019 داخواز ژ نه‌خوه‌شان كر كو ده‌رمانێن رێكلام ب رێيا (Network Marketing) بۆ دهێته كرن نه‌كرن، دياركر ژى كو ئه‌و وه‌لاتيێن ئه‌ڤ جۆره ده‌رمانه كرين و زيان گه‌هشتينێ، دشێن سكالايێ تۆمار بكه‌ن بۆ زڤراندنا مافێن وان.
د به‌ياننامه‌كا رێڤه‌به‌ريا گشتى يا كونترۆلا جۆره‌يى ل وه‌زاره‌تا ساخله‌ميێ ل هه‌رێمێ ل دۆر به‌رهه‌مێن نوشدارى ب رێيا (Network Marketing) هاتيه” ئه‌ڤه ده‌مه‌كه خواست ل سه‌ر كرينا به‌رهه‌مێن نوشدارى ب رێيا (Network Marketing) ل هه‌ريما كوردستانێ زێده‌بوويه”.. هه‌روه‌سا وه‌لاتيێن هه‌رێما كوردستانێ كئاگه‌هداركرن كو پتريا وان به‌رهه‌مێن نوشدارى نه د مۆله‌ت داينه ژ كونترۆلا جۆره‌يى بۆ به‌لاڤكرن و بكارئينانێ و داخواز كر كو وه‌لاتى چ به‌رهه‌مێن نوشدارى يێن نه مۆله‌تداى نه‌كرن.
سێمێل: کچەکا 9 سالى 9 موگناتيز داعويران
ئه‌ڤرۆ نيوز، نيوار محه‌مه‌د سه‌ليم:
پشتى كچه‌كا 9 سالى ل سێمێلێ 9 موگناتيس داعويراين، ل نه‌خۆشخانا هيڤى يا زارۆيان ل دهۆكێ نشته‌رگه‌رى ب سه‌ركه‌فتيانه بۆ هاته ئه‌نجام دان.
ئدريس ئاسهى، ژ راگه‌هاند ساخله‌ميا سێمێلێ بۆ ئه‌ڤرۆ نيوز ئاشكه‌را كر كو كچه‌كا 9 سالى ل سێمێلێ ب ناڤێ (هـ. د) و پشتى تێكچوونا ساخله‌ميا وێ ل گه‌ل خێزانا خوه سه‌ره‌دانا نه‌خۆشخانێ كريه و پشتى ديار بوويى كو 9 موگناتيس يێن خوارين ئێكسه‌ر بڕيارا نشته‌رگه‌ريێ بۆ هاته دان”.
ئاسهى گۆت: “هه‌ر دوهى رۆژا شه‌مبى 14ى كانوونا ئێكێ ل نه‌خۆشخانا هيڤى يا زارۆيان و ل سه‌ر ده‌ستێ د. قادر و د. كابان نشته‌رگه‌رى بۆ هاته كرن و د ئه‌نجام دا هه‌ر 9 مۆگناتيس ئينانه ده‌ر كو ئێك د بۆريا خوارنێ دابوو و شه‌ش د مه‌عده‌ى و دو ژى د رووڤيكا دوازده گرێ دا”.
ئاشكه‌را ژى كر كو نشته‌رگه‌رى ب سه‌ركه‌فتيانه ب دووماهى هاتيه و ره‌وشا نه‌خۆشيێ ئاسايى بوويه و يا ب سلامه‌ته.
مه‌سرور بارزانى پيرۆزباهيێ ل سه‌رۆك وه‌زيرێن بريتانيا دكه‌ت
ئه‌ڤرۆ نيوز:
سه‌رۆك وه‌زيرێن هه‌رێما كوردستانێ، مه‌سرور بارزانى په‌يامه‌كا پيرۆزباهيێ ئاراسته‌ى بۆريس جۆنسن سه‌رۆكێ پارتا پارێزگاران و سه‌رۆك وه‌زيرێن بريتانيا كر ب هه‌لكه‌فتا سه‌رۆكه‌فتنا ديرۆكى يا پارتا پارێزگاران د هه‌لبژارتنێن بريتانيا دا.
د په‌يامێ دا هاتيه” پيرۆزباهيا ڤێ سه‌ركه‌فتنا ديرۆكى ل هه‌وه دكه‌م، هيڤيدارم پێكڤه كاربكه‌ين بۆ پێشڤه‌برنا په‌يوه‌نديێن د ناڤبه‌را هه‌رێما كوردستانێ و بريتانيا”.
دهێته زانين پارتا پارێزگاران ل بريتانيا د هه‌لبژارتنێن په‌رله‌مانى دا ل وى وه‌لاتى، سه‌ركه‌فتنه‌كا مه‌زن بده‌ستڤه‌ئينا و پتريا كورسيێن په‌رله‌مانى بۆ خوه مسوگه‌ركرن.
ل ده‌مێ شه‌رێ دژى داعشێ دا، بۆريس جۆنسن سه‌رۆكێ پارتا پارێزگاران و سه‌رۆك وه‌زيرێن بريتانيا يێ نوكه، وه‌كو سه‌رۆكێ باژێرڤانيا له‌نده‌ن سه‌ره‌دانا هه‌رێما كوردستانێ كربوو ل به‌رۆكێن شه‌رى ژى سه‌ره‌دانا هێزێن پێشمه‌رگه‌ى كربوو.
فه‌رمانبه‌ر ل دۆر ده‌رمالێن قانوونى دهێنه پشت راستكرن
ئه‌ڤرۆ نيوز:
زانا مه‌لا خالد، ئه‌ندامێ په‌رله‌مانێ كوردستانێ ژ فراكسيۆنا پارتى ديموكراتى كوردستان راگه‌هاند، ئه‌وا د ناڤ پرۆژێ چاكسازيێ دا هاتى ب هيچ شێوه‌كى برينا ده‌رمالێن فه‌رمانبه‌رێن حوكمه‌تا هه‌رێما كوردستانێ نينه، به‌لكو رێكخستنا ده‌رمالايه و برينا وان ده‌رمالا يێن ب نه‌حه‌قى دهێنه وه‌رگرتن، له‌وما بلا فه‌رمانبه‌ر د پشت راست بن كو ده‌ستكارى د وان ده‌رمالان دا ناهێته كرن يێن ب قانوونێ هاتينه رێكخستن.
زانا مه‌لا خالد زێده‌تر گۆت” د هنده‌ك كه‌رتان دا ده‌رمالێن مه‌ترسيێ يێن هه‌ين، بۆ نموونه ل كه‌رتێ كاره‌بێ و ساخله‌ميێ، مخابن پشكه‌ك ژ فه‌رمانبه‌رێن هه‌ردو كه‌رتان ده‌رمالێن مه‌ترسيێ بۆ دهێنه مه‌زاختن و هيچ كاره‌كێ مه‌ترسيدار ژى ناكه‌ن”.
ناڤبرى زێده‌تر بۆ مالپه‌رێ فه‌رمى يێ پارتى ديموكراتى كوردستان گۆت” مه‌ره‌م ژ پرۆژێ قانوونا چاكسازيێ په‌يداكرنا يه‌كسانيێ و چه‌سپاندنا دادپه‌روه‌ريێ يه د ناڤ حوكمه‌تێ دا، ل به‌ر وێ چه‌ندێ ژى هه‌ر مووچه و ده‌رماله‌كێ قانوونى هه‌بيت، به‌لێ ده‌مێ گاڤ بۆ يه‌كسانيێ دهێته هاڤێتن، بێگومان هنده‌ك كه‌س دێ گازندێ كه‌ن”.
مه‌سرور بارزانى په‌يامه‌كێ ل دۆر چاكسازيێ به‌لاڤ دكه‌ت
ئه‌ڤرۆ نيوز:
سه‌رۆك وه‌زيرێن هه‌رێما كوردستانێ، مه‌سرور بارزانى راگه‌هاند، سه‌قايه‌كێ گونجاى هاتيه پێش كو ئێدى گه‌نده‌لى تێدا گه‌شێ نه‌كه‌ت و لژنه‌كا بلند ژ لايه‌نێن په‌يوه‌نديدارهاتيه پێكئينان بۆ پێداچوونێ د پرۆژێ چاكسازيێ دا و نوكه پرۆژێ قانوونا چاكسازيێ يێ به‌رهه‌ڤه بۆ هنارتنا وى بۆ په‌رله‌مانى.
مه‌سرور بارزانى، سه‌رۆك وه‌زيرێن هه‌رێما كوردستانێ، په‌يامه‌كا ڤيديۆيى ل سه‌ر به‌رپه‌رێ خوه ل تۆرا جڤاكى يا تويته‌رى به‌لاڤكر و تێدا ئاماژه ب پێداگريێ ل سه‌ر پرسا به‌رهنگاربوونا گه‌نده‌ليێ دكه‌ت و دبێژيت” ئه‌ز گه‌له‌ك يێ ل سه‌ر وى بابه‌تى رژدم و چاڤپۆشيێ ل گه‌نده‌ليا هيچ كه‌س و لايه‌نه‌كى ناكه‌م”.
هه‌روه‌سا گۆت”نوكه پێرابوونێن توند يێن هاتينه وه‌رگرتن به‌رامبه‌ر وان كه‌سێن كو بۆ كاركرنێ ل ده‌زگه‌هێن حوكمه‌تێ به‌رتيلێ وه‌ردگرن”.
سه‌رۆك وه‌زيرێن هه‌رێمێ وه‌لاتيان پشت راست دكه‌ت كو ب هه‌موو شيانان دێ روو ب روويێ گه‌نده‌ليێ بن و دبێژيت” گه‌له‌ك بزاڤ هاتينه كرن كو مه ژ روو ب رووبونا گه‌نده‌ليێ سار بكه‌ن، به‌لێ وه‌لاتيان پشت راست دكه‌م كو ب هه‌موو شيانان دێ د بزاڤێن خوه دا د به‌رده‌وام بين”.
ئێكه‌تیا ئافره‌تێن كوردستانێ به‌یاننامه‌ك به‌لاڤكر
ئه‌ڤرۆ:
ئێكه‌تیا ئافره‌تێن كوردستانێ ب هه‌لكه‌فتا 67 سالیا دامه‌زراندنا ئێكه‌تیا ناڤهاتی به‌یاننامه‌ك به‌لاڤكر كو تێدا هاتیه د سه‌رده‌مه‌كی دا كو رێبازا هیومانیست ل جیهانا پێشكه‌فتی ژنوو كه‌فتبوو سه‌رپێ، ئافره‌تان بزاڤ بۆ ب ده‌ستڤه‌ئینانا یه‌كسانیێ دكر كو رۆژهه‌لاتا ناڤه‌ڕاست د كاودانه‌كی دا بوو هزر و دیتنێن به‌ربه‌لاڤ ده‌ستهه‌لات بكاردئینا ل سه‌ر بنه‌مایێن هزری و زه‌لام سالاری هاتبوونه دانان.
د وێ ناڤه‌ندێ ژی دا نه‌ته‌وه‌یا كورد ب پێشه‌نگیا پارتی دیموكراتی كوردستان سه‌خترین خه‌باتا رزگاریا نشتیمانی ب رێڤه‌بر، ئێكه‌تیا ئافره‌تێن كوردستانێ ل رۆژا 11/12/1952 وه‌كو رێكخراوه‌ك بۆ خوه‌گرتنا پرسا ئافره‌تان ل هه‌ر دو ڕه‌هه‌ندێن جڤاكی و سیاسی، ل بن سیبه‌را پارتی دیموكراتی كوردستان و ب فه‌رمانا بابێ رۆحی یێ نه‌ته‌وه‌یی كورد (بارزانیێ نه‌مر) هاته دامه‌زراندن.
رێكخراوا دایك د 67 سالێن ئه‌زموونا خه‌باتێ دا ب هزره‌كا مرۆڤ خوازانه پرسا ئافره‌تێ ب خوه‌ڤه گرتیه و ئه‌ڤ رێكخراوه یا شانازه ب پشكداریا خوه د بزاڤا ئازادیخوازا گه‌لێ كوردستانێ دا د خه‌باتا مه‌ده‌نی و دیموكراسی ژی دا د دیرۆكا ئێكه‌تیا ئافره‌تان و بزاڤا ئافره‌تان دا ب شێوه‌یه‌كێ گشتی چه‌ندین ده‌ستكه‌فتێن گرنگێن قانوونی، جڤاكی، سیاسی بۆ ئافره‌تان ب ده‌ستڤه ئیناینه، داخوازا پشته‌ڤانیه‌كا زێده‌تر دكه‌ین و هه‌ر هزرا ڤێ قوتابخانێ و ڕوانگه‌ها پارتی دیموكراتی كوردستان ب ئاسۆیێ رزگاریا ئافره‌تێن كوردستانێ د زانین، ل ڤێرێ سۆپاس و رێزگرتن بۆ سه‌رۆكێ هێژا و ڕابه‌رێ نه‌ته‌وه‌یێ مه سه‌رۆك (مه‌سعود بارزانی) كو هه‌می ده‌مان پشته‌ڤانێ رێكخراوا مه یه، 67 سالیا دامه‌زراندنا رێكخراوا خوه ل كادر و ئه‌ندام و هه‌موو ئافره‌تان پیرۆز دكه‌ین، سلاڤ بۆ وان خانمێن پێشه‌نگ یێن كو د رۆژێن سه‌خت دا درێژی ب كاروانێ ڤێ رێكخراوێ دای، سلاڤێن گه‌رم و پڕ رێز و ڤیان بۆ دایكان و هه‌ڤژینێن شه‌هیدان و هه‌موو یه‌كسانی خوازێن كوردستانێ.
په‌رله‌مان دێ ئه‌ڤرۆ گه‌نگه‌شه‌يا ره‌وشا كاره‌بێ و سۆته‌مه‌نيێ كه‌ت
ئه‌ڤرۆ نيوز، نيوار محه‌مه‌د سه‌ليم:
ئه‌ڤر رۆژا سێشه‌مبى روونشتنا ژماره 9 يا ئاسايى يا په‌رله‌مانێ كوردستانێ دێ هێته كرن و دو پرۆژێن قانوونان و پرسا كاره‌با نشتيمانى و به‌لاڤكرنا گازێ ل سه‌ر وه‌لاتيان دێ هێته گه‌نگه‌شه كرن.
پێشتر سه‌رۆكاتيا په‌رله‌مانى راگه‌هاندبوو كو د روونشتنا ئه‌ڤرۆ دا دێ خواندنا دويێ بۆ پێشنيازا قانوونا (ريكلاما بازرگانى ل هه‌رێما كوردستانێ – عيراق) هێته كرن و خواندنا ئێكێ ژى بۆ پێشنيازا بڕيارا (رۆژێن هه‌لكه‌فتێن نه‌ته‌وا توركمان) هێته كرن.
دوهى سه‌رۆكاتيا په‌رله‌مانى د به‌ياننامه‌كێ دا، ئه‌ندامێن په‌رله‌مانێ كوردستانێ ئاگه‌هداركرن كو خاله‌كا دى بۆ به‌رنامێ كارێ روونشتنا ئه‌ڤرۆ رۆژا سێشه‌مبى 10ى كانوونا ئێكێ 2019 زێده كريه كو ئه‌و ژى به‌حسكرنه ل سه‌ر گه‌نگه‌شه‌كرنا پرسا كێشا كاره‌با نشتيمانى و به‌لاڤكرنا سۆته‌مه‌نيێ ل ڤى وه‌رزێ سه‌رمايێ ب سه‌ر وه‌لاتيان دا.
ل دۆر خوه‌نيشاندانێن سوباهى يێن به‌غدا هوشدارى دهێته دان
ئه‌ڤرۆ نيوز:
برياره سوباهى سێشه‌مبى ل به‌غدا خوه‌نيشادانه‌كا مليۆنى بهێته ئه‌نجامدان و فه‌رماندێ گشتيێ هێزێن چه‌كدار ل عيراقێ ژى بريارێ دده‌ت كو نابيت حه‌شدا شه‌عبى ده‌ستێوه‌ردانێ د كاروبارێن ئه‌منى دا بكه‌ت، سه‌ركرده‌كێ حه‌شدا شه‌عبى ژى خوه‌نيشادانا سوباهى ب تێكده‌ر د هه‌ژمێريت.
عه‌بدولكه‌ريم خه‌له‌ف، په‌يڤدارێ فه‌رماندێ گشتيێ هێزێن چه‌كگدارێن عيراقێ دووپات دكه‌ت كو سه‌رۆك وه‌زيرێن عيراقێ فه‌رمان دايه كو نابيت حه‌شدا شه‌عبى ده‌ستێوه‌ردانێ د كاروبارێ ئه‌منى دا بكه‌ت.
هه‌ر ل دۆر خوه‌نيشادانا سوباهى، قه‌يس خه‌زعه‌لى، سه‌رۆكێ گرۆپا عه‌سائيب ئه‌هلولحه‌ق يا سه‌ر ب حه‌شدا شه‌عبى ڤه راگه‌هاند” ئه‌وا دێ سوباهى هێته كرن، كاره‌كێ تێكده‌رانه‌يه”.
هه‌ڤده‌م ل هنده‌ك پارێزگه‌هێن عيراقێ بارێ نه‌ئاسايى هاته راگه‌هاندن و باليۆزخانا ئه‌مريكى ل عيراقێ ژى هوشدارى ل دۆر خوه‌نيشادانێن سوباهى ل باژێرێ به‌غدا دده‌ت.
نيشاندان
WP Facebook Auto Publish Powered By : XYZScripts.com