ئەڤرۆ نیوز، رێوار مزیری:

بەرپرسێ پشکا پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ دیار کر کو پشتی پۆلیسێن ھەوارھاتنێ ل دھۆکێ ئەڤرۆ رۆژا ٢٥/٨/٢٠١٩ێ ل سەر دیتنا تەرمێ زەلامەکی ل  تاخێ مالتایێ یێ باژێرێ دهۆکێ ھاتینە ئاگەھدارکرن ئێکسەر گەھشتنە جھێ روودانێ و دیاربوو کو بەری چەند رۆژان وی زەلامی د مالا خوە ڤە خوە کوشتیە.

موقەدمێ مافپەروەر ھێمن سلێمان، بەرپرسێ پشکا پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ بۆ ئەڤرۆ نیوز خویا کر کو پشتی پۆلیسێن ھەوارھاتنێ ل سەر دیتنا تەرمێ زەلامەکێ د ژیێ ٧٨ سالیێ دا ل تاخێ مالتایێ یێ باژێرێ دھۆکێ ھاتینە ئاگەھدارکرن ئێکسەر گەھشتنە جھێ روودانێ و د ڤەکۆلینێن دەستپێکی دا دیاربوو کو وی زەلامی بەری چەند رۆژان خوە د مالا خوە ڤە کۆشتیە و کەسێ ئاگەە ژێ نەبوویە.
ناڤھاتی ئاماژە دا وێ چەندێ کو ئەڤ زەلامە خەلکێ پارێزگەھا دھۆکێ یە و گۆت: “نوکە پەرێن ڤەکۆلینێ ل نڤیسینگەھا کوشتن یا نەھێلانا گونەھباریان ھاتینە ڤەکرن بۆ تمامکرنا ڤەکۆلینێ”.

ئه‌ڤرۆ نيوز، حه‌مۆ محه‌مه‌د:

به‌رپرسێ‌ راگه‌هاندنا رێڤه‌به‌ریا هاتنوچوونا پارێزگه‌ها دهۆكێ‌ بۆ ئه‌ڤرۆ نیوز دیار كر، به‌ری ده‌مه‌كی روودانه‌كا هاتنوچوونێ‌ ل سه‌ر جاددا سه‌ره‌كی یا د ناڤبه‌را كۆمه‌لگه‌ها چڕه‌ی و قه‌زا شێخان دا روودا و تێدا ژنه‌كێ‌ گیانێ‌ خوه‌ ژ ده‌ست دا.

موقه‌ده‌مێ‌ مافپه‌روه‌ر ئازاد تاها، به‌رپرسێ‌ راگه‌هاندنا رێڤه‌به‌ریا هاتنوچوونا دهۆكێ‌ خویا كر، ئه‌ڤرۆ ئێڤاری 24/8/2019 روودانه‌كا هاتنوچوونێ‌ ژ جۆرێ‌ لێكدان د ناڤبه‌را چار ترۆمبێلان دا كو دو ژ جۆرێ تویۆتا كرۆلا تایبه‌ت بوون و ئێك ژی بارهه‌لگر فاو و موشه‌یه‌كا تركی بوون ل سه‌ر جاددا سه‌ره‌كی یا د ناڤبه‌را كۆمه‌لگه‌ها چڕه‌ی و قه‌زا شێخان دا ل نێزیك گوندێ‌ مامره‌شان روودا و گۆت: “د وێ‌ روودانێ‌ دا ژنه‌كێ‌ گیانێ‌ خوه‌ ژ ده‌ست دا و سێ‌ كه‌س ژی بریندار بوون كو برینا ئێك ژ وان یا دژواره‌”.

ئاشكرا ژی كر، ترۆمبێله‌ك ژ وان پشتی روودانێ‌، ل جهێ‌ روودانێ‌ نه‌مایه‌ و چوویه‌، له‌و دووڤچوون ل سه‌ر یا به‌رده‌وامه‌ و ل نێزیك دێ‌ هێته‌ ده‌سته‌سه‌ركرن.

موقه‌ده‌مێ‌ مافپه‌روه‌ر ئازاد تاها دا زانین كو دوهی رۆژا ئه‌ینی ژی شه‌ش روودانێن جودا یێن هاتنوچوونێ‌ ل پارێزگه‌ها دهۆكێ‌ روودابوون و 13 كه‌س ژی د ئه‌نجام دا بریندار بوون.