ئەڤرو نیوز، نەوزاد هلوری:
پشتی کو هژمارەکا مه‌زن يا وەلاتیێن هەرێما کوردستانێ قەستا سعودیێ و مەکەها پیرؤز کری ب مەرەما بجهکرنا ئەرکێن حەجێ، ل سەر داخوازیا وان سوبەهی رؤژا ئه‌ینیێ دێ گوتارا ئه‌ینیێ ل مەککەهێ ب زمانێ کوردی بیت.
نەبەز ئیسماعیل، ئاخفتنکەرێ وەزارەتا ئەوقاف و کاروبارێن ئاینی بۆ ئەڤرۆ نیوز گوت: (ل سەر داخوازیا وەلاتیێن کورد ئه‌وێن ب مەرەما حەجێ نوکە ل مەکەهێ و سعودیێ، سوبەهی ل نێزیک حەرەما مەکەهێ دێ گوتارا ئه‌ینیێ ب زمانێ کوردی هێتە خواندن و حەجیێن کورد ب تایبەتی ئه‌وێن زمانێ عەرەبی نزانن و بخوازن گوهداریا گوتارا ئه‌ینیێ ب زمانێ کوردی بکەن دشین بچنە جهێ دیارکری).
زیدەتر گوت: (ئەو جهێ کو هاتیە دەستنیشانکرن بۆ گوتارا ئه‌ینیێ جهێ زیدەتر ژ هزار کەسان یا هه‌ى، زێدەباری گوهداریکرنا گوتارا ئەینیێ ژلایێ حەجیان ل مەکەهێ،هه‌ڤدەم وەلاتیێن هەرێما کوردستانێ ژی دشێن ب رێیا لینکەکێ تایبەت بینەر و گوهداریا گوتارا ئه‌ینیێ ل مەکەهێ بکەن).
نيشاندان
