ئه‌ڤرۆ، حه‌مۆ محه‌مه‌د:
سه‌نته‌رێ پێشمه‌رگه یێ ره‌وشه‌نبیری دێ په‌نه‌له‌كێ هزری ل دۆر كاره‌ساتا ئه‌نفالێ ل ژێر ناڤێ (ئه‌نفال په‌نجه‌ره‌یه‌ك بۆ رامانێن ئه‌ڤرۆ) بۆ (د. محه‌مه‌د ئیحسان) و (لیوا حه‌سه‌ن نوری) ئه‌نجام ده‌ت.
دلدار محه‌مه‌د ژ راگه‌هاندنا سه‌نته‌رێ پێشمه‌رگه بۆ رۆژناما ئه‌ڤرۆ دیار كر، ب هه‌لكه‌فتا 31 سالیا كاره‌ساتا ئه‌نفالێن به‌هدینان، سه‌نته‌رێ پێشمه‌رگه یێ ره‌وشه‌نبیری سوبه هى 2/9/2019 و ل ده‌مژمێر 5:00 ئێڤاری دێ په‌نه‌له‌كێ هزری ل دۆر كاره‌ساتا ئه‌نفالێ ل هۆلا سه‌نته‌رێ ناڤبری ئه‌نجام ده‌ت.
دلداری ئاماژه ب وێ چه‌ندێ ژی كر كو دو ته‌وه‌ر د په‌نه‌لی دا دێ هێنه پێشكێشكرن، په‌نه‌لێ ئێكێ بناڤێ (رۆلێ بزاڤا ره‌وشه‌نبیری هه‌مبه‌ر كاره‌ساتـێن جینۆساید و ئه‌نفالان)ه بۆ (لیوا حه‌سه‌ن نوری) و ته‌وه‌رێ دویێ ژی بناڤێ (كارتێكرنێن جڤاكییێن ئه‌نفال)ێ نه بۆ (د. محه‌مه‌د ئیحسان).
ئه‌ڤرۆ نيوز:
ئه‌ڤرۆ رۆژا ئێكشه‌مبى 1/9/2019 مه‌سرور بارزانى سه‌رۆك وه‌زيرێن هه‌رێما كوردستانێ پێشوازى ل قونسلێ نوو يێ وه‌لاتێ فه‌ره‌نسا ل هه‌رێما كوردستانێ ئوليڤييه ديكۆرتينى كر و هه‌ردو لايان كومبوونه‌ك ژى ئه‌نجام دا.
سه‌رۆك وه‌زيرێن هه‌رێما كوردستانێ پيروزباهيا قونسلێ نوو يێ وه‌لاتێ فه‌ره‌نسا و د كومبوونه‌كێ دا چه‌ند بابه‌تێن گرنگ هاتنه به‌حس كرن، و تێدا په‌سنا رۆلێ وه‌لاتێ فه‌ره‌نسا هاته كرن كو هه‌رده‌م هه‌لويسێن باش هه‌بووينه بۆ كێشه‌يێن گه‌لێ كورد له‌ورا داخواز كر په‌يوه‌نديێن وان به‌ر ب باشتربن.
ژلايێ خوه ڤه قونسلێ فه‌ره‌نسا سوپاسيا سه‌رۆكێ حوكمه‌تا هه‌رێما كوردستانێ كر و دياركر ئه‌و دێ ب گرنگى ڤه كارناما كابينه‌يا نوو يا حوكمه‌تا هه‌رێمێ وه‌رگرن و حوكمه‌تا فه‌ره‌نسا ژى يا ئاماده‌يه پشته‌ڤانيا هه‌رێما كوردستانێ بكه‌ت د هه‌موو بواران دا.
ئه‌ڤرۆ نيوز، نيوار محه‌مه‌د سه‌ليم:
رۆژا 1ى ئيلۆنا 2019ێ خولا دانانا قانوونا يا وه‌رزێ پاييزێ يا سالا ئێكێ يا خولا پێنجێ يا په‌رله‌مانێ كوردستانێ يه.
پرۆژێ قانوونا چاكسازيێ د مووچه‌ى، ده‌رماله و خانه‌نشينيێ هيڤيا هه‌موو فراكسيۆنێن په‌رله‌مانى يه، ژبلى پرۆژێ قانوونا چاكسازيێ، بڕياره حوكمه‌ت 18 پرۆژێن قانوونێن دى كو د كه‌رتێن جودا دانه، بۆ په‌رله‌مانى ب هنێريت كو دبيته كارێ ده‌ستپێكى يێ لايه‌نێن پشكدار د ده‌سته‌لاتێ دا بۆ په‌سه‌ندكرنێ.
ئەڤرۆ نیوز؍عەلی حاجی :
سپێده‌یا ئەڤرۆ شەمبیێ ۳۱/۸/۲۰۱۹ ل سەر رێیا دوکەرێ ترومبێلەکا بارهەلگر خوە ل گەرەکێ پەزی ددەت و دبیتە ئەگەرێ برینداربوونا شڤانێ پەزی و کوشتنا ٦۰ سه‌رێن پەزی و برینداربوونا ۲۰ پەزەكێن دى .
ئەحمەد گوللی؍شاهد حالەکێ روودانێ بۆ ئەڤرۆ نیوز دیارکر ئەڤ روودانە ل دەمژمێر ۱۰ی سپێدێ روویدا دەما ترومبێلەکا بارهەلگر ژ ئەگەرێ نەمانا ستوپ خوە ل گەرەکێ پەزی د دەت ؍د ئەنجامدا شڤانێ وێ گەڕێ پەزی بریندار دبیت و دهێتە هنارتن بۆ نەخوه‌شخانا زاخۆ، ل دووڤ پێزانینان ژی نوکە رەوشا ساخله‌مى یا وی شڤانی یا باشە.
هه‌روه‌سا د وێ روودانێ دا ٦۰ سەرێن پەزی هاتنە کوشتن و ۲۰ پەزێن دی ژی بریندار دبن؍نێزیکی ۳ هەتا ٤ سەرێن پەزی ژی ژئەگەرێ دژواریا برینا وان دهێنە سەرژێکرن؍ئەڤ روودانە د ناڤبەرا گوندێن گوفکا سەری و گوفکا بنی سەر ب ناحیا باتیفا دروست بوویە .
ناڤهاتی گوت ژی :ب گۆره‌ى پێزانینان ئەو پەزە یێ وه‌لاتیەکێ دەڤەرا زاخۆیە ؍شڤانێ گەڕێ پەزی ژی خزمێ خودانێ وێ گەڕێ؍بتنێ وەکو شڤان ل ڤان گوندان ئەو پەزە د چەراند و شڤانێ پەزی خەلکێ شنگالێ یە و ماوەیەکێ ل ڤێ دەڤەرێ کاری شڤانیێ دكه‌ت.
ئه‌ڤرۆ نيوز:
سه‌رۆك وه‌زيرێن هه‌رێما كوردستانێ، مه‌سرور بارزانى ئه‌ڤرۆ پێنجشه‌مبى 29/8/2019 پێشوازى ل شانده‌كێ بلند يێ وه‌زاره‌تا ناڤخوه يا عيراقێ ب سه‌رۆكايه‌تيا ياسين ئه‌لياسرى وه‌زيرێ ناڤخوه كر.
وه‌زيرێ ناڤخوه‌يا عيراقێ خوه‌شحاليا خوه ده‌ربرى به‌رامبه‌ر دروستبوونا وى سه‌قايێ ئه‌رێنى يێ نوكه د ناڤبه‌را هه‌رێما كوردستانێ و به‌غدا هه‌ى وئاماژه ب وێ چه‌ندێ كر كو لێكتێگه‌هشتنه‌كا باش د ناڤبه‌را هه‌ردو وه‌زاره‌تێن ناڤخوه يێن هه‌رێما كوردستانێ و عيراقێ دا يێ هه‌ى وهه‌ر كێشه‌كا بهێته پێش ژى پێدڤيه ب گۆره‌ى دستوورى بهێته چاره‌سه‌ركرن.
مه‌سرور بارزانى سوپاسيا وه‌زيرێ ناڤخوه‌يێ عيراقێ كر بۆ هه‌ماهه‌نگى وهاريكاريا وان ل گه‌ل وه‌زاره‌تا ناڤخوه يا هه‌رێما كوردستانێ.
د كۆمبوونه‌كێ دا ب به‌رهه‌ڤبوونا رێبه‌ر ئه‌حمه‌د وه‌زيرێ ناڤخوه‌يا هه‌رێمێ، ئاماژه ب كێشا نشينگه وه‌رگرتنێ 10 هزار دينارێن عيراقى هاته كرن كو ژ هه‌موو وه‌لاتيه‌كێ ده‌رڤه‌ى هه‌رێما كوردستانێ دهێته وه‌رگرتن، مه‌سرور بارزانى ئاماژه ب وێ چه‌ندێ كر كو ئه‌و ميكانيزمه ب ناڤێ (ئيقامه) دهاته نياسين وبۆ پاراستنا ئاسايشا هه‌رێما كوردستانێ و گه‌شتياران بوو، ژ نوكه و پێڤه ناڤێ وێ دێ بيته (دلنيايى يا ئاسايشێ).
هه‌روه‌سا ل سه‌ر فه‌رمانا مه‌سرور بارزانى سه‌رۆك وه‌زيرێن هه‌رێما كوردستان بريار هاته دان ژ نوكه و پێڤه حوكمه‌تا هه‌رێمێ مه‌زاختيێن (دلنيايى يا ئاسايشێ) دابين بكه‌ت و ژ 1/9 و وێڤه چو پاره ژ وه‌لاتيێن پارێزگه‌هێن عيراقێ كو سه‌ره‌دانا هه‌رێما كوردستانێ دكه‌ن ناهێنه وه‌رگرتن.
ئه‌ڤرۆ نيوز:
سه‌رۆك مه‌سعود بارزانى ئه‌ڤرۆ چارشه‌مبى 28/8/2019 پێشوازى ل شانده‌كێ مه‌زن يێ كه‌سايه‌تيێن پارێزگه‌ها به‌سرا كر كو ژ سه‌رۆك عه‌شير و زانايێن ئايينى وكه‌سايه‌تيێن ئه‌كاديمى يێن وێ پارێزگه‌هێ پێكهاتبوو.
د ديداره‌كێ دا شاندێ مێهڤان سلاڤ ورێزێن خه‌لكێ پارێزگه‌ها به‌سرا گه‌هاندنه سه‌رۆك بارزانى و گه‌لێ كوردستانێ ودووپاتى ل سه‌ر سۆز و خوه‌شتڤيا خه‌لكێ وێ پارێزگه‌هێ بۆ سه‌رۆك بارزانى و خه‌لكێ كوردستانێ كر.
شاندێ به‌سرا ئاماژه ب په‌يوه‌نديێن برايانه و كه‌ڤن يێن خه‌لكێ به‌سرا ل گه‌ل خه‌لكێ كوردستانێ كر و راگه‌هاند كو هه‌ر ئه‌و سۆزه بوو بوويه ئه‌گه‌رێ وێ چه‌ندێ ب ده‌هان هزار خه‌لكێ به‌سرا ل ده‌مێ زڤرينا بارزانيێ نه‌مر و هه‌ڤالێن وى ژ ئێكه‌تيا سوڤيه‌تى يا جاران بۆ پێشوازيكرنا وان د چڤه‌رێكرنا وان دا راوه‌ستن، نوكه ژى هه‌مان سۆز و خوه‌شتڤى بۆ سه‌رۆك بارزانى و خه‌لكێ كوردستانێ يا هه‌ى ودخوازن وێ برايينيا كه‌ڤن زێده‌تر بهێته پێشڤه‌برن.
هه‌ر د وى چارچۆڤه‌ى دا شاندێ پارێزگه‌ها به‌سرا داخواز ژ سه‌رۆك بارزانى كر كو د ده‌ليڤه‌كا گونجاى دا سه‌ره‌دا وێ پارێزگه‌هێ بكه‌ت.
شاندێ مێهڤان به‌حسێ گرفت وكێشێن تايبه‌ت ب نه‌بوونا خزمه‌تگوزاريان ل پارێزگه‌ها به‌سرا كر و هيڤى خواستن ئه‌و پێشكه‌فتنا ل هه‌رێما كوردستانێ هه‌ى بگه‌هيته هه‌موو ده‌ڤه‌رێن دى يێن عيراقێ وبۆ وێ مه‌ره‌مێ داخواز ژ سه‌رۆك بارزانى كر كو ب رێيا وه‌زير و نوونه‌رێن كورد ل به‌غدا بزاڤێ بكه‌ن پرۆژێن ئاڤێ و ئاكنجيكرنێ ل پارێزگه‌ها به‌سرا بجهبينن وكێشێن وێ پارێزگه‌هێ بهێنه چاره‌سه‌ركرن.
سه‌رۆك بارزانى دووپانى ل پێشڤه‌برنا په‌يوه‌نديێن برايينى د ناڤبه‌را گه‌لێ كوردستانێ و خه‌لكێ به‌سرا و هه‌موو خه‌لكێ عيراقێ كر و راگه‌هاند هه‌رچه‌نده رژێمێن ئێك ل دووڤ ئێك يێن عيراقێ گه‌له‌ك بزاڤكرن كێشا د ناڤبه‌را شوره‌ه‌شا كوردى ل گه‌ل ده‌ستهه‌لاتا عيراقێ بكه‌نه كێشا كورد و عه‌ره‌با، به‌لێ شوره‌شا كوردى رێ ب وێ چه‌ندێ نه‌دا.
سه‌رۆك بارزانى سه‌باره‌ت كێشێن خزمه‌تگوزارى يێن پارێزگه‌ها به‌سرا نيگه‌رانيا خوه ده‌ربرى و راگه‌هاند، مه ژى رێز و سۆزه‌كا مه‌زن بۆ خووشك و برايێن مه ل به‌سرا يا هه‌ى وجهێ حێبه‌تيێ يه پارێزگه‌هه‌كا وه‌كو به‌سرا كو شاده‌مارا ئابوورێ عيراقێ يه كێشا خزمه‌تگوزاريان لێ هه‌بيت و هه‌ر چ ژ ده‌ستێ مه بهێت بۆ پشته‌ڤانيا داخوازێن ره‌وا يێن خه‌لكێ به‌سرا خه‌مساريێ ناكه‌ين.
ئەڤرۆ نیوز، نەوزاد هلۆری:
ئەڤرۆ جڤاتا پارێزگەها دهۆکێ ل دۆر بهایێ ئه‌ریزان پشتی کو ژلایێ كۆمپانیەكا راسپاردی هاتیە دیارکرن، ب بەرهەڤبوونا نوونەرێ کومپانیێ و دادنوس و داواکارێ گشتی ئەنجام دا، ل دووماهیا كۆمبونێ سەرۆکێ جڤاتێ دیارکر کو ئەو وەکو جڤاتا پارێزگەها دهۆکێ ل گەل وێ چه‌ندێ نینن کو بهایێئه‌ریزان بهێتە گرانکرن ژبەرکو دێ بارگرانیێ ل سەر وەلاتیان درۆست کەت.
ئه‌ڤرۆ نيوز: ره‌وان نهێلى:
پرۆژێ دروستكرنا جوتسايدكرنا رێيا رووڤيا بۆ چه‌مه‌ى كو رێيه‌كا ستراتيژى يا د ناڤبه‌را پارێزگه‌ها دهۆك و هه‌ولێرێ دا دايه، ژ ئاليێ كۆمپانيا كاڤين گرۆپ ڤه دهێته بجهئينان و نوكه ب رێژا 56% ب دووماهى هاتيه و ل نێزيك دێ 5 كم رێيێ هێنه ڤه‌كرن كو هاتيه قێركرن.
b
پرۆژێ رێیا جوتسایدكرنا رووڤیا بۆ چه‌مه‌ی كو 22 كم رێكێ نه، ل دووڤ گوتنا ئه‌ندازیار كامیران عه‌بدولا رێڤه‌به‌رێ پرۆژێ جوتسایدێ روڤيا بۆ چه‌مه‌ى، نوكه ب رێژا 56% ب دووماهی هاتینه و 30% رێ هاتيه قێركرن و ل دوماهيا ئه‌ڤ ساله دێ پرۆژه ب دووماهى هێت ل سه‌ر دو قاتێن قێرى و قاتێ سيێ دێ بۆ سالا بهێت بيت.
پرۆژێ رێیا جوتسایدكرنا رێیا رووڤیا بۆ چه‌مه‌ی كو ب گوپال به‌رنیاسه، ل 25/9/2018 ب به‌رهه‌ڤبوونا نێچیرڤان بارزانی سه‌رۆكێ حوكمه‌تا هه‌رێما كوردستانێ به‌رێ بنیاتی بۆ هاتیه دانان كو 22 كم رێكێ نه و ژ ئالیێ كومپانیا كاڤین كرۆپ ڤه دهێته جێبه‌جێكرن كو ژ 7 ئوڤه‌رپاسان پێكدهێت و هه‌ردو پارێزگه‌هێن هه‌ولێر و دهۆك پێكڤه گرێدده‌ت.
دانا عه‌بدولكه‌ریم وەزیرێ ئاڤەدانکرن و ئاکنجیبوونێ یێ حکوومەتا هەرێما کوردستانێ ئه‌ڤرۆ سه‌ره‌دانا پرۆژێ دروستكرنا جوتسايدكرنا رێيا رووڤيا بۆ چه‌مه‌ى دا و ل نێزيك ئاگه‌هدارى قوناغێن بجهئينانا وێ بوو.
ئه‌ڤرۆ نيوز:
ل ده‌ستپێكا هه‌يڤا داهاتى گوهۆرينێن حكومى دپلێن بريكارێن وزيران ورێڤه‌به‌رێن گشتى وپارێزگار قايمقم ورێڤه‌به‌رێن ناحيان ل دووڤ ميكانيزمه‌كا قانوونى وكارگێرى يا گونجاو دێ ده‌ستپێكه‌ن.
ژێده‌ره‌كێ به‌رپرس وئاگه‌هدار ل حوكمه‌تا هه‌رێما كوردستانێ دياركر” ل 1/9/2019 حوكمه‌تا هه‌رێما كوردستانێ ل سه‌ر بنه‌مايێ رێككه‌فتنێن سياسى د ناڤبه‌را لايه‌نان بۆ پێكئينانا حوكمه‌تێ ومافێ هه‌لبژارتنان ل دووڤ وان كورسيێن لايه‌نێن پشكدار د هه‌لبژارتنێن بۆرى يێن په‌رله‌مانێ كوردستانێ ب ده‌ستڤه‌ئيناين كو پارتى ديموكراتى كوردستان ب 45 كورسيان سه‌ركه‌فتيێ ئێكێ بوو وئێكه‌تى نيشتمانى كوردستان 18 كورسى وبزاڤا گۆران 12 كورسى، ب گۆره‌ى ميكانيمه‌كێ قانوونى وكارگێرى يێ گونجاو، گوهۆرينان دێ د پۆستێن حوكمه‌تێ دا ل خوار وه‌زيران دا ئه‌نجام ده‌ت.
وى ژێده‌رێ به‌رپرس ل حوكمه‌تا هه‌رێما كوردستانێ زێده‌تر بۆ باس گۆت” گوهۆرين دێ بريكارێن وه‌زيران و رێڤه‌به‌رێن گشتى وپارێزگار وقايمقام ورێڤه‌به‌رێن ناحيان، هه‌روه‌سا ئه‌و پۆستێن ب وه‌كاله‌ت دهێنه ب رێڤه‌برن ڤه‌گريت كو ئه‌وێن ژيێ خانه‌نشينيان وان هاتى، دێ هێنه خانه‌نشينكرن وئه‌وێن چار سال زێده‌تر د وى پۆستى دا دێ هێنه گوهۆرين”.
نيشاندان